Ի՞նչ է ռոմանտիկան ձեր պատկերացմամբ

[Guest]

Շատ հետաքրքիր է, ինչ է ռոմանտիկա ձեր պատկերացմեբ:
Գրեք ձեր մտքերը կամ ավելի հաճելի կլինի եթե նկարագրեք որևե ռոմանտիկ արարք, որը կամ կատարել եք, կամ կցանկանայք կատարել:

[Ուլուանա]

Իմ կարծիքով, ռոմանտիկ արարքն այն է, որը մարդ գործում է սրտի թելադրանքով, ոչ թե բանականության։ Այդպիսի արարքները երբեմն կարող են նույնիսկ բանականության տեսակետից անընդունելի ու անհեթեթ լինել, բայց սրտին աննկարագրելի դրական հույզեր են պարգևում, և այդ պահերին բանականության կարիքն ուղղակի չի լինում...

Կոնկրետ դեպքերի մասին հետո կգրեմ։

[Guest]

ռոմանտիկ արարքն այն է, որը մարդ գործում է սրտի թելադրանքով, ոչ թե բանականության։

Լրիվ քո հետ համաձայն եմ, չես պատկերացնում ինչքան կոնկրետ և ճիշտ ասացիր, բայց նույն ժամանակ իմ խորին համոզմումքն է, որ իսկական տղամարդը անպայման պատասխանատու է իր ցանկացած արարքի համար, ինչը ստիպում է և դարձնում է իր ցանկացած գործողություն բանական:

[Esmeralda]

Չգիտեմ դա համարեմ ռոմանտիկ արարք, թե գժություն... բայց մի քանի օր առաջ հիշո՞ւմ եք այն անձրևը... այդ ժամանակ դրսում էի... ու հանգիստ քայլում էի... մարդիկ նայում էին ու բարձրաձայն ասում "Անձրև է գալիս", կարծես ես չեմ նկատել, որ անձրև է գալիս... մեծ բավականություն ստացա այդ զբոսանքից ու չէի ուզում հասնել տուն... բայց հասա....
Հ.Գ. ... ու հիմա հիվանդ եմ այդ անձրևի պատճառով...

[Esmeralda]

Իսկ ռոմանտիկ արարքներ, որ կցանկանայի կատարել.... դրանք շատ են....
Մի մասն անձնական է... դրա համար չեմ կարող գրել... դա գլխավոր մասն էր սակայն...
Ինչևէ...
Ասեմ իմ մի երազանքի մասին, որ շուրջ ջտարի է ուղեղից դուրս չի գալիս... ուզում եմ պառկել կանաչ խոտերին ու նայել աստղազարդ երկնքին.... նայել աստղերին... լուսնին... ինձ զգալ երկնքում... Զեմֆիրան այսպիսի տողեր ունի "...Я на диване, небо в кармане..."
...Բազմոցի փոխարեն կանաչ խոտ, իսկ երկինքը գրպանումս....
շատերդ կազրմանաք, որ դա երազանք է... բայց փաստն այն է, որ մինչ օրս չեմ իրականացրել... չնայած շատ եմ ուզում...

[Riddle]

Այն է, ինչին արդեն ֆորումում երկրորդ թեման է նվիրվում:
Հ.Գ. Տեսնես ինչո՞ւ եմ նյարդայնանում նմանատիպ թեմաներից:

[kiki]

Ասեմ իմ մի երազանքի մասին, որ շուրջ ջտարի է ուղեղից դուրս չի գալիս... ուզում եմ պառկել կանաչ խոտերին ու նայել աստղազարդ երկնքին.... նայել աստղերին... լուսնին... ինձ զգալ երկնքում... Զեմֆիրան այսպիսի տողեր ունի "...Я на диване, небо в кармане..."
...Բազմոցի փոխարեն կանաչ խոտ, իսկ երկինքը գրպանումս....
շատերդ կազրմանաք, որ դա երազանք է... բայց փաստն այն է, որ մինչ օրս չեմ իրականացրել... չնայած շատ եմ ուզում...

ես էլ մի նման երազանք ունեմ , որը ավելի դժվար է իրականացնել ... ուզում եմ պարկել կանաչ խոտին ( բայց որտեղ , այ դա կոնկրետ չեմ ասի , թե չէ ակումբի որոշ անդամներ կսկսեն ... ) , ու նայել երկնքին ... ուզում եմ տեսնել թե ինչպիսին է երկինքը , ամպերը ու արևը այդ "տեղի" վերևում ... ուզում եմ հենց կենտրոնում պարկել ու նայել ... արդեն պատկերացնում եմ ի ՜ նչ տեսարան ինձ այդ դեպքում կսպասվի ... էխ ...

[Ուլուանա]

Լրիվ քո հետ համաձայն եմ, չես պատկերացնում ինչքան կոնկրետ և ճիշտ ասացիր, բայց նույն ժամանակ իմ խորին համոզմումքն է, որ իսկական տղամարդը անպայման պատասխանատու է իր ցանկացած արարքի համար, ինչը ստիպում է և դարձնում է իր ցանկացած գործողություն բանական:

Իսկ իմ խորին համոզմամբ, իսկական կինը իսկական տղամարդուց պակաս պատասխանատու չէ իր յուրաքանչյուր արարքի համար։ Խոսքն այնպիսի արարքների մասին չէ, որոնցից հետո անուղղելի բացասական հետևանքներ կարող են լինել։ Չնայած, պարզ է, որ որոշ ռոմանտիկ արարքների հետևանքները ճակատագրական են լինում։ Ուղղակի հարկավոր է ամեն ինչի մեջ չափը ճանաչել և ռոմանտիկ լինելով հանդերձ, գոնե երբեմն էլ հիշել բանականության մասին։

[Բարեկամ]

Ռոմանտիկան պատրանք է, ինչպես և սիրահարությունը. երկուսն էլ երևակայության ու հույզերի խաղ են:

[StrangeLittleGirl]

Եթե հիշողությունս չի դավաճանում, այսպիսի թեմա դեռ եղել է:
Ռոմանտիկան ինձ համար ավելորդ ճոխություն է: