Խոսում եք բիբլիական մշուշապատ կեղծարարությունից ու ցիտում եք Հիսուսին:Խաչիկ-Ապեր-ի խոսքերից
Կներեք, իսկ ինչպե՞ս ստացվեց, որ պատմագիտությամբ զբաղվողների մեծ մասը հանկարծ վերածվեցին կեղծարարների, իսկ իրական պատմությունն ուսումնասիրող լրջամիտները հանկարծ փոքրամասնություն դարձան: Թե՞ իրական պատմություն է կոչվում միայն այն պատմությունը, որը տարածաշրջանում, եթե ոչ աշխարհում, տեղի ունեցած ամեն ինչը պարտադիր հայերին է վերագրում:
Իսկ կոնկրետ այս դեպքում, որևէ պատճառ չունեմ հավատալու հայոց պատմության գիտակից եգիպտագետի վերածված գիտնականին, որը մի քանի հնչյունների տարարտասանությամբ (եթե այդ տարարտասանությունն ընդհանրապես գոյություն ունի, քանի որ մեր եգիտպագետը չի կարող հիմնավորել որ հիքսոսը եգիտպացիները հաքսոս են արտասանել) հիմնավորում է հիքսոսների հայ լինելը: Իսկ մնացած աշխարհի կողմից դա չընդունելը պայմանավորում է մարդկությանն ու բնությանը ահնայտ ինչ-որ քաղաքական գործընթացներով:
Հիքսոսների պատմությունը, գոնե այնքանով որքանով հայտնի է, կապված է Եգիտպոսի հետ, ու նման կատեգորիկ եզրահանգումներ անողը, գոնե մի անգամ պիտի տեսած լինի Նեղոսի արևելյան դելտայում պեղված հիքսոսյան ժամանակաշրջանի ճարտարապետության մնացորդները: Դե էլ չասենք այն մասին, որ պիտի այնտեղ որևէ լուրջ հնեաբանական հետազոտության մասնակից եղած լինի:
Թե չէ, գիտեք ինչ, ես էլ տունը նստած, մի քանի կանխակալ վարկած գլխումս, մի քանի գիրք էլ ձեռքս, մի քանի հնչյուն էս ու էն կողմ անելով, կարող եմ հիքսոսներին սարքել հորվաթ (հորքսոս), հունգար (հունքսոս), հինուխցի (հինքսոս), հուրուգնի և այլն: Էլ չխոսենք այն մասին, որ մինչը հիմա, երևի ինչ-որ էլի անհասկանալի ու անհայտ քաղաքական պատճառներով, գրեթե բոլոր եվրոպացի գիտնականները (որոնք սեմիտ չեն) գտնում են որ հիքսոսների գահակալների անունները զուտ սեմիտական են: Ու մենակ մեր Եգիպտոսը չտեսած եգիպտագետն է Իպոպի-Ապոպին սարքել Հակոբ ու Հակոբն էլ հայտարարել հայկական անուն:
Եթե սա ձեր համար լուրջ պատմագիտություն է, ապա գոնե իմ համար, ու համոզված եմ շատերի համար, լավագույն դեպքում սա կարելի ա անվանել ալտերնատիվ պատմագիտություն, որը իմ սիրած գիտական ֆանտաստիկայի ոլորտի հետ ավելի սերտ կապեր ունի, քանի պատմագիտության հետ:
Մեջբերել
Էջանիշներ