Ակումբցիների առաջին տպավորություններն իրար մասին

[ars83]

Առաջիկա երկու օրերին զբաղված եմ լինելու, հիմա գրեմ: Ակումբի մեգա-հանդիպումից հետո առաջացան երկակի զգացումներ մոտս. շատ հաճելի ու ուրախալի՝ իմ հին գանձերին հանդիպելու, նոր շատ հետաքրքիր ակումբցիների հետ ծանոթանալու առիթով և տխուր և ափսոսալի՝ այն պատճառով, որ ոչ բոլորն էին եկել նրանցից, ում շատ կուզենայի տեսնել: Դրանցից երեքը՝ Օ'Հայկը, Jarre-ը ու Ungrateful-ը (միայն երևանաբնակներից եմ նշում, էլի): Հիմա գամ նոր ձեռքբերումներիս: (Ում հետ որ հասցրի քիչ թե շատ շփվել)

Leo Negri Դրական տպավորությունը, որը ստացել էի գրառումներից, ավելի ամրապնդվեց, անձամբ ծանոթանալու և մի քանի բառ փոխանակելուց հետո: Ճիշտ է, Գայլն իրան տարավ «անտառ» իմ մոտից (ինքը մեծ ոգևորությամբ գնաց Գայլի ետևից), բայց «դրական լիցքերից» ինձ էլ փայ հասավ: Շատ հաճելի կլինի հնարավորության դեպքում նորից հանդիպել, զրուցել:

Չեմ հիշում, Gayl-ի մասին գրած կամ, թե չէ, բայց առաջին անգամը չի, որ հանդիպում եմ: Ու առաջին անգամը չի, որ հաճելի ա շփվելն ու զրուցելը Վահագի հետ:

kyahi-ն դրական տպավորությունների մի շտեմարան էր: Շատ համակրելի ժպիտ ունի
ու հաճելի զրուցակից է: Այնպիսի թեթև շփման միջավայր է ստեղծում, որ թվում է՝ զրուցում ես վաղուց ծանոթ մարդու հետ: Շատ ուրախ էի ծանոթության համար:

Ժունդոն էն իրա պայծառ ժպիտով որ չի ժպտում, անհնար է, որ մարդ պատասխան չժպտա: Շփումը շատ երկար չէր, ցավոք, բայց շատ ուրախ:

Էս մարդը էն գլխից շատ հավեսին ու հետաքրքիր մարդ էր երևում: Համոզված էի, որ տեսնեմ, կարծիքս ամրապնդվելու է: Չսխալվեցի, իհարկե: Հումորով, գիտելիքներով ու ներքին հարուստ ու հետաքրքիր աշխարհով My World My Space-ի, в простонародье Հովոյի հետ ծանոթանալը արտակարգ նվեր էր ինձ համար: Հով ջան, :

Եվ վերջապես, այդ հանդիպման չափերով ամենափոքր, բայց պատճառած ուրախությամբ ամենամեծ «ծանոթս» (մի-տեսակ չի հնչում էս բառը էս լույսի կտոր մարդուկի պարագայում) Մերի Վազգենովնան էր: Սաղ ակումբ-ինտերնետներով խոսում են(ք) համբերությունից, տոլերանտությունից, և այլն: Մենակ տեսնեիք, թե էս պուճուր հրեշտակը ոնց էր էն խլացնող աղմուկին անտրտունջ քնել ու ոնց էր հետո առանց որևէ լացի կամ կապրիզի պարում ու ժպտում: Մենակ էս լուսավոր ընտանիքը միասին տեսնելը մարդու տրամադրությունը հազարավոր անգամներ բարձրացնում է: Մերի ջան, (ինձ թվում ա՝ էս զմայլիկը ես գրանցվածս օրվանից երկրորդ անգամ եմ ընդամենը դնում, առաջին անգամը Օ'Հայկի հասցեին էր, բայց դե նա էլ ա խոխա, լի՛: )

[ՆանՍ]

Նաիրուհի ջան հաստատ ենք պարելու, բայց խոստացիր,որ էդ ժամանակ արդեն հազդ կտրված ա լինելու :
Իսկ ընդհանուր,Երեխեք ջան, ում հետ հասցրեցի շփվել,բոլորդ էլ շատ լավն էիք,բայց ինձ համար օրվա թագուհին մեկն էր. քաղցր, պուպուշ, համով Մերիկոն, իսկ օրվա հերոսուհին էն կյաժ աղջիկը

[AniwaR]

Չկա-չկա, մի երկու բան էլ ես գրեմ: Զուտ տպավորություններ՝ առանց կոմպլիմենտների ու առավելապես անկարևոր ու անկապ:

Helium-ը: Ինքը միաժամանակ համ շատ համեստ էր, համ էլ շատ... մմմ... չգիտեմ էլ ինչ ասեմ: Ոնց որ ես լինեի, ճիշտն ասած: Միաժամանակ բավականին շփվող էր ու սիրուն պարում էր: Տպավորությունները՝ միմիայն դրական:

Leo Negri-ին մոտավորապես 2 տարի վիրտուալ ճանաչում էի, բայց առաջին անգամն էի տեսնում. լրիվ իմ պատկերացրածի նման էր, մենակ միիիի պուճուր (շատ պուճուր) ավելի բարի, հմ: Հա, ու շատ ավելի բարձրահասակ էի պատկերացնում:

Ժունդիային էլ իրականում շատ ավելի սիմպո ա, քան երևում ա նկարներում: Շողշողան, արևավառ: Այ իրան էլ շատ ավելի ցածրահասակ էի պատկերացնում:

Մմմ... ars83, պապառացի՛ Էն անամոթ նկարի համար ներողություն եմ խնդրում, ջղայնացել էի: Հուսով եմ մարդամեջ չեք հանի, առանց դրան էլ արդեն մի բոլ խայդառագ եմ եղել (ինձ հասարակական վայրերում պարել չի կարելի):

Այսքանը...

[Lord]

Նաիրուհի ջան հաստատ ենք պարելու, բայց խոստացիր,որ էդ ժամանակ արդեն հազդ կտրված ա լինելու :
Իսկ ընդհանուր,Երեխեք ջան, ում հետ հասցրեցի շփվել,բոլորդ էլ շատ լավն էիք,բայց ինձ համար օրվա թագուհին մեկն էր. քաղցր, պուպուշ, համով Մերիկոն, իսկ օրվա հերոսուհին էն կյաժ աղջիկը

կյաժի անունը Անի էր

[matlev]

կյաժի անունը Անի էր

Ու դու մենակ անունը հասցրեցիր իմանա՞լ:

[Lord]

Ու դու մենակ անունը հասցրեցիր իմանա՞լ:

չէ, ինձ ինչ պետք էր ես իմացա, բայց դե էտ իմ գործնա

[ars83]

Մմմ... ars83, պապառացի՛

Ըհը, մարդ էսքան ջանք գործադրի, որ ակումբի պատմական հանդիպումից ինչքան հնարավոր ա շատ հաճելի հուշեր մնան լուսանկարների տեսքով, սենց զմայլիկ դնեն իրա հասցեին:

Էն անամոթ նկարի համար ներողություն եմ խնդրում, ջղայնացել էի:

Եթե ես ճիշտ եմ պատկերացնում, որ նկարի մասին ա խոսքը, ապա թող Բայանդուրը մտածի՝ այդ խոսուն ժեստը, ինչքանով հիշում եմ, իր գլխի հարևանությամբ էր ցուցադրվում:

Հուսով եմ մարդամեջ չեք հանի, առանց դրան էլ արդեն մի բոլ խայդառագ եմ եղել (ինձ հասարակական վայրերում պարել չի կարելի):

Կակ Վամ սկազած Ֆոտոխցիկը Սասունինն էր (քաղաքացի), տեղադրման դիրիժորն ինքն է: Բայց իմ համեստ կարծիքով, ֆորումի հասարակությունը՝ ներառյալ ինձ, միայն ուրախ կլինի քեզ տեսնելու:

[Միքո]

Հա, մի րոպեով մտել եմ ակումբ, որ առաջին տպավորություններովս կիսվեմ, քանի թարմ են
Մեր մեջ ասած մեր Գելը կարգին, համով-հոտով տղայա

էսքանը

չէ հա

[StrangeLittleGirl]

Katka-ն... դեմք էր Վերջապես համոզվեցի, որ ինքը կա, որ ինքը աղջիկ ա ու որ կարգին դեմք ա

[Dayana]

Katka-ն... դեմք էր Վերջապես համոզվեցի, որ ինքը կա, որ ինքը աղջիկ ա ու որ կարգին դեմք ա

Ես արդեն մի տարի ա փորձում եմ համոզվել, որ Կատկան կա ու ինքը աղջիկ ա բայց հաստատ կարգին դեմք ա

[Ֆոտոն]

Էս անգամ գրելու եմ:
Ժուդիայիին որ տեսա, հեչ չզգացի, որ առաջին անգամն էինք տեսնում: Ինչպես միշտ խելացի ու եռանդուն, ժպտուն ու համեստ: Ընկերուհու հետ երկու արև էին սեղանի շուրջ: Շատ ուրախ եմ, որ մանավանդ հենց այս հանդիպմանը Ձեզ տեսա:
Կյահիին էդքան լուսավոր ու ժիր չէի պատկերացնում, շատ կրակոտ աղջիկ էր, բայց էն պուճուր-մուճուր ժիր ու սիրունիկ տարբերակից:

Լեո-Նեգրի:
Գրառումներով երևի չէի ճանաչում, միայն ավատարներով:
Մանկական չարաճճի հրմշտուքներով դրական էներգիայի աղբյուրներից էր:
Հետաքրքիր է, որ ներս մտա, մտածեցի, թե իրեն որտեղի՞ց գիտեմ, հետո նոր մտքումս ծիծաղեցի. բայց ախր ակումբում նկարները դրել էր:
Հելիումին կարող ա տեսել էի, բայց էս անգամ քիչ մը ճանաչեցի: Սեղանի շուրջ համեստ ու լուրջ ժպիտով, մտքովդ չէր անցնի, որ ինքը կխոսի: (սեղանի մյուս գլխից, համենայնդեպս, ձայն չէր հասնում: ) Մի րոպե հետո կտեսնեիր կրքոտ ու շատ սիրուն պար: Շատ սիրուն ես:
ՆանՍը ինձ դուր եկավ, շփվող, թեթև, հանգիստ աղջիկ է:

Չեմ հիշում, էլ ում եմ առաջին անգամ տեսել:
Էրեխե՜՜՜՜՜՜՜ք, էս ի՜՜՜՜նչ լավ, սիրուն, հրաշալի, երանելի, սիրառատ, դրական հանդիպում էր, ես ձԵզ սիրում եմ: ՇԱ՜Տ-ՇԱ՜Տ

[SSS]

Հելիումը աղջիկա թե տղա?

[Tig]

Ժող, ներողություն եմ խնդրում մնացածներից, բայց մենակ Ժունդայիի մասին եմ գրելու: Տենց լուսավոր մարդկանց որ հանդիպում եմ, համոզվում եմ, որ էս աշխարհը հիասքանչա
Ու ասեմ, որ բախտս իսկականից բերեց, որ Ռաֆի հետ դեմդիմաց էինք նստած: Ճիշտն ասած նրա գրառումները շատ չէի կարդացել, բայց կարդացածներս շատ խելացի մարդու տպավորություն էին թողել, բայց որ էդ ամենի հետ մեկտեղ Ռաֆը էդքան լուսավոր կլիներ… Իսկ Արմինեն էլ կրկնապատկում էր այդ լույսը:

Հա, էրեխեք ջան, ես էլ եմ բոլորիդ շատ շատ սիրում


Չէ, Երվանդի մասին էլ պիտի գրեմ: Էն որ ասում են կարգին տղա, էդ ինքնա ու շատ լավ թամադայություն էր անում… Երվանդ ջան, քո հետ կարելիա էլի հավեսով խմել, կարծում եմ հլը առիթներ կլինեն

[VisTolog]

Հելիումը աղջիկա թե տղա?

Աղջիկ:

[Lord]

Հելիումը աղջիկա թե տղա?

Իհարկե աղջիկ, էնել ինչ, լավիկնա