Քննարկումներ Սուրբ Վալենտինին նվիրված տոնի շուրջ

**Edgar** · 16.02.2008, 00:35

Monk-ի խոսքերից

Էդգար ջան, եթե ես ճիշտ հասկացա, Ձեր այս գրառումը նաև ինձ էր վերաբերում:
Նախ` ես ոչ մի բանի «մոլի ջատագով» չեմ:

Ես Հայ Առաքելական Եկեղեցու հոգևորական եմ, և ինձ համար հավասարապես անըnդունելի են ինչպես անտարբեր կամ կիսատ մոտեցումները, այնպես էլ ցանկացած մոլություն, ֆանատիզմ և ծայրահեղական մոտեցում:
Եվ ես այս թեմային միջամտելու որևէ դրդապատճառ չեմ ունեցել: Թեմային միացել եմ միայն այն ժամանակ, երբ խնդիր է եղել ինֆորմացիայի տոնի հիմքի և այն իրական պատճառների շուրջ, թե ինչու այն անընդունելի է համարվում մեզ համար (իսկ տվածս տեղեկատվության համար ես պատասխանատու եմ

): Բայց ես բոլորովին էլ նպատակ չեմ ունեցել հավաքույթ կազմակերպելու կամ չկազմակերպելու վերաբերյալ որևէ դիրքորոշում արտահայտել. դա, մեղմ ասած, իմ գործը չէ: Բոլորն էլ հասուն ու գիտակից մարդիկ են, ինձ էլ ոչ մեկը չի լիազորել մարդկանց գլխին խրատներ կարդալ ու փորձել ուղղություն ցույց տալ: Նման իրավունք առաջին հերթին ես ինձ չեմ վերապահում:

Դառնանք Ձեր առաջարկին. ես դեռ այս պահին որևէ բան չեմ կարող ասել, քանի որ չգիտեմ, թե ինչ առաջարկ կարելի է անել և կամ այն ինչքանով ընդունելի կլինի ֆորումի մասնակիցների համար:

Վախենամ, որ իմ առաջարկի ձևաչափը կարող է այնքան էլ չհամապատասխանել շատերի ցանկությանը: Համենայն դեպս կարաոկեում «տժժալու» հրավիրել չեմ կարող:

Իսկ Տեառնընդառաջին որևէ բան առաջարկել չէի կարող թե վերոնշյալ և թե այլ տարբեր պատճառներով (պատճառներից մեկը նշեմ` զբաղված էի և հիմա էլ զբաղված եմ առողջությանս հետ կապված մի քիչ դժվար հարցերով): Բայց գուցե և հետագայում որևէ առիթ և հնարավորություն լինի. ուրախ կլինեմ

Հ.Գ. Ներողություն եմ խնդրում, եթե շատ ծավալվեցի:

Հենց սկզբից ասեմ որ Ձեզ չէր վերաբերվում...բայց որ գրել եք ու բավականաչափ ծավալվել ուրեմն ներողություն խնդրելով թեմայի հեղինակից (քանի որ թեմայի հետ քիչ կապ ունի և Ձեր և իմ հաղորդագրությունը) կպատասխանեմ Ձեր գրառմանը՝ դրանից հատվածներ առանձնացնելով ,որոնք իմ ուշադրությունը առավել գրավեցին...
Բոլորին էլ հայտնի է որ հայ առաքելական եկեղեցին գրավել է բավականաչափ պասիվ դիրք աղանդների դեմ պայքարում,դրա համար էլ չեմ զարմանում այն բանի վրա որ հոգևորական լինելով հայտարարում եք թե մոլի ջատագով չեք...բայց քրիսեոնեության ջատագով լինելը ու առավել ևս մոլի ջատագով լինելը ու առավել ևս հայ առաքելական եկեղեցու այժմեական վիճակում ամենևին էլ չի նշանակում և չի համարվի մոլություն,ֆանատիզմ,ծայրահեղություն...արդնացեք արդեն յուրաքանչյուր երրորդը Եհովայի վկա է...չեմ ասում գլուխները ջարդեք բայց վերադարձրեք ժողովրդին հայ առաքելական եկեղեցի վերականգնեք նրանց մեջ հավատը դեպի Ձեզ ու Ձեր միջոցով աստծուն...Հարգելի հոգևորական ախր հենց դա եմ համարում կարևոր՝ ավելի շատ լսում ենք թե ինչ է արգելում մեզ մեր կրոնը...«չի կարելի» իմ համոզմամբ այս օր եկեղեցին պետք է նախաձեռնությամբ հանդես գա ու ասի «կարելի է ժողովուրդ,այս օր տոն է ,կարելի է հավաքվել և ուրախանալ»...
Հարգելի հոգևորական Դուք Ձեր առաջարկը արեք, արեք Ձեր քայլը ու վատագույն դեպքում թող ֆորումի մասնակիցների կողմից այն մնա անպատասխան...բայց աշխատեք ուրախանալու առիթ գտնել,առանց այդ էլ մեր կյանքը շատ գորշ է...Կարաոկեյում մենք կտժանք այս կամ այն ուրախալի առիթով հայ եկեղեցի այցելելուց հետո,Ձեզ էլ կարծում եմ կհրավիրենք ՝ երգելու մեջ կարծում եմ ոչ մի մեղսալի բան չկա...
Մաղթում եմ Ձեզ քաջ առողջություն,ես նույնպես հետագայում ուրախ կլինեմ հանդիպել ,չնայած որ կարող եմ ինձ հայ քրիստոնյա չհամարել քանի որ ոչ կնքված եմ ոչ էլ մկրտված...բայց ինձ այժմ ավելի շատ հուզում են Հայաստան երկրի շահերը ու այստեղ հիմնասյան դեր է տանում հայ առաքելական եկեղեցին...

**Hay-Qristonya** · 16.02.2008, 01:24

Edgar-ի խոսքերից

դրա համար էլ չեմ զարմանում այն բանի վրա որ հոգևորական լինելով հայտարարում եք թե մոլի ջատագով չեք...

Մոլի ասածը, կարծում եմ Դուք մի փոքր այլ կերպ եք հասկանում: Լավ կլիներ դրա բացատրությունն ավելի մանրամասն ուսումնասիրեիք: Դա Ձեզ չէր խանգարի:

Edgar-ի խոսքերից

Չեմ ասում գլուխները ջարդեք բայց վերադարձրեք ժողովրդին հայ առաքելական եկեղեցի վերականգնեք նրանց մեջ հավատը դեպի Ձեզ ու Ձեր միջոցով աստծուն...

Նախորդ անգամ Ձեզ պատասխանելիս, թեթ ուշադիր ընթերցել եք, ես Ձեզ նշեցի, թե ինչ է նշանակում Հայ Եկեղեցու պայքարը աղանդի դեմ: Իսկ ինչ ասել է, թե Հայ Եկեղեցին պետք է իր շուրջ հավաքի ժողովրդին, ես Ձեզ սիրով կպատասխանեմ:
Անկեղծ սիրով «պարտադրում եմ» Ձեզ, որ յուրաքանչյում կիրակի Դուք մասնակցեք Ս. Պատարագներին, մասնակից լինեք եկեղեցու համայնքային կյանքին, մասնակցեք որևէ եկեղեցու երիտասարդաց միության հանդիպումներին, որտեղ քննարկվում են ոչ միայն կրոնական, այլ նաև ազգային թեմաներ և այլն:
Եթե Դուք մերժեք իմ պարտադրանքը, ապա Դուք ինքներդ Ձեզ եք հակառակվելու, քանի որ այդ հայ մարդկանցից մեկը Դուք եք և պետք չէ Ձեզ առանձնացնելով հայերից խոսեք հայ ազգի փրկության մասին: Եթե իրոք անկեղծ սրտից են բխած Ձեր խոսքերը, ինչու առաջին քայլը Դուք չեք անում?:

Edgar-ի խոսքերից

...չնայած որ կարող եմ ինձ հայ քրիստոնյա չհամարել քանի որ ոչ կնքված եմ ոչ էլ մկրտված...բայց ինձ այժմ ավելի շատ հուզում են Հայաստան երկրի շահերը ու այստեղ հիմնասյան դեր է տանում հայ առաքելական եկեղեցին...

Բացարձակ չեմ հասկանում Ձեր խոսելու իմաստը Հայ Եկեղեցով ազգի փրկության վերաբերյալ: Եթե դա ասեր մի մարդ, ով գոնե մկրտված է, ես դեռ կփորձեի ըմբռնել:
Ախր մեղադրելն այնքան հեշտ է: Բայց մինչև այդ անելը խորհուրդ կտայի ինքնաքննմամբ զբաղվել և ավելի զգոն լինել:
Այո, Հայ Եկեղեցին միշտ էլ իր դիրքն ու նշանակությունն է ունեցել հայի կյանքում, մանավանդ, երբ հայերը պետականություն չեն ունեցել, եկեղեցին, իբրև ծնող, ստանձնել է թե' եկեղեցու և թե' պետության խնդիրը: Բայց այսօր, փոռք Աստծո, մենք ունեք անկախ պետություն, ինչի մասին երազել էինք մեր ազգի պատմության գրեթե ողջ ընթացքում: Եվ այսօր նմանատիպ շատ հարցերով պետք է զբաղվի ոչ թե եկեղեցին, այլ պետությունը, օրինակ կրթության հարցը: Թեպետ չեմ մերժում այն հանգամանքը, որ եկեղեցին գոնե կրթության հարցում պետք է ունենա իր միջամտությունը, ինչը, փառք Աստծո, անում է հնարավորին չափով:
Ավելի մասնրամասն կհասկանաս, եթե փոքր-ինչ ծանոթանաք Հայաստանի Սահմանադրության ու Օրենսգրքի` Եկեղեցի-Պետություն փոխհարաբերություններին վերաբերվող կետերին, ինչպես նաև կրոնական կազմակերպություններին վերաբերվող կետերն և առավել պարզ կդառնա Ձեզ, թե աղանդի դեմ այօր ավելի շատ եկեղեցին, թե պետությունը պետք է պայքարեն:

Ե.Գ. Եթե Դուք մի փոքր ծանոթ լինեիք Հայ Եկեղեցու այժմեական դիրքին ու աշխատանքին, ապա, համոզված եմ, որ նմանատիպ տողեր չէիք գրի: Կարծում եմ Հայ Առաքելական Եկեղեցին այսօր անում է նույնիսկ անհնարինը: Դա է վկայում օր-օրի աղանդներից ետ դարձող մարդկանց քանակի աճը:
Ներեցեք, եթե կոպիտ եղա: