ՀԱՅԱՍՏԱՆՈՒՄ ԱՊՐԵԼՈՒ ՀԱՐԿԸ ԲԱՐՁՐԱՆՈՒՄ Է
Կառավարությունը որոշել է բենզինի, դիզվառելիքի եւ ծխախոտի «ոլորտները» հարկել նոր ձեւով։ Իրենք ասում են, որ դա լինելու է «առավել արդարացի համակարգ», բայց խոսքն ակնհայտորեն ընդամենը հարկերը բարձրացնելու մասին է։
Նրանք, ի դեպ, դա չեն էլ թաքցնում. ասում են, որ նպատակը «պետական բյուջե ստացվող հարկային եկամտի մակարդակը բարելավելն է»։ Թե որն է լինելու հարկերը բարձրացնելու հետեւանքը՝ նույնպես հասկանալի է. այդ ապրանքները թանկանալու են։ Վարչապետ Տիգրան Սարգսյանն այդ մասին ուղիղ տեքստով է ասում. «Խնդիրն այն է, որ Հայաստանում, օրինակ, ծխախոտը շատ էժան է եւ ամենքին մատչելի։ Մեզանում խիստ տարածված են նաեւ ծխախոտի հետեւանքով առաջացող հիվանդությունները, ուստի գները պետք է աստիճանաբար բարձրացնել...» եւ այլն։ Հասկացա՞ք։ Մարդը մեր առողջության մասին է մտածում, հո բյուջեի մասին չի՞ մտածում։ Հասարակությունն էլ, բնականաբար, պիտի լսի այս որոշման մասին եւ գորովանքի անհուն զգացումով լցվի մեծ մարդասեր Տիգրան Սարգսյանի նկատմամբ։ Մանավանդ որ բենզինն ու դիզվառելիքը նույնպես պիտի թանկանան ¥գազի մասին էլ չենք խոսում¤։ Արդյունքում՝ կթանկանա նաեւ տրանսպորտը։ Իսկ հիմա ինչի՞ նման է. տրանսպորտը բոլորին մատչելի է, ով ասես՝ երթուղային է նստում։ Քայլել է պետք, որովհետեւ քայլելն առողջարար է։
Հետաքրքիր է՝ որեւէ մեկը վարչապետ Տիգրան Սարգսյանին չի՞ հիշեցրել, որ հացը նույնպես վնասակար է, որովհետեւ գիրացնում է, իսկ ավելորդ քաշը նպաստում է սրտանոթային հիվանդությունների խորացմանը։ Որեւէ մեկը չի՞ հուշել, որ յուղոտ սնունդը տեղով մեկ խոլեստերին է, հետեւաբար՝ պետք է վերանայել նաեւ համապատասխան մթերքների հարկման դրույքաչափերը։ Իսկ գիտե՞ք, թե համակարգիչնե՛րը որքան վնասակար են, հատկապես՝ երիտասարդների համար։ Պետք է դրանց ներմուծման հարկերը նույնպես առնվազն եռապատկել։ Քիմիական պարարտանյութերով աճեցրած բանջարեղենն ընդհանրապես քայքայում է առողջությունը, հետեւաբար՝ պետք է ե՛ւ պարարտանյութերը թանկացնել, եւ բանջարեղենը։ Կամ՝ ձեզ թվում է «Նաիրիտը» չի աշխատում, որովհետեւ որոշել են այն մաս-մաս տեղափոխել Չինաստան ու այնտեղ վարչապետի ու նրա եղբոր «կռիշի տակ» նոր գործարա՞ն ստեղծել։ Ոչ, մեր առողջության մասին են մտածում։
Հիմա՝ ավելի լուրջ։ Եթե կառավարությունն այս ամենն անում է, որովհետեւ Հայաստանն Առեւտրի համաշխարհային կազմակերպության առջեւ որոշակի պարտավորություններ է ստանձնել, ապա դա, մեղմ ասած, թույլ պատճառաբանություն է։ Հայաստանն ուրիշ շատ պարտավորություններ էլ է ստանձնել, բայց չի կատարում։ Եթե կառավարությունն այս ամենն անում է հանուն մարդկանց առողջության, ապա կարող էր ծխախոտը թանկացնելուց առաջ հետաքրքրվել եւ պարզել, որ Հայաստանի բնակչության առնվազն մեկ երրորդն աղքատ է, իսկ երեխաների 15-20 տոկոսը բառիս բուն իմաստով թերսնվում է, այսինքն՝ սոված է մնում։ Դե եթե այդքան մտածում եք մարդկանց առողջության մասին՝ թոշակներն ու նպաստնե՛րը կրկնապատկեք-եռապատկեք։
Իսկ իրականությունն այն է, որ այս իշխանությունները, սովորության համաձայն, փնտրել-գտել են այն ոլորտը, որտեղից հնարավոր է լրացուցիչ փող քամել։ Նրանք գիտեն, որ ծխող մարդը իր բոլոր մյուս ծախսերը կկրճատի, բայց կշարունակի ծխել։ Այսինքն՝ իշխանությունների համար սա «նաղդ փող է»։ Եվ ընդհանրապես, վերջին ամիսներին այս միտումը շատ հստակ է երեւում։ Իշխանությունները թանկացնում են հատկապես առաջին անհրաժեշտության ապրանքները ¥հաց, ձեթ, շաքարավազ, կարտոֆիլ¤, որովհետեւ շատ լավ գիտեն, որ մարդիկ, միեւնույն է, գնելու են այդ ապրանքները։ Կոպիտ ասած՝ իշխանությունները բարձրացնում են Հայաստանում ապրելու հարկի չափը։ Սա է, ուզում եք՝ ուզեք, չեք ուզում՝ ռադներդ քաշեք երկրից։
Մարդիկ, ի դեպ, այդպես էլ վարվում են։ Արտագաղթի այն ալիքը, որը սկսվել է վերջին մեկ-մեկուկես տարում, գնալով ահագնանում է։ Իշխանություններն էլ, համապատասխանաբար, բարձրացնում են մնացողների «գլխահարկը», որպեսզի ընդհանուր գումարը չպակասի։ Բայց սա անընդհատ շարունակվել չի կարող։ Մնում է սպասել, թե ինչով է ավարտվելու այս ամենը։
ԳՐԻԳՈՐ ՈՍԿԱՆՅԱՆ
Վիշապ-ի խոսքերից
Մեֆ չեմ ուզում մեր անվերջ ձգվող բանավեճը էլի ծավալել, բայց էս մեկի համար ասեմ. Հայաստանը պարզապես խաղում է «բանակցություններ բանակցությունների համար» խաղը ճիշտ այնպես ինչպես որ խաղում են միջնորդները, ինչպես որ խաղում է Ադրբեջանը: Տվյալ խնդիրը հեռու է բանակցությունների ու փոխզիջումների միջոցով լուծվելիք խնդրից Մեֆ, էստեղ կան իրար ծայրահեղորեն հակակշիռ շահեր, իսկ խաղացողները այրել են բոլոր կամպրոմիսների կամուրջները: Չնայած դու իհարկե կարող ես երազել կոմպրոմիսներից, համերաշխությունից, ընդհանուր զարգացումից, բարիդրացիական հարաբերություններից, միջազգային սիրուց, բայց էդ ամենը հեռու է իրականությունից, քանի որ մենք՝ մարդիկս իրար հանդուրժելու ու զիջելու աստվածային մեծահոգությամբ օժտված չենք: Բայց հայերս մեր պատմության ընթացքում շատ ենք զիջել, բայց մեզ սխալ են հասկացել Մեֆ ջան, դրա համար էս անգամ անձամբ ես՝ ՀՀ թշվառ քաղաքացիս չեմ ուզում ոչինչ զիջել: Կամ մահ, կամ ազատություն:
Մեջբերել
Էջանիշներ