Աղբյուր՝ tert.amԱմփոփելով Կենտրոնական ընտրական հանձնաժողովի 3 անդամների ընտրության համար անցկացված և ավարտված մրցույթը՝ Մարդու իրավունքների պաշտպան Կարեն Անդրեասյանը որոշել է նախագահին ներկայացնել հետևյալ երեք անձանց թեկնածությունները՝ Արտակ Մելիքսեթյան, Աիդա Մուրադյան և Ռոզա Ստեփանյան:
Մրցույթի արդյունքների որոշման մանրամասն հաշվետվությունը կներկայացվի առաջիկա օրերին: Այս մասին տեղեկանում ենք մարդու իրավունքների պաշտպանի գրասենյակից։
Էստեղ մի հետաքրքիր դրվագ կա: ՄԻՊ-ի հայտարարած մրցույթին մասնակցում էին ԿԸՀ գործող նախագահ Գարեգին Ազարյանն ու ԿԸՀ գործող քարտուղար Աբրամ Բախչագուլյանը: Ու փաստորեն այս գործողները «կտրվել են քննությունից», իսկ ավելի ճիշտ դարձել քաղաքական որոշման «զոհ»:
Էն որ անձ փոխելով համակարգը չի փոխվի, ակնհայտ է: Բայց միաժամանակ հիշեցնեմ, որ ընտրակեղծարարությունն ու թվերի նկարումը խիստ ասոցացվում էր այս անձանց հետ: Այլ կերպ ասած ԵԹԵ ԱՆԳԱՄ անցնեն բավական մաքուր ու արդար ընտրություններ, այս անձանց գոյությունն իսկ կասկած կգցեր ընտրությունների արդարության վրա:
Նաև հետաքրքիր է մեկ այլ ֆոնի վրա. առաջիկա տասնօրյակում կսկսվի ՀԱԿ-իշխանություն երկխոսությունը: Այդ մասին ևս իմացանք այսօր, այսինքն այսօր ստացվեց կոնկրետ պատասխանը: ՀԱԿ-ը օրակարգում դնելու է մեկ հիմնական խնդիր՝ արտահերթ ընտրությունների անցկացումն, որն ունենալու է իր դուստր խնդիրները. հստակ պայմանավորվածություններ, մեթոդների մշակումներ դրանց արդարությունը կազմակերպել կարողանալու հարցում: Երկխոսությունը դեռ չի սկսվել, բայց սա այդ ամենի հետևանք է, թե ոչ, դեռ հստակ չի կարելի ասել:
Էջանիշներ