Իրավաբանական խորհուրդներ

[REAL_ist]

Ինչա նշանակում զագսի մասին դիմում? Հյուպատոսությունը ինքը իրավունք ունի գրանցել ամուսնությունը, դրա համար պարտադիր չի գալ հասնել Հայաստան ու ստեղ զագս գնալ, նույն բանը հյուպատոսությունը կարա անի:

[Adriano]

Ինձ հետաքրքրում է հետևյալ հարցը. ուրեմն էս մեր հարևանը վարձով տարածքա տվել շենք, էս վարձ տվողը, որոշելա պայմանագիր կնքի, ինքը էդ տարածքում արտադրությունա ուզում դնի: էդ պայմանագրում միայն նշվումա , որ տարածքը վարձակալվում է 3 տարով: Սեփականատերը ստորագրել է այն: Ինչ կլինի եթե վարձ տվողը վարձ չտա: Սեփականատերը կարող է խախտել պայմանագիրը?

[REAL_ist]

Անշարժ գույքին վերաբերվող ցանկացած պայմանագիր պահանջումա նոտարական վավերացում: Առանց նոտարական վավերացման անշարժ գույքին վերաբերվող պայմանագրերը առոչինչ են: Տվյալ դեպքում, ելնելով պայմանագրի բովանդակությունից, ենթադրում եմ, որ նոտարական վավերացում չի եղել: Կնքած պայմանագիրը ոչ մի իրավական ուժ չունի, պարզապես թղթի կտորա:

[Սլիմ]

Բարև Ձեզ Մի հարց ունեմ, եթե կարողանաք խորհրդով օգնել, շատ գոհ կլինեմ
Բանկից վերցրել եմ սպառողական վարկ, աշխատավարձի հիման վրա, 3 ամիս մուծել եմ տոկոսը և մայր գումարից: Հիմա չունեմ աշխատանք, բանկը կարող է վերաձևակերպել պայմանագիրը և ինչ որ ձևոց ընդառաջել ինձ: Խոսել եմ վարկային գործակալիս հետ, ասեց հնարավոր չի, բայց մի ուրիշ բանկից ծանոթ աշխատող ասումա կարան պայմանագրի ժամկետը երկարացնեն ու կես գումար մուծեմ, հիմա չգիտեմ էտ գործակալը չի ուզում օգնի թե հնարավոր չի: Եթե դիմեմ բանկի կառավարչին , ինչ որ բան կփոխվի?

[Հիդրոգեն]

Մաքսանենգությունը, այսինքն` ապրանքների, մշակութային կամ այլ արժեքների ապօրինի տեղափոխումը Հայաստանի Հանրապետության մաքսային սահմանի վրայով առանց մաքսային հսկողության կամ դրանից թաքցնելով, կամ մաքսային և այլ փաստաթղթերը խաբեությամբ օգտագործելու միջոցով, եթե այն կատարվել է խոշոր չափերով`

Նշանակու՞մ է արդյոք սա, որ ոչ խոշոր չափերով մաքսանենգություն չկա, և պատժամիջոցները կիրառվում են միայն խոշոր չափերի դեպքում:
Ի՞նչ սկզբունքով են կազմված սրա նման էջէրը, ո՞նց նայեմ փաստաթղթի վերջնական տարբերակը:
http://www.arlis.am/DocumentView.aspx?docid=18
>պատժվում է ազատազրկմամբ երկուսից մինչև հինգ տարի ժամանակով` գույքի բռնագրավումով կամ առանց բռնագրավման:
>պատժվում է ազատազրկմամբ` առավելագույնը վեց տարի ժամկետով` գույքի բռնագրավմամբ:
Սրանցից ո՞րն է գործող տարբերակը:

[AniwaR]

....

[AniwaR]

Էէհ, նախորդ գրածս էլի կերվավ ու կերվավ... :

Նշանակու՞մ է արդյոք սա, որ ոչ խոշոր չափերով մաքսանենգություն չկա, և պատժամիջոցները կիրառվում են միայն խոշոր չափերի դեպքում:

Իհարկե, այդ երևույթը կարող է լինել ոչ միայն խոշոր չափերով, սակայն տվյալ դեպքում կարգավորումն այլևս քրեաիրավական չէ, այսինքն՝ կհամարվի ոչ թե հանցագործություն, այլ վարչական իրավախախտում, պատժամիջոցն էլ, համապատասխանաբար, ավելի թեթև: Իսկ Ձեր մեջբերումը ՀՀ քրեական օրենսգրքից է, որով, պարզ ասած, սահմանվում են հանցագործությունները՝ իրավախախտումներից ծանրագույնները, և դրանց համար նախատեսված պատիժները:

Ի՞նչ սկզբունքով են կազմված սրա նման էջէրը, ո՞նց նայեմ փաստաթղթի վերջնական տարբերակը:
http://www.arlis.am/DocumentView.aspx?docid=18

Պետք է ասել, որ Վարչական իրավախախտումների վերաբերյալ օրենսգիրքը, չնայած կատարված բազմաթիվ փոփոխություններին, ՀՀ ամենախայտառակ վիճակում գտնվող իրավական ակտերից մեկն է, շատ բաներ մնացել են դեռ «ԽՍՀՄ-ի վրայով», շատ բաներ կարգավորվում են առանձին օրենքներով, շատ դրույթներ էլ չեն գործում՝ ՀՀ Սահմանադրությանը հակասելու պատճառով:
Ինչևէ, arlis.am կայքում բոլոր իրավական ակտերի վերջնական տարբերակը տեսնելու համար պետք է սեղմեք վերջին փոփոխությանը համապատասխանող ինկորպորացիայի վրա: Իսկ վերջին փոփոխությունը գտնվում է ամենաներքևում. սյունակի ձախ կողմում փոփոխող իրավական ակտի (տվյալ դեպքում՝ օրենքի) հղումն է, իսկ աջ կողմում՝ արդեն իսկ փոփոխված, խմբագրված իրավական ակտը (տվյալ դեպքում՝ օրենսգիրքը), այսինքն՝ այն ինկորպորացիան, որը ներառում է այդ փոփոխությունը:

Տվյալ դեպքում՝
http://www.arlis.am/DocumentView.aspx?docid=44790

>պատժվում է ազատազրկմամբ երկուսից մինչև հինգ տարի ժամանակով` գույքի բռնագրավումով կամ առանց բռնագրավման:
>պատժվում է ազատազրկմամբ` առավելագույնը վեց տարի ժամկետով` գույքի բռնագրավմամբ:
Սրանցից ո՞րն է գործող տարբերակը:

Ինչպես երևում է կրկին քրեական օրենսգրքի տարբեր ինկորպորացիաներից եք մեջբերում արել, ինչևէ, ներկայիս դրությամբ մաքսանենգության հոդվածն ունի հետևյալ տեսքը.

Հոդված 215.
Մաքսանենգությունը
1. Մաքսանենգությունը՝ Հայաստանի Հանրապետության մաքսային սահմանով ապրանքների, մշակութային կամ այլ արժեքների տեղափոխումն առանց մաքսային հսկողության կամ դրանից թաքցնելով, կամ մաքսային և այլ փաստաթղթերը խաբեությամբ օգտագործելու միջոցով, եթե դրանք կատարվել են խոշոր չափերով, բացառությամբ սույն հոդվածի երկրորդ մասով նախատեսված ապրանքների կամ արժեքների՝
պատժվում է ազատազրկմամբ` առավելագույնը վեց տարի ժամկետով` գույքի բռնագրավմամբ:
2. Թմրամիջոցների, հոգեներգործուն, խիստ ներգործող, թունավոր, թունավորող, ռադիոակտիվ կամ պայթուցիկ նյութերի, սպառազինության, պայթուցիկ սարքերի, ռազմամթերքի, հրազենի, բացի ողորկափող որսորդական հրազենից և դրա փամփուշտներից, միջուկային, քիմիական, կենսաբանական կամ զանգվածային ոչնչացման այլ տեսակի զենքի կամ երկակի նշանակության նյութերի, սարքավորումների կամ տեխնոլոգիաների, որոնք կարող են օգտագործվել նաև զանգվածային ոչնչացման զենք կամ դրա փոխադրման հրթիռային համակարգեր ստեղծելիս կամ օգտագործելիս, ռազմավարական տեսակետից կարևոր հումքային ապրանքների կամ մշակութային արժեքների, որոնց տեղափոխման համար սահմանված են հատուկ կանոններ, մաքսանենգությունը՝
պատժվում է ազատազրկմամբ՝ չորսից ութ տարի ժամկետով՝ գույքի բռնագրավմամբ:
3. Սույն հոդվածի առաջին կամ երկրորդ մասով նախատեսված արարքը, որը կատարվել է՝
1) պաշտոնատար անձի կողմից պաշտոնեական դիրքն օգտագործելով,
2) մաքսային հսկողության որոշակի ձևերից ազատված անձի կողմից կամ մաքսային հսկողության սահմանված ձևերից ազատված առանձին ապրանքների կամ տրանսպորտային միջոցների՝ մաքսային սահմանի վրայով տեղափոխման համար լիազորված անձի կողմից,
3) մաքսային հսկողություն իրականացնող անձի նկատմամբ բռնություն գործադրելով՝
պատժվում է ազատազրկմամբ՝ վեցից տասը տարի ժամկետով՝ գույքի բռնագրավմամբ:
4. Սույն հոդվածի առաջին կամ երկրորդ կամ երրորդ մասով նախատեսված արարքը, որը կատարվել է կազմակերպված խմբի կողմից՝
պատժվում է ազատազրկմամբ՝ ութից տասներկու տարի ժամկետով՝ գույքի բռնագրավմամբ:
5. Սույն հոդվածի առաջին մասով նախատեսված արարքը համարվում է խոշոր չափերով կատարված, եթե տեղափոխված ապրանքների կամ առարկաների արժեքը գերազանցում է հանցագործության պահին սահմանված նվազագույն աշխատավարձի հազարապատիկը, բացառությամբ ակցիզային դրոշմանիշներով դրոշմավորման ենթակա չդրոշմավորված կամ չվերադրոշմավորված ապրանքներ տեղափոխելու դեպքի, երբ խոշոր չափ է համարվում հանցագործության պահին սահմանված նվազագույն աշխատավարձի երկուհարյուրապատիկը գերազանցող գումարը (արժեքը):
6. Սույն հոդվածում գույք են համարվում մաքսանենգության առարկաները215-րդ հոդվածը փոփ., լրաց. 08.12.05 ՀՕ-4-Ն, փոփ., խմբ. 01.06.06 ՀՕ-119-Ն)

[Հիդրոգեն]

Շատ շնորհակալ եմ մանրամասն մեկնաբանության համար: Իսկ ոչ խոշոր չափերի մաքսանենգության դեպքերը, ոնց հասկանում եմ, կարգավորվում են մաքսային օրենսգրքով:
Երկու հարց էլ առաջացավ. ԱԺ, ՀՕ և այլ հապավումներն ինչպե՞ս են բացվում: Երևի ինչ-որ էջ պետք է լինի դրանց ներկայացմամբ:
Մեկ էլ որևէ իրավախախտման վրա բռնված անձը ի՞նչ իրավունքներ ունի ԶԼՄ-ներում լուսաբանվելուց պաշտպանվելու համար: Լուրերով որտև հաճախ ցույց են տալիս տարբեր ծանրության հանցանքներ գործած մարդկանց, որոնք մի կողմից փորձում են երեսները ծածկել, մյուս կողմից էլ ոչ իրենց դրանում խանգարող կա, ոչ էլ նկարահանողներին հեռացնող:

[Yeghoyan]

Անին չկա, պասի ես ասեմ

Իսկ ոչ խոշոր չափերի մաքսանենգության դեպքերը, ոնց հասկանում եմ, կարգավորվում են մաքսային օրենսգրքով:

Նեա, մաքսանենգությունը /իր լրիվ չափերով/ քրեական օրենսգրքով կարգավորվող իրավախախտում է:

Երկու հարց էլ առաջացավ. ԱԺ, ՀՕ և այլ հապավումներն ինչպե՞ս են բացվում: Երևի ինչ-որ էջ պետք է լինի դրանց ներկայացմամբ:

ԱԺ -Ազգային Ժողովնա:
ՀՕ - եթե ուշադրություն դարձնես ցանկացած իրավական ակտի ներքևում կա նման տառեր ու թվեր, կարելի է ասել այդ իրավական ակտի ,,սերիան,, է, հապավում չի:
Ինչ-որ էջ երևի թե չկա, ես տեղյակ չեմ

Մեկ էլ որևէ իրավախախտման վրա բռնված անձը ի՞նչ իրավունքներ ունի ԶԼՄ-ներում լուսաբանվելուց պաշտպանվելու համար: Լուրերով որտև հաճախ ցույց են տալիս տարբեր ծանրության հանցանքներ գործած մարդկանց, որոնք մի կողմից փորձում են երեսները ծածկել, մյուս կողմից էլ ոչ իրենց դրանում խանգարող կա, ոչ էլ նկարահանողներին հեռացնող:

Սենց բան չկա, ինչ ծանրության արարք էլ լինի, և եթե գաղտնիք չի /օրինակ պետական հանցագործությունների դեպքում/, ոչ ոք չի կարող խանգարել հանցագործին կամ նրա արաքները լուսաբանելուն: Քո տեսածի վերաբերյալ ասեմ, էդ իրենք՝ հանցանք կատարողներն են որոշում իրենց դեմքը փակեն, քիչ խայտառակվեն, թե լավ էլ թող տեսնեն ինչ կարգին, շնորհքով տղերք են:

[Հիդրոգեն]

Նեա, մաքսանենգությունը /իր լրիվ չափերով/ քրեական օրենսգրքով կարգավորվող իրավախախտում է:

Այսինքն ոչ խոշոր չափերինը արդեն մաքսանենգություն էլ չի կոչվու՞մ:

ՀՕ - եթե ուշադրություն դարձնես ցանկացած իրավական ակտի ներքևում կա նման տառեր ու թվեր, կարելի է ասել այդ իրավական ակտի ,,սերիան,, է, հապավում չի

Տարօրինակ ա մի ձև:

Քո տեսածի վերաբերյալ ասեմ, էդ իրենք՝ հանցանք կատարողներն են որոշում իրենց դեմքը փակեն

Դե պարզա, որ կողքից հարկադրողներ դժվար լինեն:
Ուզում էի ասեի, որ համ ուրիշներին թույլատրված ա իրանց նկարել, համ էլ հենց իրանց թողնում են երեսները փակեն. մի ձև անիմաստ ա դառնում:

[Reh32]

Կարդացի կարդացի ու հասկացա որ ես էլ հարց ունեմ. ուրեմն սենց. ես մի քանի օր առաջ մեքենայով ջրվեժին կից տարածքում կանգնած էի, մեքենայում ես ու ընկերուհիս էինք. մեզ մոտեցան ոստիկաններ ու խնդրեցին դուրս գալ մեքենայից ու խուզարկեցին մեքենաս, հետո հարցրեցին թե ինչու ենք առանձնացել հասարակությունից ու վերջապես հարցրեցին թե քանի տարեկան ա ընկերուհիս. երբ պատասխանեցի որ 18 պահանջեցին որ գնանք իրենց հետ և ցույց տանք իրենց որ ընկերուհիս չափահաս է. Մի խոսքով կյանքս պատմեցի որ ավելի պարզ լինի հարցիս էությունը. Նախ եթե ընկերուհիս չափահաս չլիներ ինձ պատիժ էր հասնում? ու ինչ ա նշանակում ասում են արի գնանք բացատրագիր գրի.

[AniwaR]

Ներողություն եմ խնդրում, չէի նկատել, որ այս թեմայում էլի գրառում էր արվել:

Ինչևէ, փորձեմ ես էլ պատասխանել:

Շատ շնորհակալ եմ մանրամասն մեկնաբանության համար: Իսկ ոչ խոշոր չափերի մաքսանենգության դեպքերը, ոնց հասկանում եմ, կարգավորվում են մաքսային օրենսգրքով:

Ճիշտ հասկանալու համար եկեք սկզբից պարզենք, թե ինչ է նշանակում մաքսանենգություն. դա Հայաստանի Հանրապետության մաքսային սահմանով ապրանքների, մշակութային կամ այլ արժեքների տեղափոխումն առանց մաքսային հսկողության կամ դրանից թաքցնելով, կամ մաքսային և այլ փաստաթղթերը խաբեությամբ օգտագործելու միջոցով, եթե դրանք կատարվել են խոշոր չափերով, բացառությամբ ՀՀ քրեական օրենսգրքի 215 հոդվածի երկրորդ մասով նախատեսված ապրանքների կամ արժեքների:

Սահմանումից հետևում է, որ ցանկացած դեպքում, բացի հոդված 215-ի 2-րդ կետով նախատեսված դեպքերի, մաքսանենգությունն արդեն իսկ այնպիսի արարք է, որը լինում է միայն խոշոր չափերով: Սակայն Ձեր հարցը հասկանալի է. նկատի ունեք՝ մաքսային սահմանով առանց մաքսային հսկողության կամ դրանից թաքցնելով, կամ մաքսային և այլ փաստաթղթերը խաբեությամբ օգտագործելու միջոցով ոչ խոշոր չափերով ապրանքների, մշակութային կամ այլ արժեքների տեղափոխումը, որն այլևս «մաքսանենգություն» չի կոչվում: Ու ճիշտ եք, հասկացել, դա արդեն կարգավորվում է մաքսային օրենսդրության համաձայն: Մասնավորապես՝ կհետաքրքրեն հետևյալ հոդվածները ՀՀ Մաքսային օրենսգրքից.

Հոդված 200. Մաքսային սահմանով ապրանքների և տրանսպորտային միջոցների տեղափոխումը` մաքսային հսկողությունը շրջանցելով

Հայաստանի Հանրապետության մաքսային սահմանով ապրանքների և տրանսպորտային միջոցների տեղափոխումը` շրջանցելով մաքսային հսկողությունը, այսինքն` Հայաստանի Հանրապետության մաքսային սահմանով դրանց տեղափոխումը մաքսային մարմնի գտնվելու վայրից դուրս, հանցագործության հատկանիշների բացակայության դեպքում`
առաջացնում է տուգանքի նշանակում` ապրանքների և տրանսպորտային միջոցների մաքսային արժեքի չափով:

Հոդված 201. Մաքսային սահմանով ապրանքների տեղափոխումը` մաքսային հսկողությունից թաքցնելով

Հայաստանի Հանրապետության մաքսային սահմանով ապրանքների տեղափոխումը` մաքսային հսկողությունից թաքցնելով, այսինքն` գաղտնարանների օգտագործմամբ, ապրանքների հայտնաբերումը դժվարացնող այլ եղանակներով կամ ապրանքներին այլ տեսք տալու միջոցով` հանցագործության հատկանիշների բացակայության դեպքում`
առաջացնում է տուգանքի նշանակում` այդ ապրանքների մաքսային արժեքի չափով:

Հոդված 202. Մաքսային սահմանով ապրանքների և տրանսպորտային միջոցների տեղափոխումը` մաքսային և այլ փաստաթղթերը կամ մաքսային ապահովման միջոցները խաբեությամբ օգտագործելով

Հայաստանի Հանրապետության մաքսային սահմանով ապրանքների և տրանսպորտային միջոցների տեղափոխումը` մաքսային մարմին մաքսային հսկողության և մաքսային ձևակերպման համար կեղծ, անօրինական ճանապարհով ստացված, անվավեր համարված կամ այլ ապրանքներին և տրանսպորտային միջոցներին վերաբերող փաստաթղթեր ներկայացնելով, ինչպես նաև կեղծ մաքսային ապահովման միջոցներ օգտագործելով` հանցագործության հատկանիշների բացակայության դեպքում`
առաջացնում է տուգանքի նշանակում` այդ ապրանքների և տրանսպորտային միջոցների մաքսային արժեքի չափով:

Այդ ոլորտին առնչվող տարբեր տեսակի զանցանքների համար նախատեսվող պատասխանատվության չափերին կարող եք ամբողջությամբ ծանոթանալ ՀՀ Մաքսային օրենսգրքից՝ 37-րդ գլուխ, հոդված 189-ից սկսած.

http://www.arlis.am/DocumentView.aspx?DocID=46278

Երկու հարց էլ առաջացավ. ԱԺ, ՀՕ և այլ հապավումներն ինչպե՞ս են բացվում: Երևի ինչ-որ էջ պետք է լինի դրանց ներկայացմամբ:

Այս հարցին պատասխանել են:

Մեկ էլ որևէ իրավախախտման վրա բռնված անձը ի՞նչ իրավունքներ ունի ԶԼՄ-ներում լուսաբանվելուց պաշտպանվելու համար: Լուրերով որտև հաճախ ցույց են տալիս տարբեր ծանրության հանցանքներ գործած մարդկանց, որոնք մի կողմից փորձում են երեսները ծածկել, մյուս կողմից էլ ոչ իրենց դրանում խանգարող կա, ոչ էլ նկարահանողներին հեռացնող:

Այստեղ հարցը այն է, թե ԶԼՄ-ներում ինչպես է լուսաբանվում: Մասնավորապես՝ հանցագործությունների դեպքում ՀՀ Սահմանադրությունը երաշխավորում է յուրաքանչյուրի անմեղության կանխավարկածի իրավունքը, որը ենթադրում է, որ յուրաքանչյուր ոք համարվում է անմեղ՝ մինչև նրա մեղավորությունը չի ապացուցվել դատարանի օրինական ուժի մեջ մտած դատավճռով: Հետևաբար՝ քանի չկա օրինական ուժի մեջ մտած դատավճիռ, ոչ ոք իրավունք չունի ինչ-որ մեկին «հանցագործ» անվանել կամ հայտարարել, որ «պարոն Իքս-ը կատարել է այսինչ հանցագործությունը»: Դա լրագրողական էթիկայի կոպիտ խախտում է և լրագրողական ու իրավական տարրական գիտելիքների բացակայության հետևանք: Կոնկրետ պաշտպանության միջոցներ չեմ կարող առաջարկել, դրա համար պետք է դիմել փորձառու ու պրակտիկ իրավաբանների (ես հըլը ուսանող եմ, որ սարսափած սպասում ա երկուշաբթի օրվա քննություններին, կտրվելու եմ):

[AniwaR]

Կարդացի կարդացի ու հասկացա որ ես էլ հարց ունեմ. ուրեմն սենց. ես մի քանի օր առաջ մեքենայով ջրվեժին կից տարածքում կանգնած էի, մեքենայում ես ու ընկերուհիս էինք. մեզ մոտեցան ոստիկաններ ու խնդրեցին դուրս գալ մեքենայից ու խուզարկեցին մեքենաս, հետո հարցրեցին թե ինչու ենք առանձնացել հասարակությունից ու վերջապես հարցրեցին թե քանի տարեկան ա ընկերուհիս. երբ պատասխանեցի որ 18 պահանջեցին որ գնանք իրենց հետ և ցույց տանք իրենց որ ընկերուհիս չափահաս է. Մի խոսքով կյանքս պատմեցի որ ավելի պարզ լինի հարցիս էությունը. Նախ եթե ընկերուհիս չափահաս չլիներ ինձ պատիժ էր հասնում? ու ինչ ա նշանակում ասում են արի գնանք բացատրագիր գրի.

Հմ: Դե կոնկրետ ես ոստիկանների պահվածքը այդքան էլ կոռեկտ չեմ համարում, եթե, իհարկե, Ձեր վարքագծի մեջ որևէ «տարօրինակ» բան չի եղել, որ նրանց անհանգստացնելու տեղիք կտար, և դրան էլ կգումարվեր մեքենայով ամայի վայրում առանձնանալը: Եթե ընկերուհին լիներ 16 տարեկանից փոքր (ոչ թե 18, այլ 16), եթե Դուք դրա մասին տեղյակ լինեիք (որ 16-ից փոքր է) և եթե Դուք՝

1. փաստացի ոչինչ էլ արած չլինեիք, այսինքն՝ (ներողություն, իհարկե, բայց հարցն ինքներդ եք տվել) սեքսուալ բնույթի որևէ գործողություն (պարտադիր չի սեռական հարաբերություն), ապա ոչ մի պատասխանատվություն էլ չէր հասնի.
2. կատարել եք նմանատիպ որևէ գործողություն՝ թեկուզև ընկերուհու համաձայնությամբ, ապա պատասխանատվությունը վրա կհասներ Քրեական օրենսգրքի հետևյալ հոդվածի համաձայն.

Հոդված 141
Սեքսուալ բնույթի գործողություններ կատարելը տասնվեց տարին չլրացած անձի հետ

Տասնութ տարին լրացած անձի կողմից սեռական հարաբերությունը կամ սեքսուալ բնույթի այլ գործողություններ կատարելն ակնհայտ տասնվեց տարին չլրացած անձի հետ՝ սույն օրենսգրքի 138-րդ, 139-րդ կամ 140-րդ հոդվածով նախատեսված հանցանքների հատկանիշների բացակայության դեպքում՝ պատժվում է տուգանքով՝ նվազագույն աշխատավարձի հարյուրապատիկից երկուհարյուրհիսնապատիկի չափով, կամ ազատազրկմամբ՝ առավելագույնը երկու տարի ժամկետով141-րդ հոդվածը փոփ. 01.06.06 ՀՕ-119-Ն)

Այնպես որ, ջահելներ ջան, իմացեք՝ ՀՀ-ում սեքսն օրինական է 16 տարեկանից:

[Reh32]

Սիրելի իրավաբաններ մի հարց ունեմ որտեղից կարող եմ իմանալ թե աչքերի որ հիվանդության դեպքում ինձ չեն զորակոչի հայկական բանակ?

[Reh32]

Այնպես որ, ջահելներ ջան, իմացեք՝ ՀՀ-ում սեքսն օրինական է 16 տարեկանից:

Լավ շատ շնորհակալ եմ արագ պատասխանի համար, բայց ճիշտն ասած մի հարց էլ առաջացավ.
Որտեղ է թույլատրվում զբաղվել սեքսով?