Քաղաքական քննարկումներ՝ թեմայից դուրս

[Տրիբուն]

Եթե կարճ, Հով ջան, ապա մետրոպոլիտենի ընդլայնման օդային ծրագրեր չեն առաջարկում

Փոխարենը 15 կետ են գրում, որից հետո կոլեկտիվ ուժերով ատկազ են կանգնում, տակը թողնելով երեքը, որից մեկին հասնելը կներկայացվի որպես տիեզերական հաջողություն: Ու էտ մեկը կլինի ազատության հրապարակի երիցս զախվատ օպերացիան:

[Տրիբուն]

Իսկ թե ՀԱԿ-ն ինչ է անում, անում է հրապարակային, այդ թվում լուծելով իրա առաջ դրված առայժմ, ցավոք, մանր խնդիրները, ինչպիսիք են, օրինակ, բողոքի ցույցեր իրականացնելու հնարավորության վերականգնումը: Եվ եթե մեկը սա թեկուզ փոքր, կամ նվաճում չի համարում, էդ արդեն զուտ իր խնդիրն է: Ես նորից դատարկ խոսակցությունների մեջ ընկնել չեմ ուզում:

Չուկ, Հայաստանում բողոքի ցույցերը արգելվա՞ծ են եղել, որ հիմա էլ ՀԱԿ-ը դրանք վերականգնել ա: Ես խաբար չէի: Այ ախպեր, իմ հիշելով, վերջին երեք տարում մի հատ չարտոնվված հանրահավաք Երևանում չի եղել, էս ի՞նչ ես ասում:

[Տրիբուն]

Հա համաձայն եմ, բայց էդ մարդը ոչ թե թիկն տված պառկած է, այլ լաավ էլ էներգիա է ծախսում, ամբողը օրը խոսում է, սրա-նրա հետ հանդիպում... եթե մի շաբաթ լիներ, կհավատայի... բայց էս մադը ինչ-որ շատ երկար մնաց... աչքիս ջրի տեղը շաքարաջուր ա խմում...

Դրա համար էլ 40 օրվա տեղը 20-30 օր կդիմանա: Էտ պահին արդեն հավաքված կլինեն ահագին հորդորներ, այդ թվում նաև էս մեկը Րաֆֆին կասի, որ պրյամոյ կապի մեջ ա մտել Քրիստոսի հետ, որը անձամբ ա հորդորել էլ կյանքում ծոմ չպահել: Կասի նաև որ հանուն ազգի սիրոյն Սերժը հավաստիացրել ա, որ բոլոր սրբազան ազգանվեր կանոններին կհետևի: ՈՒ հացադուլը կդադարի: Իսկ դա ընդհանուր առմամբ կնշանակի, որ Րաֆֆիին էլ ասեցին որ հաջորդ ԱԺ-ում մի քանի տեղ կունենա:

ԱՇԱԿԵՐՏՆԵՐԻ ԿՈՉԸ ՐԱՖՖԻ ՀՈՎՀԱՆՆԻՍՅԱՆԻՆ

Մարտի 29-ին լրանում է Րաֆֆի Հովհաննիսյանի Ազատության ծոմի 14-րդ օրը: Այդ կապակցությամբ վաղը` մարտի 29-ին, ժամը 16:00-ին Ազատության հրապարակ Րաֆֆի Հովհաննիսյանին կայցելի Հայաստանի Հանրապետության ավելի քան 25 հանրակրթական դպրոցներից ընտրված աշակերտական պատվիրակությունը` նրան ուղղելով կոչ` դադարեցնելու հացադուլը և իր գործունեությունը շարունակելու պետական և միջազգային այլ ատյաններում:

[Տրիբուն]

Զզվացրին արդեն սրա-նրա հանրահավաքներին ելույթ ունենալուց բացի ուրիշ բան չանելով:

Բայց էս նախադասությունդ ոնց ա դուրս եկել: Փաստորեն հայկական ընդդիմադիր քաղաքական դաշտի ողջ տրամաբանությունը հանգում ա «իմ հանրահավաքը, քո հանրահավաքը չի» սկզբունքին, իրա ենթակետերով. «իմ հանրահավաքը քո հանրահավաքից մեծ էր», «իմ հանրահավաքը քո հացադուլից ավելի քաղաքական ա», «իմ հանրահավաքին կարմիր քարտ կար, քոնին չկար», «իմ հանրահավաքի ելույթները քո հանրահավաքի ելույթներից երկար էին» .... վերջում էսի վերածվում ա «մեր բալկոնը ձեր բալկոնից բարձր ա, չես հավատում Սերոժիկից հարցրա» երգին, մի հատ տուշի ու պար Ազատության Հրապարակում, ու ամենավերջում մասայական պարողներին ու նույն ձևի սոված մնացողներին պատգամավորական մանդատներ՝ ԱԼՄ-ի ադամանդների փոխարեն:

[davidus]

Դրա համար էլ 40 օրվա տեղը 20-30 օր կդիմանա: Էտ պահին արդեն հավաքված կլինեն ահագին հորդորներ, այդ թվում նաև էս մեկը Րաֆֆին կասի, որ պրյամոյ կապի մեջ ա մտել Քրիստոսի հետ, որը անձամբ ա հորդորել էլ կյանքում ծոմ չպահել: Կասի նաև որ հանուն ազգի սիրոյն Սերժը հավաստիացրել ա, որ բոլոր սրբազան ազգանվեր կանոններին կհետևի: ՈՒ հացադուլը կդադարի: Իսկ դա ընդհանուր առմամբ կնշանակի, որ Րաֆֆիին էլ ասեցին որ հաջորդ ԱԺ-ում մի քանի տեղ կունենա:

Համոզված եմ. աշակերտներին կհաջողվի փափկեցնել արդարության մարտիկի անհողդողդ սիրտը։

Ժողովուրդ, էս ամեն ինչը արդեն կապիկություն ա հիշեցնում։ Լավ, մի անգամ որ թե բերանով ասեք 14 օր, այլ փորձեք պատկերացնել էդ 14 օրը։ Ու սոված, մենակ ջրի հույսին։ Հիշումեմ, մեր մեծերից մեկը ինձ մի դեպք պատմեց՝ երբ ամերիկացի մի ֆիզիկոս Սպիտակ տան դիմաց 7 ամիս շարունակ «հացադուլ» էր անում։ Վերջում հաց ուտելուց բռնացրել էին, բայց ամենահետաքրքիրը այն է, որ մարդը մի շաբաթից հետո էլ հարցազրույցներ չի տվել՝ պատճառաբանելով թե «թույլ եմ, խոսել չեմ կարողանում»։ Արա, բայց էս մարդը 14 օր ընդեղ նստած ա, հեչ պետքին էլ չի։ Սենց ո՞նց ա լինում

[Chuk]

Բայց էս նախադասությունդ ոնց ա դուրս եկել: Փաստորեն հայկական ընդդիմադիր քաղաքական դաշտի ողջ տրամաբանությունը հանգում ա «իմ հանրահավաքը, քո հանրահավաքը չի» սկզբունքին, իրա ենթակետերով. «իմ հանրահավաքը քո հանրահավաքից մեծ էր», «իմ հանրահավաքը քո հացադուլից ավելի քաղաքական ա», «իմ հանրահավաքին կարմիր քարտ կար, քոնին չկար», «իմ հանրահավաքի ելույթները քո հանրահավաքի ելույթներից երկար էին» .... վերջում էսի վերածվում ա «մեր բալկոնը ձեր բալկոնից բարձր ա, չես հավատում Սերոժիկից հարցրա» երգին, մի հատ տուշի ու պար Ազատության Հրապարակում, ու ամենավերջում մասայական պարողներին ու նույն ձևի սոված մնացողներին պատգամավորական մանդատներ՝ ԱԼՄ-ի ադամանդների փոխարեն:

Տրիբուն ձյաս, խոսքը նրա մասին ա, որ էդ մարդիկ իրանք էլ են հասկանում որ իրանց հետևող չկա, ու ուրիշի էլեկտորատի մոտ իրանց փորձում են փիառ անել՝ խիստ տղամարդկային բաներ հնչեցնելով ու դրանց տեր չկանգնելով: Ժիրոյին ահավոր հարգում եմ: Բայց այ իրա մոտ խոսքից բացի բան չեմ տեսնում ահագին ժամանակ ա: Էդպես դու էլ ես խոսում, Վիշապն էլ ա խոսում, էդ հասկանալի ա, բայց եթե ինքը քաղաքական միավորում ա հիմնել, ուրեմն քայլեր էլ պիտի փորձի անել:

Երկու բառ էլ 15 կետի մասին: Դրանցից ոչ մեկը չի չեղարկվել: Ու բոլորն էլ կատարվելու են: Դեռ մի բան էլ ավել: Ընդամենը քո պատկերացրած ղրղզել սցենարով չեն կատարվելու:

[Տրիբուն]

Տրիբուն ձյաս, խոսքը նրա մասին ա, որ էդ մարդիկ իրանք էլ են հասկանում որ իրանց հետևող չկա, ու ուրիշի էլեկտորատի մոտ իրանց փորձում են փիառ անել՝ խիստ տղամարդկային բաներ հնչեցնելով ու դրանց տեր չկանգնելով: Ժիրոյին ահավոր հարգում եմ: Բայց այ իրա մոտ խոսքից բացի բան չեմ տեսնում ահագին ժամանակ ա: Էդպես դու էլ ես խոսում, Վիշապն էլ ա խոսում, էդ հասկանալի ա, բայց եթե ինքը քաղաքական միավորում ա հիմնել, ուրեմն քայլեր էլ պիտի փորձի անել:

Երկու բառ էլ 15 կետի մասին: Դրանցից ոչ մեկը չի չեղարկվել: Ու բոլորն էլ կատարվելու են: Դեռ մի բան էլ ավել: Ընդամենը քո պատկերացրած ղրղզել սցենարով չեն կատարվելու:

Լավ-լավ Չուկ ջան, ես Վիշապը, մեկ էլ Ժիրոն ճառ ասենք, ՀԱԿ-ը թող մեծահոգաբար զանգը կախի: Ես դեմ չեմ: Իտոգում ես էլ եմ օգուտ ստանալու դրանից:

Իսկ 15 կետերը չեն չեղարկվել, ճիշտ ես, անորոշ ժամանակով հետաձգվել են: Չնայած, ում համար անորոշ, իմ համար լավ էլ որոշակի - մինչև ԱԺ ընտրությունները էս "համաժողովրդական պայքարի ներկա հանգրվանի ուղենիշ-ծրագիրը" (տաս անգամից փորձիր հասկանալ, թե ինչ են ուզում ասել սրանով) կպահվի ու աչքի լույսի պես կփայփայվի, բայց լավագույն դեպքում կկատարվի միայն կետ 4-ը, ու հնարավոր ա կետ 7-ը և 8-ը մասնակիորեն: Մնացածը կարաս փաթթես ու քցես սովետաշենի զիբիլանոցը, ոնց որ ՀԱԿ-ը փաթթել ու քցել ա կետ 1-ը.

1. Մինչեւ ս.թ. մարտի 15-ը, այսինքն՝ մինչեւ Հայաստանի հարցով Եւրոխորհրդի համազեկուցողների երեւանյան այցը, ազատ արձակել իրենց քաղաքական հայացքների ու գործունեության համար դատապարտված անխտիր բոլոր բանտարկյալներին՝ Սասուն Միքայելյանին, Նիկոլ Փաշինյանին, Հարություն Ուռուտյանին, Արամ Բարեղամյանին, Սարգիս Հացպանյանին, Մուրադ Բոջոլյանին, Արա Հովհաննիսյանին, Շմավոն Գալստյանին եւ Ռոման Մնացականյանին.

[Chuk]

Տրիբուն ձյա, քո համար տեսանելի մի արդյունք ասեմ, թե ինչին ա հասել ՀԱԿ-ը
Ուրեմն 2 տարի առաջ կանխագուշակում էիր ՀԱԿ-ի՝ ԱԺ-ում մոտ 7%-ը,
1 տարի առաջ ու մինչև վերջերս՝ 12-15 տոկոս,
Հիմա ~25 տոկոս:
Էսպես որ շարունակվի, հերթականի ժամանակ 50-ը ջեբներս ա, էնպես որ դու կանխագուշակի, իրանք էլ թող հասնեն նրան, որ գնալով տոկոսներդ ավելացնես

[Տրիբուն]

Տրիբուն ձյա, քո համար տեսանելի մի արդյունք ասեմ, թե ինչին ա հասել ՀԱԿ-ը
Ուրեմն 2 տարի առաջ կանխագուշակում էիր ՀԱԿ-ի՝ ԱԺ-ում մոտ 7%-ը,
1 տարի առաջ ու մինչև վերջերս՝ 12-15 տոկոս,
Հիմա ~25 տոկոս:
Էսպես որ շարունակվի, հերթականի ժամանակ 50-ը ջեբներս ա, էնպես որ դու կանխագուշակի, իրանք էլ թող հասնեն նրան, որ գնալով տոկոսներդ ավելացնես

ՀԱԿ-ի կամքից անկախ արաբական աշխարհում տեղի ունեցող իրադարձությունները ՀԱԿ-ին ԱԺ-ում կբերեն լավագույն դեպքում 25%: Ես միշտ ասել եմ 12-14, սկզբունքորեն եթե արաբական ժարիտները հանկարծ դադարեն, ՀԱԿ-ը կվերադառնա արդար քրիտինքով վաստակած 14-ին: Բայց ես ուրախ եմ, որ դու ՀԱԿ-ի 50%-ը պայմանավորում ես իմ պայմանականորեն սխալ գուշակությամբ: Ամեն դեպքում, նույնիսկ եթե ՀԱԿ-ը ինչ-որ հրաշքով ԱԺ-ում մեծամասնություն ունենա, ես դա կհամարեմ առանձին վերցրած կուսակցության/քաղաքական ուժի ֆատնտաստիկ հաջողություն, ու ոչ մի դեպքում չեմ համարի համաժողովրդական պայքարի հաղթանակ, քանի որ համաժողովրդկան պայքարի նպատակները ոչ մի կերպ չեն նշանակում որևէ քաղաքական ուժի ԱԺ-ում մեծամասնության ձեռքբերում, ուզում ա ՀԱԿ-ը լինի, ուզում ա մենակ Ժիրոն լինի: Էլ չեմ ասում էն մասին, որ Սերժի հրաժարականի պահանջը փաստորեն ջրվում ա:

Բայց որ դու էլ խոստովանում, որ վիզ ԱԺ-ում տեղեր են պետք ՀԱԿ-ին ու ինչքան շատ էնքան լավ, էտ արդեն լավ չի Չուկ ջան:

Հա, ինչ էի ասում, բայց որ "աշխարհն էլ փուլ գա", ու ՀԱԿ-ն էլ իրա հայտարարություն համաձայն ևս երեք հուժկու հանրահավաք անի, ՀԱԿ-ը ԱԺ-ում մեծամասնություն չի ունենալու: Մեկը ես, եթե որոշեմ քվերակել, ում օգտին ուզես կքեվարկեմ, ՀԱԿ-ի օգտին չեմ քվերակի` եռամյա մուտիլովկեքի ու վերջին 15 կետանոց գերմուտիլովկի պատռճառով: Պադումայեշ, քաղգիգանտը Րաֆիին առաքելության դասեր ա տալիս, բայց մեզ սաղիս էշի տեղ ա դնում քսան օր սպասացնելուց հետո.

Սակայն նախքան բուն նյութին անցնելը, սովորականի պես, ստիպված եմ անդրադառնալ այդ հայտարարության հետ կապված որոշ թյուրըմբռնումների, որոնք մասամբ արդյունք են անուշադրության, մասամբ էլ դիտավորության։ Պարզաբանումների կարիքն զգացվում է ոչ թե հակաճառելու կամ արդարանալու նկատառումով, այլ սոսկ փաստերը ճշգրտելու նպատակով, որովհետեւ հայտարարությունից արվում են հեռուն գնացող եզրակացություններ, որոնք բացարձակապես չեն համապատասխանում իրականությանը, չխոսած այլեւս անհիմն մեղադրանքների ու վերագրումների մասին։ Արդ, որո՞նք են այդ թյուրըմբռնումները.

ա. Հայտարարության մեջ նշված ժամկետը՝ մարտի 15-ը, վերաբերում է ոչ թե ողջ փաստաթղթին, ինչպես ցավալիորեն ընկալել են շատերը, այլ միայն նրա առաջին կետին՝ քաղբանտարկյալների ազատ արձակմանը, ինքնըստինքյան հասկանալի լինելով, որ առաջ քաշված մյուս խնդիրների լուծման համար ավելի երկար ժամանակ է պահանջվում։

Էսքանը արդեն հերիք ա, որ սեպագրվի բազալտի վրա ու առաջին համար պահին տվցվի Լևոնի գլխին: Կարա՞ս ընգերեկան իմ տեղը անես էտ, դու ՀԱԿ-ին մոտ կանգնած համակիր ես: Ժիրոն ինչ հիմարություն էլ որ դուրս տա, Րաֆֆին որ սաղ կյանքը հացադուլի տակ մնա, Լևոնի էս մի արածին չեն կարա հասնեն:

[Chuk]

Բայց ես ուրախ եմ, որ դու ՀԱԿ-ի 50%-ը պայմանավորում ես իմ պայմանականորեն սխալ գուշակությամբ:

Չէ, Տրիբուն ձյաս, էդ ուղղակի քո ԱԺ-ական վերլուծության գնահատականս էր՝ սարկազմով

[Տրիբուն]

Չէ, Տրիբուն ձյաս, էդ ուղղակի քո ԱԺ-ական վերլուծության գնահատականս էր՝ սարկազմով

Ապեր, բան չմնաց, մի տարի ... ու էն ժամանակ կտեսնենք ում սարկազմն ա ավելի հասուն ..

Բայց հիմիկվանից կարամ ասեմ, որ անկախ ԱԺ-ում ՀԱԿ-ի տեղերից, դու նույն էնտուզիազմով պաշտպանելու ես ՀԱԿ-ին: Դե օբյեկտիվ պատճառներ հա էլ կգտնվեն, թե ինչի էղավ սենց ու ոչ ընենց - Լևոնը հաստատ մի հատ բացատրական/վերլուիծական ելույթով հանդես կգա: Մարդը եթե կարում ա սաղին համոզի որ էս ներքևի երկու կետերը ծրագիր-ուղենիշ են, հաստատ կհամոզի, որ ՀԱԿ-ի ցանկացած ձևի ու քանակի մուտքը ԱԺ համաժողովրդական պայքարի հանջրվան-հաղթանակ-ձեռքբերում ա:

1. Մինչեւ ս.թ. մարտի 15-ը, այսինքն՝ մինչեւ Հայաստանի հարցով Եւրոխորհրդի համազեկուցողների երեւանյան այցը, ազատ արձակել իրենց քաղաքական հայացքների ու գործունեության համար դատապարտված անխտիր բոլոր բանտարկյալներին՝ Սասուն Միքայելյանին, Նիկոլ Փաշինյանին, Հարություն Ուռուտյանին, Արամ Բարեղամյանին, Սարգիս Հացպանյանին, Մուրադ Բոջոլյանին, Արա Հովհաննիսյանին, Շմավոն Գալստյանին եւ Ռոման Մնացականյանին.

13. Տնտեսության կառավարման եւ օրինականության ապահովման բնագավառներում ցուցաբերած խայտառակ թերացումների, կամայականությունների կամ պարզապես մասնագիտական ապաշնորհության համար անմիջապես զբաղեցրած պաշտոններից հեռացնել՝ Հայաստանի Հանրապետության վարչապետ Տիգրան Սարգսյանին, փոխվարչապետ Արմեն Գեւորգյանին, Կենտրոնական բանկի նախագահ Արթուր Ջավադյանին, Պետեկամուտների կոմիտեի նախագահ Գագիկ Խաչատրյանին, Երեւանի քաղաքապետ Կարեն Կարապետյանին, ՀՀ գլխավոր դատախազ Աղվան Հովսեփյանին, Ազգային անվտանգության ծառայության տնօրեն Գորիկ Հակոբյանին, ՀՀ Ոստիկանության պետ Ալիկ Սարգսյանին, ՀՀ Հատուկ քննչական ծառայության պետ Անդրանիկ Միրզոյանին, Արդարադատության նախարարության քրեակատարողական վարչության պետ Հայկ Հարությունյանին.

Էս ծրագիր-ուղենիշը Տիգրան Սարգսյանի սաղ ծարգիր-հայեցակարգերին հազարի տակ աբգոն ա արել:

[My World My Space]

ես մի բանի վրա եմ զարմանում, որ ժողովուրդի համընդհանուր մոլորությունն էն չափի ա հասել, որ առաջնորդի ամեն խոսքը դատապարտված ա հանճարեղ համարվելու....

[Chuk]

ես մի բանի վրա եմ զարմանում, որ ժողովուրդի համընդհանուր մոլորությունն էն չափի ա հասել, որ առաջնորդի ամեն խոսքը դատապարտված ա հանճարեղ համարվելու....

Քանի որ կոնկրետ խոսակցության մեջ ա ասվում այս հանճարեղ միտքը, կարո՞ղ ես ասել, թե կոնկրետ դեպքում կոնկրետ ում ես ակնարկում
Մի քիչ էնքան էլ ճիշտ չի էլի տողատակում մարդկանց նկատի ունենալով իրանց անունը չտալը

[Chuk]

Էս էլ ու պռծ...

Դե կակռազ սա իրա ասածներին չի հակասում: Մարդն ասել էր, որ եթե Աստված ասի, ապա կդադարեցնի: Կաթողիկոսն էլ Աստծու դեսպանն ա

[Տրիբուն]

Այ մարդ ինչերից եք խորացել, էսօր մի բարձրաստիճան ոստիկան Կոնվերս բանկի մասնաճյուղ ա թալանել

Այսինքն փորձել ա թալանել

http://www.news.am/arm/news/53166.html

Ձայնո ջան, ինքը էնքան էլ բարձրաստիճան չի, միջինաստիճան ա Բարձրաստիճանները ամեն օր են բանկ թալանում, ու առանց մի հատ կրակոցի: