Ակումբցիների առաջին տպավորություններն իրար մասին

[Ռուֆուս]

Իմ Word, Իմ Excel-ը (My World My Space) դեմք ա Հավես տիպ ա, ոնց որ անեկդոտների շտեմարան լիներ, իրար հետևից անեկդոտներ էր պատմում, էլ գյումրվա բարբառով, էլ լոռվա բարբառով, էլ ղափանի բարբառով, դե արի ու մի ծիծաղի Շատ ջերմ, ընկերասեր մարդու տպավորություն թողեց Լավն ես, Հով ջան Վերջապես էսօր կումիռիս տեսա

[Chuk]

Շինարարի հետ ճիշտն ասած վաղուց էի ուզում ծանոթանալ:
Էսօր վերջապես հաջողվեց: Սպասելիքս արդարացավ. հանգիստ, չբռնկվող, հավասարակշռված մարդ: Էն մարդկանցից ա, որ հաստատ կողքինին զորավիգ կլինի. գոնե առաջին տպավորությունս էդպիսին էր: Չնայած բողոքում էր, որ լավ չի լսում, բայց ինչքան էլ կամաց էի խոսում, մեկ է, համառորեն լսում էր: Էլի գովերգ է ստացվում, բայց դե ինչ անեմ, հիմա մեր ունեցածն էլ էդ է: Ինձ շատ ուրախացրեց, որ չնայած առաջին հանդիպմանը շատ հեշտ էր հետը խոսք ու զրույցի բռնվելը, մի թեմայից սահուն մյուսին անցնելը: Հաջորդ անգամ Վանաձորում կհանդիպենք, բայց հույս ունեմ, որ հանդիպումները ուշ-ուշ չեն լինի:

My World Mu Space-ից սպասելիքներս չարդարացան: Սպասում էի տեսնել մեծ փորով բեղվար մարդու, ով ճկույթի եղունգը երկարացրած անընդհատ հայկական ա պարում: Բայց տենց չէր: Կարճ կարելի է ասել, որ իրա հետ չես ձանձրանա. շատ է խոսում, բայց ի տարբերություն լիքը ուրիշ շատ խոսողների համ ու հոտով է խոսում: Կուզեի ավելի մոտիկից շփվել, հուսով եմ, որ կհաջողվի:

[Շինարար]

Շինարարի հետ ճիշտն ասած վաղուց էի ուզում ծանոթանալ:

Չուկ ջան, առողջական դեֆեկտներս խի՞ ես ասում, հիմա ակումբից էլ աղջիկ չի ուզի ինձ Ես չեմ արտահայտվում, որովհետև դու ադմին ես, վախենում եմ շատերի կողմից միանշանակ չընդունվի: Երևի կարևոր էլ չի արտահայտվելը բայց քանի որ էս գրառումը արեցի, ուզում եմ երկու հոգու մասին էլ ես արտահայտվեմ: Միքո ջան ու Լորդ ջան՝ դիմացը օտարագիր շեշտ, էսօր ինձ համար ձեզ տեսնելը անակնկալ էր, զգացված եմ, որ քիչ չի մի օր մի կես բերան ասածս, իմա՝ գրածս, հիշել եք, հլա մի բան եկել էիք, ինձ շաատ լավ զգացի Ոնց որ տպավորություն չի գրածս, բայց էսքանից կարելի ա մարդկանցից տպավորություն ստանալ

[My World My Space]

Դե հմի արի սրանցից հետո բան գրի......
բայց մեկ ա գրելու եմ....

Ռուֆուս ջան-ջանը ախր շատ հետաքրքիր տիպ ա է՜ (վայ հետաքրքրվի ինքը հաաաաաա՜): Ոտից գլուխ դրական էմոցիայա, որ կողքիդ ա լինում դրականը մի տեսակ էնքան շատ ա լինում: Դե արմատներն էլ իրանցն են անում էլի.... "ինսանն ո՞ւրդից կեղնի...." Հայկ ջան իրոք շատ ուրախ եմ որ քեզ ճանաչեցի, դեռ կհասցնենք իրար հետ գարեջրվել, հուսով եմ.....

Չուկ- արա էս ի՜նչ դժվար բան ա ղեկավարության մասին բան գրելը.....: Չուկը աչքիս կամ ֆանտոմ ունի կամ էլ տռանսֆոռմեր ա. ակումբի դաժանիկ գրառումներ անող Չուկը չի: Նենց հանգիստ, խաղաղ: Մի քիչ ոնցոր նեղվել էր: Դե բեղավոր ու փորավոր Վորլդ տեսնելու սպասումներին ի դերև ելան....
Ինձնից բեթար րոպեն մեկ հեռախոսով ա խոսում, ավելի շատ հեռախոսով խոսաց քան մեր հետ: Հմի էսքանով կսահմանափակվեմ, որ մի անգամ էլ հանդիպեմ, հետո իրա մասին ինչ մտածում եմ ստեղ արտահայտվելու եմ.....

Հ.Գ. Ի դեպ Չուկ ջան, Մեր խոսակցությունը ձայնագրել եմ, ու դու ինձանից 48 բառ ավել ես ասել.....

[Legolas]

Norton- Բարի, հավեսով,համեստ ու ընկերասեր:
Հավես ա Նորտոնի հետ,հարբած վիճակում իջնել փողոց՝պապիրոզ առնելու:Մենակ մի մտավախություն կա , ճամփին կարողա դասարանցիները հանդիպեն

Chuk -Ակումբի գրառումներից ոնց որ հավատս չգար, երեկ չէ առաջին օրը նկատեցի ու համոզվեցի. իսկապես ուրիշի մասին մտածող, ու շատ ազնիվ մարդ:

Կատարվեց վաղեմի երազանքս վերջապես տեսա Հայկօ -ին: Մի քիչ ուշ եկավ ու սկզբում ավելի շատ մտածում էր, քան խոսում:Առաջին տպավորությունները ակումբում եմ ստացել, ու շատ վաղուց: Որ ծիծակ կոշիկներ հագած գար ու իրա մաշնի բանտաժներից պատմեր էլ ,դրանք չէին փոխվի , կմտածեի հումոր ա անում:

*e}|{uka* - Առաջին տպավորության օրվանից մինչ օրս՝

քաղաքացի- Երկրորդ անգամ էինք հանդիպում Սասունի հետ ու ախպերավարի բարև-բայլուս

Ձայնալարի էն մեր հայկական զուլալ երգերց, անսպասելի ու հանկարծակի մեջբերումները վերջն էին



Մնացած ջան, չգիտեմ ինչ գրեմ

[Երկնային]

Ուզում եմ Տիգրանի ու Հասմիկի մասին գրեմ
Դուր եկան շա՜տ, սիրեցի շա՜տ… իրանք էն տեսակի մեջ են մտնում, որ չես կարող իրարից առանձին պատկերանել, ու պատկերացնում ես իրար գրկած կամ ձեռք բռնած սենց բարի, խաղաղ դեմքով, խորը հայացքով, տաքուկ… ու հենց կայֆն էլ էն ա, որ իրանց մասին խոսելուց, կարելի ա ասել «իրա», այ էդքան իրանք մի են… շատ-շատ լավ տպավորություն ստացա… ապրեք

իսկ որ հետ էինք գալիս, վերջից տեսա ոնց էին իրարից մի քիչ հեռու նստած, իրար ձեռք բռնած նստել քանի ժամ ա… ու հաստատ էդ դիրքը էդքան էլ հարմար չէր. օդում իրար ձեռք բռնելը բայց իրանք բռնել էին… կյանքում չեմ մոռանա էդ տեսարանը

[Tig]

Լավ, որ Երկնայինը սենց սիրուն նկարագրելա մեզ՝ իրանից էլ սկսեմ Շատ շատ շնորհակալություն Արուսիկ ջան: Ուրեմն սենց, Արուսիկը շատ, շա՜տ երկնայինա, ոնցոր պստիկ, համովիկ բալիկ լինի: Էն երեխեք են է լինում, որ ուզում ես բռնես ու ուտես...

Շատ հոյակապ տպավորություն ստացա Կասիոպեայից ու Աթեիստից: Բայց մեկա Կորյունչիկին չէին հասնի… Էդ ինչ խելոք ու համով բալիկ ա: Արտակի հետ ժամերով կարելիա զրուցել ու անընդհատ նոր թեմաներ բացել, ու ամեն մի թեմայով անեկդոտը պատրաստա… Վերան էլ շատ սուր աչք ունի, նկատում էի, որ անընդհատ լավ կադրերա բռնացնում ու նկարում:

Չուկենք ուշացումով եկան: Ափսոս… Էն պահին որ իրանք հասան, մենք արդեն ահագին սար ու ձոր էինք բարձրացել ու լավ հոգնած էինք… Չուկ ու Ֆոտոն զույգը ինձ շատ են դուր գալիս, շատ ներդաշնակ են…

Դե մնացածի հետ առաջին անգամը չէինք հանդիպում ու ամեն անգամ ավելի ու ավելի շատ դրական լիցքեր եմ ստանում իրանցից…

[Cassiopeia]

Tig և Rainbow Իրար համապատասխան և այսքան հարմոնիկ ամուսնական զույգ երևի մեկ էլ մենք ենք : Տիգրանը խելացի ու խորիմաստ մարդու տպավորություն թողեց: Խոսում է, երբ ասելիք ունի: Անիմաստ բառեր չի շռայլում: Հասմիկը առաջին հայացքից ամաչկոտ ու համեստ մի աղջիկ է, որը առիթի է սպասում, որ ամբողջությամբ բացի իր էությունը:


Դատարկություն Շատ ջերմ անձնավորություն է: Մանուկներին էլ շատ է սիրում: Կորյունի հետ իրեն էնպես էր պահում, ասես Կորյունի հետ հին ընկերներ լինեին: Այնքան սեր ու ջերմություն կա աչքերում: Չեմ հասկանում, թե ինչի է մականունը Դատարկություն, պիտի Լիություն լիներ:

Շինարար Լո՞ւրջ, չէ, պարզապես խոսքի գինն իմացող մարդ է: Յուրաքանչյուր բառ ասելիս ծանրութեթև է անում, նոր խոսում: Շատ լավ հայր կլինի :-)

[Ռուֆուս]

Նկարն ինչ լավն ա... Ամեն ինչ ասում ա Տիգրանի ու Հասմիկի մասին

[Cassiopeia]

Շինարար Լո՞ւրջ, չէ, պարզապես խոսքի գինն իմացող մարդ է: Յուրաքանչյուր բառ ասելիս ծանրութեթև է անում, նոր խոսում: Շատ լավ հայր կլինի :-)

Վայ, հենց նոր զգացի, որ Շինարարին ակամա «անլուրջ» եմ անվանել: Չէ, տենց բան չկա, հակառակը, շատ հավեսով անձնավորություն է ու բավական լուրջ:
Ամոթ ինձ

[Շինարար]

Վայ, հենց նոր զգացի, որ Շինարարին ակամա «անլուրջ» եմ անվանել: Չէ, տենց բան չկա, հակառակը, շատ հավեսով անձնավորություն է ու բավական լուրջ:
Ամոթ ինձ

Cassiopeia ջան, առաջին մարդը չես, որ ինձ ջրիկ ա անվանում բայց դե ձեզ մոտ աշխատում էի ինձ ծանր պահեմ Քո ու Աթեիստի բախտը ինչքան ա բերել, որ իրար ունեք ու ամենակարևորը Կորյուն ունեք

[Minerva]

Ես էլ համառոտ գրեմ առաջին տպավորություններս, քանի դեռ չեմ մոռացել:

Նախ ասեմ, որ հանկարծակի որոշեցի հանդիպման գալ: Ոչ մեկին ռեալում չէի հանդիպել, բայց մտածում էի` ոնց էլ չլինի Ռայադերին հաստատ կճանաչեմ: Գնացի, շրջապատում ոչ մի ռայադերանման անձնավորություն չկար, արդեն պատրաստվում էի հետ դառնայի, մեկ էլ տեսնեմ երեք հոգի գալիս են: Ռայադերին ճանաչեցի` չնայած ոչ էնքան հաստատ, ինչքան սպասում էի: Հետո էնքան շատ մարդիկ եկան, որ բոլորի հետ նույնիսկ ծանոթանալ չհասցրի, էլ ուր մնաց` շփվել, մանավանդ որ ես էլ նենց մի շփվողը չեմ: Էնպես որ, եթե բոլորին չհիշեմ, կներեք:

Սկսենք սկզբից:

Ռայադերը լավ կիթառ էր նվագում: Համ էլ իմ ամենասիրած երգերից մեկը երգեց Հախվերդյանի երգացանկից: Բայց ռեալում տարբեր էր վիրտուալից: Ռայադեր, հիշու՞մ ես` ինչ ասեցիր, երբ դիմակների մասին էինք խոսում: Ա'յ, ինձ թվում ա` մի փոքր հասկացա` ինչ նկատի ունեիր:
Վելվետը շատ սիրուն կիթառ ունեցող աղջիկ ա: Շատ օրիգինալ երևույթ ա, բայց էդ օրը մի տեսակ հոգնա՞ծ էր, բարկացա՞ծ էր, ձանձրացա՞ծ էր, թե՞ ինչ, չիմացա:
Կյահին տիպ ա: Աշխույժ, շփվող, ասող-խոսող, լավ էլ բլատնոյ ա երգում:
Միքոն շատ լավն ա: Էն մարդկանցից ա, որ միանգամից համակրանք են առաջացնում:
Հինատաները շատ խելացի, հետաքրքիր, անմիջական երեխեք էին: Շատ էին տարբերվում իրենց հասակակիցներից:
Գարդմանիանն իմ օրի մարդ էր: Սուսուփուս եկավ, իրա համար խելոք նստեց, գնաց:
Ագնին շատ հաճելի աղջիկ ա: Քիչ շփվեցինք, բայց շատ հավանեցի իրան:
Արտգեոյին ես ուրիշ կերպ էի պատկերացնում` ավելի տարիքով, ավելի լուրջ ու ընդհանրապես` ավելի Վրաստանում ապրող: Բայց սխալվում էի:
Գեսթն ու Ասպարան (հույս ունեմ` նիքը ճիշտ գրեցի) շատ սիրուն զույգ էին, Գեսթը լավ էլ մաֆիա էր խաղում:
Ռուֆուսը լավն էր: Տպավորություն ստացա, որ շատ բարի ու հանգիստ անձնավորություն ա:

Էսքանը ոնց որ: Եթե հիշեմ, էլի կգրեմ: Հա, մեկ էլ շատ ուրախ եմ, որ Հայկոյի հետ ծանոթացա` չնայած ամենավերջում:

[Minerva]

Էլի հիշեցի:

Եվուկը ժպտերեսիկ, սիրունիկ, ամաչկոտ աղջիկ էր: Շատ դուրս եկավ, միանգամից սիմպատիա առաջացրեց:
Նորթոնի հետ գրեթե չշփվեցի, բայց մաֆիայի ժամանակ խելացի ու հետաքրքրի մարդու տպավորություն թողեց:
Վիստոլոգի հետ ընդհանրապես չշփվեցի: Ինձ թվաց` ամաչկլոտ ա ռեալում` չնայած վիրտուալում տենց տպավորություն չի թողնում: Բայց սանրվաքծը շատ լավն էր:

[Երվանդ]

Վաղուց էի երազում Կածյուշի հետ ծանոթանալ , էսօր լրիվ պատահական ստացվեց, ու պարզվեց որ ես իրան վաղուուց ճանաչում եմ ուղղակի ահագին ժամանակ չէինք հանդիպել, Կատ փոշմանեցի որ վերջում ասեցի հաճելի էր, իրականում նենց էր որ շաաատ շուտվանից քեզ գիտեմ

[Katka]

Եր, հիմա կմտածեն ես երկրորդ նիկ եմ:
Ըհը՛, մենք վաղուց գիտենք իրար : Դու էլ սկզբում ձեւ բռնեցիր մթոմ չգիտենք, ծանոթ չենք:
Մեկ է, էն, ոնց մտածում ես/եմ, սխալ է, ու ես վստահ եմ, որ մի օր այ տենց նստելու ենք ու դու լրիվ ուրիշ բաներ ես ասելու:
Երոն կամակոր է ու լայն սրտով: Դիմացինի նրբանկատությունը կարեւոր է: