Ուզու՞մ ես ապրել Հայաստանում

[Բարեկամ]

Ուրեմն անցած շաբաթ մեր արտասահմանցի գործընկերները եկել էին Երևան, մի քիչ ման տվինք, զարմացած ասին՝ էս ձեր քաղաքում սաղ տուրիստներ են, ցույց տալով զուգված-զարդարված մեր շուրջ բոլորի հայությանը, ստիպված ասինք՝ էդ մենք ենք, սաղս մեր երկրում մեզ տուրիստի պես ենք պահում :Ճ

Զարմանալի բնորոշում են տվել էդ արտասահմանցի գործընկները, որովհետև իրականում տուրիստները զուգված-զարդարված չեն լինում, Վիշ, այլ պրակտիկ, մի քիչ էլ փնթոշ-թափթփված հագնված, քանի որ առավոտից երեկո ստեղ-էնտեղ թափառում են՝ ըստ նշանակության:
Էդ մենակ հայաստանցի տուրիստներն են երևի իրենց լավագույն երեկոյան զգեստներն ու կոշիկներն ու դիմահարդարման ճամպրուկը տանում զբոսաշրջության:
Նենց որ, երևի հա, ճիշտ ես, մենք մեր երկրում էլ ենք մեզ հայաստանցի տուրիստ զգում:

[Վիշապ]

Ըհը, խնդրեմ: Այն, ինչ պահանջվում էր ապացուցել:

Ի՞նչ էր պահանջվում ապացուցել, էն որ մեքենաները գիշերով փողոցում ֆռֆռացող աղջիկների մոտ դանդաղում ե՞ն
Իսկ հարցի պատասխանը կա՞:

[StrangeLittleGirl]

Ի՞նչ էր պահանջվում ապացուցել, էն որ մեքենաները գիշերով փողոցում ֆռֆռացող աղջիկների մոտ դանդաղում ե՞ն
Իսկ հարցի պատասխանը կա՞:

Որ գիշերով մենակ ֆռֆռացող աղջիկը որպես «լավ աղջիկ» չի ընկալվում

[Lion]

Ավելի քան մեկ ամիս է՝ Հաագայի բողոքական եկեղեցին զօր ու գիշեր, շաբաթվա մեջ յոթ օր՝ առանց դադարի, կրոնական ծես ու պատարագ է մատուցում հանուն փախստական մի հայ ընտանիքի, որ կանգնած է արտաքսման վտանգի առաջ:

Հոկտեմբերի վերջից Թամրազյանները՝ երեք երեխաների հետ, եկեղեցու ձեղնահարկում են պատսպարվել՝ ստիպված, քանի որ դատարանը մերժել է երկրում օրինական բնակվելու նրանց դիմումը...

Սենց ոջիլներն արժանի՞ են, որ ապրեն Հայաստանում:

15-ամյա Սեյրանը, սակայն, որ ծննդավայր Հայաստանից գրեթե ոչինչ չի հիշում, խոստովանում է՝ Նիդեռլանդները դարձել է իր երկրորդ հայրենիքը

Չեմ ուզում վիճել, չքֆրտեք՝ ուղղակի նեղսրտված եմ, որ սրանք ել են հայ, Անդրաիկն ու Մոնթեն էլ - անհայրենիք... եր...

[Գաղթական]

Սենց ոջիլներն արժանի՞ են, որ ապրեն Հայաստանում:

Լիոն ջան, էդ մարդկանց ես չեմ ճանաչում, բայց kerkasiel-ն առաջին անգամ չի, որ դեմ է ընկնում պետությանը:
ՈՒ քեզ էլ կոչ եմ անում նրանց չանպատվել, քանի դեռ ծանոթ չես իրենց պատմությանը ու չես եղել իրենց կարգավիճակում:

[Lion]

Չկա տենց պատմություն, հանուն որի հայ մարդը սենց ուրանա իր Հայրենիքն ու սենց ստորացման պատրաստ լինի...

[Գաղթական]

Չկա տենց պատմություն, հանուն որի հայ մարդը սենց ուրանա իր Հայրենիքն ու սենց ստորացման պատրաստ լինի...

Իսկ ինչի՞ց ենթադրեցիր, թե էդ մարդիկ ուրացել են իրենց հայրենիքը:

Մեջբերածդ Ազատության հղումը պատմումա, որ ընտանիքը Հայաստանը լքելա 2008թ. մարտի 1-ի դեպքերի պատճառով:
Այսինքն՝ նրանք դիմել են Նիդերլանդներում քաղաքական ապաստան ստանալու խնդրանքով:
Ի՞նչ հայրենիք ուրանալու մասինա խոսքը:

Կամ ի՞նչն ես դու անվանում ստորություն:
Եկեղեցու օգնությանը դիմելը՞:

Շատերն են դիմում նման քայլի, երբ պետությունը մերժում է փախստականի իրենց հայցը:
Սա մանևրելու ձևերից ընդամենը մեկն է:
ՈՒրիշներն էլ կան, որ ուրիշ միջոցների են դիմում:

Ես էլ լիքը մարդկանց եմ ճանաչել, ով էդ ճանապարհով անցելա՝ վերջում հաջողություն գրանցելով:
ՈՒ դրա համար հեչ անպայման չի, որ հայրենիքդ կամ ազգդ ուրանաս:
Ընդամենը՝ արևի տակ քո տեղն ունենալու, քո ու քո ընտանիքի մարդավարի գոյությունը պահպանելու պայքարա:

Հա, ես ինքս էլ եմ ստիպված եղել անցնել էդ ճանապարհով ու դիմած եմ եղել քաղաքական ապաստանի:
Թեև ինձ մոտ եկեղեցուն դիմելուն բանը չհասավ, բայց արդեն հավաքած ունեի էդ օգնող եկեղեցիների ցուցակը, երբ երրորդ մերժումս ստացա:

ՈՒ չեմ մոռանա նախարարության աշխատակցի կլորացած աչքերը, երբ դիմել էի Բրյուսել գալու թույլտվություն ստանալու՝ թուրքիայի Եվրոպա մուտք գործելու դեմ ուղղված համահայկական ցույցին մասնակցելու համար (քանի դեռ մնալու իրավունք չես ստացել՝ երկիրը չես կարող լքել):
Ասեց՝ դու Հայաստանում խնդիր ունեցող փախստական ես ու ուզում ես էստեղ էդ երկրի շահե՞րը պաշտպանել:
Ես էլ ասեցի՝ հա, խնդիրներ ունեմ էնտեղ, բայց հո չդադարեցի՞ հայ լինել, կամ հո Հայաստանը չդադարե՞ց իմ հայրենիքը լինել:

[Lion]

Մեջբերածդ Ազատության հղումը պատմումա, որ ընտանիքը Հայաստանը լքելա 2008թ. մարտի 1-ի դեպքերի պատճառով:
Այսինքն՝ նրանք դիմել են Նիդերլանդներում քաղաքական ապաստան ստանալու խնդրանքով:

Վախ, վախ, վախ - խեղճ մարդիկ՝ իրականությունն էնա, որ մարտի 1-ի դեպքերը պռեդլոգ բռնելով ու երկիրը սևացնելով նեղփորային հարցեր են լուծել, էսքան բան: Հետո, պարզ տրամաբանություն՝ էն տղեն որ ասումա, 15 տարի է Նիդեռլանդներում եմ ապրել - ոնց էլ նայես, 2008 թ-ից... չի անցել, չէ՞, 15 տարի: Ուրեմն իրենք նախապես էն հայրենիքը ծախած, թռած եղել, մարտի 1-ն էլ պռեդլոգ են բռնում: Ու ամենագլխավորը՝ հիմա էլ հո ժողովրդի իշխանություն է, եթե տենց սիրում էին մեր երկիրը, թող հետ գան, ի՞նչ են կապիկություն անում, ամոթա...

Իսկ ընդհանուր՝ ես չեմ հարգում նման վարքագիծը՝ չեմ հարգում, իրավունք ունեմ, չէ՞:

[Տրիբուն]

Լիոն ջան, բայց դու շատ հայրենասեր ես։

[Lion]

Չեմ սիրում, որ ինձ տենց բան են ասում, լուրջ թե կատակով: Որովհետև նույնն է, որ ասեն՝ ապեր, բայց դու ոնց որ ընտանիքիդ շատ ես սիրում:

Ես նեղվում եմ, որ մեր ազգին ու պետությանը նվաստացնող երևույթներ եմ տեսնում, էսքան բան: Էս էդ դեպքերից էր:

[StrangeLittleGirl]

Չեմ սիրում, որ ինձ տենց բան են ասում, լուրջ թե կատակով: Որովհետև նույնն է, որ ասեն՝ ապեր, բայց դու ոնց որ ընտանիքիդ շատ ես սիրում:

Ես նեղվում եմ, որ մեր ազգին ու պետությանը նվաստացնող երևույթներ եմ տեսնում, էսքան բան: Էս էդ դեպքերից էր:

Բայց որտե՞ղ ես նվաստացում տեսնում։

[Adam]

հիմա էլ հո ժողովրդի իշխանություն է,

, ապեր, կարա՞ս զուտ հետաքրքրության համար մեզ լուսաբանես, թե դու քո նեղփորային հարցերը ո՞նց ես լուծում: Որտե՞ղ ես բնակվում: Հայաստանից դու՞րս: Եթե ոչ, ապա ՀՀ-ում ծածկ ունե՞ս (բնակարան, կամ տուն), աշխատավա՞րձ… ի՞նչ աշխատանքով ես զբաղված ու ո՞նց ես հավուր պատշաճի լուծում քո ու ընտանիքիդ նեղփորային հարցերը…

[Գաղթական]

Վախ, վախ, վախ - խեղճ մարդիկ՝ իրականությունն էնա, որ մարտի 1-ի դեպքերը պռեդլոգ բռնելով ու երկիրը սևացնելով նեղփորային հարցեր են լուծել, էսքան բան:

Փաստորեն դու իրենց պատմությանը ծանոթ ե՞ս:

Հետո, պարզ տրամաբանություն՝ էն տղեն որ ասումա, 15 տարի է Նիդեռլանդներում եմ ապրել - ոնց էլ նայես, 2008 թ-ից... չի անցել, չէ՞, 15 տարի: Ուրեմն իրենք նախապես էն հայրենիքը ծախած, թռած եղել, մարտի 1-ն էլ պռեդլոգ են բռնում:

Չգիտեմ, թե ինչ տղու մասին ես ասում:
Հղմանդ մեջ գրած էր, որ էդ մարդիկ 9 տարիա ինչ Հոլանդիայում են:

Ու ամենագլխավորը՝ հիմա էլ հո ժողովրդի իշխանություն է, եթե տենց սիրում էին մեր երկիրը, թող հետ գան, ի՞նչ են կապիկություն անում, ամոթա...

Ես ուրիշների փոխարեն չեմ կարող պատասխանել:
Իմ տեղն եմ ասում.
Ամենասկզբից էլ նպատակ եմ ունեցել հետ գալու ու էս հեղափոխությունն էլ լրացուցիչ խթան հանդիսացավ:
Էլի եմ գրել դրա մասին Ակումբում:

Բայց դեռ էդտեղ չեմ 2 գլխավոր պատճառով:
- պիտի հասկանամ, թե ինչով էդտեղ զբաղվեմ
- ձեռի հետ էլ սպասում եմ, մինչև երկրում քաղաքական դաշտը թարազուի գա

Իսկ ընդհանուր՝ ես չեմ հարգում նման վարքագիծը՝ չեմ հարգում, իրավունք ունեմ, չէ՞:

Ի՞նչ վարքագիծ:
Արտագաղթն ընդհանրապես, թե՞ էդ մարդկանց եկեղեցու օգնությանը դիմելը:

Ամեն դեպքում՝ քեզ կոչ էի արել անհիմն մարդկանց չանպատվել:

Իսկ թե ինչը կհարգես, ինչը չէ՝ դա քո իրավունքն է բնականաբար:

[Lion]

Վսյո, վերանում եմ այս քննարկումից: Ինձ ճանաչող մարդիկ կան Ակումբում ու գիտեն, որ Հայաստանում եմ ապրում և իմ հացը վաստակում եմ իրավաբանությամբ: Ավել պակասի համար՝ կներեք:

[Աթեիստ]

Ընդամենը՝ արևի տակ քո տեղն ունենալու, քո ու քո ընտանիքի մարդավարի գոյությունը պահպանելու պայքարա:

Շատ ուժեղ փաստարկ էր։
Սաղս էլ գիտենք , որ մարտի 1-ն օգտագործելով լիքը մարդ փախավ Հայաստանից։ Ու հիմա փաստարկ բերել, թե երեխան կյանքի մեծ մասն ապրել ա Նիդերլանդում, դրա համար չեն ուզում հետ գանք, խնդալու ա։ Հըլը թող հաշվեն, թե ծնողներն ինչքան են ապրել Հայաստանում։
Ու հետաքրքիր ա, թե ինչի են հասել Նիդերլանդներում, որ տենց սրտները կպել ա։

Խոսում են մարդավարի գոյության մասին, դրա համար թաքնվում են էդ երկրի օրինապահ մարմիններից՝ ապրելով եկեղեցում։
Դե եկեղեցին էլ հերթական անգամ ցույց տվեց իրա հակապետական դեպքը