Ով ենք մենք իրականում

[Արէա]

Արէա ջան, ոչ մի բան "հենց այնպես" չի լինում: Եթե մեր անցյալից ինչ-որ ինֆորմացիա ենք ուզում իմանալ, ապա այդ ինֆորմացիան պիտի մի տեղ արդյունավետ կիրառվի, հակառակ դեպքում անարժեք է ու անիմաստ:

Չէ, տենց չի:

Եթե ես մեծ հաճույքով կարդում եմ հին հունաստանի պատմությունը, հիանում եմ Մակեդոնացով, զարմանում եմ էդքան վաղ ժամանակաշրջանում ապրած մարդկանց մտքի հզորությամբ, ես դա չեմ անում որպեսզի ներկայիս Հունաստանի ու հույների վարկը բարձրացնեմ իմ ու մյուսների աչքում, չկա էդպիսի բան: Ներկայիս հույները նույնքանով են կապված Սոկրատեսի ու Մակեդոնացու հետ, ինչքանով որ մենք Մամիկոնյանի ու Արշակ թագավորի հետ, այսինքն ոչ մի կերպ կապված չեն: Ու այսօր Աթենքում ամբողջ օրը համակարգչի առաջ նստած մեկը նույնքանով կարող է համարել իրեն սպարտացի, որքանով մի որևէ հայ իրեն՝ արիացի, այսինքն էլի ոչ մի չափով:

Սխալ է կապել որևէ ազգի հնագույն պատմությունն այդ ազգի ներկա վիճակի հետ: Ու եթե մենք այսօր ամենանախանձելի վիճակում չենք գտնվում, ապա դա ոչ մի չափով չի նսեմացնում հազարավոր տարիներ առաջվա հայ կոչվող ցեղի գործունեությունն ու այն ծաղրի առարկա չի դարձնում, ինչպես որ Հունաստանի ներկայիս ցանկացած տիպի կացությունը, մազաչափ անգամ ազդեցություն չունի հին Հունաստանի պատմության վրա: