. . . . Դեպի Ազատության հրապարակ, տեր կանգնելու մեր երկրին. . . .

[Artgeo]

օլիգոֆրենների երկրում ենք ապրում:

Օլիգոֆրեններ չէ, օլիգարխներ

Ա՛րթ, լավ էլի, Վազգենը նման արձագանք չի տվել:
Իսկ եթե նայենք մյուս երկուսին ու մոռանանք, թե որի հեղինակն ով է, ապա «Առաջ Հայաստան» արտահայտությունը շատ ավելի է դուրս գալիս, քան «Պայքար, պայքար մինչև վերջը». դա շատ անորոշ վերջ է, չգիտես, թե ինչի վերջն է:

ՎՄ-ն հենց տենց էլ անում մինչ այժմ։
Առաջ ո՞ւր։ հյուսի՞ս, հարա՞վ, աջ, ձախ հավսար զգա՞ստ

[StrangeLittleGirl]

Բյուր , ի՞նչ գաղափար

Ժողովրդավարություն, ոչ կոռումպացված կյանք, ոչ բռնություններին, որ Հայաստանը համաշխարհային ազգ է, լիքը ուրիշ բաներ…

ՎՄ-ն հենց տենց էլ անում մինչ այժմ։

Գիտե՞ս ինչն է հետաքրքիր: Վազգենն իր խոսքում շատ է պատմությունից օրինակներ բերում. 88 թիվ, մինչև էդ Սովետի ժամանակ, 93 թվի տարբեր իրադարձություններ, բոլորովին այլ երկրների պատմություն, բայց դուք լսում եք այն, ինչ ուզում եք, իսկ դա 96-ն է:

[Artgeo]

Գիտե՞ս ինչն է հետաքրքիր: Վազգենն իր խոսքում շատ է պատմությունից օրինակներ բերում. 88 թիվ, մինչև էդ Սովետի ժամանակ, 93 թվի տարբեր իրադարձություններ, բոլորովին այլ երկրների պատմություն, բայց դուք լսում եք այն, ինչ ուզում եք, իսկ դա 96-ն է:

Է նույնն էլ դու ես անում, նույնն էլ Հայլուրն է ա... ուժաս, բոլորս էլ նույն ա՞ղբն ենք

[Dr. M]

«Առաջ Հայաստան» արտահայտությունը շատ ավելի է դուրս գալիս, քան «Պայքար, պայքար մինչև վերջը». դա շատ անորոշ վերջ է, չգիտես, թե ինչի վերջն է:

Դա Լևոնականների կարգախոսը չէ

[ChildOfTheSky]

Ժողովրդավարություն, ոչ կոռումպացված կյանք, ոչ բռնություններին, որ Հայաստանը համաշխարհային ազգ է, լիքը ուրիշ բաներ…

Դու հենց նոր արտահայտեցիր բոլոր 9 թեկնածուների գաղափարները

[StrangeLittleGirl]

Դա Լևոնականների կարգախոսը չէ

Գիտեմ, 88-ից է եկել:

Դու հենց նոր արտահայտեցիր բոլոր 9 թեկնածուների գաղափարները

… Որոնք ընդամենը գրել են դրա մասին, բայց չեն պայքարում: Ուրիշ բաների համար են պայքարում կամ ոչինչ էլ չեն անում: Իսկ լևոնը առնվազն Հայաստանի՝ համաշխարհային ազգ լինելուն խիստ դեմ է:

Ավելացվել է 1 րոպե անց
Ու նաև՝ թեկնածուներն ասում են, թե ես գամ էսպես կլինի, էնպես կլինի, կպայքարենք կոռուպցիայի դեմ և այլն: Իսկ գաղափարական պայքար ասելով նկատի ունեմ, որ ոչ թե նախագահը պետք է գա, արմատախիլ անի, այլ որ ժողովրդի մեջ նստի այն միտքը, որ ավելի ազատ ու հեշտ ապրելու համար պետք է, ասենք, կաշառք չտալ:

[ChildOfTheSky]

… Որոնք ընդամենը գրել են դրա մասին, բայց չեն պայքարում: Ուրիշ բաների համար են պայքարում կամ ոչինչ էլ չեն անում: Իսկ լևոնը առնվազն Հայաստանի՝ համաշխարհային ազգ լինելուն խիստ դեմ է:

Ինչո՞վ ա զբաղված Վազգեն Մանուկյանը , պայքարում ա՞

[Catarsis]

Ժողովուրդ ջան ինձ մի ծանոթ ոստիկան ընկեր ունեմ , ասեց որ վաղը պատրաստվում են ինչ որ քայլերի դիմեն, բայց մանրամասները չգիտեր:Ով է տեղ յակ ինչ որ բան պիտի լինի վաղը թե ուղակի հերթական սուտն է?

[Արշակ]

Ամբողջական մասից ինքդ կարող ես մեջբերել այստեղ, եթե կամենում ես: Մի՞թե կժխտես, որ լևոնը դավաճան բառը շատ է սիրում ու առիթը բաց չի թողնում, որ սրան-նրան կպցնի: Ու եթե նույնիսկ ամբողջական տեքստ էլ դնեմ առաջդ, եթե նույնիսկ բառացիորեն այդպես լինի, միևնույն է, դու չես հավատալու: Եթե նույնիսկ լևոնը բառացիորեն ասի, որ հենց նախագահ դառնամ, Հայաստանը անդունդն եմ գլորելու, միևնույն է, բոլորդ ծափ եք տալու, իսկ երբ մենք զգուշացնենք, թե ինչ է ասել, պնդելու եք, որ սխալ ենք հասկացել:

Բյուրի, շարունակում ես Հ1–ական երևակայությանդ զոռ տալ։ Էդ մակարդակի վեճ շարունակելու իմաստ չեմ տեսնում։

Ինչ վերաբերում է եվրոպական դիտորդական առաքելություններին քննադատելուն՝ Լևոնի հիմնական միտքը այն էր, որ այս ընտրությունները մի քայլ առաջ որակելը դավաճանություն կլինի եվրոպայի ժողովրդավարական սկզբունքներին։
Վաղուց էր պետք նման քննադատություն։ Թե չէ լրիվ ձեռ են առնում մարդկանց։ Հայաստանում ընտրությունները ամեն անգամ նախորդից ավելի վայրենի, ավելի համատարած կեղծիքներով են անցկացվում, իսկ սրանք ամեն անգամ մի քայլ առաջ են որակում։ Մի քայլ առաջ դեպի ու՞ր։ Սա՞ է եվրոպական դեմոկրատիան։
Մյուս կողմից էլ ՀՀ իշխանություններն են, որ ժողովրդին մոլորեցնում են՝ հեռուստատեսությամբ մեջբերելով գնահատականների միայն դրական հատվածները ու բաց թողելով բացասականները։

Ի դեպ Լևոն Տեր–Պետրոսյանի քննադատության հետ համաձայն են նաև մի շարք հասարակական կազմակերպություններ:
Դա է վկայում 9 տարբեր հասարակական կազմակերպությունների կողմից արված համատեղ հրապարակված հետևյալ կոչը.

Մենք` քաղաքացիական հասարակության ներկայացուցիչ ներքոստորագրյալ կազմակերպություններս, մեր խորին մտահոգությունն ենք հայտնում 2008 թ. փետրվարի 19-ի ՀՀ նախագահական ընտրությունների, նախընտրական շրջանի, ընտրարշավի և հետընտրական գործընթացների վերաբերյալ: Միջազգային դիտորդների գնահատականը, որը կառավարության և վերջինիս կողմից վերահսկվող լրատվամիջոցների կողմից փորձ է արվում ներկայացնել դրական լույսի ներքո, քննադատական էր: Սակայն զեկույցի առաջին երկու նախադասությունների և գնահատականի փաստերի միջև առկա այս ակնհայտ հակասության արդյունքը դարձավ այն, որ կառավարությունը մեջբերում է միջազգային դիտորդների գնահատականի միայն առաջին պարբերությունը` լեգիտիմիզացնելու ընտրության արդյունքները: Մինչդեռ միջազգային դիտորդները զեկույցում մատնանշել են լրատվության գրաքննության, ընտրողներին վախեցնելու, քվեներ գնելու, ինչպես նաև այլ փաստեր և իրենց այցելած 16 տոկոս ընտրատեղամասերի քվեների հաշվարկը անվանել են «վատ» կամ «շատ վատ»: Նման պրակտիկան որպես «մի քայլ առաջ» և «ազատ ու արդար ընտրություններ անցկացնելու պարտավորություներին համահունչ» որակելը հարցականի տակ է դնում ժողովրդավարության, ժողովրդավարական չափանիշների և սկզբունքների գաղափարը և ավելի է նվազեցնում ժողովրդավարական բարեփոխումների չափանիշները:

Ներքոստորագրյալ կազմակերպություններից մի քանիսը որպես դիտորդ են հանդես եկել ընտրության օրը և հետևել են ընտրական գործընթացներին մինչ փետրվարի 19-ը, ինչպես նաև դրանից հետո ընկած ժամանակահատվածում: Այդ կազմակերպությունների զեկույցներում փաստագրված են բռնությունների բազմաթիվ դեպքեր և խախտումներ:

Մեզ համար առանձնահատուկ մտահոգություն են առաջացնում Լրատվամիջոցների ազատության/ լրատվության մատչելիության, բռնությունների, կոռուպցիայի և վարչական ռեսուրսների օգտագործման և հասարակական գործիչների ձերբակալության երևույթները:

Կարևոր կետերից մեկը, որ ԵԱՀԿ/ԺՀՄԻԳ-ի դիտորդական առաքելությունը մատնանշել է իր միջանկյալ զեկույցում, վերաբերում է ընտրական գործընթացի հանդեպ հասարակական վստահություն ձևավորելուն: Խորը անվստահությունը և հաճախ արծարծվող հասարակական ապատիան ոչ այլ ինչ է, քան Հայաստանի ժողովրդի ինքնապահպանման հակազդեցությունն ընդդեմ անպատժելիության մթնոլորտի նրանց շուրջ, որոնք ընտրակեղծիքներ են իրականացրել նախկին բոլոր ընտրությունների ժամանակ: Ընտրություններից հետո տեղի ունեցող գործընթացները տագնապալի են և անկասկած կխորացնեն հասարակության անվստահությունը:

Մենք հավատացած ենք, որ քանի դեռ ընտրական կեղծիքները չեն հետաքննվում և պատժվում, վստահություն չի լինի ընտրական գործընթացի, ինչպես նաև դատաիրավական համակարգի նկատմամբ:

Մենք կարծում ենք, որ վերոհիշյալ խնդիրների շուրջ միայն բաց և լայն զանգվածներին ներառող հասարակական քննարկումների միջոցով է հնարավոր վերականգնել հասարակական վստահության մթնոլորտը:

Ելնելով վերը նշվածից` մենք գտնում ենք, որ այս ընտրությունները չեն իրականացվել ժողովրդավարական արժեքների և գործընթացների վերաբերյալ մեր ունեցած պատկերացումներին համահունչ:

Մենք համոզված ենք, որ այն մոտեցումը, որն իշխանությունները կկիրառեն ընտրախախտումները հետաքննելիս ցույց կտա վերջիններիս վճռականությունը` գործել ժողովրդավարական ազատ և արդար ընտրություններ անցկացնելու կանոնների համաձայն:

Մենք կոչ ենք անում Հայաստանի կառավարությանը դադարեցնել քաղաքական դրդապատճառներ ունեցող ձերբակալությունները: Սրանք անպատժելիության կոչեր չեն, այլ կոչ կառավարությանը` օրինակ ծառայել Հայաստանի ժողովրդի համար և գործել օրենքի շրջանակներում:

Մենք կոչ ենք անում միջազգային հանրությանը տեր կանգնել Հայաստանի կառավարության` ընթացակարգերին հետևելու պարտականության կատարմանը և պահանջել հետաքննության հստակ փաստաթղթագրում և պատշաճ պատիժ օրենքը խախտողների նկատմամբ:

Մենք կոչ ենք անում միջազգային հանրությանը կատարել օբյեկտիվ եզրակացություններ` հիմնված սեփական փաստերի դիտարկումների վրա և չվարկաբեկել ժողովրդավարության գաղափարը, ժողովրդավարական չափանիշներն ու սկզբունքները, ինչպես նաև չպատվազրկել դիտորդական առաքելություն իրականացնող միջազգային կազմակերպությունները:

«Ասպարեզ» ժուռնալիստների ակումբ
Խոսքի ազատության պաշտպանության կոմիտե
Հայաստանի հելսինկյան կոմիտե
Հայաստանի հելսինկյան քաղաքացիական ասամբլեայի Վանաձորի գրասենյակ
«Ինտերնյուս» Մամուլի աջակցության ՀԿ
Մամուլի բազմազանության ինստիտուտ
Բաց հասարակության ինստիտուտի օժանդակության հիմնադրամ – Հայաստան
Թրանսփարենսի ինթերնեշնլ հակակոռուպցիոն կենտրոն
Երևանի մամուլի ակումբ

Աղբյուր՝ http://e-channel.am/?topic_id=1530

[Dr. M]

կաշառք չտալ:

Նաև չվերցնեն չծախվե'ն
Ազատությունը դա միայն թվացյալ է, ու մեզ համար երազի պես մի բան է դարձել....
ԽԻ ԲԱՅՑ?

[ChildOfTheSky]

Ժողովուրդ ջան ինձ մի ծանոթ ոստիկան ընկեր ունեմ , ասեց որ վաղը պատրաստվում են ինչ որ քայլերի դիմեն, բայց մանրամասները չգիտեր:Ով է տեղ յակ ինչ որ բան պիտի լինի վաղը թե ուղակի հերթական սուտն է?

Ես էլ ունեմ ստույգ տվյալներ , մեր հարևանի ախպոր ընգերը ԿԳԲ-ում հավաքարարի օգնական ա աշխատում , ինքն ա ասել , վաղը հաստատ գալու են սաղին ջրեն

[StrangeLittleGirl]

Ինչո՞վ ա զբաղված Վազգեն Մանուկյանը , պայքարում ա՞

Հա՛

Հայաստանում ընտրությունները ամեն անգամ նախորդից ավելի վայրենի, ավելի համատարած կեղծիքներով են անցկացվում, իսկ սրանք ամեն անգամ մի քայլ առաջ են որակում։ Մի քայլ առաջ դեպի ու՞ր։ Սա՞ է եվրոպական դեմոկրատիան։

Արշա՛կ, լավ էլի: Էս անգամ իսկապես մի քայլ առաջ էր, ինչ ուզում ես ասա:

Ինչ վերաբերում է եվրոպական դիտորդական առաքելություններին քննադատելուն՝ Լևոնի հիմնական միտքը այն էր, որ այս ընտրությունները մի քայլ առաջ որակելը դավաճանություն կլինի եվրոպայի ժողովրդավարական սկզբունքներին։

Շարունակությունն էլ ասա… Դավաճանած կլինի Բեթհովենին, էլի մի քանի ուրիշ անուն տվեց: Թե՞ դրանք չեք լսել:

[Dr. M]

Փաստորեն անձրև է գալու

[StrangeLittleGirl]

Նաև չվերցնեն չծախվե'ն

Որ տվող չլինի, չեն էլ կարող ծախվել: Բայց դե էդ հոգեբանությունը կմնա: Դրա համար պետք է, որ նաև չվերցնողի հոգեբանություն ձևավորվի:

[ChildOfTheSky]

վայ Լևոն , վայ , էս ինչ բերիր իմ գլխին , հիվանդ մեռնում եմ