Իրավաբանական խորհուրդներ

[_Հրաչ_]

Կարդացի կարդացի ու հասկացա որ ես էլ հարց ունեմ. ուրեմն սենց. ես մի քանի օր առաջ մեքենայով ջրվեժին կից տարածքում կանգնած էի, մեքենայում ես ու ընկերուհիս էինք. մեզ մոտեցան ոստիկաններ ու խնդրեցին դուրս գալ մեքենայից ու խուզարկեցին մեքենաս, հետո հարցրեցին թե ինչու ենք առանձնացել հասարակությունից ու վերջապես հարցրեցին թե քանի տարեկան ա ընկերուհիս. երբ պատասխանեցի որ 18 պահանջեցին որ գնանք իրենց հետ և ցույց տանք իրենց որ ընկերուհիս չափահաս է. Մի խոսքով կյանքս պատմեցի որ ավելի պարզ լինի հարցիս էությունը. Նախ եթե ընկերուհիս չափահաս չլիներ ինձ պատիժ էր հասնում? ու ինչ ա նշանակում ասում են արի գնանք բացատրագիր գրի.

Վելվետը ճիշտ ա մեկնաբանել տարիքի մասով. ես էլ ոստիկանների գործողությունների օրինականության պահը պարզաբանեմ.
խուզարկելու հիմք չեն ունեցել: Կարող են շատ-շատ զննել, բայց ոչ խուզարկել: Համաձայն ՀՀ քրեական դատավարության օրենսգրքի 6-րդ հոդվածի 46-րդ մասի`
բնակարան` շենք կամ շինություն, որը մշտապես կամ ժամանակավորապես օգտագործվում է որոշակի անձի կամ անձանց բնակության համար, այդ թվում` սեփական կամ վարձակալած բնակարանը, այգետնակը, հյուրանոցային համարը, նավախցիկը, գնացքի ճամփորդախցիկը, համապատասխանաբար նրանց անմիջական հարող ծածկապատշգամբները, սանդղավանդակները, վերնասրահները, պատշգամբները, ընդհանուր օգտագործման տարածքը, ինչպես նաև դրանց այլ բաղկացուցիչ մասերը, որոնք օգտագործվում են հանգստի, գույքը պահելու, ինչպես նաև որոշակի անձի կամ անձանց այլ պահանջմունքները բավարարելու համար, բնակելի շինության նկուղը և ձեղնահարկը: «Բնակարան» հասկացությունն իր մեջ ընդգրկում է նաև մասնավոր ավտոմեքենան, գետային կամ ծովային նավը, ինչպես նաև ծառայողական անձնական աշխատասենյակը և ավտոմեքենան, արվեստանոցը.
Իսկ նույն օրենսգրքի 225-րդ հոդվածի 3-րդ մասի համաձայն`
բնակարանի խուզարկությունը կատարվում է միայն դատարանի որոշմամբ:

Ինչ վերաբերվում է այն պահին, որ փորձել են պարզել Ձեր ընկերուհու տարիքը, դա լրիվ օրինական է, նույնիսկ այն դեպքում, եթե նրանք ձեզնից փորձել են բացատրություն վերցնել, դրա իրավասությունն օրենքով նրանք ունեցել են:

[_Հրաչ_]

Լավ շատ շնորհակալ եմ արագ պատասխանի համար, բայց ճիշտն ասած մի հարց էլ առաջացավ.
Որտեղ է թույլատրվում զբաղվել սեքսով?

Ամեն տեղ, բացի հասարակական վայրերից Այլապես դա կդիտվի հանցագործություն` նախատեսված ՀՀ քրեական օրենսգրքի 258-րդ հոդվածի 5-րդ կետով, այն է`
խուլիգանություն (խուլիգանությունը՝ դիտավորությամբ հասարակական կարգը կոպիտ կերպով խախտելը, որն արտահայտվել է հասարակության նկատմամբ բացահայտ անհարգալից վերաբերմունքով)` կատարված բացառիկ ցինիզմով և պատժվում է տուգանքով՝ նվազագույն աշխատավարձի երկուհարյուրապատիկից հինգհարյուրապատիկի չափով, կամ ազատազրկմամբ` առավելագույնը հինգ տարի ժամկետով:

[AniwaR]

Սիրելի իրավաբաններ մի հարց ունեմ որտեղից կարող եմ իմանալ թե աչքերի որ հիվանդության դեպքում ինձ չեն զորակոչի հայկական բանակ?

Ճիշտն ասած՝ փորձեցի պարզել, թե արդյոք կա կառավարության կողմից հաստատված այնպիսի հիվանդությունների ցանկ, որոնց դեպքում միանշանակ ազատվում են պարտադիր զինվորական ծառայությունից, բայց չգտա: Ըստ երևույթին՝ չկա: Ամեն դեպքում պարտադիր զինծառայությունից առողջական վիճակի պատճառով ազատվում են հանրապետական զորակոչային հանձնաժողովի կողմից առողջական վիճակի պատճառով զինծառայության համար ոչ պիտանի ճանաչվելու դեպքում: Եթե ինչ-որ մեկը գիտի այդպիսի ցանկ, կխնդրեմ ինձ ուղղել, ինձ էլ է հետաքրքիր:

[_Հրաչ_]

Դա ցանկով չի: Հանձնաժողովն ա որոշում` կախված հիվանդության բարդության աստիճանից: Լիքը կարճատես տղերք ծառայում են ԶՈւ-ում:

[Reh32]

մի հարց էլ, ես ու հարազատ եղբայրս ուզում ենք իրար հետ նույն զորամասում ծառայենք, կա մի օրենք, որը մեզ հնարավորություն կտա իրար հետ ծառայել?եթե կարելի ա հղում տվեք. Նախապես շնորհակալություն.

[Reh32]

խուզարկելու հիմք չեն ունեցել: Կարող են շատ-շատ զննել, բայց ոչ խուզարկել: Համաձայն ՀՀ քրեական դատավարության օրենսգրքի 6-րդ հոդվածի :

իսկ խուզարկելու ու զննելու սահմանագիծը որն ա?
դե եթե մեքենայիս բեռնախցիկնա ստուգում, պահեստային անվադողի տակ ետ զննել ա?

[_Հրաչ_]

ՀՀ քրեական դատավարության օրենսգիրք.

ՀՈԴՎԱԾ 217. ԶՆՆՈՒՄԸ

Հանցագործության հետքերը, այլ նյութական օբյեկտները հայտնաբերելու, հանցագործության դեպքը, ինչպես նաեւ գործի համար նշանակություն ունեցող մյուս հանգամանքները պարզելու նպատակով քննիչը կատարում է տեղանքի, շինությունների, առարկաների, փաստաթղթերի, կենդանիների, մարդու կամ կենդանու դիակի զննում:

ՀՈԴՎԱԾ 225. ԽՈՒԶԱՐԿՈՒԹՅՈՒՆ ԿԱՏԱՐԵԼՈՒ ՀԻՄՔԵՐԸ

1. Քննիչը, բավարար հիմքեր ունենալով ենթադրելու, որ որեւէ շենքում կամ այլ տեղ կամ որեւէ անձի մոտ գտնվում են հանցագործության գործիքներ, հանցավոր ճանապարհով ձեռք բերված առարկաներ ու արժեքներ, ինչպես նաեւ այլ առարկաներ եւ փաստաթղթեր, որոնք կարող են նշանակություն ունենալ գործի համար, խուզարկություն է կատարում դրանք գտնելու եւ վերցնելու համար:
2. Խուզարկություն կարող է կատարվել նաեւ հետախուզվող անձանց, հանցագործություն կատարելու մեջ կասկածվող անձանց, ինչպես նաեւ դիակները հայտնաբերելու համար:
3. Բնակարանի խուզարկությունը կատարվում է միայն դատարանի որոշմամբ:

Մի երկու նրբություն պարզաբանեմ.
Ըստ էության երկու քննչական գործողությունն էլ նույն նպատակն են հետապնդում (հոդվածներում ընդգծված հատվածները), ուղղակի խուզարկությունը կարող է կատարել նաև խուզարկվող օբյեկտը տիրապետողի կամքին հակառակ: Նախքան խուզարկությունը` այն կատարողը անձից, ում պատկանող օբյեկտը խուզարկվում է կամովին հանձնել իր մոտ գտնվող հանցագործության գործիքներ, ...: Իսկ զննումը կատարվում է ոչ այնքան մանրակրկիտ, որքան խուզարկությունը (օրինակ նստարանների տակը քանդել-նայելը, պահեստային անվադողի տակը նայելը, բեռնոցը (бардачок) խուզարկելը), այլ զննոմը կատարվում է արտաքինից` այն, ինչ կարելի է ընկալել արտաքին զննմամբ: Ավտոմեքենայի բեռնախցիկը ՃՈ աշխատակիցներն էլ կարող են զննել, պրակտիկայում զննմամբ ավտոմեքենայի բեռնախցիկը բացվում է:

[Հիդրոգեն]

կամ սեքսուալ բնույթի այլ գործողություններ կատարելն ակնհայտ տասնվեց տարին չլրացած անձի հետ

Իսկ եթե ակնհայտ չի՞:

Այնպես որ, ջահելներ ջան, իմացեք՝ ՀՀ-ում սեքսն օրինական է 16 տարեկանից:

Չէ, սեքսը ոնց որ մեկ ա 18-ից ա, 16-18 մենակ “սեքսուալ բնույթի այլ գործողություններ“-ն են թույլատրված:

նույնիսկ այն դեպքում, եթե նրանք ձեզնից փորձել են բացատրություն վերցնել, դրա իրավասությունն օրենքով նրանք ունեցել են:

Այսինքն եթե ընկերուհին 16-ից ցածր լիներ, նա ուղակի պետք է գրավոր շարադրեր, թե ինչպիսի նախապայմանների արդյունքում էր հետը նույն մեքենայի մեջ հայտնվել ու վե՞րջ, խնդիրը կսպառվե՞ր:

[AniwaR]

Իսկ եթե ակնհայտ չի՞:

«Ակնհայտ» այստեղ նշանակում է հանցագործություն կատարած անձի համար ակնհայտ: Այսինքն՝ նա տեղյակ է եղել, որ տվյալ անձը 16 տարին լրացած է եղել: Իսկ եթե տեղյակ չի եղել, օբյեկտիվորեն չէր էլ կարող, ապա պատասխանատվություն չի կրում: Պրակտիկայից այդպիսի օրինակ կարող է լինել պատահական սեռական հարաբերությունը որևէ 16 տարին չլրացած անձի հետ, որը խաբել է իր տարիքի մասին և արտաքին տվյալներն էլ համապատասխանել են ասած տարիքին, օրինակ՝ 15 տարեկան անձը ներկայացել է որպես 17 կամ 18: Հիշեցնեմ, որ մեջբերված հանցակազմը ենթադրում է տուժողի համաձայնությունը:

Չէ, սեքսը ոնց որ մեկ ա 18-ից ա, 16-18 մենակ “սեքսուալ բնույթի այլ գործողություններ“-ն են թույլատրված:

Ոչ: Արխային կարաք սեքս անեք ձեր 16 կամ 17 տարեկան ընկերուհու/ընկերոջ հետ.

Տասնութ տարին լրացած անձի կողմից սեռական հարաբերությունը կամ սեքսուալ բնույթի այլ գործողություններ կատարելն ակնհայտ տասնվեց տարին չլրացած անձի հետ՝

Այսինքն եթե ընկերուհին 16-ից ցածր լիներ, նա ուղակի պետք է գրավոր շարադրեր, թե ինչպիսի նախապայմանների արդյունքում էր հետը նույն մեքենայի մեջ հայտնվել ու վե՞րջ, խնդիրը կսպառվե՞ր:

Ոչ ոք չի կարող ասել, թե խնդիրները երբ կսկսվեին ու երբ կսպառվեին: Ամեն ինչ կախված է նրանից, թե փաստացի ինչ է տեղի ունեցել: Իսկ Ձեր մեջբերած նախադասության իմաստը, պարզ ասած, այն է, որ ոստիկանները, նկատելով, իրավախախտման պոտենցիալ վտանգ կամ դրա սպառնալիք, միանշանակ իրավասություն են ունեցել, ավելին՝ պարտավոր են եղել ձեռնարկել համապատասխան քայլեր՝ այն կանխելու համար: Այս համապատասխան քայլերի մեջ մտնում է նաև բացատրությունը, որը տվյալ դեպքում օրենքը չի արգելում:

Հուսով եմ՝ շատ ահավոր բլթեր չեմ արել, որովհետև կիսաքնած եմ գրում:

[Հիդրոգեն]

“Տասնութ տարին լրացած անձի կողմից սեռական հարաբերությունը կամ սեքսուալ բնույթի այլ գործողություններ կատարելն ակնհայտ տասնվեց տարին չլրացած անձի հետ”

Հա, ճիշտա, սխալ էի կարդացել:

Ոչ ոք չի կարող ասել, թե խնդիրները երբ կսկսվեին ու երբ կսպառվեին ... այն է, որ ոստիկանները, նկատելով, իրավախախտման պոտենցիալ վտանգ կամ դրա սպառնալիք, միանշանակ իրավասություն են ունեցել, ավելին՝ պարտավոր են եղել ձեռնարկել համապատասխան քայլեր՝ այն կանխելու համար: Այս համապատասխան քայլերի մեջ մտնում է նաև բացատրությունը, որը տվյալ դեպքում օրենքը չի արգելում:

Էտ իհարկե ճիշտ ա, հարցս էն էր, թե ինչ շանսեր կան, որ ոստիկանները չեղած տեղը խնդիրներ սարքեն, նաև՝ բացատրագիր պահանջելու հնարավորությունից օգտվելով:

[AniwaR]

Էտ իհարկե ճիշտ ա, հարցս էն էր, թե ինչ շանսեր կան, որ ոստիկանները չեղած տեղը խնդիրներ սարքեն, նաև՝ բացատրագիր պահանջելու հնարավորությունից օգտվելով:

Այս մեկը ես չգիտեմ:

[_Հրաչ_]

Էտ իհարկե ճիշտ ա, հարցս էն էր, թե ինչ շանսեր կան, որ ոստիկանները չեղած տեղը խնդիրներ սարքեն, նաև՝ բացատրագիր պահանջելու հնարավորությունից օգտվելով:

Նախ ասեմ, բացատրագիր չի, բացատրություն ա Հետո էլ, եթե անտեղի տեղը խնդիրներ սարքելու հարց լինի, իրանց ինչ կա, դրա առիթը երբ էլ ուզեն, ինչ հանգամանքներում էլ ուզեն, կարան գտնեն:
Ընդամենը նման դեպքերում չպետք ա կորցնես քեզ, խառնվես իրար, կամ դիմադրություն ցույց տաս, այլապես դա կընկալվի որպես հանցագործությունը կամ դրա հետքերը թաքցնելու փորձ, այսինքն` ինչ-որ կասկածելի բան, և ոստիկանները կարող են բերման ենթարկել:

[KT']

Կուզենայի իմանալ
1. ՀՀ օրենքով նախատեսվա՞ծ է արդյոք որևէ պետական մուծում / վճար՝ ՔԿԱԳ մարմնում ամուսնության պետական գրանցում ստանալու համար:
/կան դեպքեր, երբ վճարվել է 3000, 4000, 5000 և 10000 դրամ/

2. ՀՀ օրենքով սահմանվա՞ծ է արդյոք որևէ գումար, որը տրվում է ամուսնության պետական գրանցում ստացողներին, եթե դա նրանց 1-ին ամուսնությունն է:

[REAL_ist]

1. Ամուսնության գրանցման համար պետական տուրքը 1000 դրամ է:

ՀՀ Օրենքը պետական տուրքի մասին

Հոդված 12. Քաղաքացիական կացության ակտերի գրանցման համար պետական տուրքի դրույքաչափերը

Քաղաքացիական կացության ակտերի գրանցման համար պետական տուրքը գանձվում է հետևյալ դրույքաչափերով`

1. ազգանվան, անվան և հայրանվան փոխման համար, ներառյալ` վկայական տալը բազային տուրքի հնգապատիկի չափով
2. ամուսնության գրանցման համար, ներառյալ` վկայական տալը բազային տուրքի չափով
3. ամուսնալուծության գրանցման համար, ներառյալ` վկայական տալը բազային տուրքի տասնապատիկի չափով
4. քաղաքացիական կացության ակտերի գրանցումների փոփոխություն, լրացում և ուղղում կատարելու համար, ներառյալ` վկայական տալը բազային տուրքի հնգապատիկի չափով
5. քաղաքացիական կացության ակտերի գրանցման մասին վկայականների կրկնօրինակը տալու բազային տուրքի եռապատիկի չափով
6. հայրություն (մայրություն) ճանաչելու համար բազային տուրքի չափով
7. օտարերկրյա քաղաքացիների և քաղաքացիություն չունեցող անձանց կողմից երեխայի որդեգրում գրանցելու համար բազային տուրքի երեսնապատիկի չափով
8. քաղաքացիական կացության ակտերի գրանցումները վերականգնելու համար, ներառյալ` վկայականներ տալը բազային տուրքի եռապատիկի չափով
9. քաղաքացիական կացության ակտերի գրանցման առկայության կամ բացակայության մասին տեղեկանք տալու համար բազային տուրքի կրկնապատիկի չափով
10. քաղաքացիական կացության ակտերի գրանցման վկայականի կրկնօրինակ կամ տեղեկանք ստանալու ծանուցում Հայաստանի Հանրապետության տարածքում ուղարկելու համար բազային տուրքի չափով
11. Օտարերկրյա պետություններից քաղաքացիների դիմումի համաձայն` նրանց վերաբերյալ քաղաքացիական կացության ակտերի գրանցման վկայականի կրկնօրինակ կամ տեղեկանք ստանալու համար բազային տուրքի կրկնապատիկի չափով
12. ընտանեկան կարգավիճակի վերաբերյալ տեղեկանք տալու համար բազային տուրքի չափով
13. քաղաքացիական կացության ակտերի գրանցման մեջ ուղղում, լրացում կամ փոփոխություն կատարելու վերաբերյալ տեղեկանք տալու համար բազային տուրքի կրկնապատիկի չափով

Քաղաքացիական կացության ակտերի գրանցման մարմնի աշխատավայրից (բաժնից) դուրս կատարվող քաղաքացիական կացության ակտերի գրանցման համար պետական տուրքը գանձվում է տասնապատիկի չափով:

Հոդված 8. Պետական տուրքի դրույքաչափերը

Պետական տուրքի դրույքաչափերը սահմանվում են գնահատման ենթակա գույքի արժեքի կամ սույն օրենքով սահմանված բազային տուրքի նկատմամբ:
Բազային տուրքի չափ է սահմանվում 1000 դրամը:

2. Ոչ:

[Արևածագ]

Հարգելի իրավաբաններ, խնդրում եմ հնարավորության դեպքում այս հարցերին էլ պատասխանեք.
1. Օտարերկրյա քաղաքացուն ի՞նչ փաստաթղթեր են պետք ՀՀ -ում ժամանակավոր գրանցում ձևակերպելու համար:
2. Դիմումն ու պահանջվող փաստաթղթերը ներկայացնելուց հետո ինչքա՞ն ժամանակում է ստացվում ժամանակավոր գրանցման մասին որոշումը: