ԾԵԾՈ՞ՒՄ ԵՆ
[11:44] 19 Փետրվարի, 2008
՚Աբովյանի 28/06 եւ մնացած գրեթե բոլոր ընտրատեղամասերում Լեւոն Տեր-Պետրոսյանի վստահված անձանց, հանձնաժողովի անդամներին եւ դիտորդներին ծեծի են ենթարկում եւ բռնի ուժով դուրս են հանում ընտրատեղամասերից, ոստիկանությունը ընդհանրապես չի միջամտումՙ,- այդ մասին հաղորդում են ՍԴՀԿ-ից: Այս պահին մեր նկարահանող խումբը մեկնել է դեպի վայր:
ԾԵԾԵԼ ԵՆ ՚Ա1+ՙ-Ի ՕՊԵՐԱՏՈՐԻՆ
[11:34] 19 Փետրվարի, 2008
10 րոպե առաջ Զավարյան 6 հասցեում փորձել են կոտրել ՚Ա1+ՙ-ի տեսախցիկը: Մի խումբ սեւազգեստ, սեւ գլխարկներով հաստավիզ խմած երիտասարդներ մոտեցել են մեր օպերատորին, հենց նա դուրս է եկել մեքենայից: Նրանք ծեծել են օպերատորին, խլել են տեսաերիզը, կոտրել, հետո փորձել են կոտրել տեսախցիկը, որը նրանց չի հաջողվել:
Այդ ժամանակ երիտասարդներից մեկը, տեսնելով մեքենայում նախագահի թեկնածու Լեւոն Տեր-Պետրոսյանի բուկլետը, սկսել է հայհոյել: Նա հայհոյանքներ է տեղացել նաեւ ՚Ա1+ՙ-ի օպերատորի եւ մեքենայում գտնվող ՚Ժամանակ- Երեւանՙ թերթի լրագրողի հասցեին:
Ի դեպ, երբ դեպքի առթիվ զանգահարել են ԵԱՀԿ/ ԺՀՄԻԳ գրասենյակ, ասել են, թե ազատ դիտորդ չունեն:
Էջանիշներ