Hi-Line (2008-2014)

[Helios]

Իսկ ոնց ենք իմանում, արդեն սակագնային պլանը փոխվել ա, թե չէ: Ուղղակի էղած յուզերնեյմով էլ ինտերնետ չի մտնու՞մ, թե՞ պիտի յուզերնեյմը փոխենք, փորձենք:

հին յուզերով մտնումա հին արագությամբ։ մինչև չես փոխում նոր արագությամբ չի մտնում

Ժող, մի բան հարցնեմ, էդ Հայլայնի մեգաբայթային տարիֆին որ փոխվեմ, բա դա մաքսիմալ արագության ի՞նչ սահմանափակում ունի...
Կամ եթե չունի, ռեալ արագությունը ինքա՞նա լինում...
Խնդրում եմ ով ունի մեգաբայթային տարիֆ, թող իրանք գրեն, ով չունի՝ կարա իրան նեղություն չտա- ենթադրություններ պետք չեն

[Edz]

Իսկ ոնց ենք իմանում, արդեն սակագնային պլանը փոխվել ա, թե չէ: Ուղղակի էղած յուզերնեյմով էլ ինտերնետ չի մտնու՞մ, թե՞ պիտի յուզերնեյմը փոխենք, փորձենք:

Կոնկրետ իմ դեպքում, քանի դեռ հնով միանում էր, նորը դեռ ակտիվ չէր, մեկ էլ համկարծ ինտերնետը անջատվեց ու էլ չէր միանում, փոխեցի փասը նորը գրեցի ու միցավ

[Sunun]

«ԱՐՄԵՆՏԵԼԸ» ՄՏԱԴԻՐ Է ԽՍՏԱՑՆԵԼ ՎԵՐԱԲԵՐՄՈՒՆՔԸ ԻՆՏԵՐՆԵՏ-ՓՐՈՎԱՅԴԵՐՆԵՐԻ ՆԿԱՏՄԱՄԲ. ԳԼԽԱՎՈՐ ՏՆՕՐԵՆ


ԵՐԵՎԱՆ, 28 դեկտեմբերի. /ԱՌԿԱ/. «ԱրմենՏել» հեռահաղորդակցական ընկերությունը մտադիր է ավելի խիստ դիրք զբաղեցնել բոլոր ինտերնետ-փրովայդերների նկատմամբ, ուրբաթ լրագրողներին հայտարարել է ընկերության գլխավոր տնօրեն Իգոր Կլիմկոն:
«Շուկայում գործող բոլոր ինտերնետ-փրովայդերները պետք է գիտակցեն, որ եթե ավելի վաղ «ԱրմենՏելն» ավելի պասիվ դիրք էր զբաղեցնում և գրեթե բոլորը կարող էին քննադատել մեզ, ապա այժմ իրավիճակը արմատականորեն փոխվել է: Եվ յուրաքանչյուրը պատասխանատվություն է կրելու իր խոսքերի և գործողությունների համար», - հայտարարել է ընկերության գլխավոր տնօրենը:
Մեկնաբանելով ADC ինտերնետ-փրովայդերի հետ ունեցած վերջին տարաձայնությունները, որին «ԱրմենՏելը» մեղադրել էր անբարեխիղճ մրցակցություն վարելու մեջ՝ Կլիմկոն նշել է, որ ADC-ի պատասխան հայտարարության մեջ չկան սկզբունքային տարաձայնություններ իր հայտարարության հետ:
«Առաջինը՝ ADC-ին, ըստ էության, ընդունեց, որ մեր ընկերությունների միջև փոխադարձ խողովակի լայնությունը սահմանափակվել էր, ինչի մասին էլ ես հայտարարում էի մամուլի ասուլիսի ժամանակ: Ավելին, մենք գրաֆիկի վրա ներկայացրեցինք, թե ինչպես էր դա տեղի ունենում, այնպես որ անհնար է հերքել այդ փաստը», - հայտարարել է ընկերության գլխավոր տնօրենը:
Նրա խոսքերով՝ ADC-ին այդ խողովակի սահմանափակումը պատճառաբանում է տեխնիկական աշխատանքների իրականացմամբ, ինչը ևս, Կլիմկոյի կարծիքով, չի հակասում իր հայտարարությանը:
Բացի այդ Կլիմկոն նշել է, որ ADC ընկերությունը չի ժխտում, որ «հայելապատում է» միջազգային կայքերը, մասնավորապես՝ Google-ը:
«ADC-ի հայտարարությունը ինձ մոտ որոշակի տարակուսանք է առաջացնում, քանի որ իրեն հարգող կապի օպերատորն իրեն նման բաներ չպետք է թույլ տա», - ասել է ընկերության գլխավոր տնօրենը:
«ADC-ի այն պնդումը, որ «ԱրմենՏելը» բավականին տարողունակություն չունի միջազգային խողովակի համար, միանգամայն անհիմն է: Ես կանխատեսում էի նման արձագանք և մամուլի ասուլիսի ժամանակ ներկայացրեցի մեր միջազգային խողովակների լայնությունը և այդ խողովակների զբաղվածությունը: Եվ հստակ երևում էր, որ գոյություն ունեցող թողունակությունը թույլ կտա ապահովել երեք-չորս անգամ ավելի շատ տրաֆիկ, քան հիմա», - ընդգծել է Կլիմկոն:
Նրա խոսքերով՝ այս պահին զբաղված է խողովակների գոյություն ունեցող տարողունակության 20 տոկոսից ոչ ավելին:
Բացի այդ Կլիմկոն նշել է, որ քաղաքակիրթ երկրներում, երբ օպերատորը որևէ վթարային աշխատանքներ է իրականացնում իր ցանցում, գործընկերներն այդ մասին իմանում են նախօրոք, սակայն այս դեպքում «ԱրմենՏելին» նախօրոք չէին զգուշացրել:
Ավելի վաղ Կլիմկոն հայտարարել էր, որ Հայաստանի ինտերնետ-փրովայդերների միջև գոյություն ունեն անբարեխիղճ մրցակցության փաստեր, որոնք ուղղված են «ԱրմենՏել» ընկերության դեմ: Նրա խոսքերով՝ որոշ փրովայդերներ արհեստականորեն սահմանափակում են «ԱրմենՏելի» բաժանորդների հասանելիությունը ինտերնետ կայքերի նկատմամբ՝ բերելով ADC ( «Armenian Datacom Company») հայկական ինտերնետ-փրովայդերի օրինակը, որը երկրում ապահովում է Youtube և Google հայտնի կայքերի հայելային տարբերակը: Կլիմկոյի խոսքերով՝ դեկտեմբերի 16-ից ADC-ին արհեստականորեն սահմանափակել է «exchange»-ը «ԱրմենՏելի» հետ՝ րոպեում 97 Մ/բիթը հասցնելով 3,63 Մ/բիթի, ADC-ին անսարքությունները պատճառաբանում է «տեխնիկական աշխատանքների» իրականացմամբ:
Դրան ի պատասխան ADC ընկերությունը հանդես եկավ հայտարարությամբ, որտեղ հերքեց հայկական շուկայում անբարեխիղճ մրցակցության մասին հայտարարութունները:
ADC-ին հայ-նորվեգական համատեղ ընկերություն է, որը հիմնադրվել է 2006 թվականին:
«ADC կապի օպերատորը միջազգային ռեսուրսների հայելային արտացոլման ծառայության տրամադրման հարցում բոլորովին էլ չունի որևէ պայմանագրային պարտավորվածություն և ելնելով իր բաժանորդների շահերից՝ դեկտեմբերի 16-ից անց է կացնում ցանցի վերազինում, որի հետևանքով էլ աշխատանքի ընթացքում ժամանակավորապես դադարեցվել է միջազգային ռեսուրսների հայելային արտացոլման ծառայությունը Հայաստանի բոլոր օպերատորների համար», - ասվում է ADC-ի հաղորդագրության մեջ:
ԱրմենՏել» ՓԲԸ-ն «ՎիմպելԿոմ» ընկերության 100 տոկոսանոց դուստր ձեռնարկությունն է: 2007թ.-ի ապրիլից «ԱրմենՏելի» բաժնետոմսերի 100 տոկոսը պատկանում է ռուսական ընկերությանը: «ԱրմենՏելը» տրամադրում է ֆիքսված, շարժական կապի (GSM 900/1800, UMTS) և Ինտերնետ հասանելիության (ADSL – Հայաստանի ողջ տարածքում) ծառայություններ:--0-

[Ապե Ջան]

512Կբ-անոց կապ ունեցողներ, ձեզ մոտ download-ը ինչ արագությամբ ա անում? Իմ մոտ երբեք 60 չի հասել...
Չնայած որ speedtest-ին հավատալու լինեմ արագությունը դեռ մի բան էլ ավելա...

Իսկ torrent-նելա վատ աշխատում?

[Ներսես_AM]

ոնց սպասարկման ծառայությունում երբեք պրոբլեմ չունեն իրենց մոտ, ու իրենց ասելով միշտ քո մոտա պրոբլեմը, տենց էլ տնօրենն ա գցում սրա նրա վրա մեղքը, տո գոնե ամոթու սուս մնա անկապ-անկապ հայտարարություններ չանի:

[Art1]

«ԱՐՄԵՆՏԵԼԸ» ՄՏԱԴԻՐ Է ԽՍՏԱՑՆԵԼ ՎԵՐԱԲԵՐՄՈՒՆՔԸ ԻՆՏԵՐՆԵՏ-ՓՐՈՎԱՅԴԵՐՆԵՐԻ ՆԿԱՏՄԱՄԲ. ԳԼԽԱՎՈՐ ՏՆՕՐԵՆ

--0-

itel.am-ը ներկայացնում է ADC ընկերության հայտարարությանը:


“ԱրմենՏելի Գլխավոր տնօրեն Պ-ն Կլիմկոյի վերջին զգացմունքային հայտարարությունը, որն ուրբաթ (25.12.2009թ) հրապարակվել է լրատվական գործակալություններից մեկի ինտերնետային կայքում, հաստատում է, որ Պ-ն Կլիմկոն այդպես էլ չհասկացավ ամենակարևորը՝ ADC ընկերությունը պայմանագրային ոչ մի պարտավորվածություն չունի ԱրմենՏելի հանդեպ՝ միջազգային ռեսուրսների հայելային արտացոլման հարցում։

Այնուամենայնիվ, ենթադրելով, որ Պ. Կլիմկոն գտնվում է ոչ կանխամտածված շփոթության մեջ, և հետաքրքրված լինելով, որպեսզի շուկայի սուբյեկտները և հանրությանը լինեն ճիշտ տեղեկացված, ADC ընկերությունն իր պարտքն է համարում բոլոր հետաքրքրված կողմերին տրամադրել նկարներով մանրակրկիտ տեխնիկական բացատրություն ։

ADC ընկերությունը ոչ մի դեպքում չի սահմանափակել ելքի թողունակությունը մեր ընկերությունների ցանցերի միջև: Միջազգային ռեսուրսների հայելային արտացոլման ծառայությունը անջատվել է՝ ADC ցանցի վերազննման աշխատանքների կատարման ընթացքում: Հայելային ռեսուրսների անջատումը կատարվել է մնացած կապի օպերատորների շահերից ելնելով, հակառակ դեպքում նրանց բաժանորդները, վերազինման աշխատանքների ընթացքում, հայելային ռեսուրսների հետ աշխատելիս կունենային կապի պարբերական ընդհատումներ:

Հայելային ռեսուրսի անջատումները ոչ մի կերպ չեն սահմանափակում մուտքը դեպի հենց այդ ռեսուրս՝ բաժանորդների համար, քանի որ հայելու բացակայության ժամանակ այդ ռեսուրսների օրիգինալ տարբերակները հասանելի են տվյալ կապի օպերատորի միջազգային կապուղիների միջոցով:

Առաջին նկարում ցուցադրված է իրադրությունը դեկտեմբերի 16-ի դրությամբ

Ինչպես հստակ երևում է առաջին նկարում, ԱրմենՏելի բաժանորդները ունեցել են մուտք դեպի հայելային ռեսուրս, ADC և ԱրմենՏել ընկերությունների ցանցերի փոխմիացման կապուղու միջոցով: Փոխկապակցման կապուղու թողունակությունը կազմում է 100Մբիտ/վրկ., նույն կապուղու օգտագործումն այդ պահին կազմում էր 97 Մբիտ/վրկ.: Նկարից երևում է, որ ԱրմենՏելի բաժանորդներն այդ պահին օգտվել են հայելային ռեսուրսից:

Հաջորդ նկարն արտացոլում է իրադրությունը՝ հայելային ռեսուրսի անջատումից հետո

Երկրորդ նկարից ևս պարզ երևում է, որ հայելային ռեսուրսի անջատումից հետո նույն բաժանորդները ավտոմատ կերպով վերուղղվել են դեպի ինտերնետում առկա հիմնական ռեսուրսներ։ Մուքտի հնարավորություն դեպի այդ ռեսուրսներ արդեն ապահովվում է ԱրմենՏելի միջազգային կապուղիների միջոցով, որոնց հետ մեր ընկերությւոնը ոչ մի կապ չունի։ Ինչպես հստակ երևում է նույն նկարում, մեր ընկերությունների միջև ինտերկոնեկտ կապուղու թողունակությունը 100Մբիտ/վրկ. է, իսկ օգտագործումն արդեն 4 Մբիտ/վրկ., որը միանգամայն բնական է, քանի որ ԱրմենՏելի բաժանորդներն այլևս չեն օգտվում հայելային ռեսուրսներից և չեն ծանրաբեռնում փոխկապակցման կապուղին։

Ի պատասխան պ. Կլիմկոյի հայտարարությանը, որում նա նշում է. «ADC-ն փաստորեն ընդունեց, որ մեր կազմակերպությունների միջև փոխանակման կապուղու թողունակությունը սահմանափակված էր, ինչպես որ ես նշել էի մամլո ասուլիսի ժամանակ». Ավելին, մենք գծապատկերով ցույց էինք տվել, թե դա ինչպես է պատահել և այդ փաստը հնարավոր չէր ժխտել»,­ ADC անհրաժեշտ է համարում նորից կրկնել, որ դա իրականության հետ ոչ մի առնչություն չունի և կարող է լավագույն դեպքում արդարացվել միայն այն հանգամանքով, որ ԱրմենՏելի գլխավոր տնօրենն ապատեղեկացված է իր իսկ աշխատակիցների կողմից։

Սկզբունքային տարբերություն կա «փոխկապակցման կապուղու թողունակության սահմանափակման» և «փոխկապակցման կապուղու բեռնվածության օրինաչափ նվազեցման» միջև։ Եթե մամլո ասուլիսի ժամանակ ԱրմենՏելի գլխավոր տնօրենը լրագրողներին ցուցադրում է փոխկապակցման կապուղու բեռնվածության անկում, ապա դա չի նշանակում, որ փոխկապակցման կապուղու թողունակությունը սահմանափակված է։ Նա կամ ապատեղեկացված է, կամ փորձում է ապատեղեկացնել հասարակությանը։

Բաց է մնում հետևյալ հարցը՝ ինչու՞ են ԱրմենՏելի բաժանորդները խնդիրներ ունենում հիմնական ռեսուրներ մուտք գործելու ժամանակ՝ օգտվելով հենց ԱրմենՏելի միջազգային կապուղիներից։

Կրկին ելնելով հասարակության հետաքրքրությունից, շտապենք տեղեկացնել, որ ցանցի վերազինման աշխատանքներն ավարտված են և միջազգային ռեսուրսների հայելային արտացոլման ծառայությունը նախորդ օրվա դրությամբ ակտիվացված է։ Այնպես որ, եթե ԱրմենՏելն ինքը չի սահմանափակել փոխկապակցման կապուղու թողունակությունը, ապա փոխկապակցման կապուղու բեռնվածությունն օրինաչափորեն կավելանա ու կհասնի առավելագույնին՝ արդեն օրվա երկրորդ կեսին։

Հետգրություն. Անկախ այն բանից, որ վերոհիշյալ նյութը հաջողությամբ փորձարկվել է մի շարք թիրախային խմբերի, այդ թվում նաև տնային տնտեսուհիների շրջանում, ADC-ն, լինելով սոցիալապես պատասխանատու ընկերություն և կարևորելով իր գործնական հեղինակությունը, իր պատրաստակամությունն է հայտնում և հրավիրում է ԱրմենՏելի գլխավոր տնօրենին ցանկացած հարմար ժամանակ անցկացնել հեռուստատեսային քննարկում՝ տվյալ հարցում ճշմարտությունը գտնելու նպատակով”։

http://itel.am/am-news-2-3019.html


http://panorama.am/ru/economy/2009/12/26/adc/?sw (Նկարներով)

[Edz]

ADC-ին այդ խողովակի սահմանափակումը պատճառաբանում է տեխնիկական աշխատանքների իրականացմամբ

Էս բա ինչի իրանց մասնի չի ասում, որ էտ տեխնիկական աշխատանքները իրանց մոտ ուղակի չեն դադարում, երբ զանգում ես իրանք տեղնիկական աշխատանքներ են կատարում, դե արդյունքներն էլ մեկ-մեկ միքիչ-միքիչա զգացվում

[Ապե Ջան]

Էս բա ինչի իրանց մասնի չի ասում, որ էտ տեխնիկական աշխատանքները իրանց մոտ ուղակի չեն դադարում, երբ զանգում ես իրանք տեղնիկական աշխատանքներ են կատարում, դե արդյունքներն էլ մեկ-մեկ միքիչ-միքիչա զգացվում

Համամիտ եմ

[WebLine]

Իսկ ոնց ենք իմանում, արդեն սակագնային պլանը փոխվել ա, թե չէ: Ուղղակի էղած յուզերնեյմով էլ ինտերնետ չի մտնու՞մ, թե՞ պիտի յուզերնեյմը փոխենք, փորձենք:

Պայմանագիրը կնքելուց ինձ ասեցին, որ եթե հին բաժանորդ եմ, այսինքն արդեն օգտվում եմ Հայ Լայնից նոր լոգինի ու պառոլի կարիք չկա, ու նոր սակագներն էլ հաշվարկվում են հենց պայմանագիրը կնքելու օրվանից.

[ministr]

Իսկ torrent-նելա վատ աշխատում?

Վատ չի աշխատում, ուղղակի երբեք 60Կբ/վ չի հասել:

[Sunun]

Հաճելի նորություն Անալոգային ԱՀԿ 47–ի բաժանաորդների համար, այսուհետ դուք ևս կարող եք Օգտվել Hi-Line ինտերնետից չնայած դրան որ ձեր հեռախոսագծերը դեռ թվայնացված չեն!
Ի դեպ տրամադրամն պայամանները նույնն են։

[Լեո]

տրամադրամն պայամանները նույնն են։

Իսկ որա՞կը

[Sunun]

Իսկ որա՞կը

Նույնը պետք է լինի կամ շատ մոտ թվայինին։ Առայժմ պրոբլեմներ չեն նկատվել, նույնը նաև արդեն մեկ տարուց ավելի է գուրծում է 61,62 Անալոգային ԱՀԿ–ներում և նորմալ է։

[ministr]

Որակը նույնը պետք է լինի, քանի որ ADSL տեխնոլոգիայի համար կարևորը գծի առկայություննա

[Ապե Ջան]

Նույնը պետք է լինի կամ շատ մոտ թվայինին։ Առայժմ պրոբլեմներ չեն նկատվել, նույնը նաև արդեն մեկ տարուց ավելի է գուրծում է 61,62 Անալոգային ԱՀԿ–ներում և նորմալ է։

Մտնում ես Beeline հարցնում ես որակը ինչպես կինի ասու են խնդիր ունենք հիմա, վատ որակիա, իսկ ստեղ Բիլայնի ներկայացուցիչ Sunun-ը ասումա որ շատ մոտ կլինի թվայինի որակին, դե արի բան հասկացի...