Հայլուրն ու իրականությունը։ Տաթևիկ Նալբանդյան նայի՛ր

[Artgeo]

փաստեր էլ չկան...
Արթ, դու կիմանաս, Վրաստանի դեպքերը նույն ալիքը ո՞նց է լուսաբանել, մենակ ճիշտն ասա.

Վիդեոկադրերից բացի էլ ի՞նչ փաստ

Մզե հեռուստաալիքը նոյեմբերյան օրերը ուղիղ եթերում էր ցույց տալիս առանց մեկնաբանությունների։ Նույնն էին անում Կավկասիա, Իմեդի հեռուստաալիքները։ Վրաստանի Հանրային հեռուստաընկերությունը ժամը մեկ լրատվական թողարկում էր հեռարձակում (մեկը չավարտված, մյուսի սկսվելու ժամն էր, այսինքն նոնստոպ), նույնը Ռուսթավի 2 հեռուստաալիքը։

Երբ Վրաստանում փակեցին Իմեդի հեռուստաալիքը, ԲՈԼՈՐ ալիքներն ու լրագրողները դուրս եկան ի պաշտպանություն այդ ալիքի, մինչև Բադրի Պատառկացիշվիլու հայտնի հայտարարությունը, որից հետո արդեն Իմեդիի լրագրողներն էին լքում ալիքը։

Նախագահական ընտրություններից հետո ակցիաները ժամը մեկ լուսաբանում էին Ռուսթավի 2, Վրաստանի Հանրային, Մզե հեռուստաաալիքները։ Ուղիղ եթերում առանց մեկնաբանությունների ցուցադրում էին Կավկասիա և Մաեստրո հեռուստաալիքները։ Ամեն երեկո ԲՈԼՈՐ վերը նշված ալիքներով ուղիղ եթերում քաղաքական վիճաբանություններ էին, որտեղ իրար դեմ դիմաց նստում էին բոլոր կողմերը։

Ու չնայած այս ամենին, այսօր Վրաստանի Հանրային հեռուստաընկերությունը փոխում է խորհրդի կազմը։ Խորհրդի անդամների քանակը հավասարապես բաշխվելու է ընդդիմության և իշխանության թեկնածուների միջև, որոնք էլ ընտրելու են խորհրդի նախագահ


Ցույց տուր ինձ գեթ մեկ խոսք (Չեմ ասում կադր, սյուժե), որ ասվել է Հայաստանի Հանրային հեռուստաաընկերության եթերում հանրահավաքի մասին։ ՄԻ ԽՈՍՔ։

[Ֆրեյա]

Ժողովուրդ ջան, հանրային հեռուստատեսությունը, և իրան հարգոող ցանկացած լրագրող պարտավոր է ցույց տալ իրականությունը, և ոչ թե սպասարկի իշխանության շահերը:
և եթե ժողովուրդը դուրս է եկել փողոց, իշխանությունները ոչ թե պետք է ծածկադմփոց անեն, այլ հակառակը, հասկանան, թե ինչու է ժողովուրդը բողոքում, գուցե իրենք սխալ են կառավարում երկիրը, սա նորմալ երկրի դեպքում:
Բայց մեր մոտ իշխանությունները և ժողովուրդը հակառակ կողմեր են, թշնամիներ, և իշխանությունները փակում են աչքերը և ասում "Հանրահավաք, հանրահավաք, ուրա հանրահավաքը? Չկա հանրահավաքը!"
Իսկ Հայլուրը ուղակի մեր խայտառակություննա: Էտ մարդիկ ել են իրանց "ժուրնալիստ" կոչում???

[Belle]

Վայ էս ինչ լավ թեմա է, շնորհակալություն

Ես էլ Հայլուր չեմ սիրում: Լրիվ միակողմանի մեկնաբանություններ են:

[Quadro]

խի մենակ Հ1 - ը, ոչ մի ալիք էլ ռիսկ չարեց ինչոր մի բան ցույց տա Քոչարյանի կամքին հակառակ: Կարելի ա վրացերեն սովորել ու վրաստանի ալիքներով ստանալ երկրում կատարվող իրադարձությունների մասին ինֆորմացիա:

ժողովուրդ կներեք, որ թեմաից դուրս եմ գրում: Լսել եմ Գյումրիում էլ ա ցույց ինչ-որ մեկը ինֆորմացիա ունի ?

[Artgeo]

Բոյկոտ «Հայլուրին» եւ Հ1-ին
14:06 Yerevan | 10:06 GMT | Friday 22 February

Հայտնի է, որ Լեւոն Տեր-Պետրոսյանի համակիրների մի մեծ բանակ ապրում է հայրենիքից դուրս, մասնավորապես ԱՄՆ-ում: Մենք տեղեկացրել ենք, որ ԱՄՆ-ի Լոս Անջելես քաղաքի հայկական համայնքում դեռ ընտրություններից առաջ ստեղծվել էին ընտրություններում` Լեւոն Տեր-Պետրոսյանի թեկնածությունը պաշտպանող նախաձեռնող խմբեր, որոնցում ընդգրկված են անվանի մարդիկ, արվեստագետներ, մշակութային գործիչներ: Քանի որ արտասահմանում ապրող մեր հայրենակիցները իրավունք չունեն մասնակցել ՀՀ-ում տեղի ունեցող ընտրություններին, նախաձեռնող խմբի անդամները նախընտրական շրջանում զանգահարում էին Հայաստանում ապրող իրենց հարազատներին ու բարեկամներին ու հորդորում նախագահական ընտրություններում իրենց քվեն տալ Լեւոն Տեր-Պետրոսյանին: Մեր ունեցած տեղեկություններով` երեկ վերոնշյալ նախաձեռնող խմբերի ներկայացուցիչները, ովքեր երկրի նկատմամբ իրենց կարոտն առնում էին հայկական հեռուստաընկերություններ դիտելով, այսպես ասած` ուխտել են այլեւս չդիտել Հ1-ն ու հատկապես «Հայլուր» լրատվականը` որպես կեղծ, ուղեղների լվացմամբ զբաղվող ու հեղափոխական ոգին ջլատելուն միտված ծրագիր, հորդորելով նույնն անել նաեւ ՀՀ-ում ապրող իրենց հարազատներին:

[Artgeo]

«Հ1» հեռացիր»
Փետրվար 23, 2008

Այսօր Ազատության հրապարակում հանրահավաքին մասնակցող կանայք երթ կազմակերպեցին դեպի Ալեք Մանուկյան փողոցի վրա գտնվող Հանրային ռադիոյի շենք:
տպել

ուղարկել ընկերոջը

Հանրային հեռուստառադիոընկերության խորհրդի նախագահ Ալեքսան Հարությունյանի նստավայրը հենց այս շենքում է: Մինչ կանայք կհասնեին Հանրային ռադիոյի շենքին, ոստիկանության հատուկ ջոկատայիններն արդեն հասցրել էին շրջափակել այն:

««Հ1» հեռացիր»,-գոռում էին ցուցարարները:

Եթին մասնակցող հազարավոր ցուցարարներ պահանջում էին հանրային հեռուստառադիոընկերության խորհրդի նախագահի հրաժարականը:

«Ամոթ», «ամոթ» վանկարկում էին կանայք:

Այնուհետեւ ցուցարարները վերադարձան Ազատության հրապարակ:


VIDEO http://a1plus.am/file/vid/6395.wmv


20 դոլարը շատ է «Հայլուրի» համար
13:45 Yerevan | 9:45 GMT | Saturday 23 February

ԱՄՆ-ի Լոս Անջելես քաղաքի հայկական համայնքում Տեր-Պետրոսյանի թեկնածությունը պաշտպանող նախաձեռնող խմբերի անդամները` վրդովված արբանյակային հեռուստատեսությամբ հեռարձակվող Հ1-ի «Հայլուր» լրատվական ծրագրի բացահայտ ապատեղակատվությունից ու խեղաթյուրված տեղեկատվությունից` ընդհանրապես հրաժարվել են Հ1-ի ծառայությունից, որի դիմաց յուրաքանչյուր օգտվող ԱՄՆ-ում ամսական մուծում է 20 դոլար:

[Garun]

լավ, հայլուրը մի կողմ, ինձ անհանգստացնում է, ինչ է լինելու Օպերայում հավաքվածների ճակատագիրը/

երեվի բոլորդ էլ նկատեցիք, որ այսօր հայլուրը ավելի երկար խոսեց եվ «լուսաբանեց» այն ինչ կատարվում է Օպերայի բակում.

Ինձ մոտ տպավորություն ստեղծվեց, որ նախորոք հող էր ստեցծվում իրենց հետագա անելիքների համար

[Sunny Stream]

երեվի բոլորդ էլ նկատեցիք, որ այսօր հայլուրը ավելի երկար խոսեց եվ «լուսաբանեց» այն ինչ կատարվում է Օպերայի բակում.

Ինձ մոտ տպավորություն ստեղծվեց, որ նախորոք հող էր ստեցծվում իրենց հետագա անելիքների համար

Կմանրամասնե՞ս, թե ինչ են ասել ու ինչ հող են, ըստ քեզ, նախապատրաստում... ես բաց եմ թողել էս թողարկումը...

[Artgeo]

Կմանրամասնե՞ս, թե ինչ են ասել ու ինչ հող են, ըստ քեզ, նախապատրաստում... ես բաց եմ թողել էս թողարկումը...

Բրեժնևյան ձայնով հայտարարում էին, որ դուք թմրամոլներ եք ու զզվելի հարբեցողներ։ Բայց ինչքան են տուֆտում...

Ի դեպ, պարզվեց թե ինչու են փոքր ինչ լռում արտասահմանյան լրատվական ալիքները։ Քոչարյանն ու Պուտինը փակել են արտասահմանյան կապուղիները։

ՏԵՂԵԿԱՏՎԱԿԱՆ ՇՐՋԱՓԱԿՈՒՄ` ՚ՊՐՈՖԻԼԱԿՏԻԿԱՙ ԱՆՎԱՆ ՏԱԿ

[21:23] 24 Փետրվարի, 2008

Հայաստանից ՚Միրՙ արբանյակային կապով արտասահմանյան հեռուստաընկերություններին տեսանյութեր փոխանցելը դարձել է անհնար՝ ընտրություններից մեկ օր առաջ, փետրվարի 18-ին:

Արտասահմանյան հեռուստաընկերությունների ներկայացուցիչների խոսքերով, ՚Միրՙ -ի հայաստանյան մասնաճյուղում հրաժարվել են իրենց սպասարկել՝ նշելով, որ իրենց մոտ ՚պրոֆիլակտիկաՙ է:

՚Միրՙ-ը այն հիմնական միջոցն է, որով Հայաստանից արբանյակային կապով տեսանյութեր են փոխանցվում արտասահմանյան հեռուստաընկերությունների:

Միջազգային հեռուստաընկերությունների ներկայացուցիչները նշում են, որ իրենք, բուն ընտրությունների և դրան հաջորդող օրերին, օգտվել են “EBU” ընկերության արբանյակային կապից: Վերջիններս սակայն արդեն մեկնել են Հայաստանից, եւ արտասահմանյան հեռուստաընկերությունների լրագրողները տարակուսանքի մեջ են. ինչպե՞ս փոխանցել տեսանյութերը:

՚Միրՙ -ի ՚պրոֆիլակտիկանՙ ավելի քան տարօրինակ է հնչում հատկապես այս օրերին, երբ ընկերությունը հնարավորություն ուներ լուրջ գումարներ վաստակել: ՚Միրՙ-ով տեսանյութ փոխանցելու մեկ րոպեի արժեքը միջինը 200 դոլար արժե:

http://www.a1plus.am/amu/?page=issue&iid=58254


Նույն 1988 թվականն ա։ Ջա՜ն... Էն ժամանակ ինտերնետ չի եղել, մեր հայրերն ու մայրերն են հաղթել։ Հիմա մեր բոլոր հնարավորություններով հաստատ ՀԱՂԹԵԼՈ՛Ւ ԵՆՔ։

[Sunny Stream]

Վիդեոկադրերից բացի էլ ի՞նչ փաստ
Ցույց տուր ինձ գեթ մեկ խոսք (Չեմ ասում կադր, սյուժե), որ ասվել է Հայաստանի Հանրային հեռուստաաընկերության եթերում հանրահավաքի մասին։ ՄԻ ԽՈՍՔ։

Խոսքս միտինգն ապացուցող փաստի մասին չէ, այլ դրա պատճառի` ընտրախախտումների... ամբողջ ընթացքում միայն ինչ-որ քաղաքացիներ են խոսում ու ասում ՄԻԱՅՆ այն, ինչ կուզի լսել Վրաստանը!!! Ես չեմ ասում, թե Հայլուրը լավ է անում, որ բան չի ասում, չէ', երեկ ահավոր կատաղել էի Հայլուրի "պահվածքից", ու էլի եմ գրում, որ ամենախայտառակ ձևով պետք է Հ1-ի լրատվական բաժնի ամբողջ անձնակազմին հանրության դատին հանձնել
բայց, նորից եմ գրում, որպես լրագրողական նյութ ՄԶԵ-ի նյութը լավը չի. ինքը չափազանց կողմնակալ է, ու կողմնականլ ոչ թե ՍՍ-ԼՏՊ հակամարտության մեջ, այլ Անդրկովկաս-Ռուսաստան, ՄԶԵ-ն էդքան ծախսի տակ է ընկել, էդքան տեխնիկա է տեղափոխել, ուղիղ եթեր մտել, որ ոչ թե ներկայացնի, թե ինչ է տեղի ունեցել ընտրությունների ընթացքում, այլ միմիայն նրա համար որ Հայաստանը ներկայացնի անտիռուսաստանյան լույսի ներքո: Էդ նյութը ընտրությունների մասին չէ! Որևէ պաշտոնական հայտարարություն եղել է", որ մեզ մոտ Ուկրաինայի ու Վրաստանի օրինակով հեղափոխություն է պատրաստվում, ո'չ, իսկ իրենք դա ներկայացրին պաշտոնականին մոտ հավաստիությամբ!

Ինչ վերաբերում է մերոնց... ես լրջորեն մտածում եմ, որ էս ամեն ինչի խաղաղվելուց հետո պետք է մի շատ մասսայական, շատ մեծ ցույց անել Հ1-ի դեմ ու բոլոր եթերները խափանելու սպառնալիքով` պահանջել մաքուր լրատվություն, ոչ թե ուղեղների լվացում!!! Պահանջը չկատարելու դեպքում իսկապես խափանել եթերները, փչացնել քաղաքում արվող stand up-երը ու հազար ու մի բան մտածել...

[Artgeo]

Նոր երկու խոսք ասեցին

[Yellow Raven]

Հայլուրը գլուխգործոցա լրիվՆոր ասում են,իբր Մանվելենք Լևոնին չեն միացել ու Լևոնը ապատեղեկատվությունա տարածում:

[Արշակ]

Ինչ վերաբերում է մերոնց... ես լրջորեն մտածում եմ, որ էս ամեն ինչի խաղաղվելուց հետո պետք է մի շատ մասսայական, շատ մեծ ցույց անել Հ1-ի դեմ ու բոլոր եթերները խափանելու սպառնալիքով` պահանջել մաքուր լրատվություն, ոչ թե ուղեղների լվացում!!! Պահանջը չկատարելու դեպքում իսկապես խափանել եթերները, փչացնել քաղաքում արվող stand up-երը ու հազար ու մի բան մտածել...

Հա, անկախ քաղաքական ելքից, Հ1–ով լուրջ զբաղվել է պետք։
Իմիջիայլոց, մյուս ալիքներով ևս։

[Սերխիո]

մի խոստովանություն էլ ես անեմ ,չեմ պաշտպանում ԼՏ-Պ-ին ,բայց Հ1 -ը իրոք մեյմունություն ա անում

[Sunny Stream]

Իմիջիայլոց, մյուս ալիքներով ևս։

հա!

Հ.Գ. Շողակաթին ու Հայրենիքին ձեռք չենք տա