Chuk-ի խոսքերից
Մեֆ, փորձեմ հանգամանալից:
Եթե ունենայինք օրինակարգ (լեգիտիմ) իշխանություն, որն ընտրվել է ժողովրդի կողմից, եթե այդ իշխանությունը ականջալուր լիներ ժողովրդի, մասնավորապես ընդդիմության ձայնին, հաշվի առներ կարծիքը, եթե ունենայինք հավաքների իրական ազատություն, մարդիկ հանգիստ կարողանային իրենց ցանկացած բողոքը ցույցերի, պիկետների, երթերի ձևով անցկացնել ու չմնալ անտեսված, եթե ոստիկանությունը ամբողջությամբ գործեր օրենքի դաշտում, չոտնահարվեին քաղաքացիների իրավունքները, այդ թվում ազատ խոսքի ու ազատ տեղաշարժման իրավունքները, եթե ունենայինք արդար դատարաններ, որտեղ մարդուն կդատեին օրենքի տառին համապատասխան, հանցագործին կդապարտեին, հանցանք չգործածին կարդարացնեին, եթե իշխանությունը վարեր նորմալ սոցիալական քաղաքականություն ու քաղաքացուն չստորացներ, ու սենց լիքը ուրիշ եթեներ, այլ կերպ ասած եթե ունենայինք նորմալ երկիր, ապա եթե Շանթը աներ էն, ինչ արել է, ես ողջ պատասխանատվությունը կդնեի իր վրա: Չնայած այդ դեպքում սցենարը լրիվ այլ կերպ կգնար ու բոլորին ակնհայտ կլիներ, որ ինքը մեղավոր ա:
Եթե ես երեկվա դեպքերին նայեմ չոր օրենքի տեսակետից, ապա նորից կասեմ, որ Շանթն ունի մեղավորություն:
Սակայն եթեների առաջին շարքս (նորմալ երկրի պայմանները) բացակայում ա, իսկ երկրորդ եթեն (չոր օրենքով նայելու) չեմ պատրաստվում անել:
Ես երեկվա դեպքերին նայում եմ ներկայիս Հայաստանի Հանրապետության քաղաքացու աչքով, ում երկրում իշխանությունը բռնազավթված է ավազակախմբի կողմից, որտեղ քաղաքացին ստորացված է ու չունի սահմանադրությամբ իրեն վերապահված ազատությունները, որտեղ ոստիկանները դարձել են մահակ իշխանության ձեռքին՝ մոռանալով իրենց դերն ու նշանակությունը, որտեղ դատական համակարգը կոչված է դակելու իշխանության որոշումները: Այս պարագայում ես պարզապես ինձ իրավունք չեմ վերապահում դատապարտելու Շանթին: Առանց ինձ էլ իշխանությունը զավթած ուժերը դա անելու են: Անելու են կամայական, որովհետև շատ ավելի լուրջ հանցանք գործածները, վայելելով իշխանությունը զավթածները բարեհաճությունը, ազատության մեջ պտտվում են, իսկ Շանթին դատելու են ամենախիստ ձևով, որովհետև որևէ տարբերակով դուրս է եկել իշխանությունը զավթածների դեմ: Ուրեմն Շանթին դատապարտելու գործը ես թողնում եմ հանցավոր իշխանությանը, իսկ ես դատապարտում եմ երեկվա դեպքերի երկրորդ կողմին, իշխանությանը, ով ոչ միայն իր հանցավոր գործունեությամբ Շանթին հասցրել է այն վիճակին, որ վերջինս գնա ռադիկալ քայլերի, այլև տեսնելով որ ռադիկալ քայլերի է գնում չի փորձել դրա դեմն առնել, որպեսզի կարողանա սարքել այս թամաշան:
Ես ինքս հեղափոխության խաղաղ ճանապարհն եմ տեսնում, ինչը կարծում եմ ակումբցիների մեծ մասին հայտնի է: Բայց ես նաև ինձ իրավունք չեմ վերապահում դատապարտել այլ ճանապարհ տեսնողներին, որովհետև ամեն դեպքում ես դեռ չեմ կարողացել իրականացնել իմ խաղաղ հեղափոխությունը, չեմ կարողացել կրիտիկական թվով մարդկանց համոզել իմ տեսակետի ճշմարտացիության մեջ, որպեսզի նրանց հետ միասին իրականացնեմ այդ խաղաղ հեղափոխությունը: Ուրեմն ես իրավունք չունեմ դատապարտելու այլ ճանապարհ տեսնողներին, ինչքան էլ որ ինքս այդ գաղափարի, այդ տեսակետի, այդ աշխարհայացքի, այդ ճանապարհի կրողը չլինեմ: Ավելին, ես Շանթին հարգում եմ հեչ որ չէ նրա համար, որ էս տարիներին հարյուրավոր մարդկանցից լսել եմ, որ ուժով հեղափոխությունն ա ճիշտը, բայց իրանք դա ասել են վտանգից անվտանգ հեռավորության վրա գտնվելով, իսկ Շանթը գոնե արել է էն, ինչ բարձրաձայն հայտարարել է, որ ճիշտն է համարում: Ես կարող եմ չկիսել իր տեսակետը, կարող եմ սխալ համարել իր մոտեցումը, բայց չեմ կարող չհարգել իր սկզբունքայնությունը:
Էսքանը, ավելացնելու բան չունեմ:
Մեջբերել
Էջանիշներ