Քաղաքական քննարկումներ՝ թեմայից դուրս

[Մարկիզ]

Հատուկ Հ, Գևորգյանի համար…

http://www.youtube.com/watch?v=_y29i...eature=related

[Chuk]

'ՁԵՎԱՎՈՐՎՈՒՄ Է ԴԱՐՉՆԱԳՈՒՅՆ ՀՐԵՇԻ ԿԵՐՊԱՐԱՆՔԸ'
Բաց նամակ բոլոր նրանց, ում ծանոթ է Միլոշ Ֆորմանի 'Թռիչք կկվի բնի վրայով' կինոնկարը:

Եվ դեռ գրությունը չսկսած` հ.գ.

Մինչ Մտավորականների Ֆորումի ավագանու տարեցները, բնությունից իրենց սահմանված անշտապողականությամբ, թղթին կհանձնեին քաղբանտարկյալ Շանթ Հարությունյանի ճակատագրին առնչվող խոսքը` վրա հասան լրագրող Գագիկ Շամշյանի նկատմամբ ֆաշիզմ հիշեցնող հաշվեհարդարն ու պետական Համալսարանի /թեկուզ և իրոք կաշառակեր/ դասախոսների նկատմամբ ուղղակի և անուղղակի իմաստով փողոցային ակցիան: Անհրաժեշտ է այդ ակցիան նախաձեռնողներին հուշել, որ թեև կան կաշառակեր դասախոսներ, և հավանաբար դրանց թիվը փոքր չէ, բայց կա նաև 'դասախոս' հասկացությունը, որը չի կարելի ոտքի տակի փալաս դարձնել, մանավանդ, որ ակցիան կազմակերպողների նկրտումները ոչ պակաս արատավոր կարող են լինել քան որոշ կաշառակեր դասախոսների նկրտումները:

Մեր համոզումով որևէ չարիքի դեմ պայքարի ամենաարդյունավետ եղանակը օրինականության դաշտում պայքարելն է: Եվ եթե մեզանում այդ դաշտն ինքը ծածկված է անօրինականության մացառով ու մոլախոտով` միևնույնն է առավել անօրինական քայլերի /այս դեպքում խոսքը բարոյական, չգրված օրենքի մասին է/ չպետք է դիմել:

Իսկ այժմ կկվի բնի վրայով թռիչքի մասին:

Անկախ այն հանգամանքից, թե մեզանից յուրաքանչյուրը հասարակական դիմակայության որ կողմում է գտնվում` մեզ իրավունք չպետք է տանք անտարբեր մնալ այն հանցավոր իրողության նկատմամբ, որը ձևավորվում է քաղբանտարկյալ Շանթ Հարությունյանի շուրջ: Մամուլում տեղ գտած տեղեկատվությունը, համաձայն որի կալանավորը հայտարարել է, որ իրեն անպատեհ ներարկում են կատարել, որի հետևանքում նա փաստորեն գտնվում է հացադուլավորի վիճակում` սահմռկեցուցիչ է: Շոշափելիորեն ձևավորվում է այն խարանը, որը դրոշմվելու է մեզանից յուրաքանչյուրի ճակատին` բնավ հաշվի չառնելով, թե այն ում ճակատն է` ինչ պարգևների ու կոչումների տեր մարդու: Եվ հիշենք այդ սքանչելի ֆիլմի ավարտը: Հոգեբուժարանում հայտնված հսկայամարմին հնդկացին /որն, ի դեպ, խորհրդանշում էր այդ հողի բուն, էթնիկ տիրոջը/ գերմարդկային ուժով պոկեց ցայտաղբյուրի ծանրածանր շինվածքը, դրանով խորտակեց արգելոցի դարպասը և հեռացավ, կորավ մթության մեջ:

Սթափության կոչ ենք անում մեր մտավորականներին. մեզանում որոշակիորեն ձևավորվում է դարչնագույն հրեշի կերպարանքը: Անհավանական չէ` կգա մի օր, երբ մթության մեջ կորչելը կհամարվի բարեբախտություն:

Այդպիսի` նախնի ենք ցանկանում լինել մեր թոռների, մեր ծոռների համար: Այս հարցին մեզանից յուրաքանչյուրը պետք է պատասխանի անձնապես, Զորավար Անդրանիկի խորհրդով գիշերը, գլուխը բարձին դնելուց հետո` քնելուց առաջ:

Մտավորականների Ֆորումի Ավագանի և համակարգող խորհուրդ

աղբյուր՝ lragir.am

[Տրիբուն]

ԲԱՐԳԱՎԱՃ ՀԱՅԱՍՏԱՆԸ ԱԿՆԱՐԿՈՒՄ Է ՎԻԿՏՈՐ ԴԱԼԼԱՔՅԱՆԻ ՊՈՊՈՒԼԻԶՄԻ ՄԱՍԻՆ
Մարտի 20-ին տեղի ունեցած խորհրդարանական ճեպազրույցների ընթացքում լրագրողները ԲՀԿ ներկայացուցիչներին հարց են ուղղել կապված պատգամավոր Վիկտոր Դալլաքյանի այն օրենսդրական նախաձեռնության հետ, որով պատգամվորը առաջարկում է 20 տոկոսով ինդեքսացիայի ենթարկել կենսաթոշակներն ու սոցիալական հատկացումները, բարձրացնելով դրանք, քանի որ տնտեսական ճգնաժամ է:
ԲՀԿ ներկայացուցիչներ Նաիրա Զոհրաբյանն ու Արամ Սաֆարյանը ի պատասխան նախ նկատել են, որ երբ խոսք է գնում հակաճգնաժամային քայլերի մասին, ապա պետք է չմոռանալ, որ Բարգավաճ Հայաստանն առաջինն է հայտարարել Հայաստանում ծառայություն մատուցող եւ արտադրանք տվող ընկերություններին լրացուցիչ հարկերով չծանրաբեռնելու անհրաժեշտության մասին, իսկ ԲՀԿ նախագահ Գագիկ Ծառուկյանն էլ հայտարարել է, որ չի կրճատի իր ընկերություններում աշխատող եւ ոչ մի անձի ու չի նվազեցնի որեւէ մեկի աշխատավարձը: Իսկ Գագիկ Ծառուկյանը, ըստ Արամ Սաֆարյանի տվյալի, աշխատավարձ է տալիս 20 հազար մարդու: Այդ իսկ պատճառով, Արամ Սաֆարյանն ասում է, որ երբ խոսվում է իշխանության հակաճգնաժամային այս կամ այն քայլերի մասին, ապա պետք է հիշել 2009 թվականին ոչ մի կրճատում չանելու մասին Գագիկ Ծառուկյանի հայտարարությունը:
Իսկ Նաիրա Զոհրաբյանը հայտարարել է, թե կարելի է պոպուլիստական տարբեր օրինագծեր ներկայացնել թոշակների կամ աշխատավարձերի բարձրացման մասին, սակայն պետք է լինել իրատես, ռեալ գնահատել իրավիճակն ու մտածել այնպիսի քայլերի մասին, որոնց հնարավորությունը կա:

Լրագիր

Էս հարգելի պարոնը մոռացել է, որ գագիկ Ծառուկյան գործարարն ու իշխանույթունը լրիվ տարբեր բաներ են: Կամ էլ իրոք այլևս ոչ մի տարբերություն չկա, ու մարդը պարզ ասում է դա ու մենք չենք հասկանում: Ի՞նչ եք կպել իշխանություններից, հենա Գագիկ Ծառուկյանն իր փայ ամեն ինչ անում է:

[Aurora]

Չգիտեի որտեղ տեղադրել, խնդրում եմ քվեարկեք։
http://www.msnbc.msn.com/id/21253084/from/et/

[ministr]

Էլի էս հարցումը? Գոնե լավա չեք գրում yes-ա պետք թե no ինչն իրա հերթին միանշանակ չի

[Վիշապ]

Չէ բայց սա դուք պիտի կարդաք... իսկի նոր թեմա բացելու բան էլ չի.

Նախագահ Սերժ Սարգսյանի բացման խոսքը քաղաքական կուսակցությունների նախագահների հետ «Համաշխարհային ֆինանսատնտեսական ճգնաժամը եւ Հայաստանը» թեմատիկ խորհրդակցությանը

Այս ձեւաչափով մեր երկրորդ հանդիպումն է: Հիշում եք, առաջին հանդիպման թեման Լեռնային Ղարաբաղի խնդրի խաղաղ կարգավորման ընթացքն էր: Հայաստանյան բոլոր քաղաքական ուժերը, ովքեր ասելիք ունեին, այդ հնարավորությունը ստացան, ովքեր խնդիրներ ունեին բարձրացնելու, այս դահլիճում այդ խնդիրները բարձրաձայնեցին: Մենք էլ մեր հերթին փորձեցինք պատասխանել այդ հարցերին, փորձեցինք տեսանելի դարձնել այն ճանապարհները, որոնցով մենք նպատակադրված էինք առաջ շարժվելու: Եւ կարծում եմ, որ այդ փորձը հաջողված փորձ էր:

Այսօր աշխարհի ուշադրության ու քննարկումների կիզակետում համաշխարհային ֆինանսատնտեսական ճգնաժամն է, որի ազդեցությունն իրենց վրա այս կամ այն չափով զգում են բոլոր պետությունները: Հայաստանն ու մեր տնտեսությունը մեկուսացված կղզիներ չեն, եւ մեր երկիրը նույնպես զգում է ճգնաժամի ազդեցությունը: Խնդրո առարկայի շուրջ քաղաքական կուսակցությունների կողմից բազմաթիվ տեսակետներ են հնչեցվում, հրապարակայնորեն ներկայացվում են մոտեցումներ, եւ այժմ լավ առիթ է դրանք մեկտեղելու, քննարկելու, մտքեր փոխանակելու համար:

Այս խորհրդակցության անցկացումը ժամանակի պահանջն է, եւ կարծում եմ, ձեզնից յուրաքանչյուրն ասելիք ունի: Անկախ մեր կամքից' մուտք ենք գործում համաշխարհային ու տարածաշրջանային այնպիսի փոփոխությունների փուլ, որտեղ յուրաքանչյուրիս մոտեցումները միմյանց համար պետք է լինեն լսելի եւ, եթե հնարավոր է, դառնան ընդհանուր տեսակետ ու մոտեցում:

Ֆինանսատնտեսական ճգնաժամն այսօր ստիպել է զարգացած երկրներին այնպիսի փոփոխությունների գնալ, որոնք նախկինում պարզապես անընդունելի կհամարվեին: Ցավոք, դեռեւս որեւէ մեկը չի կարողացել ճիշտ դեղատոմս գտնել: Հասկանալի է, որ նման իրավիճակը Հայաստանի Հանրապետության կառավարությանը եւս ստիպել է գնալ ոչ ստանդարտ լուծումների: Այդ մասին վարչապետն ու կառավարության անդամները մշտապես իրազեկում են հանրությանը: Մենք դեռ կլսենք վարչապետին, իսկ ես ուզում եմ համառոտ անդրադառնալ մեր' քաղաքական կուսակցություններիս ու լայն հանրության դերակատարմանը: Եթե հարկ կա, կարող եմ մեկ անգամ եւս բարձրաձայնել այն, ինչը պետք է որ առանց ասելու էլ ընկալելի լինի. ճգնաժամը բոլորիս խնդիրն է, ոչ միայն կառավարության, ճգնաժամի մեղավորները մենք չենք' հայաստանցիներս չենք, սա հայաստանյան երեւույթ չէ, բայց միեւնույն ժամանակ ես կարծում եմ, ճիշտ է նաեւ այն մոտեցումը, որ կառավարությունը, իշխանություններն իրավունք չունեն թաքնվելու ճգնաժամի թիկունքում եւ սեփական սխալները, սեփական բացթողումները վերագրեն միայն ու միայն ճգնաժամին: Իրողությունն այն է, որ եթե միակամ չդիմագրավենք այս ճգնաժամին, տուժելու ենք բոլորս, ողջ հասարակությունով: Թողնել կառավարությանը միայնակ այս վտանգի դեմ' առնվազն անխոհեմ է: Նորից եմ կրկնում' համընդհանուր լուծումներ պարզապես չկան. միգուցե սա այն դեպքն է, երբ իսկապես հարկ կա հեծանիվ հորինել:

Մեր ժողովուրդը ոչ ստանդարտ իրավիճակներում ոչ ստանդարտ լուծումներ գտնելու հսկայական ներուժ ունի, եւ մեկ անգամ չէ, որ մեր պատմության ընթացքում սա ապացուցվել է: Հիմա մեր ժողովրդի ստեղծագործ ներուժի լիարժեք իրականացման ժամանակն է: Ըստ էության շատ պարագաներում պրոբլեմներն ու հաջողությունները հանդես են գալիս փոխկապակցված, եւ ակնհայտ է, որ լուրջ հաջողությունների հասնելու համար անհրաժեշտ է պրոբլեմներ հաղթահարել, եւ բացառիկ չեն այն դեպքերը, երբ այսպիսի պարագաներում հաջողությունը լինում է շատ ավելի մեծ, քան դրան սպասում ես: Ես կարող եմ այդպիսի մեկ օրինակ բերել' մեր արցախյան ազատամարտը, մեր ազատագրական ողջ պայքարը:

Այս ընթացքում Հայաստանի կառավարությունը ակտիվորեն քննարկումներ է անցկացնում փորձագիտական լայն շրջանակների հետ, մշտական համագործակցության մեջ է համաշխարհային ֆինանսական կառույցների առաջատար մասնագետների հետ, մանրամասն վերլուծվում են այլ երկրներում իրականացվող քայլերն ու մեր երկրի անկախ փորձագետների հրապարակային եւ ուղղակի արված առաջարկությունները: Սա իհարկե ճիշտ ճանապարհ է: Բայց ես գտա, որ քաղաքական կուսակցությունների հետ այսօրինակ քննարկում է անհրաժեշտ հենց այս փուլում: Բացատրեմ ինչու:

Թե ինչպես կզարգանա ճգնաժամը մեզանում' մեծապես կախված է նաեւ դրա հասարակական ընկալումից ու հանրային վարքագծից: Թե ինչպիսի վարքագիծ կդրսեւորեն մեր յուրաքանչյուր քաղաքացին ու մեր ողջ հասարակությունն իբրեւ ամբողջականություն, լրջորեն կպայմանավորի բացասական զարգացումները կանխելուն ուղղված քայլերի հաջողությունը: Հավատացնում եմ ձեզ, խնդիրը մեծապես մարդկային գիտակցության հարթությունում է, հանրային գիտակցության հարթությունում: Կուզեք տասնյակ միլիարդավոր դոլարներ ծախսեք, միեւնույն է ոչինչ չի ստացվի, եթե հանրության մեջ տիրեն ապագայի հանդեպ անվստահությունն ու խուճապը: Կարծում եմ, մեր երկրի ապագայով մտահոգ յուրաքանչյուր ոք պատրաստակամ է խոհեմ գործելաոճի ու ռացիոնալ վարքագծի արմատավորման խթան դառնալ այս ժամանակահատվածում: Հավատում եմ, որ այս ուղղությամբ արդյունավետ գործելու մեծ ներուժ եւ հնարավորություններ ունեն հատկապես մեր քաղաքական կուսակցությունները: Ահա թե ինչու եմ ես նաեւ կարեւորում մեր այսօրվա հավաքը: Իհարկե, ես նկատի չունեմ այն մարդկանց ու այն քաղաքական ուժերին, ովքեր ղեկավարվում են "ինչքան վատ, այնքան լավ" սկզբունքով:

Համաշխարհային ճգնաժամի մասին խոսում են բոլորը, խորհուրդներ տալիս, պլաններ կազմում' սկսած անձնական ու ընտանեկան բյուջեների պլանավորումից, վերջացրած պետական բյուջեի պլանավորման խնդիրներով: Սակայն մի թյուրըմբռնում կա, որին ուզում եմ անդրադառնալ: Դա այն ընկալումն է, որ ճգնաժամը զուտ ֆինանսական եւ տնտեսական բնույթ ունի' դրա արդյունքում ձեւավորված սոցիալական հետեւանքներով: Համաշխարհային ճգնաժամը մեծ մարտահրավեր է քաղաքական դաշտին, արժեհամակարգին ու բարոյականությանը: Թե ով իրեն ինչպես է դրսեւորում ճգնաժամի ժամանակ, ցույց է տալիս նրա արժանիքները, բարոյականությունը ու քաղաքական պատասխանատվություն վերցնելու աստիճանը: Անշուշտ, ամենահեշտը նստել քննադատելն է, եւ սա, իհարկե, նաեւ անվտանգ է:

Փառք Աստծո, այսօր մեր բնակչությունը կարողանում է իրեն խոհեմ դրսեւորել ճգնաժամի պայմաններում' չմատնվելով վիճակն անիմաստ բարդացնող խուճապի: Գյուղացին փորձում է իր ունեցած միջոցներով սերմ ձեռք բերել, ցանել ու բերք պարգեւել: Գործարարները սկսել են ակտիվորեն միտք, գաղափար ու նախաձեռնություններ որոնել. անշուշտ գովելի է: Քաղաքական դաշտը սիրում է խորհուրդներ տալ' "դու սա արա, դու նա արա", եւ այսպես շարունակ: Իսկ արդյո՞ք մենք' այսօրվա քաղաքական կուսակցություններս, պատրաստ ենք գործել իրավիճակին համահունչ, համեստ, խոհեմ ու, ամենակարեւորը, խուճապի չմատնվելով եւ խուճապ չհրահրելով:

Մասնագետները խորհուրդ են տալիս, որ ճգնաժամի պայմաններում ցածր աշխատավարձով կամ շահույթով աշխատելը ավելի ձեռնտու է, քան բարձր աշխատավարձի կամ շահույթի ակնկալիքով չաշխատելը, աշխատանք ու բիզնես չունենալը: Ես այս հարցն ուղղում եմ մեզ. պատրա՞ստ ենք մենք' հայաստանյան քաղաքական կուսակցություններս, առանց քաղաքական դիվիդենտի քաղաքականությամբ զբաղվելու: Սա այն պահն է, երբ քաղաքական օգուտներ քաղելը, բանսարկու, խառնակիչ քայլերը նշանակում են նպաստել ճգնաժամին եւ ոչ թե պայքարել դրա ազդեցությունների դեմ: Կարո՞ղ ենք մենք լուծումներ գտնել նախկինում անհայտ խնդիրների համար. այսօր համենայն դեպս մենք կփորձենք դա անել: Ես վստահ եմ, որ մեր կառավարությունը պատրաստակամ է կշռադատված լուծումներով առաջարկություններին ականջալուր լինելու, եւ դա միայն այսօրվա մեր քննարկմանը չէ, որ վերաբերում է: Մենք կխնդրենք վարչապետին անդրադառնալ բոլոր կուսակցությունների նախագահների դիտարկումներին եւ կփորձենք նաեւ թարմ մոտեցումներ փոխանակելու մշտական ձեւաչափեր ուրվագծել:

[Kuk]

Մասնագետները խորհուրդ են տալիս, որ ճգնաժամի պայմաններում ցածր աշխատավարձով կամ շահույթով աշխատելը ավելի ձեռնտու է, քան բարձր աշխատավարձի կամ շահույթի ակնկալիքով չաշխատելը, աշխատանք ու բիզնես չունենալը:

Էս ի՞նչ ա` աշխատավարձրի իջեցո՞ւմ. ինչի տեղ կա՞ իջացնելու

[Mephistopheles]

ՀԱՍԱՐԱԿՈՒԹՅՈՒՆ
21 Մարտ [11:03]
"Ազգ" օրաթերթի գլխավոր խմբագիր Հակոբ Ավետիքյանին տեսնելով շուկայում` ձուկ վաճառող մի կին նկատողություն է արել, թե ինչու դեմոկրատական բաներ չեն գրում...

Միայն ազգային "ճաշատեսակներ"


"Ազգ" օրաթերթի գլխավոր խմբագիր Հակոբ Ավետիքյանին տեսնելով շուկայում` ձուկ վաճառող մի կին նկատողություն է արել, թե ինչու դեմոկրատական բաներ չեն գրում, Ավետիքյանը կնոջից օրինակներ է պահանջել, վաճառական կինը պատասխանել է. "Օրինակ, "Չորրորդ իշխանություն" թերթը": Այս թերթի անունը լսելով` "Ազգի" գլխավոր խմբագիրը խիստ վիրավորվել է, մռայլվել եւ հրահանգել. "Մեր թերթը մեկ էլ չկարդաս": Երեկ նա այս մասին պատմում էր "Ուրբաթ" ակումբում, որտեղ "Հրապարակ" օրաթեթի խմբագիր Արմինե Օհանյանի, Երեւանի մամուլի ակումբի տնօրեն Բորիս Նավասարդյանի եւ "Ինտերնյուս" ՀԿ-ի նախագահ Նունե Սարգսյանի հետ քննարկվում էր այն հարցը, թե ինչ ազդեցություն կունենա ֆինանսական ճգնաժամը մամուլի գործունեության վրա: Անդրադառնալով ճգնաժամ-մամուլ հարաբերություններին` Ա. Օհանյանը նկատեց, որ ֆինանսատնտեսական ճգնաժամը չի կարող իր ազդեցությունը չունենալ մամուլի վրա, քանի որ հնարավոր է ընթերցողների քանակի նվազում, եկամուտների կրճատում, իսկ ծախսերը մնում են նույնը: Պարոն Ավետիքյանը, սակայն, հակված էր ավելի շատ խոսել ոչ թե թերթերի ֆինանսատնտեսական վիճակի, այլ էթիկայի նորմերի խախտման, "բովանդակային ճգնաժամի մասին": "Ազգը", ըստ նրա խմբագրի, գրում է անաղարտ մայրենիով, պահպանում է էթիկայի նորմերը, կոռեկտությունը, սակայն խորը ցավ է ապրում, որ այլ թերթեր, օրինակ, "Փակագիծը", "Ազատամտությունը", "Չորրորդ իշխանությունը" եւ Նիկոլ Փաշինյանը գրում են "փողոցային բառապաշարով ու հայհոյանքներով": Իսկ լսարանը "այլասերվել է", քանի որ նրան տարիներ շարունակ տվել են այնպիսի սնունդ, որ նրա ստամոքսն այլ բան չի տանում: Ափսոս` չասաց, թե իր մատուցած "ճաշը" քանի հոգի են ուտում եւ ուտելուց ինչ են զգում: Բացի այդ, ըստ պրն Ավետիքյանի, մամուլն ազատ չէ, տարբեր պատվիրատուներ են որոշում նրա բովանդակությունը (վերջում, ի դեպ, նա նշեց, որ "Ազգի" բաժնետերերն իր առջեւ միայն մի փոքրիկ պայման են դրել` օգնել իշխանությանը, աջակցել, այլ ոչ թե քննադատել): Նա նշեց նաեւ, որ թերթերը ստախոս են. տպաքանակները սխալ են գրում թերթի վրա (բերվեց "Իրավունք" թերթի օրինակը): Եթե հայտնի չլիներ, որ այսպես խոսողն անկախ Հայաստանի ամենաերկարակյաց թերթի, ժամանակին մեծ լսարան ունեցող "Ազգի" խմբագիրն է, ապա կարելի էր կարծել, թե խոսողը պաթոլոգիական ատելություն ունի տպագիր մամուլի նկատմամբ եւ իշխանության ներկայացուցիչն է:


Հրապարակ

[Javakhk]

Artgeo ջան, կարելի՞ է ես մի բան հարցնեմ… մի քիչ օֆֆթոփ բնույթի։ Հարցնում եմ, քանի որ հետաքրքրում են Ձեր հայացքները…

Դուք Լոռին (կոնկրետ` ասենք Ախթալայի տեղանքը) համարում եք պատմական հայկական հող, թէ` վրացական։

[Տրիբուն]

Դուք Լոռին (կոնկրետ` ասենք Ախթալայի տեղանքը) համարում եք պատմական հայկական հող, թէ` վրացական։

Կարող եմ Արտգեոյի տեղը ձեր հարցին հարցով պատասխանել:

Դուք Մշո Դաշտը, պատմական Տարոնի շրջաններից մեկը համարում եք պատմական հայկական հող, թե՞ ույղուրական:

[Javakhk]

Կարող եմ Արտգեոյի տեղը ձեր հարցին հարցով պատասխանել:

Դուք Մշո Դաշտը, պատմական Տարոնի շրջաններից մեկը համարում եք պատմական հայկական հող, թե՞ ույղուրական:

Հաճույքով պատասխանում եմ Ձեր հարցին, հարգելի Տրիբուն։ Մշո դաշտը համարում եմ հայկական հող (Տարուբերան նահանգի մի մասը)։

Եկեք միասին սպասենք նաեւ իմ տված հարցի նույնքան միարժեք պատասխանին։

[Artgeo]

Իմ հույսը նա է, որ անգամ եթե նույնիսկ պառլամենտ մտնել գյուլելլը հնարավոր լինի, ինչպես շատ հոլիվուդյան կինոներում ԱՄՆի պառլամենտն էլ են լինումա գյուլում են, մեկ է ժողովուրդը քաջ գիտակցի, որ իր պետությունը կայուն է ու անգամ նման ցնցումը եկրիրը չի կարող փլուզման ու պետականությանը վտանգ սպառնալ։

Ուհու, մանավանդ, որ փորձի ձեռք բերման համար կարելի է դիմել հարևան երկրներից մեկին:

Artgeo ջան, կարելի՞ է ես մի բան հարցնեմ… մի քիչ օֆֆթոփ բնույթի։ Հարցնում եմ, քանի որ հետաքրքրում են Ձեր հայացքները…

Դուք Լոռին (կոնկրետ` ասենք Ախթալայի տեղանքը) համարում եք պատմական հայկական հող, թէ` վրացական։

Երբեք չեմ հասկացել այն տարօրինակ մարդկանց, որոնք ձգտել են խոսել հստակ ու կոնկրետ թեմաներում ամեն ինչից բացի բուն թեմայից: Գրառումը համարում եմ օֆֆտոպ և ցուցադրական հրաժարվում եմ պատասխանել թեմայի հետ որևէ կապ ու առնչություն չունեցող հարցին:

Անձնական և/կամ թեմայի հետ, որևէ առնչություն չունեցող հարցերը բարի եղեք պարզել ՊՄ-ի միջոցով կամ այլ թեմա բացեք: Շնորհակալություն, բարի ժամանց:[/B]

[Տրիբուն]

Երբեք չեմ հասկացել այն տարօրինակ մարդկանց, որոնք ձգտել են խոսել հստակ ու կոնկրետ թեմաներում ամեն ինչից բացի բուն թեմայից: Գրառումը համարում եմ օֆֆտոպ և ցուցադրական հրաժարվում եմ պատասխանել թեմայի հետ որևէ կապ ու առնչություն չունեցող հարցին:

Արտ, ստեղ մի հատ լավ մեջբերում կսազի, մի հատ խելք մարդու գրածից, որպես Ջավախքի հարցին պատասխան:

Հայրենիքի, անշուշտ, մեծն է լավը: Ինչպես եւ վարունգի` կանաչը:
.........
Ո՞վ չէր ուզենա, որ իր երկրի բյուջեն լինի Ամերիկայի բյուջեի չափ, բանակը՝ չինականի, Փոքր Մասիսը՝ Մեծից բարձր (կամ՝ մեկը մյուսից ավելի բարձր), տուն պահողի աշխատավարձը՝ 40 հազար, իսկ Հայրենիքը՝ մի քանի հատ ու բոլորը՝ պատմական: Նաեւ՝ ծովերից ծով: Ընդհանրապես ասած, սովորական, սիքտիրչի ազգերը ընդամենը մեկ հայրենիք են ունենում, բայց արի ու տես, որ այն ոչ միայն սիրում են, որի մասին ոչ միայն երգեր են երգում, այլեւ դեպքից-դեպք պաշտպանում էլ են: Նաեւ (որքան էլ տարօրինակ թվա) այնտեղ ապրում են: Անկախ այն բանից՝ մեծ է, թե փոքր: Հաստ է, թե բարակ: Երկար է, թե կարճ: Քարից հաց քամելու մազոխիստական հաճույքի հնարավորություն պարգեւո՞ւմ է, թե՞ ոչ:

[dvgray]

Արտ, ստեղ մի հատ լավ մեջբերում կսազի, մի հատ խելք մարդու գրածից, որպես Ջավախքի հարցին պատասխան:

իսկ չես ասի՞, թե ով ա էտ խելոք մարդը

[Chuk]

իսկ չես ասի՞, թե ով ա էտ խելոք մարդը

http://septemberi21.blogspot.com/200...post_6978.html