Սերը տարիք հարցնո՞ւմ է…
Պատկերացրեք տղան աղջկանից փոքր է առնվազն 3-4 տարով /մի դեպք էլ գիտեմ, երբ տարիքային տարբերությունը կազմում է 6 տարի/: Տղաները պնդում են, որ իրենց համար նշանակություն չունի աղջկա մեծ լինելը: Սակայն …
Ի՞նչ եք կարծում, ինչպես պիտի վարվի աղջիկը, հեռանա ու լքի՞ նրան, որպեսզի հետագայում տհաճ խնդիրներ չառաջանան, թե՞…
Re. Սերը տարիք հարցնո՞ւմ է…
Անկեղծ ասած, ինձ հետ մի քանի անգամ պատահել է նման դեպքայսինքն ինձնից մի քանի տարի փոքր տղաներ են ամուսնության կամ ընկերության աջարկություն արել , բայց ես ընթացք չեմ տվել,որովհետև համոզված չեմ եղել,որ նրա " տարիքն իմ համար էական չէ" ն հետագայում պատուհաս չէր դառնա.. Միգուցե սխալվում եմ, բայց տղան պետք է մի քանի տարով մեծ լինի աղջկանից, քանի որ աղջիկներն ավելի շուտ են հասունանում, թե հոգեպես, թե ֆիզիկապես.. ու դժվար է հարմարվել քեզնից փոքր տղայի մտածելակերպի հետ..
Մի խոսքով, ինքս եմ փնտրում այդ հարցի պատասխանը..
.. Բայց որ սերը տարիք չի հարցնում, դա հաստատ է.. միանշանակ այդպես է
կյանքը դա է ցույց տալիս.. հարցն այլ է.. թե այդ մարդու հետ կյանքում կարող ես հարմարվել, ապրել.. նա քեզ կհասկանա, կգնահատի՞, կընդունի՞ այնպիսին ինչպիսին կաս, տարիքային տարբերությունը իրենը չի՞ ասի արդյոք......թե՞ սերն անցնելուն պես սկսվելու է երեխա դաստիարակելու չարչարանքը
Better to light a candle than to curse the darkness.
Նաիրուհի (10.12.2013)
Ես համարում եմ, որ տարիքը նշանակություն չունի այն դեպքում, եթե և՛ տղան, և՛ աղջիկը դրան նշանակություն չեն տալիս։ Եթե մարդիկ սիրում են իրար ու դրանից իրենց վատ չեն զգում, ոչ աղջիկն է ամաչում, որ տղան իրենից փոքր է, ոչ տղան է ամաչում, որ աղջիկն իրենից մեծ է, ապա նրանց հարաբերություններում տարիքի հետ կապված որևէ խնդիր ես չեմ տեսնում։ Իսկ եթե նրանց համար շրջապատի կարծիքն այնքան մեծ նշանակություն ունի, որ դրա պատճառով նրանք պատրաստ են բաժանվել իրարից, ապա դա արդեն իրենց անձնական գործն է, և դա ապացուցում է, որ շրջապատի կարծիքը նրանց համար վեր է նույնիսկ իրենց սիրուց, ինչն էլ իր հերթին ապացուցում է, որ նրանք միմյանց բավականաչափ չէին սիրում, որպեսզի հաղթահարեն այդ խոչընդոտը... Այնպես որ դա հիանալի փորձություն է երկու սիրող կամ «սիրող» սրտերի համար։
Ի դեպ, ես էլ տարբեր դեպքեր գիտեմ, երբ ամուսինների միջև եղած տարիքային տարբերությունը (նկատի ունեմ, երբ կինն է տարիքով մեծը) շատ ավելի մեծ է, քան Cassiopeia-ի ասածը, և դա նրանց չի խանգարել, որ երջանիկ լինեն։
Բայց... եթե խնդիրը միայն շրջապատի կամ հարազատների կարծիքը չէ, այլ տարիքային տարբերության պատճառով առաջացող դժվարությունները, բոլորովին այլ հարց է, որովհետև հատկապես վաղ տարիքում նման խնդիրները շատ բնական են, և նման հարաբերությունները սովորաբար երկարատև չեն լինում։
Երջանկությունը ճամփորդելու ձև է, ոչ թե նպատակակետ։
Ռոյ Գուդման
Համամիտ եմ, որ սերը տարիք չի հարցնում, բայց Հայաստանում ամուսնանալու համար հարազատների կարծիքը շատ բարձր տեղ է գրավում: Չեմ կարծում թե կգտնվի մի մայր, որը կուզենա որ իր որդին իրենից տարիքով մեծ աղջկա հետ ամուսնանա, ու եթե հանկարծ ամուսնանա, ապա նա ամեն ինչ կանի այդ ամուսնությունը թունավորելու համար: Շատ քիչ մայրեր կարող են հասկանալ իրենց որդիներին: Երբեմն այնպիսի տպավորություն է, որ այդ մայրերը երբեք երիտասարդ չեն եղել ու իրենք էլ չեն ապրել նման խնդիրներով…
Աղջիկը, եթե սիրում է, ինչ կարիք ունի հեռանալու: Փոխադարձ սերը (ընդհանրապես) տարիք չի հարցնումՍակայն …Ի՞նչ եք կարծում, ինչպես պիտի վարվի աղջիկը, հեռանա ու լքի՞ նրան, որպեսզի հետագայում տհաճ խնդիրներ չառաջանան, թե՞…
Իսկ ինչ ես դու կարծում, եթե միմյանց սիրում և հարգում են, ի?նչ խանգարող հանգամանքներ պետք է լինեն
Cassiopeia-ի խոսքերից
Կարծում եմ, հարցը երիտասարդ լինել-չլինելու մեջ չէ, այլ բնավորության: Նայած թե ով ինչ տեսանկյունից այդ հարցին կնայի:
Համաձայն եմ. հայտնի բան է, որ աղջիկները տղաներից ավելի շուտ են հասունանում, որից ելնելով էլ, բնականաբար, նախընտրելի է, որ տղան աղջկանից մի քանի տարով մեծ լինի։ Բայց այդ հանգամանքը գործում է մինչև որոշակի տարիք, որովհետև գալիս է մի շրջան, երբ այդ տարիքային տարբերությունն արդեն առանձնապես էական չի լինում։ Եթե, օրինակ, վերնցնենք 18 տարեկան տղային և, ասենք, 23 տարեկան աղջկան, ապա հազիվ թե այդ հարաբերությունից որևէ բան ստացվի, քանի որ տղաներն այդ տարիքում դեռևս շա՜տ հեռու են լինում հասուն, կայացած լինելուց, դեռ շատ փոփոխական ու հաճախ անլուրջ են լինում, այսպես ասած՝ դեռ թռի-վռի, էլի (թող ներեն ինձ տղաներըՄիգուցե սխալվում եմ, բայց տղան պետք է մի քանի տարով մեծ լինի աղջկանից, քանի որ աղջիկներն ավելի շուտ են հասունանում, թե հոգեպես, թե ֆիզիկապես.. ու դժվար է հարմարվել քեզնից փոքր տղայի մտածելակերպի հետ..
Իսկ եթե տարիքային նույն տարբերությունը (5 տարի) լինի ավելի մեծ տարիքում, ասենք, եթե տղան 25 տարեկան է, իսկ աղջիկը 29, կարող են նորմալ հարաբերություններ ձևավորվել, հեևաբար նաև երջանիկ ու հաջողված ամուսնություն։
Իմ բերած տարիքային օրինակները, բնականաբար, հարաբերական էին, բացի դրանից, շատ բան կախված է նաև կոնկրետ մարդկանց առանձնահատկություններից, հայացքներից և այլն, քանի որ տարբեր մարդիկ տարբեր տարիքում են ձևավորվում. մարդ կա 23 տարեկանում արդեն պատրաստ է ամուսնության, մարդ կա 30-ից հետո է պատրաստ լինում, մարդ էլ կա... երբեք էլ չի հասնում այդ վիճակին...Բա։
Երջանկությունը ճամփորդելու ձև է, ոչ թե նպատակակետ։
Ռոյ Գուդման
Լրիվ համաձայն եմ քեզ հետ, Uluna ջան…Ինչպես ասում են, մարդ էլ կա, մարդ էլ
ես չեմ զգացել , որ նա մանկապարտեզային տարիքից դուրս է եկել
Չէ՞ որ պատահում է նաև, որ թվում է թե հասուն տղամարդ է, ասենք 30-32 տարեկան, սակայն մի քիչ շփվում ես հետը ու զգում, որ նրա ձեռքին չես դիմանա, մի օր կարողա բանտ ընկնես
Մեր բակ-2- ի մեջ Զառան ոնց ա ասում Հրանտի համար, հիշում ե՞ք
Better to light a candle than to curse the darkness.
Թեմայի իմաստը չեմ հասկանում:
Ինձ համար սիրո գաղափարը վեր է ամեն ինչից
Re. Սերը տարիք հարցնո՞ւմ է…
Better to light a candle than to curse the darkness.
Ազգականներիցս մեկի ընտրյալ աղջիկը երևի մի 5 տարով մեծ էր տղայից։ Հաշվի առնելով նման դեպքերում հասարակության ու ծնողների վերաբերմունքը՝ տղան աղջկա տարիքը թաքցնելու համար աղջկա անձնագիրը կեղծել էր ու երևի մի 5-10 տարով փոքրացրել։
Այս դեպքը պատմելով՝ չեմ ասում, թե պետք է կեղծարարությամբ տարիքը թաքցնել հասարակությունից։ Այս օրինակն ընդամենը ապացուցում է, որ պարտադիր չի, որ տարիքը խանգարի սիրեցյալի հետ շարունակական հարաբերություներին ու ընտանիք կազմելուն։ Կարծում եմ, որ ուղղակի նման դեպքերում պետք է ապրել սրտի թելադրանքով այլ ոչ թե ենթարկվել հասարակության կարծիքին։
Добро победило зло, поставило его на колени и зверски убило
Ճիշտ է՝ ես երբեք դեռ մայր չեմ եղել, բայց չեմ կարծում, թե ինչ-որ մայր որքան էլ դեմ լինի իր տղայի ընտրյալին, կփորձի թունավորել որդու ամուսնությունը: Ամեն մոր համար կարևորը որդու երջանկությունն է, և եթե տղան երջանիկ է այդ աղջկա հետ մայրը միայն կուրախանա իր տղայի երջանկության վրա և ոչ թե կթունավորի այն: Դա իմ կարծիքն է:
Իսկ սերը իմ կարծիքով, իրոք, տարիք չի հարցնում: Կարևորը երջանկությունն է, փոխադարձ հարգանքն ու վստահությունը:
Կա՛նգ առ, վայրկյա՛ն, չքնաղ ես դու:
Ընդհանրապես ես նախընտրում եմ ծերուկներին: Ինձնից փոքրերի վրա նայել չեմ ուզում, խելքով ինձնից հետ են
Իսկ չես կարծում, որ ծերուկներն էլ մի քիչ շատ առաջ են:Ընդհանրապես ես նախընտրում եմ ծերուկներին: Ինձնից փոքրերի վրա նայել չեմ ուզում, խելքով ինձնից հետ են
Ես մեծ նշանակություն չեմ տալիս տարիքին: Կարևորը դաստիարակությունն ու մտածելակերպն ա: Հանդիպում են այնպիսի երիտասատդներ, որոնք 10 տարեկան տղայի խելք ունեն, և իհարկե հակառակը:
Կա՛նգ առ, վայրկյա՛ն, չքնաղ ես դու:
Aida, լավ կլիներ, որ քո ասածով լիներ, բայց իրականում շատ են դեպքերը, երբ մայրերը այդպիսի դեպքերում թունավորում են իրենց երեխաների կյանքը։
Մայրերը (և ոչ միայն նրանք) հաճախ «սիրելով» այնպիսի՜ բաներ են անում, որ պատկերացնելն անգամ սարսափելի է։
Добро победило зло, поставило его на колени и зверски убило
Ցավալի է:
Կա՛նգ առ, վայրկյա՛ն, չքնաղ ես դու:
Այս պահին թեմայում են 1 հոգի. (0 անդամ և 1 հյուր)
Ձեր իրավունքները բաժնում
Մեջբերել
Էջանիշներ