Լ.Զուրաբյանը վստահ է, որ կարելի է ոսկե միջինը գտնել
Հայ ազգային կոնգրեսի համակարգող Լևոն Զուրաբյանը այսօր «Հայկական ժամանակ» օրաթերթին տված հարցազրույցում հայտարարել էր, թե` «սերունդները մեզ չեն ների, եթե Հայաստանում ժողովրդավարություն հաստատենք Ղարաբաղի գնով»:
«Առաջին լրատվականի» հարցին, թե հասարակության շրջանում արթնացած նոր հույսերի, Հայ ազգային կոնգրեսից նոր սպասելիքների առումով մտավախություն չունե՞ք, որ հասարակության ակնկալիքներին համարժեք չարձագանքելով` նման դիրքորոշումը դարձյալ հասարակական պասիվություն կառաջացնի, Լ.Զուրաբյանը պատասխանեց. «Մենք վստահ ենք, որ կարելի է ոսկե միջինը գտնել մեր գործողությունների մեջ, և պայքարը տանել այնպես, որ և՛ ժողովրդավարությանը հասնենք, և՛ որևէ ավերածություն չգործենք Ղարաբաղի հարցում: Բարդ խնդիր է, բայց մենք տեսնում ենք լուծումները և այդ ուղղությամբ շարունակելու ենք գնալ»:
Լ.Զուրաբյանը նշեց նաև, որ այսօր կայացած քաղխորհրդի նիստում քննարկել են անցած հանրահավաքի, ինչպես նաև մարտի 1-ին կայանալիք հանրահավաքի կազմակերպման հարցերը և հավելեց.
«Հանրահավաքների այս նոր շարքը, որ սկսվել է, առանձնանում է, որովհետև և՛ ավելի մեծ արձագանք է գտնում հասարակության մեջ` մի շարք պատճառներով, և՛ ստեղծված սոցիալական ծանր իրավիճակով, և՛ միջազգային այն իրադարձությունների ֆոնի վրա, երբ տեսնում են, որ շղթայական ռեակցիայով ժողովուրդները ոտքի են կանգնում և ազատվում բռնապետներից: Այս բոլոր գործոնները իրենց դերը կատարում են:
Բայց նաև մեր իրավիճակն ունի իր սպեցիֆիկան, և այսօր դա էլ է քննարկվել: Մենք պետք է հասկանանք, որ մեր գործողությունները պետք է կառուցենք ստեղծված բոլոր քաղաքական գործոնների զուգորդման հիման վրա»:
Մեջբերել
Mephistopheles-ի խոսքերից
Մեֆ ջան, առանց նեղանալու, էս պահին քո ասածների ու ՀՀԿ-ԲՀԿ-ՕԵԿ-դաշնակներ ասածների մեջ թե մի գրամ սկզբունքային տարբերություն կա, ամոթ ինձ: Սերժը իրա վարչապետի ֆուտլյարով ամեն օր մեզ ասում ա, որ մենք պետք ա համբերատար լինենք, ու որ մենք հետևողականնորեն առաջ ենք գնալու, ու արդեն գնում ենք, բանից պարզվում ա: Խոսքի ինչի՞ պիտի բնակչության մեծ մասը իրան չհավատա: Նախագահ տղայա, վերջապս: 
Հեսա մի հատ էլ պատասխանեմ.
Էջանիշներ