Հայ-թուրքական հարաբերություններ

[Քամի]

«Հայաստանի և Թուրքիայի միջև բանակցությունները եզրափակիչ փուլ են մտել։ Ապրիլին երկու երկրների միջև կարող է ձեռք բերվել համաձայնություն»։ Ինչպես հաղորդում է ադրբեջանական ԱՊԱ գործակալությունը, այդ մասին գրել է թուրքական Star թերթը, որը հայտնի է Թուրքիայի գործող «Արդարություն և զարգացում» կուսացության հետ սերտ հարաբերություններով։

Աղբյուրի համաձայն՝ ստորագրության ենթակա փաստաթուղթը նախատեսում է սահմաններրի բացում, փոխադարձ ապրանքաշրջանառության սկիզբ, ինչպես նաև համատեղ հանձնաժողովի ձևավորում, որը կզբաղվի 1915թ. դեպքերի ուսումնասիրմամբ։

Աղբյուրը նաև նշում է, որ ղարաբաղյան հարցը չի հանդիսանում Թուրքիայի և Հայաստանի միջև հարաբերությունների բարելավման համար անհրաժեշտ պայման։

թերթ

[Վիշապ]

Հայաստանի իշխանությունները մեղմացրե՞լ են դիրքորոշումը ցեղասպանության հարցում։

Հայ–թուրքական սահմանի բացման հարցը քննարկվում է, սակայն բացման վերաբերյալ համաձայնության մասին տեղեկատվությունը չի համապատասխանում իրականությանը։ Այդ մասին day.az –ին տված հարցազրույցում հայտարարել է թուրքական պառլամենտի պատգամավոր, նախկին արտգործնախարար Յաշար Յակիշը։ Նրա խոսքերով, եթե նույնիսկ հայերը դադարեցնեն ցեղասպանության ճանաչմանը ուղղված քայլերը, ապա՝ «ես սահմանների բացում չեմ սպասում մոտ ապագայում»։
«Ընդ որում մենք նկատում ենք, որ հայերը արդեն այդքան էլ համակված չեն ապրիլի 24–ի հարցով, մտածածին ցեղասպանության ճանաչման խնդրով»։ Ըստ Յաշարի, Հայաստանը փափկացրել է իր դիրքերը. «պարզապես նրանք այդ մասին բացեիբաց չեն կարող խոսել Հայ հասարակության առջև, այդ պատճառով հնչում են այնպիսի հայտարարություններ, թե «Թուրքիան փափկել է»։ Իհարկե նրանք հասարակության կողմից ճնշում են զգում, և որպեսզի ապահովագրվեն, հայտարարում են. «մեր վարած քաղաքականությունը բերեց լավ արդյունքի. Թուրքիան փափկել է, այնպես որ մոտ ապագայում կբացի սահմանը և կճանաչի ցեղասպանությունը», բայց դրանով նրանք՝ Հայաստանի իշխանությունները կարող են խաբել միայն Հայաստանի հասարակությանը։ Նրանց խոսքերը իրականությանը չեն համապատասխանում։ Թուրքիայի փափկելու մասին ոչ մի խոսք լինել չի կարող։ Հայկական տեղեկատվության միջոցները աղավաղում են թուրքական պաշտոնյաների հայտարարություններն ու արտահայտությունները» ասել է Յաշար Յակիշը։

[Պանդուխտ]

Հայերն ու չուրքերը, անհամբեր կը սպասեն, Ապրիլ 24ի ամերիկեան նախագահական ուղերձը:
Այսինքն, եթէ նախագահ Բարակ հուսեյն Օբաման յիշէ «Ցեղասպանութիւն» բառը, հայերս պիտի ցնծանք, ու ուրախութիւննէս երկինք թռինք: Եւ եթէ յանկարծ, մի քանի օր անց, Աբու հսէն Օբաման, Թուրքիոյ հասցէին ուղղուած ծանր խօսքը մեղմացնէ ու փաղաքշական խօսք հնչեցնէ, այդ ժամանակ, ազգովին պիտի գրգռուինք Աբու հսէնի հանդէպ:
Ուրիշ խօսքով՝ մեր ազգային ու մարդկային երջանկութիւնը կախուած է մարդու մը բերնէն ելած արտասանութենէն, վասնզի այդ մարդը Ամերիկայի նախագահն է:

Ու ինչպէս միշտ, դարերու ընթացքին եղածին պէս, եթէ Արեւմուտքը երես թեքէ Չուրքիայէն, վերջինս, իրեն երես տուող կրնայ գտնել ուրիշ տեղ, բան մը որ անպայման հաշուենկատ վերաբերիլ պիտի պարտադրէ Արեւմուտքին, ճարպիկ լարախաղաց Չուրքիոյ հանդէպ:

Օբամայի յիշելիք «Ցեղասպանութիւն» բառը ինձի բաւարար չէ: Այդ մեկը բարոյական յաղթանակ չէ: Այդ «բարոյական յաղթանակ»ը գաւաթ մը թեյին մէջ կը հալեցուի ու կխմուի:

Հայկական Ցեղասպանութեան ոճիրը կարելի է հատուցել միմիայն նմանօրինակ արարքով: Այդպիսի արարք մենք չենք կրնար կատարել, նոյնիսկ եթէ ուզենք: Ուրեմն՝ լիակատար հատուցում չի կրնար ըլլալ: Երբէք եւ երբէք կորուստը չենք կրնար վերականգել: Ժամանակը ետեւ չենք կրնար տանիլ: Արեւմտեան Հայաստանն ու Արեւմտահայութիւնը իրենց նախկին՝ ազգագրական ու մշակութային վիճակին չենք կրնար դարձնել:

Ըստ իս, նոյնիսկ եթէ հրաշքով Թուրքիան ընդունի, սահմանը բանայ ու մի քանի միլիարդ հատուցէ, դարձեալ պէտք չէ մոռացութեան մատնուի անոր ոճրային անցեալը: Նահատակներս աշխարհիկ գին չունին, Հայրենիքս միլիարդներով չի գնահատուիր: Մեր վիշտով բազար թող չընեն:

[ministr]

Դեռ հույս ունեք, որ Օբաման պետք է ցեղասպանություն բառ արտասանի? Թուրքերը ինչքան ուժ ունեն ցույց կտան, որ Հայաստանի հետ հարաբերությունները բարելավում են, իսկ եթե Օբաման այդ բանն անի, ապա ամեն ինչ կփչացնի: Օբաման իրեն կդնի էշի տեղ ու կասի վաաայ բա ձեզ ոնց խանգարեմ, գնացեք ընկերություն արեք: Հայերն էլ որ ասեն, բա ասում էիր կճանաչես ցեղասպանությունը, գիտեք չէ ինչ կասի? Տղեք ջան էլի ճանաչեմ, բայց հենա հարաբերություններ են կարգավորում, չեմ ուզում խանգարած լինեմ: Ու ամենահետաքրքիր պահը գիտեք չէ որն ա? Թուրքերին էս հարցում ամենաշատն ովքեր են օգնում? ՄԵՆՔ!!!!!!!!

[Mephistopheles]

Դեռ հույս ունեք, որ Օբաման պետք է ցեղասպանություն բառ արտասանի? Թուրքերը ինչքան ուժ ունեն ցույց կտան, որ Հայաստանի հետ հարաբերությունները բարելավում են, իսկ եթե Օբաման այդ բանն անի, ապա ամեն ինչ կփչացնի: Օբաման իրեն կդնի էշի տեղ ու կասի վաաայ բա ձեզ ոնց խանգարեմ, գնացեք ընկերություն արեք: Հայերն էլ որ ասեն, բա ասում էիր կճանաչես ցեղասպանությունը, գիտեք չէ ինչ կասի? Տղեք ջան էլի ճանաչեմ, բայց հենա հարաբերություններ են կարգավորում, չեմ ուզում խանգարած լինեմ: Ու ամենահետաքրքիր պահը գիտեք չէ որն ա? Թուրքերին էս հարցում ամենաշատն ովքեր են օգնում? ՄԵՆՔ!!!!!!!!

Ապեր, մեր "նախագահի" համար սկի պարզ չի ցեղասպանություն եղել ա թե չէ (դրա համար էլ էսօր թուրքերի հետ կամիսիայա սարքել որ հարցը ուսումնասիրեն), Օբամայի համար ոնց պիտի պարզ լինի ու ինչի՞ պտի ասի… էս աշխարհքիս էրեսին մենակ որոշ երկրների համար ա պարզ ցեղասպանության հարցը (Ֆրանսիա, Ուրուգվայ, Ռուսաստան և այլն…) ու պարզվում ա որ մենք էդ երկրների շարքում չենք…

Կարտասանի-չի-արտասանի չեմ կարծում էական ա, ուղղակի եթե ընդունեն, դրանից մենք օֆիցիալ "զոհի" կարգավիճակ ենք ստանում, իսկ մենտալիտետը արդեն ունենք… էսքան բան…

Հլա որ ճիշտը ասենք, եթե թուրքերն ընդունեն, իրանք մի հատ շատ մեծ ու քաղաքակիրթ քայլ արած կլինեն և դրանից իրենք կշահեն, իսկ մենք մնալու ենք նույն զոհը մեր էս խոտան նախագահի ու իրա կիսաֆաբրիկատ շրջապատի հետ, համեմված գերեզմանային դհոլ զուռնով… մեր էսօրվա հարցն ավելի կարևոր ա քան թե Օբամայի "ցեղասպանություն" բառը… Ընգեր մի տարի առաջ մեզ ափաշքյարա փողոցի մեջտեղը գյուլլին ու մնացածներին էլ բանտերը լցրին ճիշտ նույն բանի համար ինչ 15 թվին՝ ազատամտության, իսկ մենք (բոլորը չէ) կանգնեցինք ու ասինք, բա ի՞նչ էիք ուզում և դեռ ոչ մի մարդասպանի չբռնեցին, էլ թուրքի վրա ինչի՞ ենք զարմանում… ու էսի մօտ 100 տարի ցեղասպանությունից հետո…

[ministr]

Բացի Օբամայի ասելուց, նույնիսկ եթե ընդունեն ցեղապսպանությունը, դրանից ինչ? Զոհի կարգավիճակը հո վաղուց ենք սեփականաժնորհել: Չես պատկերացնի, ոնց եմ ուրախանում, որ ադրբեջանցիք մեզ ագրեսոր են ասում, որ զավթել ենք իրանց եղած-չեղածը : Պարբերաբար անծանոթ մարդիկ ուղարկում են էն msbc-ի հարցումը, նույնիսկ հատուկ նշելով, թե ինչ ա պետք սեղմել Մի անգամ մեկին հարցնում եմ, իսկ կարող ես բացատրել, եթե ճանաչեցին, մեզ ինչ դրանից? Գործնական օգուտը որն ա? Թուրքերը պետք ա կոմպենսացիա տան ժառանգներին (տես սփյուռքահայերին)? Հողերի մասին առհասարակ կարելի ա մոռանալ: Մի հատ խելքը գլխին պատասխան չկարողացավ տա: Ոնց, որ զվարճալի նկարի հղում են ուղարկում, նույն ձևի էլ դա...

[Արիացի]

Թուրքերը իրենց ձեռքով փակում են Եվրոպայի դռները`

Թուրք պատգամավորին տուգանեցին Գյուլին հայ անվանելու համար
Դատարանը տուգանել է Թուրքիայի խորհրդարանի պատգամավոր Ջանան Առիթմանին, ով պնդում էր, որ Թուրքիայի նախարար Աբդուլա Գյուլի մայրը հայկական ծագում ունի։

Պատգամավոր Առիթմանը, ում դեմ դատական հայց էր ներկայացվել նախագահ Գյուլի մոր հայկական ծագման մասին հայտարարություններ անելու համար, ստիպված կլինի փոխհատուցում վճարել։

Ինչպես տեղեկացնում է ադրբեջանական АПА–ն՝ հղում կատարելով թուրքական Anadolu գործակալությունը, Անկարայում դատական գործընթացն անցկացվել է Գյուլի փաստաբան Օմար Կիչիկոզաջանի և Առիթմանի փաստաբան Ռեզեն Այդինօղլուի մասնակցությամբ։ Դատարանը կայացրել է որոշում, համաձայն որի, Առիթմանը պետք է խորհրդանշական 1 թուրքական լիրա տուգանք վճարի պետական պաշտոնյային վարկաբեկող հայտարարություններ տարածելու համար, որոնք չեն համապատասխանում իրականությանը։

Նշենք, որ Առիթմանը մամուլին հայտարարել է այն մասին, որ 1915թ. ցեղասպանության համար հայերից ներողություն խնդրող արշավներին սատարվում են Աբդուլա Գյուլի կողմից, և նախագահին կոչ է արել ծառայել թուրք ժողովրդի շահերին, այլ ոչ թե իր էթնիկ արմատներին՝ դրանով իսկ նկատի ունենալով մոր կողմից Գյլուլի հայկական արմատները։

Հիշեցնենք, որ Աբդուլլա Գյուլը հերքել է մոր հայկական արմատների մասին տեղեկությունները։

Tert.am

[Mushki]

Այս թեմայով Արարատ կենտրոնը հարցում է սկսել

«Արարատ» ռազմավարագիտական կենտրոնն անցկացնում է հարցազրույցների շարք՝ Հայաստանի և Թուրքիայի միջպետական վերջին զարգացումների վերաբերյալ: Հարցման մասնակիցների ցանկում ընդգրկվել են հասարակության լայն շրջանակների ներկայացուցիչներ, այդ թվում` պետական պաշտոնյաներ, քաղաքական, հասարակական և մշակութային գործիչներ, վերլուծաբաններ:

Հարցերին կարող են պատասխանել բոլոր ցանկացողները հետևյալ հասցեով` [email protected]: Պատասխաններում խնդրում ենք նշել Ձեր անունը, մասնագիտությունը, տարիքը (ըստ ցանկության), երկիրը, բնակավայրը։
Ներբեռնեք հայերեն հարցաշարը


ԹԵՄԱ 1. Թուրքիայի քաղաքականությունը Հայոց ցեղասպանության հարցում

Սկսած 2007 թ. դեկտեմբերից Թուրքիայի կրթության նախարարությունը երկրի դպրոցականների շրջանում ցուցադրում է տեսաֆիլմ, որում պատկերվում է, թե ինչպես են հայերն իբր կոտորել թուրք ժողովրդին: Տեսաֆիլմն արդեն դիտել է շուրջ 12 միլիոն թուրք աշակերտ, ներառյալ` տարրական դասարաններում: Դպրոցներին բաժանվել է տեսաֆիլմի 600 000 սկավառակ:

1.1. Ինչպե՞ս եք գնահատում Թուրքիայի կառավարության այս քայլը:

1.2. Ի՞նչ նպատակներ է հետապնդում Թուրքիան այս գործողությամբ։

1.3. Ի՞նչ հետևանքներ կարող է ունենալ այս գործողությունը։

1.4. Ինչո՞ւ է պաշտոնական Երևանը լռում այս ձեռնարկման մասին:

1.5. Ինչպե՞ս պետք է Հայաստանի իշխանություններն արձագանքեին այդ գործողությանը։

ԹԵՄԱ 2. Թուրքիայի դիրքորոշումը Ղարաբաղյան հիմնահարցում

Հայաստանի և Թուրքիայի պաշտոնյաները խոսում են հայ-թուրքական հարաբերություններում դրական զարգացումների մասին: Միաժամանակ, Թուրքիայի վարչապետ Էրդողանը 2009 թ. փետրվարի 19-ին հայտարարել է, որ.
ա) Ղարաբաղյան հիմնահարցի նկատմամբ Թուրքիայի և Ադրբեջանի դիրքորոշումներն ու քաղաքականությունն ամբողջությամբ համընկնում են.
բ) այդ քաղաքականությունը Թուրքիան և Ադրբեջանը մշակել և իրականացնում են համատեղ:
Մյուս կողմից, Ադրբեջանը շարունակում է հայտարարել, որ իր հիմնական նպատակն Արցախի բռնազավթումն է։

2.1. Ի՞նչ հետևություններ կարելի է կատարել Էրդողանի այս հայտարարությունից:

2.2. Ինչո՞ւ ՀՀ իշխանությունները և քաղաքական կուսակցությունները պաշտոնապես չեն արձագանքել այս հայտարարությանը:

2.3. Ինչպե՞ս պետք է ՀՀ իշխանությունները արձագանքեին Էրդողանի այս հայտարարությանը։

2.4. Արդյո՞ք այս հայտարարությունից հետո ՀՀ-ն պետք է շարունակի Թուրքիայի հետ մերձեցման ներկա քաղաքականությունը:

ԹԵՄԱ 3. ՀՀ կառավարության հրավերը Թուրքիային` մասնակցելու հայկական նոր ատոմակայանի կառուցմանը

3.1. Վերը քննարկված հարցերի համատեքստում՝ ինչպե՞ս եք գնահատում 2009 թ. փետրվարի 21-ին ՀՀ վարչապետի հրավերը Թուրքիային` մասնակցելու Հայաստանում նոր ատոմակայանի շինարարությանը:

3.2. Ի՞նչ կտա Հայաստանի Հանրապետությանը Թուրքիայի մասնակցությունը:

3.3. Ազգային անվտանգության ի՞նչ խնդիրներ կարող են առաջանալ ատոմակայանի կառուցմանը Թուրքիայի մասնակցության պարագայում:

3.4. Ինչո՞ւ իր առաջին հայտարարությունից 20 օր անց՝ մարտի 12-ին ՀՀ վարչապետը փոխեց իր դիրքորոշումը, ասելով, որ Թուրքիայից ակնկալվում է միայն ֆինանսական մասնակցություն՝ Հայկական նոր ատոմակայանի բաժնետոմսերի մի մասը թուրքական ընկերություններին վաճառելու միջոցով:

3.5. Համաձա՞յն եք արդյոք թուրքական ընկերություններին ՀՀ նոր ատոմակայանի բաժնետոմսերի վաճառքի գաղափարին։

http://blog.ararat-center.org/?p=191




Հարցման պատասխաներն էլ կան արդեն

http://www.ararat-center.org/?art=41&p=22&l=arm

[Տրիբուն]

Աբդուլա Գյուլի կողմից, և նախագահին կոչ է արել ծառայել թուրք ժողովրդի շահերին, այլ ոչ թե իր էթնիկ արմատներին՝ դրանով իսկ նկատի ունենալով մոր կողմից Գյլուլի հայկական արմատները։

Հայերը ահագին շուստրի ժողովուրդ են: Փաստորեն բոլոր հայերը ինչ-որ մի պահի որոշել են իրենց կոչել թուրք ու մնացել են Ստամբուլում բանում, Միջերկրականի ու Էգեյանի ափերին, իսկ թուրքերին անվանափոխել են հայ ու ուղարկել են էս սարերի մեջ, ոչխար արածացնելու:

[Արիացի]

Հայերը ահագին շուստրի ժողովուրդ են: Փաստորեն բոլոր հայերը ինչ-որ մի պահի որոշել են իրենց կոչել թուրք ու մնացել են Ստամբուլում բանում, Միջերկրականի ու Էգեյանի ափերին, իսկ թուրքերին անվանափոխել են հայ ու ուղարկել են էս սարերի մեջ, ոչխար արածացնելու:

Այսինքն?
Չասես սրտիդ մոտ մի ընդունի

[Fedayi]

Միջազգային լրատվամիջոցները ակտիվորեն տարածում են Հայաստանի և Թուրքիայի միջև մոտակա օրերին կնքվելիք համաձայնությանը… Ըստ նրանց՝ այն կնքվելու է հետևյալ երեք հիմնական կետերի շուրջ.

Բացվում է սահմանը և հաստատվում են դիվանագիտական հարաբերություններ:

Երկու երկրների կողմից ստեղծվում է հանձնաժողով, որը կուսումնասիրի երկրների միջև առկա խնդիրները:

ԱՄՆ-ն այլևս հետ կկանգնի հրապարակային գործողություններից, որոնք վերաբերում են երկրների պատմական վեճերին:

Ո՞ր կողմի դիվանագիտական հաղթանակն է սա:

[Պանդուխտ]

[B]Բացվում է սահմանը և հաստատվում են դիվանագիտական հարաբերություններ:

Այս հարցում կայ մի ստախօս, ո՛վ է նա՝ գիտեմ ոչ:

ԷՐԴՈՂԱՆ.«ԹՈՒՐՔԻԱ-ՀԱՅԱՍՏԱՆ ՍԱՀՄԱՆՆԵՐԸ ՊԻՏԻ ՉԲԱՑՈՒԻՆ, ԵԹԷ ԼԵՌՆԱՅԻՆ ՂԱՐԱԲԱՂԻ ՀԱՐՑԸ ՉԼՈՒԾՈՒԻ»
Ադրբեջանական «Թուդէյ.ազ» օրաթերթը կը հաղորդէ, որ Թուրքիոյ վարչապետ Ռեջեբ Թայիբ Էրդողան յայտնեց, որ «Թուրքիա որեւէ պետութեան դէմ ժխտական կեցուածք չի ճշտեր, սակայն դժբախտաբար Թուրքիոյ դէմ այդ կեցուածքը գոյութիւն ունի։ Ան ըսաւ, թէ «Հայոց ցեղասպանութեան հարցը տակաւին գոյութիւն ունի»։

Թուրքիոյ վարչապետը կը յայտնէ, որ Թուրքիա 1915-ի դէպքերը երբեք «ցեղասպանութեան» մակարդակի չէ բարձրացուցած, իսկ հայկական «լոբի»ն «ցեղասպանութիւն» բառը օգտագործելով կը շարունակէ հարցը միջազգային մակարդակի վրայ քննարկել։

«2005-ին Հայաստանի նախագահ Ռոբերտ Քոչարեանին ուղարկեցի նամակ մը, որուն մէջ ցեղասպանութեան հարցը հետաքննելու ընդհանուր յանձնախումբ մը ստեղծելու կարիքը նշեցի, սակայն դժբախտաբար, նամակին պատասխան չստացանք», ըսաւ ան։

Ըստ Էրդողանի, Թուրքիա երբեք պիտի չճանչնայ հայկական կողմի ամբաստանութիւնները։ «Եթէ հարցը չլուծուի, Թուրքիա Հայաստանի հետ սահմանը բանալու պիտի չհամաձայնի», ըսաւ ան։

Թուրքիոյ վարչապետը յայտնեց, որ Անկարա հարցը Ադրբեջանի եւ Հայաստանի հետ քննարկած է, սակայն Միացեալ Նահանգներ, Ռուսիա եւ Ֆրանսա եւս պէտք է տագնապին լուծումը արագացնեն։

Ըստ Էրդողանի, Թուրքիա միշտ զօրավիգ կանգնած է շրջանին մէջ խաղաղութեան, ուստի առաջարկած է Կովկասի մէջ տագնապներու լուծման նախաձեռնութիւն մը։ Ան ըսաւ, որ եթէ Թուրքիա Կովկասեան նախաձեռնութիւնը չառաջարկեր, Վրաստան եւ Ռուսիա հայ-թրքական յարաբերութեանց խնդիրը պիտի ունենային։

Միւս կողմէ, «Սի.Էն.Էն. Թիւրք» հաղորդեց, որ Թուրքիոյ վարչապետը յայտնած է, թէ մինչեւ որ Լեռնային Ղարաբաղի տագնապը չլուծուի, Թուրքիա-Հայաստան սահմանը պիտի չբացուի։

Աղբիւր՝ http://www.aztagdaily.com/DisplayNews.php?ID=20563

[Վիշապ]

Միջազգային լրատվամիջոցները ակտիվորեն տարածում են Հայաստանի և Թուրքիայի միջև մոտակա օրերին կնքվելիք համաձայնությանը… Ըստ նրանց՝ այն կնքվելու է հետևյալ երեք հիմնական կետերի շուրջ.

Բացվում է սահմանը և հաստատվում են դիվանագիտական հարաբերություններ:

Երկու երկրների կողմից ստեղծվում է հանձնաժողով, որը կուսումնասիրի երկրների միջև առկա խնդիրները:

ԱՄՆ-ն այլևս հետ կկանգնի հրապարակային գործողություններից, որոնք վերաբերում են երկրների պատմական վեճերին:

Ո՞ր կողմի դիվանագիտական հաղթանակն է սա:

Ինչ որ տեղ դու հաղթանակ ե՞ս տեսնում: Դասական հավայի շուխուր է, ոչ էն է Օբաման ցեղասպանություն բառը յանի ասի, ու հանկարծ մոռանա, ոչ էն է հայկական զորքերը դուրս բերվեն Ղարաբաղից, ոնց Մեծյու Բռայզան է երևակայում, մի խոսքով տուպիկային վիճակում սենսացիոն բլթոցներ, բալքիմ մի բան դուրս գալու բաբաթ մուրազով, թյուրքիշ բույուք բեքլենթիլեր:

[Norton]

Ո՞ր կողմի դիվանագիտական հաղթանակն է սա:

Նախ դեռ ոչ մի բան չի ստորագրվել, որ մի հատ էլ հաշվարկենք: Չի կարելի ասել, որ եթե փաստաթուղթ ստորագրվի կլինի այս կամ այն կողմի հաղթանակ, կամ մյուս կողմի պարտություն: Կոմպրոմիս է՝ երկու կողմերն էլ գնում են զիջումների, բայց հաշվարկելով ,որ ապագայում դրանից կշահեն:
Ուղղակի այստեղ մի պահ կա՝

Երկու երկրների կողմից ստեղծվում է հանձնաժողով, որը կուսումնասիրի երկրների միջև առկա խնդիրները:

Այս կետի մեջ ամենայն հավանականությամբ կմտնի նաև պատմաբանների համատեղ խումբ ստեղծելու հարց ու եթե մեր դիվանագետները չհասնեն այդ հարցի չեզոքացմանը, կամ գոնե հիմնական փաստաթղթից առանձնացմանը, ապա ըստ իս կարելի համարել մեր դիվանագիտության ջախջախիչ պարտություն:

[Արիացի]

Այս կետի մեջ ամենայն հավանականությամբ կմտնի նաև պատմաբանների համատեղ խումբ ստեղծելու հարց ու եթե մեր դիվանագետները չհասնեն այդ հարցի չեզոքացմանը, կամ գոնե հիմնական փաստաթղթից առանձնացմանը, ապա ըստ իս կարելի համարել մեր դիվանագիտության ջախջախիչ պարտություն:

ճիշտ ես: Ցեղասպանության հարցը չի կարող լինել քննարկման առարկա մեր կողմից: Հուսով եմ մեր իշխանությունները այնքան խելք կունենան, որ կհասկանան, որ նման բան թույլ տալը իրենց համար հավասարազոր է ինքնակապիտուլյացիայի: