User Tag List

Նայել հարցման արդյունքները: Գո՞հ եք Hi-line-ից

Քվեարկողներ
472. Դուք չեք կարող մասնակցել այս հարցմանը
  • միջին

    113 23.94%
  • գոհ եմ

    135 28.60%
  • դժգոհ եմ

    89 18.86%
  • չեմ օգտվում

    135 28.60%
Ցույց են տրվում 1 համարից մինչև 15 համարի արդյունքները՝ ընդհանուր 7047 հատից

Թեմա: Hi-Line (2008-2014)

Ծառի տեսքով դիտում

Նախորդ գրառումը Նախորդ գրառումը   Հաջորդ գրառումը Հաջորդ գրառումը
  1. #11
    Պատվավոր անդամ Sunun-ի ավատար
    Գրանցման ամսաթիվ
    13.08.2006
    Հասցե
    Yerevan
    Գրառումներ
    820
    Mentioned
    0 Post(s)
    Tagged
    0 Thread(s)

    Պատ. Hi-Line

    Ինչո՞ւ է ինտերնետը դանդաղ
    «ԱրմենՏելը» մեղավորներ է փնտրում դրսում

    Արմենակ Չատինյան
    «ԱրմենՏելի» գլխավոր տնօրենը Hi-Line ինտերնետի ցածր արագությունները բացատրում է հիմնական երեք պատճառով, որից միայն մեկն է վերաբերում «ԱրմենՏելին»: Հայաստանում ինտերնետ հասանելիության շուկայում կրքերը շարունակում են բորբոքվել: «ԱրմենՏելը» հայտարարում է, որ որոշ հայկական պրովայդերներ, որոնք հայելիացնում են մի շարք ճանաչված կայքէջեր, Hi-Line-ի բաժանորդների համար մտցրել են մատչումի արագության սահմանափակում: «Ком в горле» - «ԱրմենՏելի» գլխավոր տնօրեն Իգոր Կլիմկոն այսպես է մեկնաբանում իրենց Hi-Line ծառայությանը որոշ պրովայդերների մոտեցումը: Խոշոր պրովայդեր ADC ընկերության (որը նաև իրականացնում է կայքէջերի հայելիացում) գլխավոր տեխնիկական տնօրեն Վահե Խաչիկյանն էլ ասում է, որ իրենք սահմանափակումներ չեն մտցրել:
    Երեկ լրագրողների հետ հանդիպմանը «ԱրմենՏելի» գլխավոր տնօրեն Իգոր Կլիմկոն Hi-Line ծառայությունից (ինտերնետ հասանելիության ծառայություն ADSL տեխնոլոգիայով) օգտվող մի շարք բաժանորդների մոտ ինտերնետի ցածր արագությունները բացատրեց հիմնական երեք պատճառով, որից միայն մեկն է վերաբերում «ԱրմենՏելին»:
    Ըստ նրա՝ մի շարք բաժանորդների մոտ ինտերնետ արագությունների անկումը պայմանավորված չէ հայտարարված ակցիայի արդյունքում ցանցի, կապուղիների ծանրաբեռնվածությամբ:
    «Մինչև ակցիան սկսելը «ԱրմենՏելն» ավելացրել է թե՛ ներքին, թե՛ արտաքին կապուղիների թողունակությունը: Մասնավորապես` այսօր արտաքին կապուղիների ընդհանուր թողունակությունը կազմում է 2,2 Գբիթ/վրկ, որից 1,2 Գբիթ/վրկ-ը հատկացված է Hi-Line-ին»,- նշեց Կլիմկոն՝ հավելելով, որ եթե բաժանորդը նույնիսկ ունի բարձր արագությամբ ինտերնետ, նա մի շարք կայքէջերից չի կարող այդ արագությամբ ներբեռնում կատարել, քանի որ այդ կայքէջերն իրենք են սահմանափակում ներբեռնման արագությունը:
    «Այստեղ «ԱրմենՏելը» մեղքի բաժին չունի»,- ասաց Կլիմկոն:
    Կլիմկոն նշեց, որ բաժանորդների մոտ ինտերնետի արագությունը նաև կախված է առկա հեռախոսագծերից, որոնք հաճախ չեն համապատասխանում անհրաժեշտ պահանջներին: «Մենք պատրաստ ենք վերացնել առկա խնդիրները, բարելավել ենթակառուցվածքները»,-նշեց Կլիմկոն՝ հավելելով, որ գալիք տարի ամրակցված հեռախոսակապի ենթակառուցվածքում նախատեսվում են լուրջ ներդրումներ, մասնավորապես՝ ամբողջովին կթվայնացվի Երևանը:
    «ԱրմենՏելի» ինտերնետ բաժանորդների մոտ մի շարք էջերից ներբեռնման ցածր արագությունները Կլիմկոն բացատրում է նաև հայկական մի քանի պրովայդերների գործողություններով: «Մեր Hi-Line-ը պրովայդերների կոկորդին մնացած ոսկոր է, և նրանք սահմանափակում են իրենց կողմից հայելիացած մի շարք ճանաչված կայքէջերի արագության մատչումը»,- նշեց նա:
    Պրովայդերների այս գործողությունները, ըստ Կլիմկոյի, անբարեխիղճ մրցակցության դրսևորում է, և «ԱրմենՏելը» պատրաստվում է բողոքել համապատասխան պետական ատյաններին:
    «ԱրմենՏելի» մամուլի քարտուղար Անուշ Բեղլոյանի խոսքով՝ ADC (Armenian Datacom Company) ընկերությունը դեկտեմբերի 16-ից («ԱրմենՏելի» Hi-Line ծառայության ակցիան մեկնարկել է դեկտեմբերի 5-ին) սահմանափակել է հայելիացրած gmail, youtube կայքէջերի մատչումի արագությունը:
    Նշենք, որ «ԱրմենՏելի» տրաֆիկի արագության գրաֆիկից երևում է, որ դեկտեմբերի 16-ից վերոնշյալ կայքէջերի մատչումի արագությունը նվազել է շուրջ 40 անգամ:
    ADC ընկերության գլխավոր տեխնիկական տնօրեն Վահե Խաչիկյանը «Կապիտալին» այսպես մեկնաբանեց «ԱրմենՏելի» մեղադրանքը. «Մի փոքր զարմացած եմ «ԱրմենՏելի» նման վարվելակերպի վրա: Մենք հայելիացված կայքէջերի նկատմամբ արագության սահմանափակում չենք մտցրել, այլ ցանցում կատարում ենք սպասարկման աշխատանքներ, և հայելիներն անջատվել են»:
    Այսօր ինտերնետ բաժանորդները ճանաչված կայէջերից օգտվելու համար միանում են արտերկրում տեղադրված սերվերներին, ինչը նշանակում է, որ «ԱրմենՏելի» բաժանորդները պետք է խնդիրներ չունենան: Վ. Խաչիկյանը նշեց, որ ցանցում կատարված աշխատանքներն ակնկալում են ավարտել երկու օրից:
    «Մենք մի քանի անգամ «ԱրմենՏելի» առջև բարձրացրել ենք հայելի կայքէջերից օգտվել հարցը, մասնավորապես՝ կոմերցիոն հիմունքներով, բայց նրանք դրան վերաբերվել են որպես երրորդական կամ չորրոդական հարց: Մենք միակողմանի չենք պարտավորվել սպասարկել, կատարել ֆինանսական ծախսեր այդ հայելիների համար»,- նշեց Խաչիկյանը՝ հավելելով, որ ամբողջ աշխարհում նման ծառայությունների համար սովորաբար վճարում են:

  2. Գրառմանը 4 հոգի շնորհակալություն են հայտնել.

    Armen.181 (24.12.2009), Helios (24.12.2009), WebLine (24.12.2009), Ապե Ջան (24.12.2009)

Թեմայի մասին

Այս թեման նայող անդամներ

Այս պահին թեմայում են 4 հոգի. (0 անդամ և 4 հյուր)

Համանման թեմաներ

  1. Hi-Line
    Հեղինակ՝ Rammstein, բաժին` Ինտերնետ պրովայդերներ
    Գրառումներ: 126
    Վերջինը: 18.03.2016, 19:21
  2. Hi-Line, թե՞ Ucom
    Հեղինակ՝ Adriano, բաժին` Ինտերնետ պրովայդերներ
    Գրառումներ: 456
    Վերջինը: 05.07.2014, 01:09
  3. Spec Ops: The Line
    Հեղինակ՝ Two-Face, բաժին` Խաղեր
    Գրառումներ: 0
    Վերջինը: 13.06.2012, 22:07
  4. Hi-Line Optic
    Հեղինակ՝ Artgeo, բաժին` Ինտերնետ պրովայդերներ
    Գրառումներ: 86
    Վերջինը: 29.06.2011, 10:10
  5. Գո՞հ եք HI-LINE-ից
    Հեղինակ՝ aerosmith, բաժին` Ինտերնետ պրովայդերներ
    Գրառումներ: 8
    Վերջինը: 25.08.2008, 13:53

Թեմայի պիտակներ

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •