Սերժ Սարգսյանի աջակցման հանրահավաք

[Արշակ]

Հանրահավաքի մասին այլ թեմայում գրել էի.

1.էդ բոլոր մարդկիկ, որ բերվել էին ստիպողաբար, նրանք տեսան, համոզվեցին, որ որ ժողովրդի զգալի մասը պայքարում է իր ազատության համար։ Զգացին, որ կարող են թողնել Սերժին ու միանան պայքարին։ Հոգեբանորեն դա շատ մեծ էֆեկտ ունի։
2. էդ բոլոր էկածները իրենց տեսածը կպատմեն, կտարածեն ողջ Հայաստանով։ Չէ՞ որ նրանք զոռով բերվել էին տարբեր մարզերից։ Փաստորեն Սերժը ինքն իր ձեռքով փշրեց մարզերի լրատվական բլոկադան։ Էս դեպքում արդեն Հայլուրը շատ բան չի կարող անել։
3. Երկու հանրահավաքների եկածների միավորումը, այդ հզոր մարդկային ալիքը շատ մեծ ճնշում է պետական կառույցների վրա։ Պետական կառույցները տեսնում են, որ հողը փախնում է Սերժի տակից։
4. Ինչպես հայտարարվեց Ազատության հրապարակում, այս ամենն արդեն հեռարձակվելու է ոչ միայն Հ1–ով։ Այս հզոր շարժումը հեռարձակվելու է նաև միջազգային հեռուստատեսություններով։ Հետևաբար աշխարհը տեսնելու է էս բոլորը։ Մեծանալու է արտաքին ճնշումը Սերժի վրա։

Իսկ ինչ վերաբերում է ՍՍ–ի ելույթին, եթե հանենք ամպագոռգոռ փուչ պոպուլիստական կոչերը, կարծում եմ ՍՍ–ի խոսքը հիմնականում երկու բան էր արտահայտում։
1. Անհանգստացած է ու արդեն պատրաստ է որոշ աթոռներ զիջել, միայն թե իշխանությունը պահի։
«…դիմ­ում եմ նախկին թեկնածուներին եւ նրանց սատարած քաղա­քա­կան ուժե­րին. եկե՜ք համա­գոր­ծակ­ցենք: Ընդհուպ մինչեւ կոա­լի­ցիոն կառա­վա­­րության ձեւա­վո­րում:…»։
Թե ինքը ո՞ր օրվա համագործակցողն էր։ Մինչև հիմա միայն միապետական ձգտումներ էր դրսևորել։
2. Սպառնաց, որ մինչև վերջ գնալու է։