Հանրօգուտ աշխատանք

[Grieg]

Ուշադրություն,

մտավոր թեր զարգացում ունեցող երեխաների թիվ 11 հատուկ (օժանդակ) դպրոց 9րդ դասարանի երեխաները հետ միասին այպիսի մի հանրօգուտ ծրագիր է մշակվել `
Գիշերօթիկ դպրոցի երեխաները ձայնագրում են հետաքրքիր աուդիո գրքեր` հեքիաթներ,ասմունքներ և այլն , ապա այն անվճար բաժանվում է կույր և տեսողական դժվարություներ ունեցող երեխաների համար: Գիշերօթիկի երեխաների համար դա հնարավորություն կարող է հանդիսանալ ապացուցելու որ ֆիզիկական արատները չեն կարող լինել խոչնդոտ հասարակության ինտեգրմանը և նրանում կարևոր դեր իրականցնելու համար, իսկ տեսողական դժվարություններ ունեցող երեխաները հնարավորություն կունենան ունկնդրել հետաքրքիր նյութեր իրենց հասակակիցների կատարմամբ:

Որպեսզի ծրագիրը ունենա ընթացք և արդյունք անհրաժեշտ է օգնել երեխաներին կատարել ձայնագրությունները, այսինքն պետք են մարդիկ ովքեր կկարողանան ժամանակ տրամադրել և այցելելով դպրոց ~ ստեղծել երեխայի համար բարենպաստ աշխատանքային մթնոլորտ, անհրաժեշտության դեպքում տալ խորհուրդ կամ ծառայել օրինակ ապա ձայնագրել երեխային
/համակարգչի միջոցով/: Նաև կարող են օգնել այն անձիք ովքեր որակյալ կմշակեն աուդիո նյութերը` աղմուկները վերացնելու, երաժշտություն ավելացնելու համար և այլն:Նաև անհրաժեշտ են մարդիկ ովքեր ընտրեն հետաքրիր հեքիաթներ և առակներ և կկատարեն որոշակի մշակում որպիսզի ավելի հարմար լինի այն ձայնային տեսքի վերածելու:

Մի խոսքով պետք են պինդ մարդիկ ովքեր սիրում են երեխաների հետ աշխատանքը, ովքեր եռանդ ունեն կատարելու հանրօգուտ աշխատանք և նպատակասլաց են: Որպիսզի պատահաբար թյուրիմացություներ չլինեն նշեմ որ ֆինանսական վարձատրություն չի նախատեսվում~ սակայն դրա փոխարեն կվարձատրվեք երեխաների ժպիտներով և նրանց հետ անցկացրած րոպեներով~ և միաժամանակ կմասնակցեք մի հետաքրքիր, հանրօգուտ, նախադեպը չունեցող նախագծի իրակացմանը:
Քանի որ ֆինանսներից խոսեցի նշեմ որ ՄԱԿը դպրոցների լավագույն ծրագրերի շրջանակում կֆինանսավորի դպրոցին գրքերի,տեխնիկայի, սենյակի կոսմետիկ վերանորոգման համար անհրաժեշտ նյութերի ձեռքբերումը:Բացի դրանից երեխաների հանգստի համար կհատկացվի գումար 100.000 դրամի չափով:

Բացի աուդիոգրքերից նաև նախատեսվում է գրանցել կարճ վիդեո հոլովակներ լսողական դժվարություն ունեցող երեխաների համար, հուսով եմ, որ կգտնվեն մարդիկ ովքեր կօգնեն հետաքրքիր սցենարներ մշակել և երեխային փոխանցել անհրաժեշտ հմտություները երեխային հոլովակը իրականցնելու համար:

սպասում եմ հարցերի առաջարկություների դիտողություների և այլն այս թեմայում
..կամ հետևալ միջոցներով իմակ` vhovhan[at]gmail[dot]com, ICQ` #71537566


__
http://armkids.blogspot.com
http://www.youtube.com/vhovhan
http://www.bigfamily.am

[Belle]

Շատ եմ ուզում օգնեմ, ասեք, երբ, որտեղ, ոնց /ավելի կոնկրետ/, կաշխատեմ ինչ-որ ձևով օգտակար լինել:

[Undina]

I'm in, Լավ գործա. ասեք երբ ու կաշխատեմ գործիս տեղից պոկվել ու գալ

[StrangeLittleGirl]

Վա՜յ, Վարդա՛ն, չես պատկերացնի, թե ինչքան եմ ուզում օգնել: Ինձ համար ևս մեկ վարձատրություն կլինի. մասնագիտական պրակտիկա: Երբ ICQ-ում լինես, խոսենք, հա՞: Մեկ էլ մի բան: Ես շատ ալարկոտ եմ, եթե կարող ես, ինձ անընդհատ բզիր:

[Նավաստի]

Ես էլ, Ես էլ.... Ինձ չմոռանաք...

[Grieg]

Շատ ուրախ եմ, որ այսքան ցանկացողներ կան կարծում եմ ճիշտ կլինի հաջորդ կիրակի հանդիպել ծանոթանալ և քննարկել ով ինչ ինչպես կարող է անել, մինչ այդ կփորձեմ հնարավորին չափ օգտակար տեղեկություն քաղել .
և այսպես փետրվարի 3ին ժամը 15:00-ին հարմար է բոլորին ՞

[Belle]

Շատ ուրախ եմ, որ այսքան ցանկացողներ կան կարծում եմ ճիշտ կլինի հաջորդ կիրակի հանդիպել ծանոթանալ և քննարկել ով ինչ ինչպես կարող է անել, մինչ այդ կփորձեմ հնարավորին չափ օգտակար տեղեկություն քաղել .
և այսպես փետրվարի 3ին ժամը 15:00-ին հարմար է բոլորին ՞

Ինձ ոնցոր հարմար է: Կհավաքվենք, մնացածը տեղում:

[Նավաստի]

Երևակայի ինձ էլ է հարմար:

[Chuk]

Փաստորեն մեզ դուք էիք զանգահարել, խորհուրդներ հարցնելու համար
Այնպես որ, կարճ ներկայանամ: 2.5 տարի առաջ իրականացրել ենք բավական մեծ ծավալի աշխատանք, որն անվանվել էր «Խոսող գրքեր»: Կույր և տեսողական խնդիրներ ունեցող երեխաների դպրոցի համար լսաձայնագրվել է գրականության դպրոցական ծրագրով նախատեսված ողջ նյութը՝ հավելումներով: Բավական աշխատատար ու իրականում բավական բարդ գործ է, ցանկանում եմ նախօրոք զգուշացնել:

Պահանջում է ոչ միայն նյարդեր, այլև բավական ներդրումներ՝ որակյալ գործ անելու համար, կապված, մասնավորապես, տեխնիկայի ձեռք բերման կամ ստուդիայի վարձակալման հետ:

Ինչևէ, ես ինքս, ցավոք, չնայած մեծ ցանկությանս, մինչև ծառայության ավարտս չեմ կարող մասնակցել գործին: Ասենք, անկեղծանալու դեպքում պետք է խոստովանեմ, որ դրանից հետո էլ այժմ չեմ կարող ասել, կմասնակցեմ, թե ոչ, քանի որ մի քանի նմանատիպ հզոր և հույժ կարևոր ծրագրեր են նախապատրաստվում, որոնց պիտի մասնակցեմ մեծ ծանրաբեռնվածությամբ: Բայց հուսով եմ, որ եթե այդ ժամանակ այս ծրագիրը դեռ գործի, ապա իմ մասնակցությունը կբերեմ, կկարողանամ համատեղել:

Ամեն դեպքում կաշխատեմ հաջորդ կիրակի օրը մասնակցել հանդիպմանը, չբացառելով որ իմ ունեցած փորձը ինձ թույլատրի խորհուրդներով օգնել ձեզ:

Ամեն դեպքում ողջունում եմ ձեր նախաձեռնությունը

[Grieg]

Փաստորեն մեզ դուք էիք զանգահարել, խորհուրդներ հարցնելու համար
Այնպես որ, կարճ ներկայանամ: 2.5 տարի առաջ իրականացրել ենք բավական մեծ ծավալի աշխատանք, որն անվանվել էր «Խոսող գրքեր»: Կույր և տեսողական խնդիրներ ունեցող երեխաների դպրոցի համար լսաձայնագրվել է գրականության դպրոցական ծրագրով նախատեսված ողջ նյութը՝ հավելումներով: Բավական աշխատատար ու իրականում բավական բարդ գործ է, ցանկանում եմ նախօրոք զգուշացնել:

Ճիշտն ասած տեղյակ չեմ գուցե և իմ ծանոթները զանգարահարել են, քանի որ որոշ մարդկանց խնդրել եմ հետաքրքրվեն։ Ես նույնպես գտնում եմ, որ դա բարդ գործ է և ուրախ եմ, որ այդ օրը կլինի մի մարդ ով ունի փորձ այդ բնագավառում

հանդիպում ենք Ժող. ինստիտուտի դիմաց /Իսահակյան Նալբանդյան խաչմերուկ/ Փերտվարի 3ին ժամը 15:00

[Grieg]

~կհանդիպենք ժամը 15.00 ին ;-)

[Belle]

էսօր գնացել էինք
Ծառատունկ և .... էլի շատ լավ բաներ

Չգիտեմ ինչից սկսել . . .

Էնքան շատ բան կա ասելու: Անչափ երջանիկ եմ, երջանիկ եմ, որ գնացի, անսահման հաճելի զգացումներ են մեջս: մինչև հիմա աչքերիս առաջ են երեխեքի գոհ ժպիտները, ուրախությունից փայլող աչքերը, որոնք մի տեսակ խորհրդավոր թախիծ ունեին անթեղած:
Շաատ շնորհակալ եմ Վարդանից, նրա շնորհիվ ես իմացա էս ծրագրի մասին ու հիմա երջանիկ եմ` զգալով, որ կարողացա ժպիտ ու ուրախություն պատճառել այդ անմեղ /իրոք, անմեղ բառը լավագույնս բնութագրում է նրանց/ էակներին:
Աննկարագրելի հաճույք էր տեսնել` ինչ ձգտում ունեն սովորելու, աշխատելու: Բա ֆուտբոլը պիտի տեսնեիք ինչ էնրգիա կար էդ երեխեքի մեջ:

Մի խոսքով` իդեալակն օր էր, ամեն ինչ կանեմ, որ էսպիսի օրերը և իմ, և երեխաների կյանքում շատ լինեն: Հիմա նույնիսկ չգիտեմ, ավելի շատ ես եմ ուրախացել մեր այցելությունից, թե երեխաները, բայց նրանց «Էլի կգաք, չէ?»--ն ինձ համար ամեն ինչ է:

Վարդան, մի անգամ էլ Շ Ն Ո Ր Հ Ա Կ Լ Ո Ւ Թ Յ Ո Ւ Ն ! ! !

[Grieg]

ժող ռեժիսյորներ և օպերատորներ են պետք, կարող են նաև սկսնակ լինել.. դերասանները կան, սցենարների ընդհանուր պատկերացում էլ կա, իսկ նկարահանող չկա

[Grieg]

մի քանի նկարներ ծառատունկից ,
շնորհակալություն բոլորին օգնության համար~

հատուկ շնորհակալություն Belle-ին և Amaru-ին, որ շարունակում են օգնել



















ֆուտբոլ.. ճիգերը իզուր էին խաղը հաղթեցին երեխաները

[Belle]

հատուկ շնորհակալություն Belle-ին և Amaru-ին, որ շարունակում են օգնել

շնորհակալության կարիք չկա

նկարները շատ լավն են, երեխեքը ահագին կուրախանան

իսկ ֆուտբոլըըըը
վերջն էր, կյանքում տենց ֆուտբոլ չէի տեսել /ես էլ կեսից "վրատարն" էի/