Վաղվանից ինտերնետ չկա...

[Undina]

Վայ, չէ էլի… թող լինի էլի էս ապուշ ու աչքերը փչացնող ինտերնետը…
Ես, որ թեմայի վերնագիրը կարդացի ինձ թվաց զգուշացնում եք, որ վաղվանից ինտերնետ Երևանում էլ չի լինելու
ինչ տխուր էր…

[Արշակ]

Ես, որ թեմայի վերնագիրը կարդացի ինձ թվաց զգուշացնում եք, որ վաղվանից ինտերնետ Երևանում էլ չի լինելու
ինչ տխուր էր…

Ես էլ, բայց քանի որ թեման բացողը՝ ivy–ն Հայաստանում չի ապրում, ամբողջ աշխարհի մակարդակով պատկերացրեցի։

Բայց հետաքրքիր կլիներ։
Գործս քոռուփուչ կլիներ, էլ Ակումբ չէի մտնի։ Իհարկե, չէի կորի, մի բան կանեի, բայց որ կյանքս ահագին կփոխվեր՝ դա հաստատ։ Բայց գուցե ավելի լավ լիներ…չգիտեմ։

[Աբելյան]

կարդում եմ որոշների պատասխանները ու զարմանում էտ աստիճան հանգիստ վերաբերմունքի վրա
Չեմ էլ ուզում պատկերացնեմ ինչ կլնի... Բայց ահագին վատ բաներ կլնեն իմ հետ: Ով գիտի գժվեմ էլ: Չնայած մի քանի շաբաթում երևի հարմարվեմ:

Հ.Գ. Էդոյի արած առաջարկը լավն էր

[Philosopher]

ivy, էս փսատորեն ուզում ես, որ մենք նույն շոկը ապրենք, ինչ 20-րդ դարի Եվրոպան` Նիցշեի "Աստված մեռավ"-ից, հա՞: Վաղը Ինտերնետ չի կարող չլինել, որովհետև վաղը ինտերնետն է

[Guest]

Եթե նենց լիներ, որ վաղը ինտերնետ պիտի չլիներ ես երեկ արդեն կմեռնեի:

[John]

Երանի ինետը վերանար… մի 6 ամսով… նորմալ կպարապեի, կընդունվեի ու հետո էլի ինետը հետ գար… բայց եթե անվերադաձ ա գնալու, համաձայն չեմ:

[Guest]

Հիշում եմ, մի օր տաքսիով տուն էի գնաում: Վարորդն էլ ոչ զարմանալիորեն շատախոս դուրս եկավ: Իմանալով թե որ տեղ եմ աշխատում, չգիտեմ որ տեղից հիշեց.
- Լսել եմ, շուտով ինտերնետը փակելու են:
- Դե չգիտեմ, երևի ստիպված կլինեմ նոր մասնագիրություն ձեռք բերել - հեգնանքով պատասխանեցի ես:

[_DEATH_]

Դե առանձ ինտերնետ ամեն-ինչ զարգացումից հետ կնգնի 4-5 անգամ, իսկ ինչը վերաբերումա համակարգչային ծրագրերին, ապա նրանց զարգացումը ընդհանրապես անհնար կդառնա ու հազարավոր e-mail-ների փոխարեն ռազռաբոտչիկները կստանան ընդհամենը մի քանի նամակ, նույնիսկ հետևություններ չեն կարա անեն, էտ մենակ նամակը գրողի մոտա տենց, թե բոլորի:

[Դեկադա]

ivy-ի խոսքերից
Հետաքրքիր է իմանալ՝ ինչ կկատարվի ամեն մեկիս հետ:Ի՞նչ տեղի կունենա ամեն մեկիս կյանքում:

Պատկերացրեք հիմա իմ մոտ ինտերնետի հետ կապված պրոբլեմներ կան և ես շաբաթը մի անգամ եմ կարողանում օգտվել :Ցավալի է, բայց փաստ:Չէի ասի թե կյանքը կանգ է առնում, բայց ոնց-որ մի բան պակասում է « լիարժեք » լինելու համար Բայց էս ընթացքում գիրքս կարդացի- վերջացրի:

[StrangeLittleGirl]

Եթե ինտերնետ չլիներ, աշխատանք չէի ունենա, բայց հոգ չէ. նորը կգտնեի: Ընդհանրապես, շատ կուզենայի ինտերնետը վերանար աշխարհի երեսից: Լավ, էդքան էգոիստ չլինենք: Ես կուզենայի կտրվել ինտերնետից, ինձ համար սարեր-ձորերում ապրել: Ինչքան էլ լավ բան լինի, իմ կյանքում լիքը էական բացասական հետքեր է թողել: Մաքուր օդ եմ ուզում:

[Ծով]

ՄԻ պահ կար, որ առանց ինտերնետ կյանքս չէի պատկերացնում։ ՀԻմա լավ էլ պատկերացնում եմ ու ահագին գոհ եմ ինձանից։

[Vahe]

Շատ չէի տխրի: Обойдемся!

[Lapterik]

Ինտերնետ չկա, ֆրինետ կա ու կա:

[մարիօ]

Ինչ հավես կլիներ. ես ավելի շատ հաց կուտեի, չնայած, որ էլի շատ եմ ուտում, ավելի շատ կկարդայի, ավելի շատ կթափառեի փողոցներում, ավելի շատ կսիրահարվեի: Ու կսիրահարվեի իրական մարդկանց, ոչ թե իրանց նկարներին, հանգիստ խղճով կծամեի կերածներիս պատառները, ընկերներիս դեմքերը մենակ իրանք պռոֆիլի նկարից չէի հիշի, իրականում էլ կտեսնեի: Աշխատանք չէի ունենա, բայց ավելի շատ ժամանակ կունենայի մտքերս վերլուծելու համար: Լավ կլիներ

[Ուլուանա]

Եթե Հայաստանում ապրելիս լինեի, կուզենայի, որ պարբերաբար ինտերնետ չլիներ, ասենք, ամեն ամիս մի շաբաթ չլիներ ։ Շատ օգտակար կլիներ ամենատարբեր առումներով։ Ուղղակի սենց կապի միակ միջոցն ա հարազատներիս ու ընկերներիս հետ։