Հայ-թուրքական հարաբերություններ

[քաղաքացի]

Ես գտնում եմ, որ Թուրքիայի սահմանի բացումը ոչ մի վնաս չի տա Հայաստանին: Օգուտն էլ այն կլինի, որ տնտեսությունը արևմուտքում ինչ-որ չափով կաճի:
Ի՞նչ կարծիքի եք, բացել սահմանը, թե՞ ավանդուկթի համաձայն փակ պահել:

[Fobus]

հիմա քունս տանում է ... չեմ կարող շատ երկար գրել ... բայց կարծում եմ , որ բացելը կտա լավ արդյունք : չեմ բացառում , որ բացասական էլ կլինի ...

[Sergey]

Ի՞նչ վնասի մասին է խոսքը։ Ես իհարկե տնտեսագետ չեմ, և ոչ էլ ինչ–որ վիճակագրության եմ ծանոթ՝ երկու երկրների միջև ապրանքաշրջանառության վերաբերյալ, սակայն պետք է որ գոնե ներկրման և արտահանման ճանապարհային ծախսերը նվազեն։
Իսկ ինչ վերաբերում է հարաբերություններին ավելի լայն իմաստով, ապա այստեղ լուրջ քայլեր են պետք, որոնք պետք է սկսել ցեղասպանության հարցը ՀՀ արտաքին քաղաքականության օրակարգից հանելուց, կամ առնվազն հետին պլան մղելուց։

[Աբելյան]

Ոնց փակ ա թող տենց փակ էլ մնա:

[Marduk]

Նախ բացել կարող է նա ով փակել է այն:
Այսինքն դա մեր որոշելիքը չի:
Եվ հետո զարգացողը առանց սահմանի էլ կզարգանա, իսկ չզարգացողը հազար հատ սահման ու ծով էլ ունենա չի զարգանա:

[քաղաքացի]

Նախ բացել կարող է նա ով փակել է այն:
Այսինքն դա մեր որոշելիքը չի:
Եվ հետո զարգացողը առանց սահմանի էլ կզարգանա, իսկ չզարգացողը հազար հատ սահման ու ծով էլ ունենա չի զարգանա:

Այս արտահայտությունների ոչմեկի հետ համաձայն չեմ: Ինչու՞, փակողը կուլ է տվե՞լ սահմանի դռան բանալին:
Ասա ինձ որևէ վնաս, եթե բացվի սահմանը: Կամ ո՞րն է օգուտը այն փակ պահելով: Ես չեմ ասում լինի շենգենյան սահման, թող միշտ լինեն ստուգումներ, պետք եղած մարդուն թողնեն մտնի կամ դուրս գա երկրից, պետք չեղքծին՝ պահել նույն երկրում:
Եթե կարող եք, խնդրեմ ասեք ինձ ի՞նչ սխալ բան կա սահմանը բացելու մեջ:

[Marduk]

Թուրքիան է փակել նա էլ կարող է բացել: Մենք չենք որոշողը կբացվի այն թե ոչ:

[dvgray]

Ասեմ միայն հետևյալը
Մեր աշխատանքային շուկան ունի մեծ ավելցուկ միջին որակաորման մասնագետների , իսկ Թուրքիան (արևելյան շրջաններում առավելապես) և Ազերբեջանը ունեն դրա խիստ պահանջարկ ;
Գյումրիից-Վան ընդհամենը 30 րոպեի ճանափարհ է ;

Մենք կունենանք ավելցուկը այսպես դեր երկար, իսկ այնտեղ այդ շուկան կարող են փակել այլ երկրների աշխատուժը , կամ իրենք թուրքերը դա կանեն (ինչպես եղավ մեզ հանձնված արևտուրի հետչ) :
Քանի դեր շուտ է , մենք կարող ենք լուծել մեր ամենակարևոր հիմնախնդիրներից մեկը , արանց հերռավոր Ռուսաստան կամ եվրոպաներ չվելու,

Իմ կարծիքով պետք է անել ամեն ինչ, Թուրքիայի հետ կոմունիկացիաները բացելու և զարգացնելու, իսկ Ազրբեդջանի հետ նախկին (եղբայրական ) հարաբերությունները ունենալու համար. Դա է մեր ազգի զարգացման անհրաժեշտ պայմաններից մեկը.

Պ.Ս. Եթե մի քիչ էլ ասպես շարունակվի, շատ շուտով էս 30000 կմ2 -ի մեջ իրար ենք ուտելու:

[Fobus]

Իսկ ինչ վերաբերում է հարաբերություններին ավելի լայն իմաստով, ապա այստեղ լուրջ քայլեր են պետք, որոնք պետք է սկսել ցեղասպանության հարցը ՀՀ արտաքին քաղաքականության օրակարգից հանելուց, կամ առնվազն հետին պլան մղելուց։

կլինի ամենահիմար քայլը ներկայիս կառավարության կողմից:

[քաղաքացի]

…Իսկ ինչ վերաբերում է հարաբերություններին ավելի լայն իմաստով, ապա այստեղ լուրջ քայլեր են պետք, որոնք պետք է սկսել ցեղասպանության հարցը ՀՀ արտաքին քաղաքականության օրակարգից հանելուց, կամ առնվազն հետին պլան մղելուց։

Օրակարգից հանելը շատ կլինի, բայց հետին պլան գցելու առումով համամիտ եմ: Ցեղասպանություն ճանաչելը արդեն ոչ թե քաղաքական հարց է, այլ բարոյական: Դա ժամանակի ընթացքում թուրքերը կորոշեն ճանաչեն թե՞ ոչ: Ներկա պահին Եվրոպան չի կարողանում ցեղասպանությունը ճանաչեցնել տա Թուրքիային, էլ ու՞ր մնաց Հայաստանը կարողանա:
Fobus, դու կարո՞ղ է հողերը ետ տալու հույսեր էլ ունես:

[Artgeo]

Սահամնը բացելուն դեմ խոսացողներին մի քանի հարց ունեմ:
Հիմա թուրքական ապրանքը Հայաստան չի՞ հասնում:
Թուրքիայում հայերը չե՞ն հանգստանում:
Այս և բազմաթիվ հարցերին պատասխանելուց հետո, խնդրում եմ ևս մեկ հարցին պատասխանել:
Ինչո՞ւ մենք պիտի ավելորդ վճարումներ անենք Վրաստանին: Հա, պարզա եղբայրական հանրապետությունա, բայց դե մենք այդքան շատ փող չունենք:

[Sergey]

Սահամնը բացելուն դեմ խոսացողներին մի քանի հարց ունեմ:
Հիմա թուրքական ապրանքը Հայաստան չի՞ հասնում:
Թուրքիայում հայերը չե՞ն հանգստանում:
Այս և բազմաթիվ հարցերին պատասխանելուց հետո, խնդրում եմ ևս մեկ հարցին պատասխանել:
Ինչո՞ւ մենք պիտի ավելորդ վճարումներ անենք Վրաստանին: Հա, պարզա եղբայրական հանրապետությունա, բայց դե մենք այդքան շատ փող չունենք:

Պատասխանեմ վերջին հարցիդ։ Սահմանը պետք է փակ լինի, եկող–գնացողի հետ էլ պետք է ցեղասպանությունից խոսեն, որպեսզի համարվեն «ազգային իշխանություն»։

[Վազգեն]

Ի՞նչ կարծիքի եք, բացել սահմանը, թե՞ ավանդուկթի համաձայն փակ պահել:

Ի՜նչ տարօրինակ հարց է։ Մե՞նք ենք սահմանը փակել կամ փակ պահում։ Այդ հարցը պետք է թուրքերին ուղղված լինի, ոչ թե մեզ՝ հայերիս
Թուրքիան շատ հստակ ասել է, թե ինչ պետք է անենք, որ իրենք իրենց կողմից փակ պահվող սահմանները բացեն։ Դրանք են «գրավյալ տարածքների» հանձնումը Ադրբեջանին, հրաժարվենք ցեղասպանության պնդումից, մեկ էլ պաշտոնապես հայտատարենք, որ մենք երբեք իրենցից տարածք չենք պահանջելու։

[Sergey]

Ի՜նչ տարօրինակ հարց է։ Մե՞նք ենք սահմանը փակել կամ փակ պահում։ Այդ հարցը պետք է թուրքերին ուղղված լինի, ոչ թե մեզ՝ հայերիս
Թուրքիան շատ հստակ ասել է, թե ինչ պետք է անենք, որ իրենք իրենց կողմից փակ պահվող սահմանները բացեն։ Դրանք են «գրավյալ տարածքների» հանձնումը Ադրբեջանին, հրաժարվենք ցեղասպանության պնդումից, մեկ էլ պաշտոնապես հայտատարենք, որ մենք երբեք իրենցից տարածք չենք պահանջելու։

Կարծում եմ այստեղ բոլորն էլ գիտեն, որ Թուրքիան է փակել սահմանը, խոսքը գնում է նրա մասին, թե ինչ անել, որ Թուրքիան չկարողանա նման նախապայմաններ թելադրել։
Ինչ վերաբերում է քո նշած պայմաններին, ապա ասեմ, որ առանց գրավյալ տարածքներից, այսինքն անվտանգության գոտուց հայկական զորքի դուրս բերման գույություն չունի խնդրի որևէ լուծում, Հայաստանի Հանրապետությունը չպետք է իր արտաքին քաղաքականության հիմքում դնի ցեղասպանության ճանաչումը, ինչպես նաև երբեք չի կարող որևէ տարածքային հավակնություն ունենալ Թուրքիայի նկատմաբ։

[Koms]

Մեզ համար, Հայաստանի քաղաքացիների համար, արդեն ուղղակի պարտադիր /օդի ու ջրի պես/ հարկավոր է ունենալ պետություն-հարեւան` Եվրամիության անդամ , որը մոտ ապագայում կարող է դառնալ Թուրքիան, այնպես որ սահմանները բացելու հարցը ինքնին որոշվելու է` հօգուտ դրականի: