Մահ... իսկ հետո՞

[Artgeo]

- Մեղքը ո՛չ նրանն է, ո՛չ էլ հորն ու մորը։ Նա կույր է ծնվել, որպեսզի Աստծու զորությունը նրանով հայտնի լինի։»
Հովհաննես 9:1-3
Այսինքն հենց աստվա՞ծ էր նրան ի ծնե զրկել տեսողությունից ինքնահաստատվելու նպատակով

«Ոմանք եկան Հիսուսի մոտ և նրան պատմեցին այն գալիլեացիների մասին, որոնք սպանվեցին Պիղատոսի կողմից, երբ զոհ էին մատուցում Աստծուն։
Հիսուսն ասաց նրանց.
- Կարծում եք, թե սպանվող գալիլեացիները մյուս բոլոր գալիլեացիներից ավելի՞ մեղավոր էին, որ այդպիսի վախճան ունեցան։ Ո՛չ։ Ասում եմ ձեզ, որ եթե չապաշխարեք, դուք բոլորդ էլ նույնպես պիտի կորչեք։ Կամ ի՞նչ եք մտածում այն տասնութ մարդկանց մասին, որոնց վրա Սելովամում փուլ եկավ աշտարակը և սպանեց նրանց։ Նրանք ավելի՞ հանցավոր էին, քան Երուսաղեմի բնակիչները։ Ո՛չ։ Ասում եմ ձեզ, որ եթե չապաշխարհեք, բոլորդ էլ նույնպես պիտի կորչեք։»
Ղուկաս 13:1-5

Այսինքն մեղքը գործիր ու ապաշխարհիր ու միևնույն է վերջում մահանալու ես…

[Արշակ]

Արշակ> շատ սխալվում ես, եթե կարծում ես, թե իմ հավատը կույր է: Հիմա հավատը կենդանի է և տրամաբանված: Պարզապես դուք՝ անհավատներդ, միշտ փորձում եք ինչ-որ «հակասություններ» գտնել, իսկ երբ բացատրում են ձեզ, չեք ուզում ընդունել և ոչ թե չեք հասկանում: Դա է աշխարհի բանը...

Ո՞րտեղից հնարեցիր, որ ես անհավատ եմ։ Եթե քո նման չեմ մտածում, դա դեռ չի նշանակում, որ անհավատ եմ ։
Հետագա թյուրիմացություններից ձեզ զերծ պահելու համար ասեմ, որ ամենախորին հարգանքով ու հավատով եմ լցված Քրիստոսի ու նրա ուսմունքի նկատմամբ։
Ես չեմ փորձում հակասություններ գտնել։ Դրանք ակնհայտ են։ Ուղղակի ուզում եմ աղավաղումների միջից գտնել սկզբնական անաղարտ ճշմարտությունը։ Իսկ ինչ վերաբերում է բացատրություններին, ապա մոտավորապես նույն բանը ես եմ մտածում ձեր մասին՝ նախորոք տրամադրվածությամբ չեք էլ փորձում լսել ու հասկանալ ասվածը։

[Ուլուանա]

Ասենք ծնողների արարքի համար Օրինակ հղիության ժամանակ կամ առաջ ծխելուց, խմելուց և այլն։

Այսինքն՝ ծնողների արարքի համար երեխա՞ն պիտի պատասխան տա։ Բայց մի՞թե դա արդարացի կլիներ։

բացի դրանից, ինչպե՞ս կբացատրեք մարդկանց քանակի աճը

Իսկ ի՞նչ կապ ունի այս ամենի հետ մարդկանց քանակի աճը։

[Artgeo]

Այսինքն՝ ծնողների արարքի համար երեխա՞ն պիտի պատասխան տա։ Բայց մի՞թե դա արդարացի կլիներ։

Արդարացի է թե ոչ, չգիտեմ, բայց այդպես է։ Հոր և մոր առողջական վիճակից է կախված երեխայի առոխջությունը

Իսկ ի՞նչ կապ ունի այս ամենի հետ մարդկանց քանակի աճը։

Դե եթե ասում եք, որ վերամարմնավորում է տեղի ունենում, ապա որտեղի՞ց են այսքան շատացել մարդիկ

[Ուլուանա]

Արշակ> շատ սխալվում ես, եթե կարծում ես, թե իմ հավատը կույր է: Իմ հավատը կենդանի է և տրամաբանված: Վերջիվերջո, Հիսուս ասում է. «Սիրի՛ր քո Տեր Աստծուն քո ամբողջ սրտով, քո ամբողջ հոգով ու քո ամբողջ մտքով» (Մատթ. 22:37): Ես այդպես էլ փորձում եմ անել: Պարզապես դուք՝ անհավատներդ, միշտ փորձում եք ինչ-որ «հակասություններ» գտնել, իսկ երբ բացատրում են ձեզ, չեք ուզում ընդունել և ոչ թե չեք հասկանում: Դա է աշխարհի բանը...

Ե՞ս եմ անհավատ։
Իմ կարծիքով, իմ գրառումներից պարզորոշ կերպով երևում է, որ ես անհավատ չեմ։ Եթե ես քրիստոնյա չեմ կամ չեմ կիսում քո որոշ հայացքներ, դրանից չի կարելի եզրակացնել, թե անհավատ եմ։
Ի դեպ, ես նույնը կարող եմ ասել շատ քրիստոնյաների մասին, որ Աստվածաշնչից դուրս ոչ մի բան չեք ուզում ընդունել, նույնիսկ երբ խոսքը ակնհայտ բաների մասին է։

[Ուլուանա]

Արդարացի է թե ոչ, չգիտեմ, բայց այդպես է։ Հոր և մոր առողջական վիճակից է կախված երեխայի առոխջությունը

Հա, այդպես է, դա պարզ է, բայց ինչի՞ է հենց այդ երեխան այդ բախտին արժանանում, ոչ թե մեկ ուրիշը, հենց դա է հարցը։ Միակ բացատրությունն այն է, որ նա իր նախորդ կյանքում վաստակել է այդպիսի ծնողներ ունենալը։

Դե եթե ասում եք, որ վերամարմնավորում է տեղի ունենում, ապա որտեղի՞ց են այսքան շատացել մարդիկ

Եթե հոգիները վերամարմնավորվում են, դա չի նշանակում, որ նոր հոգիներ չեն ծնվում։

[Koms]

Եթե հոգիները վերամարմնավորվում են, դա չի նշանակում, որ նոր հոգիներ չեն ծնվում։

Իսկ գուցե նրանք միշտ էլ կան, ուղղակի ժամանակ առ ժամանակ վերափոխակերպվում /տրանսֆորմացիա/ են /ինչ երկար բառ ստացվեց/,

[StrangeLittleGirl]

Ի դեպ, ես նույնը կարող եմ ասել շատ քրիստոնյաների մասին, որ Աստվածաշնչից դուրս ոչ մի բան չեք ուզում ընդունել, նույնիսկ երբ խոսքը ակնհայտ բաների մասին է։

Ախր դուք ինչ-որ տեղ ինչ-որ բաներ եք կարդում, դրանք «ակնհայտ հակասություններ» կոչում, ձեզ համար դրոշ դառդնում ու սկսում վիճել, հետո էլ չեք ուզում հասկանալ բացատրությունները: Օրինակ, ինչու՞ է, որ երբ այսպիսի բաներ մենք՝ քրիստոնյաներս, գտնում ենք, սկսում ենք քննարկել ու միշտ էլ ստիպված ենք լինում ընդունել Աստվածաշնչի անթերիությունը: Բայց մարդիկ, որոնք չեն ուզում հասկանալ, ինչքան էլ ասես, չեն ընդունի: Ես քո նշածների ավելի «ակնհայտ» «հակասություններ» եմ գտել, բայց հետո ամաչել եմ, որովհետև պատճառն իմ սխալ հասկանալն էր, ոչ թե Աստվածաշնչի թերությունը:
Ի դեպ, որպեսզի չկասկածես Աստվածաշնչի՝ դարերով պահպանված լինելու մասին, ասեմ, որ հայտնաբերվել է 20 000 օրինակ, որոնք բոլորը ճշգրիտ նույնն են եղել, բացառությամբ հունարեն ու եբրայերեն տարբերակների որոշ տարբերությունների, իսկ դրանց մասին յուրաքանչյուր Աստվածաշնչում ծանոթագրությունների մեջ նշվում է:

[Սուրենիքս]

ԳԵՎՈՐԳ> ԱՐՇԱԿ > ՍԱՀԱԿ >
կաբալլա-ի մասին կարող եք հենց իրանց սայթից իմանալ:
http://www.kabbalah.info/ru/ կամ առանց ru-ի` http://www.kabbalah.info/
Ես կարդացի շատ հետաքրքիր բանե գտա մեջը,որոնք երբեմն իմ մտոքվ եր անցել ու զուգատիպություններ նակտեցի, շատ գրքեր քաշեցի որ կարդամ,բայց չկարդացի, ու սկսեցի կասկածել արդյոք դա խելքը գլխին բանա թե ևս մի մեթոդ մարդկանց դաունացնելու, ի վերջո հանգեցի նրան որ չարժե առայժ, իմ սեփական աշխարհընկալումը ու անձնական մտքի զարգացումը ավելի հետաքրքիր է ինձ առայժմ:
Իրոք շատ տեղեր եմ գտել ո ասվում է թե դա հին հրեական կախարդություն է, սակայն հիմա ըստ իրանց դա գիտություն է որը արդեն կարելի է բացել մարդկության առաջ:
Սկզբում շատ հետաքրքրեց,բայց չկա բարիք առանց չարիք, համողվաց չես որ զոմբիացման հերթական տարբերակ չի:, Սակայն հենց ժամանակ հետաքրքրություն լինի կկարդամ ավելի մանրամասն: Ու ասվում է որ 3-5 տարի է մինիմում պետք որ հասնես նրան որ բավի քո վրից այն ինչը խանգարում է իսկական մեր ակունքներին հասնելը,տեսնելը ,ապրելը:
Խորհուրդ կտամ Կարդալ իրա introduction-ը որ իմանաք թե ինչ է Կաբալլան, բայց ավել խորանալ չեմ կարող խորհուրդ տալ, քանի որ ես ինքս չեմ փորձել կարդալ այն գրականությունները որոնք պետք են: Մի տեղ հեռախոսի համար թողալու տեղ կար որ իրանք զանգեն քեզ հետ հեռախոսով դասեր անց կացնեն: բայց չզանգեցին, այ ետեղ ես հասկացա որ ետեղ իրոք փողի հոտա գալիս , buziness

[Ուլուանա]

Ախր դուք ինչ-որ տեղ ինչ-որ բաներ եք կարդում, դրանք «ակնհայտ հակասություններ» կոչում, ձեզ համար դրոշ դառդնում ու սկսում վիճել, հետո էլ չեք ուզում հասկանալ բացատրությունները:

Ճիշտն ասած՝ չհասկացա, թե «ինչ-որ տեղ» ասելով ինչ նկատի ունես։ Իսկ բացատրությունները չենք ընդունում այն դեպքերում, երբ դրանք որևէ տրամաբանության չեն ենթարկվում։

Օրինակ, ինչու՞ է, որ երբ այսպիսի բաներ մենք՝ քրիստոնյաներս, գտնում ենք, սկսում ենք քննարկել ու միշտ էլ ստիպված ենք լինում ընդունել Աստվածաշնչի անթերիությունը: Բայց մարդիկ, որոնք չեն ուզում հասկանալ, ինչքան էլ ասես, չեն ընդունի: Ես քո նշածների ավելի «ակնհայտ» «հակասություններ» եմ գտել, բայց հետո ամաչել եմ, որովհետև պատճառն իմ սխալ հասկանալն էր, ոչ թե Աստվածաշնչի թերությունը:

Դուք՝ քրիստոնյաներդ, հենց սկզբից էլ հակված եք հավատալու Աստվածաշնչում գրված ամեն ինչին, դրա համար էլ նույնիսկ անտրամաբանական կամ հակասական մտքերի հանդիպելիս միշտ ինքներդ ձեզ համոզում եք, որ դա ձեզ է թվացել, որովհետև Աստվածաշունչը չի կարող սխալ լինել, դուք հենց ի սկզբանե բացառում եք այդպիսի հնարավորությունը։ Էլ ինչի՞ մասին է խոսքը։

Ի դեպ, որպեսզի չկասկածես Աստվածաշնչի՝ դարերով պահպանված լինելու մասին, ասեմ, որ հայտնաբերվել է 20 000 օրինակ, որոնք բոլորը ճշգրիտ նույնն են եղել, բացառությամբ հունարեն ու եբրայերեն տարբերակների որոշ տարբերությունների, իսկ դրանց մասին յուրաքանչյուր Աստվածաշնչում ծանոթագրությունների մեջ նշվում է:

Բյուր, ես կարող եմ քեզ վերջին տարիներին լույս տեսած Աստվածաշնչի մի քանի տարբեր հրատարակությունների անուններ տալ, որտեղ իրար հակասող մտքեր կան, բայց բացի դրանից, ընդհանրապեսԱստվածաշնչի մեջ շատ ծանոթագրություններ կան, որոնցում նշվում է, որ լավագույն հունարեն բնագիրը չունի այսինչ կամ այնինչ բառը , այսինքն՝ դրա փոխարեն թարգմանիչները պարզապես դրել են իրենց ուզած բառը՝ հաճախ աղավաղելով տվյալ մտքի իմաստը։ Հիմա կոնկրետ օրինակները փնտրելու ժամանակ չունեմ, հետո կգրեմ։

[StrangeLittleGirl]

Բյուր, ես կարող եմ քեզ վերջին տարիներին լույս տեսած Աստվածաշնչի մի քանի տարբեր հրատարակությունների անուններ տալ, որտեղ իրար հակասող մտքեր կան, բայց բացի դրանից, ընդհանրապեսԱստվածաշնչի մեջ շատ ծանոթագրություններ կան, որոնցում նշվում է, որ լավագույն հունարեն բնագիրը չունի այսինչ կամ այնինչ բառը , այսինքն՝ դրա փոխարեն թարգմանիչները պարզապես դրել են իրենց ուզած բառը՝ հաճախ աղավաղելով տվյալ մտքի իմաստը։ Հիմա կոնկրետ օրինակները փնտրելու ժամանակ չունեմ, հետո կգրեմ։

Ես դրանցից շատերը գիտեմ: Երբ իմ խմբի համար սերտողություն եմ պատրաստում, մի քանի հայերեն թարգմանություններ եմ նայում: Եթե հասցնում եմ, անգլերենն էլ եմ ուսումնասիրում: Ինչ խոսք, տարբերություններ կան, բայց դրանք չի կարելի հակասություններ կոչել: Հունարեն ու եբրայերեն բնագրերն էլ են տարբերվում, բայց ես ընդունում եմ եբրայերենը, չնայած մեր եկեղեցին օգտագործում է հունարենից թարգմանությունը: Ես եբրայերենն եմ ընդունում, որովհետև հունարենը հենց եբրայերենից է թարգմանվել ու թեև չնչին, բայց ինչ-որ փոփոխությունների է ենթարկվել: Համենայնդեպս, դրանք հակասություններ չեն, այլ իրարից փոքր-ինչ տարբերվող մտքեր:

Իսկ բացատրությունները չենք ընդունում այն դեպքերում, երբ դրանք որևէ տրամաբանության չեն ենթարկվում։

Տարօրինակ է... փաստորեն ճիշտ են ասում, որ մարդիկ ոչ մի այլ հարցում այդքան չեն փորձում ամեն ինչ ենթարկել տրամաբանությանը, ինչքան կրոնին վերաբերող հարցերում:
Այո՛, Աստված ուզում է, որ Իրեն մտքով սիրենք, այսինքն հասկանանք, թե ինչ ենք անում, բայց Նա մեզնից հավատք էլ է ուզում: Դա այն հավատքը չի, որ ասում ես Աստված կա: Դևերն էլ են հավատում Հիսուսին և սարսափով սպասում են: Ճշմարիտ հավատքը Աստծո հետ քայլելն է, Նրան ճանաչելը, սիրելը, իսկ դա նշանակում է ընդունել Հիսուսին որպես Տեր և Փրկիչ:
Հա՛, ինչ-որ շեղվեցի: ՈՒրիշ բան էի ուզում ասել: Երբ դուք փողոց եք անցնում, արդյոք քննարկու՞մ եք բոլոր հնարավոր տարբերակները, մտածու՞մ եք, թե որքանով է հավանական, որ մյուս մայթին չեք հասնի: Կարծում եմ, որ եթե լինում է այդպես, ապա շատ հազվադեպ: Դուք հավատում եք, որ հասնելու եք մյուս մայթին: Բայց կրոնի հարցերում ուրիշ եք: Փորձում եք զոռով հակասություններ գտնել (հակասություն նշանակում է, որ երկու բան նույն տեղում են, չնայած դա անհնար է), բացարձակապես չեք հավատում:
Իսկ ես չեմ ուզում շարունակել այս վեճը: Հիմա եթե ասեմ ինչ եմ մտածում, կհարձակվեք ինձ վրա... Դրա համար լռում եմ: Պարզապես ուզում եմ ասել, որ ինչքան ուզում եք քարկոծեք, ինչ ուզում եք ասեք, հաստատ ձեր ասածը Աստծո խոսքին ոչ մի կերպ չի կարող հասնել: Իսկ Աստծո խոսքը Աստվածաշունչն է: Ես ապրում եմ կենդանի Աստծո հետ, հարաբերվում նրա հետ, զրուցում: Նա մինչև հիմա ինձ չի ասել, թե Աստվածաշնչում հակասություններ կան: Իսկ Նա հաստատ ավելի շատ բան գիտի, քան դուք, որ փորձում եք չեղած տեղից ինչ-որ բաներ հորինել:

[Արշակ]

Մոդերատորական: Եկեք այստեղ քննարկենք միայն «Մահ... իսկ հետո՞» թեմայով։ Կրոնի վերաբերյալ այլ հարցերը կարող ենք քննարկել «Կրոններ, միջկրոնական փոխհարաբերություններ, տարբեր կրոնների դերը մեր կյանքում» թեմայում կամ նոր թեմա բացել։

[LUSIN]

Ես քրիստոնյա եմ, և ոչ թե կուրորեն հավատում ու ընդունում եմ Աստվածաշնչում գրվածը, այլ հասկանում եմ ու համաձայն եմ դրան: Ինձ համար անընդունելի է վերամարմնավորման գախափարը, որովհետև կարծում եմ- դա հորինել են նրանք, ովքեր ուզում են հույս տալ իրենց, թե մյուս կյանքում ավելի լավը կլինեն, սխալները հետո էլ կհասցնեն ուղղել և այլն... Ու էդպես անընդհատ շրջապտույտ, որ անիմաստ է:
Իսկ Քրիստոս ասում է -մարդ մի անգամ է ապրում ու դրանով արժանանում կամ չի արժանանում Արքայության: Մահից հետո հաստատ կյանք կա ու դրան պետք է արժանանալ էս կյանքում, հետո ուրիշ հնարավորություն չի լինելու:
Ինչ վերաբերում է դեժավյու-ին: Եթե մարդը ստեղծված է Աստծո պատկերով ու նմանությամբ, իսկ Աստված անսկիզբ ու անվախճան է ու ամենագետ, ուրեմն մարդն ել տեսականորեն հնարավորություն ունի ամեն բան իմանալու ու տեսնելու... Պետք է միայն ուղեղի բոլոր հնարավորություններն օգտագործել: Ամեն մեկը չի, որ բոլոր ինֆորմացիոն ալիքները կարող է որսալ.

P.S. Կներեք, որ անգլերեն տառերով է, էս անգամ չստացվեց հայերեն. հաջորդ անգամ կփորձեմ

P.P.S. Ադմինի կողմից: Կներեք, որ ես այս անգամ ինքնուրույն ձեր տեքստը ձևափոխեցի հայերեն տառերով տեքստի: Հաջորդ անգամները կխնդրեմ, որ ինքներդ անեք

[StrangeLittleGirl]

Իսկ Քրիստոս ասում է -մարդ մի անգամ է ապրում ու դրանով արժանանում կամ չի արժանանում Արքայության:

Մնացած բոլորին համաձայն եմ, բացի այս նախադասությունից: Դու փրկության չես արժանանում, քո բարի գործերը չեն քեզ փրկում: Փրկությունը նվեր է:

[Արշակ]

Եթե մարդը ստեղծված է Աստծո պատկերով ու նմանությամբ, իսկ Աստված անսկիզբ ու անվախճան է ու ամենագետ, ուրեմն մարդն ել տեսականորեն հնարավորություն ունի ամեն բան իմանալու ու տեսնելու...

Լրիվ համաձայն եմ։ Ընդ որում, այս միտքը ևս հուշում է վերամարմնավորման տրամաբանական լինելը

Ինձ համար անընդունելի է վերամարմնավորման գախափարը, որովհետև կարծում եմ- դա հորինել են նրանք, ովքեր ուզում են հույս տալ իրենց, թե մյուս կյանքում ավելի լավը կլինեն, սխալները հետո էլ կհասցնեն ուղղել և այլն...

Իսկ թե ինչն են հորինել մարդիկ՝ վերամարմնավորման գաղափարը, թե դրա չլինելը, դեռևս կանդրադառնանք։

…Դու փրկության չես արժանանում, քո բարի գործերը չեն քեզ փրկում: Փրկությունը նվեր է:

Նախ փրկություն բառն իմ կարծիքով տեղին չէ, բայց դա երկար խոսակցություն է։ Երկրորդ՝ ստացվում է, որ Աստված շատ անարդար է. քեֆը տվեց՝ այս մեկին փրկություն նվիրեց, իսկ այս մյուսին՝ դժողքի հավերժական կրակ, չնայած, որ երկրորդը կյանքում ավելի շատ լավ գործեր էր արել, քան առաջինը։ Ա՜խր անտրամաբանական է այդպես…