Քաղաքական քննարկումներ՝ թեմայից դուրս

[Norton]

ԶԱՐՈՒՀԻ ՓՈՍՏԱՆՋՅԱՆԸ ՀԱՂՈՐԴՈՒՄ Է ՆԵՐԿԱՅԱՑՐԵԼ ՈՍՏԻԿԱՆԱՊԵՏԻՆ

ԱԺ Ժառանգություն խմբակցության պատգամավոր Զարուհի Փոստանջյանը տեղեկացրեց, թե հանցագործության մասին հաղորդում է ներկայացրել Հայաստանի ոստիկանապետին, քաղաքացիների ազատ տեղաշարժը խոչընդոտելու փաստի կապակցությամբ: Բանն այն է, որ այսօր առավոտյան ոստիկանությունը փակել է Գյումրի-Վանաձոր ավտոճանապարհը եւ խոչընդոտում է մարդկանց տեղաշարժման իրավունքը:

Հիշեցնենք, որ այսօր առավոտից Գյումրիից վրացական համարանիշով մեքենաների վարորդները մտադիր էին մեկնել Վանաձոր` բողոքի ցույցին միանալու: Սակայն ճանապարհը փակելու հետեւանքով տուժել են նաեւ նրանք, ովքեր մեկնում էին իրենց առօրյա հոգսերով:

lragir.am

ՊՈԿՈՒՄ ԵՆ ԿՈՆԳՐԵՍԻ ԹՌՈՒՑԻԿՆԵՐԸ

Հայ Ազգային Կոնգրեսի երիտասարդները Երեւանում եւ մարզերում բաժանում են ՀԱԿ-ի թռուցիկները` կոչ անելով ակտիվ մասնակցություն ցուցաբերել փետրվարի 18-ի հանրահավաքին: ՀԱԿ-ի երիտասարդ ակտիվիստներն իրականացնում են նաեւ «դռնեդուռ» ակցիա` այցելում են տներ եւ քաղաքացիներին իրազեկում հանրահավաքի մասին:

Հանրահավաքը տեղի է ունենալու Մատենադարանի մոտ, ժամը 17-ին: Հանրահավաքի օրակարգում հետեւյալ հարցերն են` 2008-ի փետրվարի 19-ի ընտրակեղծարարության մասին, Տոտալ հարձակում մանր եւ միջին բիզնեսի, միջին խավի վրա, ապօրինի թանկացումներ, Սերժ Սարգսյանի հրաժարական, արտահերթ ընտրություններ: Հանրահավաքում ելույթ կունենան Հայաստանի առաջին նախագահ Լեւոն Տեր-Պետրոսյանը:

Իրազեկմանը զուգահեռ, Հայաստանի մի քանի օլիգարխներ իրենց ենթականերին հրահանգել են պոկել Կոնգրեսի թռուցիկները: Ներկայում նրանք շրջում են Երեւանում եւ պատերից ու սյուներից պոկում ու պատռում թռուցիկները:

ՈՍՏԻԿԱՆՈՒԹՅՈՒՆԸ ՓԱԿԵԼ Է ԳՅՈՒՄՐԻ-ՎԱՆԱՁՈՐ ՃԱՆԱՊԱՐՀԸ

Գյումրիի Ժուռնալիստների Ասպարեզ ակումբի նախագահ Լեւոն Բարսեղյանը տեղեկացնում է, թե այսօր առավոտյան ժամը 10.30 ակումբ է ժամանել Շիրակի Ճանապարհային ոստիկանության պետ գնդապետ Կարապետյանը եւ մոտ մեկ ժամ փորձել համոզել ակումբում հավաքված գյումրեցի վարորդներին` ձեռնպահ մնալ Վանաձոր մեկնելուց: Նա ասել է, թե ճանապարհներն անանցանելի են, վարորդներն իրենց վտանգի են ենթարկում, եւ վերջում ասել է, թե միեւնույն է` թույլ չի տալու:

Նշենք, որ այսօր Վանաձորում բողոքի ցույց են անելու վրացական համարանիշերով մեքենաների վարորդները: Մի քանի օր առաջ նման ցույց էին արել նաեւ գյումրեցի վարորդները: Նրանք պահանջում են երկարաձգել վրացական հարանիշերով մեքենաների ժամկետը:

Լեւոն Բարսեղյանը տեղեկացնում է, թե ինքը արդեն հասել է Ջաջուռ գյուղի մոտ: Ճանապարհներն անցանելի են, ճանապարհին աղ եւ ավազ են լցնում:

Վանաձորում բազմաթիվ վարորդներ են հավաքվել հրապարակում: Հրապարակում նաեւ բազմաթիվ ոստիկաններ են հավաքվել:

Լեւոն Բարսեղյանը տեղեկացնում է, որ Գյումրիի ՃՈ աշխատակիցները փակել են Գյումրի-Վանաձոր ճանապարհը, թույլ չտալով մոտ 30 մեքենայի անցնել: Ընդ որում, այդ մեքենաների մեջ կան այնպիսիները, որոնք կապ չունեն բողոքավորների հետ:

էսքանից հետո իշխանությունները վախեցած չեն

[Kuk]

Հայաստանը կարող է միանալ ֆեյսբուքյան հեղափոխությունների շարքին

Ինչպես գրում է Facebook սոցիալական ցանցի ոչ պաշտոնական կայքը (All Facebook), այս շաբաթ Հայաստանում քաղաքական գործիչները հետևում էին հայկական Facebook-ի 123,000 օգտատերերի բոլոր այն կարգավիճակներին, որտեղ նշվում է «հեղափոխություն» բառը: Կայքը նշում է, որ այս շաբաթ Հայաստանը կնշի նախագահական ընտրություններից հետո առճակատման երրորդ (կայքում սխալմամբ նշվում է երկրորդ) տարին:

Կայքը նշում է, որ Facebook-ի բոլոր օգտատերերը պաշտպանում են Հայ ազգային կոնգրեսին, որը փետրվարի 18-ին հանրահավաք է կազմակերպելու` նշելու երրորդ տարեդարձը: Այս ուրբաթ օրվա հանրահավաքը նշանակալից կլինի հատկապես Թունիսում և Եգիպտոսում տեղի ունեցածի ֆոնին:

Կայքը նաև գրում է, հղում անելով The Armenian Observer Blog-ին, որ այն օրվանից, երբ տեղական թերթը գրել էր, թե պետական պաշտոնյաները հետևում են բոլոր այն կարգավիճակներին, որոնք պարունակում են հեղափոխություն բառը, այդ օրվանից ավելացան հանրահավաք բառը պարունակող կարգավիճակները:

Առաջին

[Rammer]

Ոսկե թա՞գ, թե՞ միայն ոսկեպատ ապարանջաններ. հայտնաբերվել է մ.թա. 2-րդ դարի դամբարան, իշխանությունը թաքցնում է

-Լաչինի կողմերը ոսկե թագ են գտել: Բայց լուրերով թե խի չեն ասում, չեմ հասկանում:

-Ո՞նց թե ոսկե թագ:

Նախկին ոստիկան բարեկամս է, սենսացիայի մասին իմացել է, բայց անհագնստացած է, ոչ մի տեղեկություն չի հրապարակվում, ասուլիս-մասուլիս չեն անում:

Ուրեմն, հունվարի 11-ին երեք գորիսեցի որսի են դուրս գալիս Լաչինի կողմերը: Մեկ էլ մեկի ոտի տակից հողը փախնում է ու անհետանում գետնի տակ: Մյուս երկուսով սկսում են գոռալ, կանչել ընկերոջը: Մեկ էլ գետնի տակից լսվում ա ձենը`գտա՜-գտա՜:

Կմախք գլխին ոսկե թագ: Դամբարան է լինում: Բացի թագը, կմախկքի վրա` բազկակալ, վզնոց, ապարանջան` պոպոքից մեծ կանաչ քարեր` ենթադրվում է զմրուխտ, ու էլի տարբեր զարդեր: Բազկակալի վրա հունարեն մակագրություն: Կմախքի աչքերին էլ երկու դրամ Տիգրան Մեծի պատկերով:

Գորիսեցիները սաղ հավաքում են, տանում ծախեն: Թագը կտրում, իրար մեջ իրեք մասի են բաժանում ու ամեն մեկը իր բաժինը ծախում է: Բայց քարերը ու մյուս զարդերը չեն կարողանում իրար մեջ բաժանել, ու սկսում են վիճել, թե որն ումն ա: Վեճին ուրիշ ներկաներ են լինում, էնքան տաքացած են լինում, որ չեն ֆայմում գնան առանձնանան նոր վիճեն ու քաշվում են: Ոստիկանությունը իմանում է գտածոյի մասին ու որսորդներին բերման ենթարկում: Քննիչները վաճառված թագի կտորները կարողանում են գտնել ու հետ բերել, մյուս գտածոներն էլ վերցնում են:

Թագը ու բոլոր գտածոները ցույց են տալիս Սերժ Սարգսյանին:

Սա լսածս պատմությունը:

Իմանում եմ, որ գտածոները Մշակույթի նախարարությունում են:

Զանգում եմ Մշակույթի նախարարության մշակութային ժառանգության վարչության պետի տեղակալ Նորա Դայանին.

-Կուզեի տեղեկություն իմանալ գտածոների մասին:

-Ի՞նչ եք ուզում իմանալ,-հարցնում է տիկին Դայանը:

-Ամեն ինչ: Ո՞ր դարի են, ինչե՞ր են հայտնաբերվել: Ճի՞շտ է, որ ոսկե թագ էլ կա:

-Ոչ, թագ չկա:

- իսկ ոսկեղեն կա՞:

-Այո, ոսկեպատ արծաթե վզնոց:

Ընդհանուր տասը տեսակ իր է գտնված: Նաև հելլենական մետաղադրամներ, որոնցշնորհիվ էլ որոշվել է, որ դամբարանը մ.թ.ա. 2-րդ դար է: Պատկեր կա՞ դրամի վրա: Այո, կա, դրամները պատկերով են լինում: Ո՞ւմ պատկերն է: Չի ասում: կմախքը տղամարդո՞ւ է, թե՞ կնոջ: Դեռ հայտնի չէ, պետք է գնալ տեղում ուսումնասիրել: «Սպասեք, մասնագետները կգնան, դամբարանը կուսումնասիրեն, բոլոր հարցերի պատասխանները կտրվեն»,-ասում է նա: Դեռ չեն գնացե՞լ: «Չէ, այդ կողմերում ձյուն է նստած, սպասում ենք ձյունը հալվի»: Այ քեզ բան, ձյուն մի քանի օր առաջ է եկել, իսկ գտաածոյի մասին իմացվել է մոտ 20 օր առաջ: Որսորդներն էլ, ոստիկանության տվյալներով, գտածոն տուն են բերել ու մի անգամ էլ են գնացել դամբարան, որ էլի բան գտնեն: Ինչի՞ մասնագետները շուտ չեն գնացել` տեսնեն ի՞նչ դամբարան է, կողքերն էլ կա՞ն արդյոք դամբարններ: Դայանը ասում է, որ դամբարանը հայտնաբերողը բերել-հանձնել է ամբողջը նախարարությանը: Ինչպես թե, կամավո՞ր: «Այո»: Ոստիկանությունը չի գտե՞լ: «Ոչ: Կգնահատվեն իրերը և նրանց արժեքի հիսուն տոկոսի չափով կվարձատրվի գտնողը»: Այդպիսի օրենք կա` հնագիտական իրեր գտնողը դրանք հանձնելու դեպքում ստանում է դրանց արժեքի 50 տոկոսը:

Ուրեմն կամավո՞ր: Սկսեցի կասկածել մյուս ասածներին էլ: Վստահ եմ, որ Դայանը ճիշտ չի ասում, թե որսորդը զարդերը կամավոր է բերել, ուրեմն, հնարավո՞ր է, որ թաքցնում է նաև, թե թագ է հայտնաբերվել:

Պատմության թանգարանի իմ աղբյուրից տեղեկանում եմ, որ իրոք, Գորիսի բնակիչը(կարծես Անդո անունով) կամավոր հանձնել է գտածոները: Սակայն ինքը տեղյակ է, որ իրականում նրան նախապես ոստիկանությունն է հայտնաբերել: Թագի մասին լսել է, բայց իրերի մեջ թագ չի եղել: Նա ասում է, որ այդպես, 90-ականներին թագ էր հայտնաբերվել Սիսիանի իշխանական դամաբարանում, բայց գերմանացի մասնագետները թագը ու էլի շատ իրեր տարել են իրենց հետ`էն տարիներին բեսպրեդել էր, ո՞վ էր հսկում, թե ինչ են գտնում(մի գերմանուհի պատմել էր իմ ծանոթին, որ ինքը հնագիտական արժեք ունեցող իրեր է տարել Հայաստանից, մաքսատան բարձրաստիճան պաշտոնյան սկզբում թույլ չի տվել, հետո պայման է դրել` կքնես հետս կթոնղեմ, կինն էլ քնել է հետը ու իրերը տարել Գերմանիա):

Գորիսեցին թանգարան է հանձնել գահի մետաղական զարդեր(դամբարանում, հավանաբար, փայտե գահը փոշիացել է, բայց նրա մետաղական զարդերը պահպանվել են), ապարանջաններ, վզնոց` բոլորը ոսկե թիթեղով պատված, կանաչ քարեր(փորձաքննություն դեռ չի արվել պարզելու համար, թե դրանք զմրո՞ւխտ են, թե այլ քար) և երեք մետաղադրամներ`երկուսը հելլենական`մթա. երկրոդ դարի, մեկը Տիգրան Մեծի պատկերով`մ.թ.ա. առաջին դարի: Հետևաբար, ենթադրվում է, որ երկու դամբարան է հայտնաբերվել` մեկը Տիգրան Մեծի ժամանակվա, մյուսը 100 տարի ավելի հին:

Թանգարանը դամբարանի մասին տեղեկացրել է հնագիտության ինստիտուտի տնօրենին, սակայն դեռևս այնտեղից հետազոտություներ անելու քայլեր չեն արվել, չեն էլ եկել զարդերը տեսնելու:

Եզրակացություն. Ոստիկանությունը գտել է դամբարանը հայտնաբերողներին, սակայն իշխանություները ցանկացել են ներկայացնել, որ հայտնաբերողները կամավոր են հանձնել գտածոները նախարարությանը, արանքում մի շարք գտածոներ անհետացել են: Նաև ենթադրել կարելի է, որ Տիգրան Մեծի պատկերով երկու մետաղադրամ է եղել(այդպիսին է ոստիկանության աղբյուրի տեղեկությունը), սակայն մեկն են հանձնել թանգարան:

Մեկ այլ աղբյուրից էլ իմացա դամբարանի հայտնաբերելը թաքցնելու մեկ այլ պատճառ. դամբարանը գտնվում է Ղարաբաղի վարչական տարածքում, և իրավական առնումով, փաստորեն, այն և հետն էլ գտածոները պատկանում են Ղարաբաղին, սակայն Հայաստանի իշխանությունները ցանկանում են չհրապարակել դամբարանի տեղը, որ գտածոները պահեն Հայաստանում:

Վահան Իշխանյան

Թերթ

[Norton]

Հրաժարվում են ՀՀ քաղաքացիությունից

Հայրենիքի դավաճանության մեջ մեղադրվող, արցախյան պատերազմի լեգենդար հերոս Գևորգ Հայրապետյանի մարտական ընկերները Հայաստանի Հանրապետության քաղաքացիությունից հրաժարվելու մասին դիմում են գրել Սերժ Սարգսյանին: Դրանում ասվում է.

Հարգելի պարոն նախագահ

2010թ. հոկտեմբերի 25-ին Երևանի Ավան և Նոր Նորք վարչական շրջանների ընդհանուր իրավասության դատարանը դռնփակ դատական նիստում Հայաստանի Հանրապետության անունից պետական դավաճանության շինծու մեղադրանքով 12 տարվա ազատազրկման դատապարտեց մեր մարտական ընկերոջը` Նոր Եդեսիա ջոկատի լեգենդար հրամանատար, փոխգնդապետ Գևորգ Հայրապետյանին:

Այս օրերին ՀՀ վերաքննիչ դատարանում ընթանում է Գևորգ Հայրապետյանի գործի վերաքննությունը, բայց դարձյալ դռնփակ, հասարակությունից գաղտնի և մենք` նրա մարտական ընկերները մտավախություն ունենք, որ կկրկնվի ընդհանուր իրավասության դատարանում բեմադրված սցենարը:

Լինելով Գևորգ Հայրապետյանի զինակից ընկերները, իմանալով նրա անցած փառավոր մարտական ուղին և նրա բացառիկ ազնվությունն ու նվիրվածությունը հայրենիքին, համոզված ենք, որ փակ դռների հետևում բեմադրված դատական ֆարսը ինչ-ինչ անձանց հաշվեհարդարն է Գևորգ Հայրապետյանի նկատմամբ:

Հաշվեհարդար, որն իրականացվեց Հայաստանի Հանրապետության անունից իրականացված գործողությունների, այդ թվում նաև Գևորգ Հայրապետյանի նկատմամբ դատավճռով օրիկնականացված հաշվեհարդարի համար ՀՀ բոլոր քաղաքացիների վրա տարածվող բարոյական պատասխանատվությունից և ամոթից զերծ մնալու միակ ճանապարհը տեսնում ենք Հայաստանի հանրապետության քաղաքացիությունից հրաժարվելու մեջ:

Ուստի, մենք Արցախի ազատամարտին և Հայաստանի Հանրապետության պետականության կայացմանը անմնացորդ նվիրված վետերան ազատամարտիկներս, ի զորակցություն հանիրավի դատապարտված մեր մարտական ընկեր և հրամանատար Գևորգ Հայրապետյանի հրաժարվում ենք Հայաստանի Հանրապետության քաղաքացիությունից:

Դիմումի տակ ստորագրել են Նոր Եդեսիա ջոկատի 35 ազատամարտիկներ

www.lragir.am

[Norton]

Փնտրվում է «ՀայՌուսգազարդի» չափ գազի տեղափոխման ծախս անող երկիր

Ներկայացնենք եվրոպական մի շարք երկրներում գազի գինը` արտահայտված հայկական դրամով: Դանիայում 1 խմ գազը բնակիչները գնում են 277 դրամով, Ավստրիայում` 190, Բելգիայում 147, Ֆինլանդիայում` 146, Գերմանիայում` 139, Իռլանդիայում` 132, Նիդեռլանդներում` 125.6, Ֆրանսիայում` 125, Սլովակիայում` 124.6, Լիտվայում` 121.9, Հունգարիայում` 119.7, Իտալիայում` 116.5, Բուլղարիայում` 112.8, Լատվիայում` 112.8, Չեխիայում` 112, Ռումինիայում` 105.8, Էստոնիայում` 97.3 (թվերը հաշվարկված են http://www.energy.eu/#Domestic կայքի ներկայացրած տվյալների և երեկվա եվրո-դրամ փոխարժեքի կուրսի հիման վրա):

Իսկ հիմա, ուշադրություն, Հայաստանում 1 խմ գազի գինը կազմում է 132 դրամ: Այսինքն` պատահական վերցված եվրոպական այս 17 երկրներից 11-ում գազն ավելի էժան է, քան Հայաստանում: Բայց դա մեր իշխանությունների համար հաշիվ չէ, և նրանք տարիներ շարունակ մեզ կերակրում են ռուսական էժան գազի վերաբերյալ հեքիաթներով: Ավելին, հայ ժողովուրդը շունչը պահած սպասում է Հյուսիսից ստացվող լուրերին. հույս ենք փայփայում, որ դարավոր բարեկամը գազի գինը հերթական անգամ չի բարձրացնի: Իսկ էներգետիկայի և բնական պաշարների նախարար Արմեն Մովսիսյանը երեկ ասաց, թե բանակցությունները շարունակվում են բավականին «բարենպաստ մթնոլորտում», և իրենք ամեն ինչ անում են, որ ռուսական կողմն այն չթանկացնի: Մեր իշխանություններին թվում է, թե Հայաստանում ոչ ոք ոչինչ չի հասկանում ու չի տեսնում (բացի իրենցից):

Հատուկ որոշ ուշ հասկացողների համար շեշտենք ևս մեկ անգամ` Հայաստանը արդեն իսկ գազի համար «Գազպրոմին» վճարում է աշխարհում ամենաթանկ գներից մեկը: Տարիներ շարունակ մեր իշխանությունները դիտավորյալ թյուրիմացության ու մոլորության մեջ են գցում լրագրողներին ու հասարակությանը` հայտարարելով, թե սահմանի վրա 1000 խմ գազը Հայաստանը Ռուսաստանից գնում է 180 դոլարով, մինչդեռ, օրինակ, Մոլդովան այն գնում է 240, Ուկրաինան` 300 դոլարով, շուկայական գինը աշխարհում 300 (կամ, ասենք, 250) դոլար է և այլն, և այլն: Սակայն մեր իշխանությունները չեն հիշատակում, որ գազի ներքին տեղափոխման ծախսը աշխարհում ոչ մի տեղ չի գերազանցում 50 դոլարը (հազ. խմ-ի դիմաց): Հայաստանի սպառողներս, սակայն, ինչպես արդեն նշվեց, գազի 1000 խմ-ի դիմաց վճարում ենք 132 հազար դրամ (մոտ 360 դոլար): Այսինքն` գազի ներտնտեսական ծախսը (սահմանից սպառողին հասցնելու ծախսը) Հայաստանում 9-10 անգամ ավելի է, քան աշխարհի գրեթե բոլոր երկրներում: Բայց այս զարմանահրաշ պատմությունը ավելի հասկանալի է դառնում, երբ հիշում ենք, որ մեր այդ չարաբաստիկ «սահմանի վրա» գազ վաճառողն ու գնորդը միևնույն ընկերությունն է` ռուսական «Գազպրոմը»: Այսինքն` «Գազպրոմը» գազը իբր «վաճառում է» իրեն պատկանող «ՀայՌուսգազարդին» 180 դոլարով (հազար խմ-ի դիմաց), հետո էլ մեզ տալիս 360 դոլարով (նույն ծավալի դիմաց): Կարող էր չէ՞ «Գազպրոմը» գազի «սահմանի վրայի» գին սահմանել, ասենք, 220 դոլարը (հազար խմ-ի դիմաց), «ՀայՌուսգազարդի» ներտնտեսական ծախսն էլ` 140 դոլար (վերջնական գինը դարձյալ կլիներ 360 դոլար):

Երեկ մենք փորձեցինք ճշտել Ա.Մովսիսյանինց` գիտի՞ արդյոք մի որևէ երկիր, որտեղ գազի տեղափոխման ծախսը նույնքան թանկ է, որքան Հայաստանում: Նախարարը պատասխանեց, թե գիտի, և որ նման երկրներ էլի կան: Սակայն որևէ երկրի անուն չնշեց: Որքան էլ փորձեցինք համացանցում գտնել մի որևէ երկիր, որտեղ գազի ներտնտեսական տեղափոխման նման բարձր ծախսեր լինեն, չհաջողվեց: Բայց քանի դեռ մեր իշխանավորները ձև են անում, թե նորմալ է սովորականից 10 անգամ ավելի թանկ տեղափոխման ծախսեր թույլ տալ, Հայաստանից որևէ մեկը չի համարձակվի «ՀայՌուսգազարդի» բաժնետոմսերի հիմնական սեփականատեր «Գազպրոմին» ասել` եղբա՛յր, սահմանի վրա գազը վաճառիր 250 դոլարով, կամ նույնիսկ` 300 դոլարով, միայն թե գազի ներտնտեսական ծախսդ 30 դոլարից ավելի չանես:

Հրայր Մանուկյան, «Ժամանակ» օրաթերթ

[ministr]

Հենց էսօր դա էի բացատրում որոշ մարդկանց... դարի հանելուկնա: Թուրքմենստաններից գազը գալիս հասնումա Ռուսաստան, հետո Վրաստաններով գալիս հասնումա Հայաստանի սահման, ու դա ընդամենը $180 ընդ որում գազի ինքնարժեքն էլ հետը, ու մեր քռչոտ մի քանի հազար կիլոմետրում էդ գինը կրկնապատկվումա: Գազպրոմն էլ բնականաբար մտածումա, որ եթե սպառողը $360-ին համաձայնա ու լավ էլ մուծումա, ինչի՞ա $180-ով բերում հասցնում սահման: Ճիշտ ա, ՀայՌուսԳազարդն էլա իրանը, բայց ՀՀ բյուջենա փայ մտնում (լավագույն դեպքում): Հենա սահմանի մոտ գինը կբարձրացնի, էդ գինը կվերցնի առանց մեր "հավակնոտ բյուջեն լցնելու", հետևաբար ավելի շատ փող կաշխատի: Դե իսկ սպառողին ինչ գումարով դա կհասնի էդ իրան ավելի քիչա հետաքրքրում, մեկա փախնելու տեղ չունեն, կամ էլ թող ՀՀ-ն ավելի քիչ "մտնի" գնի մեջ՝ գինը նույնը պահելու համար: Բիզնեսի տեսանկյունից լրիվ առողջ մտածելակերպա:
Իսկ այ "մերոնք" թող թոզ չփչեն, թե մեր մասին մտածելով են բանակցում որ գազի գին չբարձրանա...

[Տրիբուն]

Կստորագրի, թե՞ չի ստարոգարի

ՀՀԿ ՊԱՏՐԱՍՏԵԼ Է ՀՈՒՇԱԳՐԻ ՏԵՔՍՏ

Այսօր ժամը 22-ի սահմաններում ՀՀԿ գրասենյակում ավարտվել է կուսակցության խորհրդի նիստը, որին ներկա են եղել ՀՀ նախագահը, ԱԺ նախագահը, մարզպետներ, պատգամավորներ:

Նիստը տեւել է երեք ժամից ավելի, եւ այն ավարտվելուց հետո բազմաթիվ հանրապետականներ նյարդայնացած վիճակում էին, տեղեկացնում է ֆոտոլրագրող Գագիկ Շամշյանը: Խորհրդի նիստում քննարկվել է ՀՀԿ-ԲՀԿ հարաբերության հարցը, ինչպես նաեւ կոալիցիոն նոր հայտարարության տեքստը, որում կա գործող նախագահին գալիք ընտրությանը աջակցելու կետ: Ենթադրվում է, որ այն առաջարկվելու է ԲՀԿ-ին ստորագրելու:

Հանրապետական կուսակցության խոսնակ Էդուարդ Շարմազանովը Ազատություն ռադիոկայանին ասել է, որ իշխող կոալիցիայի մաս կազմող քաղաքական ուժերի՝ ՀՀԿ-ի, Բարգավաճ Հայաստան եւ Օրինաց երկիր կուսակցությունների միջեւ համաձայնություն է ձեռք բերվել հինգշաբթի օրը կոալիցիոն նոր պայմանագիր ստորագրելու մասին։

«Քաղաքական կոալիցիան նախագահական ընտրություններում հանդես կգա միասնական թեկնածուով՝ ի դեմս գործող նախագահի, դրանով իսկ երաշխիքներ ստեղծելով` ապահովելու փոփոխությունների հետագա շարունակականությունն ու մեր երկրի կայուն առաջընթացը հաջորդող 5 տարիների ընթացքում», ասված է այսօր ՀՀԿ-ի խորհրդին ներկայացված կոալիցիոն նոր համաձայնագրի նախնական տեքստում։

ՆՈՐ ԶԱՐԳԱՑՈՒՄՆԵՐ
Համաձայն ԲՀԿ-ին մոտ կանգնած աղբյուրների, այս պահին կուսակցության վերնախավում քննարկվում է կոալիցիոն նոր հուշագիրը մերժելու խնդիրը: Ըստ հավաստի տեղեկությունների, վերջին պահին հուշագրի հեղինակները փոխել են պայմանավորվածությունը և ավելացրել գործող նախագահին անվերապահ աջակցելու կետը: ԲՀԿ-ում հակված են “Արթուր Բաղդասարյան չդառնալու” տարբերակին: Միևնույն ժամանակ գտնում են, որ կոալիցիան որևէ մեկի սեփականությունը չէ: “Թող նոր կոալիցիա ստեղծեն, մենք էլ գիտենք ում հետ կհամագործակցենք”, այսպիսին են կուսակցությունում տիրող տրամադրությունները, իսկ համագործակցության ակնարկն ուղղված է ընդդիմության հանրահավաքներին:

Հազար տոկոս էն հաստ գլոխը կախ, դեմքի դմբլդոխ ժպիտով, աչքերը իբր խորիմաստ բաց ու խուփ անելով, ստորագրելույա:

[ministr]

Հազար տոկոս էն հաստ գլոխը կախ, դեմքի դմբլդոխ ժպիտով, աչքերը իբր խորիմաստ բաց ու խուփ անելով, ստորագրելույա:

Կամ կստորագրի, կամ էլ մի քանի հարկային, մաքսային, դատարանական ռեյդերից հետո մնացած փշրանքները կհավաքի ու Հայաստանից կգնա, կամ էլ պտի կանգնի ու կռիվ տա, ինչը ամենաքիչ հավանական տարբերակնա:

[Rammer]

Կստորագրի, թե՞ չի ստարոգարի




Հազար տոկոս էն հաստ գլոխը կախ, դեմքի դմբլդոխ ժպիտով, աչքերը իբր խորիմաստ բաց ու խուփ անելով, ստորագրելույա:

Հալալա Սեռժին...Ջոգում ես ինչ տոշն մոմենտ ա ջոգել ա: Ճիշտ ՀԱԿ-ի հանրահավաքից առաջ: Սեռժի ինչ խաղերա տալիս բայց ընդիմության միտինգների վրա...

[Տրիբուն]

Հալալա Սեռժին...Ջոգում ես ինչ տոշն մոմենտ ա ջոգել ա: Ճիշտ ՀԱԿ-ի հանրահավաքից առաջ: Սեռժի ինչ խաղերա տալիս բայց ընդիմության միտինգների վրա...

Լավ ա անում: Իսկ ո?վ ա մեզ խնդրել անտեղի արտոնված միտինգներ անել:

[Տրիբուն]

Հեսա տենանք ով ա լավ տղեն

Կոալիցիան փլուզվո՞ւմ է

Ըստ հավաստի աղբյուրների` կոալիցիոն ուժերի միջև հարաբերություններն այսօր սրվել են աննախադեպ աստիճանի, այն բանից հետո, երբ ԲՀԿ առաջնորդ Գագիկ Ծառուկյանից վերջնագրի տեսքով պահանջել են ստորագրել կոալիցիոն նոր հուշագրի տակ:
Նոր հուշագիրը պարտադիր պայման է նախատեսում գործող նախագահ Սերժ Սարգսյանին սատարելը:

Ըստ մեր աղբյուրի` ի պատասխան դրան, Ծառուկյանը հայտարարել է, որ ինքը համագումարում է հայտարարել իր դիրքորոշումը և չի պատրաստվում կցորդ և հաճախորդ դառնալ:

Առյուծը որ իրան կատվի պես չպահեց, էսօր խոսք եմ տալիս հաջորդ ԱԺ ու նախագահական ընտրություններին ձայնս ԲՀԿ-ին տամ:

Հուշագիրը կստորագրվի ժամը 17.00-ից հետո

Այսօր ժամը 17.00-ից հետո իշխող կոալիցիան հուշագիր կստորագրի:

Այդ մասին «Ա1+»-ին հայտնեց ՀՀԿ մամուլի խոսնակ Էդուարդ Շարմազանովը:

Հուշագրի բովանդակության մասին խոսելուց նա ձեռնպահ մնաց`դա համարելով ոչ կոռեկտ: Նա նաեւ նշեց, որ, հավանաբար, արարողությունը տեղի կունենա Նախագահի նստավայրում:

Հիշեցնենք, որ երեկ ՀՀԿ-ում խորհրդի նիստ էր տեղի ունեցել, որին անձամբ ներկա է եղել Սերժ Սարգսյանը:

Վերջում իսկականից պարզվելու ա, որ ՌՔ-ն Հայաստանի միակ տղամարդն ա:

[Ձայնալար]

Կը՛ ստոր ա գրի

[Rammer]

Հեսա տենանք ով ա լավ տղեն


Առյուծը որ իրան կատվի պես չպահեց, էսօր խոսք եմ տալիս հաջորդ ԱԺ ու նախագահական ընտրություններին ձայնս ԲՀԿ-ին տամ:




Վերջում իսկականից պարզվելու ա, որ ՌՔ-ն Հայաստանի միակ տղամարդն ա:

Բա էս էլ քո քաղաքական իդելաը ախպեր ջան...Բայց պարզվեց որ միակ տղամարդը Սեռժն ա ապեր ոչ թե ՌՔ:

[Տրիբուն]

Կը՛ ստոր ա գրի

Թսան առյուծ

ԲՀԿ ՀԱՄԱՁԱՅՆՎԵԼ Է

«Խորհրդարանական ընտրություններից հետո գնալու ենք նախագահական ընտրությունների միասնական թեկնածուով` ի դեմս երկրի գործող նախագահի», հայտարարել է Բարգավաճ Հայաստան կուսակցության ղեկավար Գագիկ Ծառուկյանը կուսակցության խորհրդարանական խմբակցության այսօրվա նիստի ավարտից հետո:

Անդրադառնալով նախկինում բազմիցս արած իրենց հայտարարություններին, որ գնում են խորհրդարանական ընտրությունների եւ միայն այդ ընտրություններից հետո կասեն նախագահի իրենց թեկնածուի մասին, Ծառուկյանն իրենց ներկայիս այս որոշումը պայմանավորել է երկրի առջեւ ծառացած ծանր խնդիրներով` տնտեսական, ֆինանսական, քաղաքական եւ ռազմական:

[davidus]

Առյուծը որ իրան կատվի պես չպահեց, էսօր խոսք եմ տալիս հաջորդ ԱԺ ու նախագահական ընտրություններին ձայնս ԲՀԿ-ին տամ:

Reset.... սկսում ենք սկզբից....