ԱՂՎԱՆ ՀՈՎՍԵՓՅԱՆԻ ԲԱՐԵԿԱՄԸ ՏԵՐ-ՊԵՏՐՈՍՅԱՆԻ ԿՈՂՄՆԱԿԻ՞Ց
Փետրվարի 24-ին ձերբակալված եւ ընդամենը երեկ ազատ արձակված ԱԱԾ-ի պետի նախկին տեղակալ Գուրգեն Եղիազարյանի կարծիքով՝ բանատախցից դուրս գալիս եւ ուրախ ես լինում, եւ տխուր, քանի որ այնտեղ դեռ մնում են շատ մարդիկ: նա մեղադրվում էր ՀՀ ՚Քրեական օրենսգրքՙ-ի 300 եւ 225 հոդվածների հատկանիշներով՝ իշխանության բռնի զավթում եւ զանգվածային անկարգություններ: Նրա նկատմամբ կիրառված խափանման միջոցը երեկ փոխարինվեց բնակության վայրից չբացակայելու ստորագրությամբ:
Իր ազատ արձակումը նա համարում է մեր ժողովրդի կամքի դրսեւորման արդյունք եւ պայմանավորում է ԵԽ մարդու իրավունքների հանձնակատար Թոմաս Համմերբերգի Հայաստան այցով:
Շուրջ 145 օր անազատության մեջ գտնվելուց հետո լրագրողերին նա շատ բան ուներ պատմելու թե իր կալանավորման հանգամանքների, թե մարտի 1-ի իրադարձությունների մասին: Ըստ նրա՝ իր մեղադրանքի մեջ միայն ընդհանուր դրույթներ են գրված եղել եւ իր նման ձերբակալվածներից բոլորի մեղադրանքներում ընդամենը անուններն են փոփոխվել:
՚Կիսագրագետ մարդը գոնե նախադասությունները կփոխեր, ետ ու առաջ կգրեր, որն այս դեպքում չի էլ արվել: Իմ ու Ջհանգիրյանի մեղադրանքների տեքստերն, օրինակ՝ այնքան նման էին, որ նունիսկ ստորակետներն էին նույնը. մեկը մյուսից արտագրված էրՙ,- պատմում է Եղիազարյանը:
Բանտախցում, ինչպես ինքն է ասում՝ իր ՚բախտակիցնՙ էր նույն գործով ձերբակալված ՀՀ գլխավոր դատախազ Աղվան Հովսեփյանի ազգական Վրեժ Նիկոլյանը: Միեւնույն խցում գտնվելիս` նա Եղիազարյանին այս ընթացքում բավականին հետաքրքիր մանրամասներ է հասցրել պատմել մարտի 1-ի իրադարձությունների մասին եւ թե ինչ դերակատարում է ինքն անձամբ ունեցել այնտեղ:
Ազատության հրապարակում նախաքննության մարմնի իբր հայտնաբեված 5-6 ոզնիները հենց Նիկոլյանն էր բերել, որոնք, ինչպես պատմել է Եղիազարյանին՝ նախատեսվել էին ջրցան մեքենաների տակ գցելու համար, քանի որ. ՚Այդ ոզնի կոչվածով ուրիշ գործողություն անել հնարավոր չէր: Ես այդպես եմ կարծում, եթե դա մերն է եղել: Սակայն հետագայում պարզեցինք, որ դա ընդհանրապես մեզ կապ չի ունեցել, այլ կապ է ունեցել Աղվան Հովսեփյան կոչվածի եւ իր բարեկամի հետՙ:
Ըստ Եղիազարյանի՝ տեսնելով, որ ուրիշ մարդու չեն կարողանում ներքաշել տարբեր տեսակի ստորությունների մեջ, իշխանություններն արդեն իրենց բարեկամներին են բերում: Նիկոլյանն, ըստ նրա՝ հատուկ էր ներգրավվել այս գործի մեջ: Երբ Եղիազարյանը հարցրել է նրան, թե ինչու է նա այդպիսի բան արել, երբ նման բարեկամական կապեր ուներ եւ ՀՀ նախագահի ընտրություններին եղբոր հետ Սերժ Սարգսյանին է սատարել, Նիկոլյանն ամոթխած գլուխը կախել է:
Իսկ թե ինչու էր Նիկոլյանն այդպես անկեղծացել ու ամեն ինչ պատմել Եղիազարյանին, վերջինիս վարկածով՝ երբ 24 ժամ նույն խցում են եղել ու անցկացրել շուրջ 145 օր, ապա ՚անկեղծանալու պահեր էլ են եղելՙ: Այն հարցին, թե ինչո՞ւ էին այդ դեպքում նրան ու Նիկոլյանին նույն խցում պահում, Եղիազարյանը պատասխանեց. ՚Քանի որ խելք չունեին: Եթե մի քիչ տրամաբանություն ունենային, նրան կբերեին ու ինձ հետ միեւնույն խցում կդնեի՞նՙ:
Նման վարվելակերպի մեջ արդյոք նա միտում տեսնո՞ւմ է, թե ոչ մեր հարցին, նա պատասխանեց, որ ինքն իրավունք չունի շատ բան խոսելու:
Ինչ վերաբերում է պայքարի հետագա գործողություններին, ապա Գուրգեն Եղիազարյանը նշեց, որ մի բան միանշանակ է. ՚Մենք դատապարտված ենք հաղթանակիՙ:
A1+
Մեջբերել
Տրիբուն-ի խոսքերից
, էտ էր պակաս համ էթաս թալանվես համել միհատել մուտքի տոմս տաս
), բայց ջնջվում են:
Էջանիշներ