Ով ենք մենք իրականում

[Սելավի]

Արիացի ջան՝ ամբողջ ավիացիայի պատմության մեջ չի եղել մի ինքնաթիռ որ երկիր չվերադառնա:

[Artgeo]

Ժող վերջը չհասկացա, մարդիկ հայերի՞ց են առաջացել

[Տրիբուն]

Նման Էրվինիկների պատճաով է, որ մենք հասել ենք նման նողկալի վիճակի: Ժամանակը կգա, մենք կապացուցենք բոլորին ՈՎ ԵՆՔ ՄԵՆՔ ԻՐԱԿԱՆՈՒՄ և բոլոր նման ապուշներից կընդունենք իրենց ներողությունը ու կներենք իրենց հիմարությունները, որովհետև մենք ներողամիտ ազգ ենք ու դա մեր թուլությունն է ներկայիս դարաշրջանում: Ցավալին հենց այն է, որ նման ապուշ ու տգետ մարդու զառանցանքը դու բանի տեղ դնում ես, իսկ մեր ազգի մեծերին բանի տեղ չես դնում:

Արիացի ջան, նման Էրվինիկները մոտ 6 միլիարդ են: Հատ-հատ համոզել բոլորին, որ մենք բոլորի նախապապն ենք բավականին անշնորհակալ աշխատանք է: Եվ անիմաստ: Ապուշ Էրվինի օրինակը, որը ոչ մի կերպ չի ցանկանում ընդունել այն պարզագույն իրողությունը, որը ինքը ու իր պապերը հայերից են առաջացել, ընդամենը մի շարքային օրինակ էր, ու Էրվինի ու մեր ազգի մեծերի մեջ համեմատություններ անելն անհեթեթություն է:

Իսկ ովքե՞ր են այդ ազգի մեծերը: Հերունի՞ն…
Իմ համար ազգի մեծերը Մաշտոցն ու Խորենացին են, Նարեկացին, Շիրակացին, Քուչակը, Ֆրիկը, Սևակը, Չարենցը, Խաչատուրյանը, Համբարձումյանը… Այնպես որ, խնդրում եմ, Հերունու պես, առանց փաստերի եզրակացություններ մի արա, թե ում եմ ես բանի տեղ դնում ու ում չեմ դնում:

Այն որ ես լուրջ չեմ ընդունում Հերունու զառանցանքը, դեռ չի նշանակում, որ ես չեմ հպարտանում իմ ազգային ինքնությամբ: Ես ավելի քան հպարտ եմ իմ ՀԱՅ ինքնությամբ, ու այդ ինքնությամբ հպարտանալու համար կարիք չունեմ ամբողջ աշխարհին ապացուցել անապացուցելին, ու ինձ համարել բոլորի նախնին, որ հպարտանամ ինքս ինձնով: Ես հպարտանում եմ իմ մշակույթով, այն ամենով ինչ ունենք, իմ գրականությամբ, իմ երաժշտությամբ, ճարտարապետությամբ, արվեստով: Մենք մարդկային քաղաքակրթությանը լուրջ ժառանգություն ենք թողել, ու պետք է հպարտանանք նրանով ինչ ունենք, ու չընկնենք ծայրահեղությունների մեջ:

Երբեք չե՞ս մտածել, որ ես կարող է ավելի հպարտ լինեմ իմ ինքնությամբ, քան դու, որ դեռևս գտնվում ես փնտրտուք մեջ ու ցանկանում ես արմատներդ գտնել հեռավոր անցյալում, որ ինչ-որ մեկին ապացուցես, թե ինչու ես դու այդքան հպարտ քո հայ լինելով:

Ավելի անկեղծ, իմ համար լրիվ մեկ է թե ով է ում նախապապը: Հայերի ծագումնաբանության մի քանի տեսություններ կան, որոնք բոլորն էլ կյանքի իրավունք ունեն.

1. Խորենացու միֆոլոգիան մոտեցումը - Հայկի ու Բելի պատերազմի ու Հայկի ժառանգորդներից ձևավորված ազգի ծագումնաբանությունը ներկայացնող արտակարգ գեղեցիկ մոտեցում է:
2. Հնդեվրոպական-Բալկանյան տեսությունը:
3. Հնդեվրոպական - Հիմալայան տեսությունը:
4. Վերջապես քո ու Հերունու սիրած արևելյան անոտոլիական, կամ հարավ կովկասյան ծայրահեղացված տեսությունը:

Ու ի՞նչ…

Ասենք ապացուցվեց անապացուցելին, ու պարզվեց որ ոչ թե հայրեն են կապիկից առաջացել, այլ կապիկն է առաջացել հայերից ու հետո կապիկից մնացած բոլոր ազգերը, դա քո կարծիքով փոխելու՞ է որևէ ժամանակակից մարդու վերաբերմունքը մեր ազգի նկատմամբ, մեզ բոլորից առավե՞լ է դարձնելու, շարքային սենեգալցին ամեն անգամ հայ տեսնելուց խոնարհվելու՞ է նրա առաջ, ու բոլոր ազգերը մեզ աստվածացնելու՞ են ու ներողություն են խնդրելու իրենց բոլոր մեղքերի ու մեղքերից մեծագույնի, մեզ ժամանակին չաստվածացնելու համար:

Արիացի, ներածական մասը կարճ կապելով ասեմ: Եթե այդքան հպարտ ես քո հայ լինելով, ապա հպարտացիր նրանով ինչ ունես: Հայ ինքնությունն իր մեջ շատ ավելի բարձր արժեքներ է պարունակում, քան «առաջին սափիենսը հայ է եղել» պարադոքսը:
Հիմա անցնենք մանրամասն քո մեր քննարկմնը մասնակցող մյուս հարգարժան ընկերոջը տված պատասխաններին: Նախ շնորհակալություն, որ մեկ շաբաթվա թախանձագին խնդրանքներիցս հետո, ինձ էլ ներգրավեցիք քննարկման մեջ:

Ես թքած ունեմ ամբողջ թուրք ազգի վրա: Ես ինձ շատ ավելի լավ եմ զգում երբ մի հայի համոզում եմ ՀԱՅ ազգի վեհությունն ու հզորությունը, քան թե դա անում եմ 1000 թուրքի համար: Ցավն էլ հենց այն է, որ հենց մենք չենք ընդունում այդ ամենը: Բանը հենց նրանում է, որ ես չեմ ուզում թուրքերին ինչ-որ բան ապացուցել:

Ընկեր, թուրքերի վրա բոլորս էլ թքած ունենք: Մեր մեջ ասած ես նույնքան թքած ունեմ նաև ֆրանսիացիների, գերմանացիների, իտալացիների ու մնացած բոլոր ազգերի վրա: Եթե ինձ հնարավորություն տան երկրորդ անգամ լույս աշխարհ գալ, ապա նորից կուզենամ հայ ծնվել: Չեմ հասկանում միայն, թե ազգի վեհությունն ու հզորությունը ինչ կապ ունեն առաջին կամ երկրորդ սափիենսի հետ: Ի՞նչ ես կարծում, եթե հանկարծ բոլոր թուրքերը մեկեն հասկանան որ մենք իրենց նախապապն ենք, կվախենան մեզանից ու հետ կտան մեր բոլոր հողերը:

Մեր հանճարեղությունն էլ որևէ կերպ մեզ չի սարքում առաջին սափիենսեը: Տեսե՞լ ես ասենք հունական ճարտարապետական գլուխգործոցները, կամ ծանոթ ես նրանց հանճարեղ փիլիսոփաների աշխատությունների հետ, կամ չինացիների, կամ հնդիկների, կամ ացտեկների ու մայաների… հանճարեղ քաղաքակրթություններ են:

Ես մի պահ նույնիսկ կասկածում եմ, որ մեր 99,8%-անոց հայ հասարակության մեջ ոչ հայերը շատ ավելի շատ են քան մենք պատկերացնում ենք:

Այն որ դու կասկածում ես բոլոր հայերի հայ լինելու մեջ, ինձ մոտ մի հարց է առաջացնում, որին հատկապես խնդրում եմ պատասխանել - Ինչպե՞ս ես սահմանում հայկական ինքնությունը:

Դու ուզում ես կոնկրետ փաստեր, բայց կոնկրետ փաստեր չկան, քանի որ ամեն ինչ վերացվել է: Շատ քիչ փաստեր են մնացել, այդ պատճառով դժվար է փաստեր բերել: Ու դրա համար խելոք մարդիկ դիմում են խելամիտ դատողություններին ու տրամաբանությանը: Խելոք մարդը հենց նրանով է տարբերվում մնացածից, որ նա քիչ փաստերից կարողանում է շատ եզրակացություններ անել, այլ ոչ թե միայն այդ փաստերը իներցիայով կրկնել ամեն տեղ:

Արիացի, չեմ հասկանում, թե առանց կոնկրետ փաստերի ինչ տրամաբանության մասին կարող է խոսք լինել: Ինչպե՞ս ստացվեց, որ հանկարծ ամենախելամիտ մարդը Հերունին դուրս եկավ: Չե՞ս կարծում, որ մի ինչ-որ վիետնամցի գիտնական էլ, նույն տրամաբանությամբ, կարող է դատողություններ անել, ու եզրակացնել որ Անանիա Շիրակացին ուզբեկ էր: Կամ եթե բոլորս Հերունու եզրակացություններն ընդունում ենք որպես անառարկելի ճշմարտություն, ապա հավատա, Աստվածաշնչում մի գլուխ պակասում է, ու ոչ թե վերջից, այլ սկզբից: Աշխարհարարումը պետք է սկսվի Հերունու տեսությամբ: Ի սկզբանէ ՀԱՅԸ ստեղծեց Աստծուն, հետո Աստուած ստեղծեց երկինքն ու երկիրը:

Դրա համար, եթե մարդը գեթ մի քիչ տրամաբանում է, ու մի քիչ կարողանում է մտածել նա հասկանում է, որ եթե գոյություն ունի Քարահունջ, որը օրինակ Ստոունհենջից հին է ավելի քան 5000 տարով, ապա հասկանում է, որ դա հենց նենց չի ստեղծվել:

Իսկ, ով է ասում որ Քարահունջը հենց այնպես է ստեղծվել: Քարահունջի պես առեղծվածներ աշխարհում որքան ուզես կան. Զատկի կղզու արձանները, Նասկայի նկարները, կորած քաղաքներ ինդոնեզիական ջունգլիներում…

Հիմա ինչ, ասենք, որ բոլորը հայե՞րն են ստեղծել, որ մենք մեզ լավ զգանք: Կամ ասենք. «ժողովուրդ, քանի հարյուր տարի է չարչարվում եք, որ պարզեք, թե որտեղից ենք առաջացել Նասկայի հսկայական նկարները: Մի չարչարվեք Բաշինջաղյանն է նկարել»: Որոշ ապուշներ կհարցնեն. «Այդ ինչպե՞ս իմացաք»: Կպատասխանենք. «Հերունին, առանց փաստերի, տրամաբանեց, մտածեց ու հասկացավ» :

Երբ էդքանը հասկանում ես, հասկանում ես նաև, որ հին աշխարհի բոլոր հանճարեղները որտեղից են ծագում: Հերունին այդ ձևով հասկացավ, որ Պյութագորասը ՀԱՅ է, իսկ իմ ծանոթներից մեկը հասկացավ, որ Արքիմեդը ՀԱՅ է: Այդ մարդկանց պետք չեն չոր փաստեր: Այդ մարդիկ դրանում համողված են:

Արիացի ջան, խնդրում եմ գրածիդ այս մասը տեղափոխես ֆորումի «Զվարճալի» բաժինը, թե չէ մենք անկախ մեզանից այդ բաժինը կտեղափոխենք այստեղ:

Ես ուղղակի չեմ հասկանում թե ոնց կարելի է կասկածել որ հոմո սապիենսը Հայկական Լեռնաշխարհում է առաջացել: Չէ որ դա շատ ակնհայտ է?

Այնքան ակնհայտ է, որքան այն որ սափիենսը առաջացել է Հիմալայներում, կամ Կիլիմանջարոյի փեշերին:

Դու փաստեր ես ուզում, բայց միթե փաստ չի հենց այն, որ մենք աշխարհի ամենահպարտ ազգն ենք?

Ինչպե՞ս ես գնահատել այդ հպարտությունը: Ի՞նչ չափանիշերով: Ու ի՞նչն է մեզ ավելի հպարտ դարձնում ասենք վիետնամցուց կամ փուշտունից:

Հարց է առաջանում, ինչով ենք այդքան հպարտանում? Միթե հպարտանում ենք Տիգրան Մեծի անմիտ տարածքներ գրավելով, պարսիկ Արշակունիներով, 301 թվականի եղեռնով կամ հրեա Բագրատունիներով ու պետականության անկումով? Միթե դա է մեր հպարտությունը? Իհարկե ոչ: Դրանք մեր խայտառակություններն են: Մենք հպարտ ենք մեր անցյալով: ԲԱՅՑ ՈՐՆ Է ԱՅԴ ԱՆՑՅԱԼԸ????

Արիացի, եթե դու հրաժավում ես քո փաստարկված պատմությունից ու ցանկանում ես հպարտ լինել քո հայ լինելով բոլորի կողմից միայն դառը ժպիտ ու կարեկցանք առաջացնող տեսությամբ, քո գործն է: Բայց լավ կանես մեր բոլորի կողմից սիրված ու ընդունված, թեկուզ շատ դեպքերում դաժան ու անարդարացի պատմությունը խայտառակություն չկոչես:

Մեր մեծերը գիտեին այդ մասին, սկսած Խորենացուց ու Նարեկացուց, ավարտած Թումանյանով ու Սևակով: Դա շատ ակնհայտ է: Օրինակի համար կարդացեք ու վերլուծեք Սևակի <<Մենք քիչ ենք սակայն մեզ հայ են ասում>> բանաստեղծությունը: Այդտեղ խոսվում է հայերի այնպիսի արժանիքների մասին, որոնք չեն բնութագրում մեզ քրիստոնեությունից հետո:

Պաշտում եմ Սևակին…

Թույլ տուր կասկածել, որ Սևակը «Մենք քիչ ենք, սակայն մեզ հայ են ասում» գրելով ի նկատի ուներ այն, որ մենք առաջին սափիենսն ենք: Նա հաստատ ի նկատի ուներ այն, ինչ ես գրել եմ առաջին պարբերության մեջ: Նա հապրտ էր նրանով ինչ ունի, ու չէր ցանկանում ավելին ունենալ հայ լինելով հպարտանալու համար: Շնորհակալություն որ տվեցիր այս միտքը: Հիմա Սևակի նույն բանաստեղծությունից մի մեջբերում անենք, ու ինքդ տես ու հասկացիր, թե ինչ էր ուզում ասել Սևակը.

Մենք քիչ ենք, սակայն մեզ հայ են ասում։
Մենք մեզ ո՛չ ոքից չենք գերադասում։
Պարզապես մենք էլ պիտի ընդունենք,
Որ մե՛նք, միայն մե՜նք Արարատ ունենք,
Եվ որ այստեղ է՝ բարձրիկ Սևանում,
Երկինքը իր ճիշտ պատճենը հանում։
Պարզապես Դավիթն այստեղ է կռվել։
Պարզապես Նարեկն այստեղ է գրվել։

Ի՞նչ ես կարծում, Նարեկը երբ է գրվել, քրիստոնեական, թե նախաքրիստոնեական ժամանակաշրջանում:

Շարունակելի........

[Տրիբուն]

....Շարունակություն

Ես թքած ունեմ բոլոր փաստերի վրա: Իմ համար ավելի մեծ փաստ է այն, որ մենք աշխարհի ամենախելոք ու ամենաիմաստուն ազգն ենք (ես դրանում չեմ կասկածում): Այդքան հանճարներ տված ազգը չի կարող ընդամենը 4500 տարվա պատմություն ունենալ ու այդպիսի խայտառակ տարիներ ունենալ միայն ( խոսքը հետքրիստոնեական շրջանի մասին է): Այդ ազգը անպայման ավելի խոր արմատներ ունի: ՈՒ ոչ մի չոր փաստ չի կարող ինձ հակառակը համոզել:
.....
Օրեցօր նման մտքեր արտահայտողների թիվը շատանում է ու վերջին հաշվով բոլոր հայերն են հասկանալու մեր ով լինելը, ու մենք համախմբվելու ենք և համախմբված հաղթահարելու ենք ցանկացած արգելք, որը կծագի մեր ազգի առջև: Այդ ժամանակ մենք փառավորելու և հպարտանալու ենք այնպիսի մարդկանցով ինչպիսին Հերունին է ու մնացած հանճարները:

Մի ընկերական խորհուրդ, եթե կընդունես: Ապագային լավատեսորեն լայելու համար արմատները պետք չէ ևս մի քանի հազար տարով հետ տանել:

Եթե հանկարծ քո ու Հերունու նման մտածողները մեծամասնություն կազմեն հայ հասարակության մեջ, մենք կկործանվենք, քանի որ ազգի աառաջ այսօր ծառացած լուրջ հիմնախնդիրները լուծելու փոխարեն, պիտի սկսենք իրար ջան ու ղուրբան ասել, թե ինչքան հին ենք մենք: Առանց այդ էլ միայն դրանով ենք զբաղված առավոտից իրիկուն, արդեն որքան ժամանակ է:

Ու արդյո՞ք մեր համախմբվելու համար անհրաժեշտ է բոլոր հայերին համոզել, որ առաջին սափիենսը հայ էր: Ուրիշ ավելի հետաքրքիր գաղափարների շուրջ չե՞նք կարող համախմբվել:

Վերջում էլ, որպես ամփոփում մի մեջբերում անեմ մշակութաբան Վարդան Ջալոյանի «Հայկական ինքնությունը և քաղաքացիական հասարակությունը» հոդվածից:

.... ազգային ինքնության մասին խոսակցություններն իմպլիցիտ՝ անբացահայտ կերպով ենթադրում են զարգացման ուղու ընտրությունը` եվրոպական դեմոկրատիա, թե՞ արաբական դեսպոտիա, համապատասխանաբար, նաև՝ խաղի կանոնների ընտրությունը:

Ավելացվել է 14 րոպե անց

Ժող վերջը չհասկացա, մարդիկ հայերի՞ց են առաջացել

Ապեր ջան, դժվար հասկացողների համար հատուկ դպրոց կա;

Ամենաթարմ տեղեկություններով, բոլոր ժողովուրդներն առաջացել են հայերից: Առաջինը կապիկից մարդու է վերածվել Գոքորը, ու հայտարարել է իր հայ լինելու մասին՝ համայն աշխարհին բարձրաձայն գոչելով. «Բարլուս ախպերութուն»:

Բայց ես հիմա հավատում եմ ավելի հեռուն գնացող տեսություններին (առանց փաստերի իհարկե, քանի որ մենք թքած ունենք փաստերի վրա) այն մասին, որ կապիկներն են առաջացել հայերից, հետո նոր կապիկներից մնացած բոլոր ազգերն են առաջացել - Գևոն ծնեց Տիկոյին, Տիկոն ծնեց Սաքյոին, Սաքոն ծնեց Գորիլային ու նրա երկու եղբայներին, Շիմպանզեին և Օրանգուտանին:

[Ambrosine]

Միթե հպարտանում ենք Տիգրան Մեծի անմիտ տարածքներ գրավելով,

բա ինչի բոլորդ կհիանաք Ալեքսանդր Մակեդոնացու նվաճումներով? Տիգրանն էլ մեր եզակի թագավորներից է, ով դուրս է եկել բուն Հայաստանի սահմաններից: Ասեմ ավելին, Սիրիայի թանգարաններից մեկում ինչ-որ ձիու նալ կա, որը ներկայացնելիս գիդը ասել է, թե սա հայոց Տիգրան Մեծ թագավորինն է, անիծվեն նրանք, որ գրավել են մեր երկիրը: Ուրախանալու բան չի, որ ուրիշի երկիր ենք գրավել, բայց գոնե միշտ պարտվածի դերում չենք եղել

պարսիկ Արշակունիներով,

պարսիկ? բայց միթե նրանք պարսիկ էին? Նույն է թե իսպանացիները իրենց թագավորական դինաստիան ներկայացնելիս ասեն ֆրանսիացի բուրբոնները:
Կամ ռուսները առնվազն պիտի կախվեն, քանի որ սկսած օլեգ իշխանից, եկատերինա 2-ից, Պյոտր 3-ից... մաքուր ռուսներ չեն եղել. կարող եմ փաստերով ապացուցել

կամ հրեա Բագրատունիներով ու պետականության անկումով?

իսկ որտեղից վերցրիք, որ Բագրատունիները հրեա են? Կամ եթե նույնիսկ հրեա են, կարող ա հրեաների համար վերականգնեցին մեր պետականությունը կամ երկիրը կոչեցին Հրեաստան?

[Ռուֆուս]

Ուրախ եմ, որ լավ ժամանակ ես անցկացնում

Հա, բա ես էլ եմ էդ ասում, մանավանդ ձեր վերջին գրառումից հետո.....

Տրիբուն ջան, ռեսպեկտ! Որ կարողանայի, էլի վարկանիշ կտայի, ափսոս չեմ կարող

[Լեռնցի]

Տրիբուն ջան...
դուք նշում եք, որ հպարտ եք մեր մշակույթով...օրինակի համար... մշակույթային որ արժեքն էմ որով հպարտանում եք... ես չեմ տեսնում 301թ. ից հետո մի մշակույթային արժեք, որը կարելի լինի ներկայացնել հանրությանը, և ասել, տեսեք. մերն է հայերինս...
հնարավոր է, դու բերես այնպիսի օրինակ, որի մասին ես դեռ չգիդեմ, շատ շնորհակալ կլինեմ:

Արիացու կատարած վերջին գրառումը դու շատ սխալ ես հասկացել... և ճիշտ կլիներ այն վերընթերցեիր...

ես դեռ կբերեմ շատ ուշագրավ փաստեր...
Եթե գտնում ես, որ չարժե խորանալ մեր արմատների մեջ, և պարզել ճշմարտությունը, ապա անուղակիորեն դա նշանակում է, որ անիմաստ է պատմությունը, որպես գիտությունը:

[Տրիբուն]

Արիացու կատարած վերջին գրառումը դու շատ սխալ ես հասկացել... և ճիշտ կլիներ այն վերընթերցեիր...

Հարգելի Տրոյան,

Թույլ տվեք չհամաձայնվել Ձեզ հետ: Ես բավականին լավ հասկանում եմ կարդացածս, ընդհանրապես: Բայց Ձեր խորհրդով մեկ անգամ էլ վերընթերցեցի ու ոչ մի նոր, իմ կողմից սխալ հասկացված տող չհայտնաբերեցի;

Տրիբուն ջան...
դուք նշում եք, որ հպարտ եք մեր մշակույթով...օրինակի համար... մշակույթային որ արժեքն էմ որով հպարտանում եք... ես չեմ տեսնում 301թ. ից հետո մի մշակույթային արժեք, որը կարելի լինի ներկայացնել հանրությանը, և ասել, տեսեք. մերն է հայերինս...
հնարավոր է, դու բերես այնպիսի օրինակ, որի մասին ես դեռ չգիդեմ, շատ շնորհակալ կլինեմ:

Տրոյան ջան, հիմա ավելի անկեղծ;

Եթե քո ժողովրդի 1700 տարվա ստեղծած ոչ մի բանը քո համար հայկական մշակութային արժեք չի, ապեր, կներես ես միայն խղճահարություն կարող եմ զգալ: Խղճահարություն ոչ մի այն քո անձի նկատմամբ, այլ բոլոր նրանց նկատմամբ ովքեր մտածում են այնպես ինչպես դու ես մտածում, ներառյալ Հերունին ու Արիացին:

Քո համար հայկական մատենագրությունը հայկական մշակութային արժե՞ք չէ: Նարեկացին վրացի՞ էր, թե հրեա: Իսկ Խորենացին երևի ուզբեկերեն գրում եր թուրքմենների պատմությունը: Զվարթնոցը երևի ույղուրական քարվանսարա է, իսկ Մշո Առաքելոց վանքը արաբական մզկիթ է: Անին տաջիկների մայրաքաղաքն էր, իսկ Անիի Մայր Տաճարը բուդդիստական տաճար է: Քուչակն էլ ամենայն հավանականությամբ Դանթեի թոռն էր:

Եթե սրանք հայկական մշակութային արժեքներ չեն, ո՞րն է Հայկական մշակութային արժեքը, ընկեր ջան: Քարահունջի քարե՞րը: Ու՞մ բողկին են այդ քարերը, որոնք եթե նույնիսկ եղել է ալամ աշխարհի առաջին աստղադիտարանը, ինչպես դու ու Հերունին հավատացած եք, ապա ոչ մի դեպքում հայկական մշակութային արժեք չեն դառնում:

Փաստորենդ դու գիտես հայկական մշակութային արժեքների մասին, որոնց մասին միայն Հերունին գիտի, իսկ մեր բոլորի իմացածը ոչ հայկական մշակութային արժեքներ են: Ու՞մ ի՞նչ եք ուզում ապացուցել: Որ 1700 տարի սթից ենք ապրել, ու ոչ մի բան չե՞նք ստեղծել: Ինչ էլ ստեղծել ենք օտար է ու ոչ հայկակա՞ն: Քանի՞ հոգու են պետք ձեր այդ առաջին սափիենսի մասին զրույցները, եթե դուք ձեր վերջին 1700 տարվա ստեղծածից եք հրաժարվում: Եթե վերջին 1700 տարում քո ասելով մենք հայկական ոչինչ չենք ստեղծել, ուրեմն հայ չենք եղել, ուրեմն ուզբեկ ենք դարձել ընկեր: Հիմա եկել ես ու մեզ` ուզբեկներիս, ուզում ես համոզել, որ մոռանանք մեր այն ստեղծածը, որը ամեն օր տեսնում ենք, որը ամեն օր կարդում ենք, որտեղ ամեն կիրակի աղոթում ենք, ու գնանք բոլորվ երկրպագենք Քարահունջին ու առաջին սափիենսի վերածված կապիկի ոսկորներին:

Ընգեր, գրում եմ ու ծիծաղս գալիս է: Ռուսները կասեին И СМЕХ И ГРЕХ:

ես դեռ կբերեմ շատ ուշագրավ փաստեր...

Տրոյան ջան, անկեղծ ասեմ: Դու ոչ մի փաստ էլ չես կարող բերել: Ես, քո այս թեմայի տակ արված բոլոր գրառումները կարդացել եմ: Մինչև հիմա ոչ մի փաստ չեմ տեսել: Որտեղի՞ց ես նոր փաստերը բերելու: Հերունու գրքերի՞ց: Ես բավականին լավ ծանոթ եմ Հերունու բոլոր աշխատությունների հետ: Կարդացել եմ գրեթե բոլոր հարցազրույցներն ու հոդվածները: Թախծոտ ժպիտ առաջացնող ենթադրություններից բացի, ուրիշ ոչ մի բանի մինչև այժմ չեմ հանդիպել:

Ծանո՞թ ես Էռնստ Մուլդաշեվի աշխատությունների հետ: Հերունի գլուխը պատին ա տվել դեմը, թե կարա այդ աստիճանի մառազմատիկ ենթադրություններ անի: АиФ-ում պարբերաբար Մուլդաշեվի հետ հարցազրույցներ են տպագրվում: Կարդա, եթե հանդիպես, հաստատ կհավանես, մառազմի գագաթնակետն է: Մի հատ մեջբերում անեմ վերջին հոդվածներից.

Многочисленные курганы, обнаруженные экспедицией российских учёных под руководством Эрнста Мулдашева являются местами выхода на землю птицелюдей, следы которых экспедиция нашла ещё на острове Пасхи

Ընգեր, ու պատեկարցրու ահագին մարդ կարդում է Մուլդաշեվի գրքերը ու անկեղծորեն հավատում է այն ամենին, ինչ գրված է:

Եթե գտնում ես, որ չարժե խորանալ մեր արմատների մեջ, և պարզել ճշմարտությունը, ապա անուղակիորեն դա նշանակում է, որ անիմաստ է պատմությունը, որպես գիտությունը:

Տրոյան ջան, արմատների մեջ խորանալուն էլ ձև կա: Ես ասել եմ, որ պետք չէ՞ խորանալ: Խորացիր որքան ցանկանում ես, բայց մի ընկիր ծայրահեղությունների մեջ՝ առաջին հոմոսափիենսին ու Արիստոտելին հայ դարձնելով, Եգիպտական բուրգերը հայկական դարձնելով ու չգիտեմ թե էլ ինչով, որոնց վրա մարդիկ միայն ծիծաղելու են:

Այս հարցրերում ճշմարտությունն այն է, ինչ փաստագրված է: Արիացու ասած "առանց փաստերի էլ, նրանք համոզված են որ այդպես է" արմատների մեջ խորանալը պատմության հետ կապ չունի: Դա կարող է լավ КВН-ի թեմա լինել:

Կարծում ես, որ Հերունին աշխարհի միակ ու ամենախելացի գիտնակա՞նն է: Խոսատնում եմ ի հակադրություն ամեն բերածդ "փաստին" առնվազն երկու հակառակն ապացուցող փաստ ներկայացնել, հղումներով: Ուզու՞մ ես կարող ենք գրազ գալ:

Ու վերջում, արմատները մինչև առաջին հոմոսափիենս տանելը, պատմության որպես գիտություն ուսումնասիրության առարկան չէ: Դա անթրոպոլոգիայի ուսումնասիրության առարկան է:

[Տրիբուն]

իսկ որտեղից վերցրիք, որ Բագրատունիները հրեա են? Կամ եթե նույնիսկ հրեա են, կարող ա հրեաների համար վերականգնեցին մեր պետականությունը կամ երկիրը կոչեցին Հրեաստան?

Աստղ ջան, դու էլ գործից բան չես հասկանում, կներես: Մի հատ զոռ տուր երևակայությանդ:

Սաղ հաշված ա: Հրեաները մ.թ.ա III դարում Բագրատունիներին հատուկ ուղարկեցին Հայաստան, որ սրանք 1100 տարի հետո, Մեծ Հայքի տարածքում Արշակունիների կործանումից 450 տարի հետո, վերականգնեն պետականությունը: Հետո, այդ պետականությունը կործանվի հույների կողմից ու մեր հարաբերությունները նրանց հետ փչանան, ու սելջուկները հեշտությամբ գրավեն Հայաստանը: Հետո սելջուկների հետնորդները ստեղծեն Օսմանյան կայսրությունը ու 20-րդ դարաասկզբին Ցեղասպանություն իրականացնեն: Հետո առաջին, երկրրորդ, երրորդ հանրապետություն լինի: Հետո Սերժ-Լևոն հակամարտությունը լինի (հրեա Լևոնի ու հրեա Բագրատունիների կապն ինձ թվում է ակնհայտ է): Հետո Լևոնը գա իշխանության, ու ծախի Հայաստանը թուրքերին… Թուրքերի դարդից հայերը սկսեն փախնել Հայաստանից, ու ոտքով ճամփա ընկնեն դեպի ԱՄՆ: Եվրապացիները ուզած չուզած պիտի մեզ օգնեն այդ ճանապարհորդության ընթացքում ու ուշադրություները պիտի շեղվի մնացած պրոբլեմներից: ՈՒ այդ ժամանակ հրեաները, հապ կուլ են տալիս Եվրոպան:

Քեզ փաստե՞ր են պետք: Չկա, չունենք: Բայց ունենք կուռ տրամաբանություն:

[Գալաթեա]

Ամբիոնախոս ձյա, ես քո փոխարեն գոհ ու շնորհակալ կլինեի արդեն նրանից, որ որպես հայասկիզբ ալամ քաղաքակրթության ապացույց էստեղ մեջտեղ չի բերվում բազմաչարչար լեզվաբանությունը...թեև առաջին էջերը չեմ կարդացել, միգուցե և բերվում են:

Ես օրինակ նախկին ֆորումից ծանոթ եմ մի պայծառ գաղափարի, ըստ որի կամ մի շարք բառեր, որոնք ապացուցում են, որ հայերն արիացի են ու էլի տենց սափիենսային պահեր:

Ահա այդ շարքը, եթե ճիշտ եմ հիշում

Արև
արվեստ
արյուն
մարդ
արարել

և այլն:

Երբ ես այբ բառերը ապացույց բերողին համեստաբար հիշեցրի, որ`

արդուկ
արբել
արտաքնոց
և
արվամոլ

բառերը նույնպես ար-ով են սկսում` խնդրելով բացատրել այդ բառերի (հատկապես վերջինի )կապը մեր ինքնության հետ, ինձ չկարողացան խելքին մոտ պատասխան տալ:

Այնպես որ դիմացիր:

[Տրիբուն]

Ամբիոնախոս ձյա, ես քո փոխարեն գոհ ու շնորհակալ կլինեի արդեն նրանից, որ որպես հայասկիզբ ալամ քաղաքակրթության ապացույց էստեղ մեջտեղ չի բերվում բազմաչարչար լեզվաբանությունը...թեև առաջին էջերը չեմ կարդացել, միգուցե և բերվում են:

Ես օրինակ նախկին ֆորումից ծանոթ եմ մի պայծառ գաղափարի, ըստ որի կամ մի շարք բառեր, որոնք ապացուցում են, որ հայերն արիացի են ու էլի տենց սափիենսային պահեր:

Ահա այդ շարքը, եթե ճիշտ եմ հիշում

Արև

և
արվամոլ

բառերը նույնպես ար-ով են սկսում` խնդրելով բացատրել այդ բառերի (հատկապես վերջինի )կապը մեր ինքնության հետ, ինձ չկարողացան խելքին մոտ պատասխան տալ:

Այնպես որ դիմացիր:

Հարգելի Գալաթեա,

Լեզվաբանական դիսկուսիան արդեն սկսվել է;

Ուշադրություն դարձրեք Արիացու հետևյալ տողերին. «...Այդքան հանճարներ տված ազգը չի կարող ընդամենը 4500 տարվա պատմություն ունենալ.....», իսկ հաջորդիվ «Երբ էդքանը հասկանում ես, հասկանում ես նաև, որ հին աշխարհի բոլոր հանճարեղները որտեղից են ծագում: Հերունին այդ ձևով հասկացավ, որ Պյութագորասը ՀԱՅ է, իսկ իմ ծանոթներից մեկը հասկացավ, որ Արքիմեդը ՀԱՅ է:»

[Armenoid]

են երգը հիշեցի է
"գագարիննելա հայ"

[Գալաթեա]

Հարգելի Գալաթեա,

Լեզվաբանական դիսկուսիան արդեն սկսվել է;

Ուշադրություն դարձրեք Արիացու հետևյալ տողերին. «...Այդքան հանճարներ տված ազգը չի կարող ընդամենը 4500 տարվա պատմություն ունենալ.....», իսկ հաջորդիվ «Երբ էդքանը հասկանում ես, հասկանում ես նաև, որ հին աշխարհի բոլոր հանճարեղները որտեղից են ծագում: Հերունին այդ ձևով հասկացավ, որ Պյութագորասը ՀԱՅ է, իսկ իմ ծանոթներից մեկը հասկացավ, որ Արքիմեդը ՀԱՅ է:»

Վայ, չէի նկատել

[Ambrosine]

Ես օրինակ նախկին ֆորումից ծանոթ եմ մի պայծառ գաղափարի, ըստ որի կամ մի շարք բառեր, որոնք ապացուցում են, որ հայերն արիացի են ու էլի տենց սափիենսային պահեր:

բայց դեռ ֆաշիստները չեն ապացուցել, որ հայերը արիական ազգ են?

[Գալաթեա]

բայց դեռ ֆաշիստները չեն ապացուցել, որ հայերը արիական ազգ են?

Ինձ ճիշտ ասած էդ հարցը 1000 տարի չի հետաքրքրում, Աստղ ջան:
Այդ թեմային ես մոտեցել էի զուտ որպես լեզվաբան, մասնագիտորեն:
Ինչից որ լավ տեղյակ չեմ` խասիաթ չունեմ դատողություններ անել