Կին նախագահ

[Artgeo]

Ի՞նչ եք կարծում։ Հնարավո՞ր է Հայաստանում տենց բան։
Իմ կարծիքով ոչ միայն հնարավոր է, այլ անհրաժեշտ է, քանի որ տղամարդկությունն ու տղամարդը հայկական քաղաքականության մեջ իրեն վարկաբեկել է։

[StrangeLittleGirl]

Շատ լավ կլիներ: Բայց միանշանակ ասել չի կարելի: Պետք է կոնկրետ կանայք լինեն, որ ասենք կոնկրետ տղամարդկանցից լավն են:

[Ուլուանա]

Շատ լավ կլիներ: Բայց միանշանակ ասել չի կարելի: Պետք է կոնկրետ կանայք լինեն, որ ասենք կոնկրետ տղամարդկանցից լավն են:

Լրիվ համաձայն եմ։

[Artgeo]

Իսկ ներկայում հայտնի կանանցից, ո՞վ կարող է դառնալ ըստ ձեզ

[Ուլուանա]

Շատ ծանոթ չեմ կին քաղաքական գործիչներին, բայց որքանով որ տեսել ու լսել եմ, հնարավոր թեկնածու եմ համարում, օրինակ, Հրանուշ Հակոբյանին։ Դժվարանում եմ ասել, թե նա որպես նախագահ իրեն ինչպես կդրսևորեր, բայց, ինչքան նկատել եմ, բավականին ակտիվ, կազմակերպված ու նպատակասլաց գործունեություն է ծավալում տարբեր ոլորտներում։ Նրա ելույթներն էլ եմ հավանում. իմ կարծիքով շատ խելացի ու կշռադատված է խոսում, ջուր չի ծեծում, ինչպես շատ-շատերը...

Հաշվի առեք, որ սա ընդամենը ընդհանուր տպավորության վրա հիմնված կարծիք է։

[Taurus]

Իսկ ներկայում հայտնի կանանցից, ո՞վ կարող է դառնալ ըստ ձեզ

Ոչ ոք էլ չի կարող, մոտակա տաս քսան տարվա մեջ, բայց որ լինի ես դեմ չեմ:

[StrangeLittleGirl]

Իսկ ներկայում հայտնի կանանցից, ո՞վ կարող է դառնալ ըստ ձեզ

Գոհար Քյալյան

[Artgeo]

Կնոջ տեղը… խորհրդարա՞նն է. կանանց ֆորումը պահանջում է տեղ տալ Հայաստանի բնակչության մեծամասնությանը

22 կուսակցություն և 40 ՀԿ ներկայացնող ֆորումն այսօր Երևանում հրավիրված մամուլի ասուլիսում հայտարարեց, որ վաղուց ժամանակն է բարձրացնելու կանանց դերը Հայաստանի քաղաքական կյանքում:

«Հայ կանանց մեջ այդ ներուժը կա,- «Կին առաջնորդ» ֆորումի անունից հայտարարեց Ռուզան Խաչատրյանը: - Պարզապես քանի դեռ Հայաստանում չի հաստատվել ընտրությունների անցկացման արդարացի մեխանիզմ, կանայք իրենց թույլ չեն տա մտնել «կեղտոտ քաղաքական դաշտ»:

Ըստ վիճակագրական տվյալների` Հայաստանի բնակչության 60 տոկոս կազմող կանանց 40 տոկոսը բարձրագույն կրթություն ունի, սակայն խորհրդարանում կա ընդամենը 7 կին պատգամավոր, իսկ 926 գյուղապետներից ու քաղաքապետներից ընդամենը 15-ն են կին:

Միացյալ Նահանգների զարգացման միջազգային գործակալության ֆինանսավորմամբ Ազգային ժողովրդավարական ինստիտուտի անցկացրած հետազոտությունների արդյունքներն ուղարկելով Ազգային ժողով` ֆորումն առաջարկում է փոփոխություններ կատարել Ընտրական օրենսգրքում և մեծացնել կանանց ներկայությունը խորհրդարանում:

«Առաջարկվում է, որ համամասնական ընտրակարգով կուսակցության ներկայացրած ընտրացուցակներում առնվազն 25 տոկոսը կանայք լինեն, նախկին 5 տոկոսի փոխարեն,- ասաց Հայաստանի ժողովրդական կուսակցության վարչության անդամ Խաչատրյանը: - Ընտրական ցուցակում յուրաքանչյուր չորրորդ թեկնածուն պետք է կին լինի»:

Ըստ Խաչատրյանի` իշխող Հանրապետական կուսակցությունը հրաժարվել է միանալ նախաձեռնությանը, չնայած իր շարքերում կանանց մեծ թվին:

Խաչատրյանը վախենում է, որ ՀՀԿ դիրքորոշումը կարող է վատ անդրադառնալ ֆորումի նախաձեռնության վրա:

Նա ասում է, որ քաղաքականության մեջ կանանց ներգրավմանը խոչընդոտում են նաև «ոչ արդար ընտրություններն ու քաղաքական կեղտոտ տեխնոլոգիաները», որոնք իրականում բիրտ ուժի, բռնության ու կեղծիքի արտացոլում են:

Այդուհանդերձ, Խաչատրյանը հուսով է, որ առաջարկը կընդունվի, և կանայք ավելի ակտիվ դեր կստանձնեն:

Նրա կարծիքով` արդար ընտրությունների դեպքում կանայք իրենց տղամարդ հակառակորդներին հաղթելու մեծ հնարավորություն ունեն:

Եթե կանայք համապատասխան հարաբերակցությամբ ներկայացված լինեին քաղաքական դաշտում, ապա «քաղաքականության մեջ շատ հարցեր` հանդուրժողականությունից մինչև կաշառակերություն, էապես փոխված կլինեին»,- ասաց նախաձեռնությանը միացած նախկին վարչապետ, ներկայումս Հայաստանի քրիստոնյա-դեմոկրատական միության նախագահ Խոսրով Հարությունյանը:

Գայանե Մկրտչյան
«ԱրմենիաՆաուի» թղթակից

[Մանե]

Իսկ ինչո՞ւ ոչ.Չ՞է որ ամեն ինչ առաջին անգամ է լինում.Ինձ թվում է կին նախագահը ավելի շատ կմտածի ժողովրդի շահերի մասին,քան տղամարդը/նայած/. Ուղղակի պետք է փորձել

[Արսեն]

Միգուցե պատասխանատու գործերը կանայք աելի լավ են անում , բայց կին - ՆԱԽԱԳԱՀ , ետ վերջնա… Դեմ եմ, եթե դա իմ կինը չի լինի

[arman1993]

Արսեն ջան չեմ հասկանում թե խի ես զարմանում, որ կիննել կարողա լինի նախագահ:
Օրինակ Կոնդոռիսա Ռայսը ինչ վատ նախագահա՞

[Artgeo]

Կոնդոլիզա Ռայսը նախագահ չի: Նա ԱՄՆ-ի պետ. քարտուղարն է: Նախագահա օրինակ Լատվիայի նախագահը Վայրա Վիկե-Ֆրեյբերգան:

[Արսեն]

Ես դա իմ սուբեկտիվ կարծիքն եմ հայտնել, բացատրելը երկար ա ու դժվար...

[քաղաքացի]

Ֆրանսիայում կին նախագահ լինելու շատ մեծ հույսեր կան: ԱՄՆ-ում 2008-ին Հիլարի Քլինթոնը (Բիլ Քլինթոնի կինը) իր թեքնածությունը ուզում է դնել: Շատանում են կին նախագահները և ես ոչ մի վատ բան չեմ տեսնում:

[Արշակ]

Ընդհանրապես ամբողջ աշխարհում ու հատկապես Հայաստանում կնոջ դերը նսեմացված է։ Ու դրանից աշխարհը շատ է տուժում։ Ու կին նախագահն էլ երկրի համար շատ լավ նախագահ կարող է լինել։ Մի խոսքով՝ լրիվ նորմալ եմ վերաբերվում։
Բայց դե հակառակ ծայրահեղության մեջ էլ պետք չի ընկնել։ Այսինքն՝ պետք չի մտածել՝ մենակ թե կին լինի։ Պետք է ընտրել տվյալ պաշտոնը, պարտականություններն իրականացնելու համար ամենահարմար թեկնածուին, անկախ նրանից, կին է, թե՝ տղամարդ։
Ինչպես Բյուրակնն ասաց՝ նայած կոնկրետ ու՞մ մասին է խոսքը։