Ակումբցիների առաջին տպավորություններն իրար մասին

[keyboard]

Սաղ էդ Ծելեգրամն էր։ Հոսն էնքան վստահ էր պնդում, որ իգական սեռի ա, որ վերջը չստացվեց չհավատալ Ախր ո՞նց չհավատայի, երբ նույնիսկ մարդ էր մեջ գցում, «ապացույցներ» ներկայացնում

Հոսը չի սխալվել

[CactuSoul]

Հոսը չի սխալվել

Հը՞ն

[keyboard]

Հը՞ն

Էդ արդեն <հերոսից> ճշտի Անի ջան, բայց Հոսը ում մասին որ ասել ա, իգական սեռի ա եղել ու հիմա էլ իգական սեռի ա

[CactuSoul]

Էդ արդեն <հերոսից> ճշտի Անի ջան, բայց Հոսը ում մասին որ ասել ա, իգական սեռի ա եղել ու հիմա էլ իգական սեռի ա

Ok, բայց ինքն ասում էր, որ էդ մարդը նույն ինքը՝ Ծլնգն ա ))

[keyboard]

Ok, բայց ինքն ասում էր, որ էդ մարդը նույն ինքը՝ Ծլնգն ա ))

Անի ջան, ասում եմ ճիշտ էր ասում, մնացածը դու իրանցից ճշտի

[Ծլնգ]

ո՞ւր ա Անվերնագիրը իր ադիբուդիով էս վիզ նեղ պահին․․․

[Ծլնգ]

հազիվ կիսատ-պռատ ուշկի եկա (հավատս էլ չի գալիս, որ 'տնաշենները' 'տնաշենն էր' եմ գրել), ես էլ իմ տպավորությունների մասին գրեմ․

boooooooom․ հավես զրուցակից էր ու իմ տեսածով՝ հոյակապ անձնավորություն։ Ուրախ եմ, որ «առաջինը» հենց իր հետ հանդիպեցի։ Կարծում եմ մեկ ուրիշ զուգահեռ կյանքում իրար լավ ընկերներ կլինեինք։ Ափսոս չստացվեց իրար հետ հեծանիվ քշել։ Առաջին վայրկյանից էլ շատ անկաշկանդ շփում գնաց, այն աստիճանի, որ մի մեկուկես ժամ զրուցում էինք առանց իրար անունները իմանալու կարիքի․․․ երևի տենց անանուն էլ էլ իրար հրաժեշտ կտայինք, բայց եկավ John-ը

John, չեմ կարծում թե որևէ գրամ/միլիմետր/միլիլիտր ճանաչել եմ John-ին մեր հանդիպման ընթացքում։ Այս պատճառով դժվարանում եմ որևէ բան ասել իր մասին։ Լավ ասում/խոսում/պատմում էր, նաև իր մասին էլ, բայց, եսիմ, ոնց-որ իր մասին չլինեին այդ պատմածները։ Հակված եմ կարծել, որ իմ նկատմամբ իր հետաքրքրության պակասից էլ էր սա, բայց միգուցե և սխալվում եմ։

StrangeLittleGirl & Մորթեն․ հավես տիպեր էին Բյուրը աչքիս մի քիչ կաշկանդված էր թվում, Մորթենն էլ (հուսով եմ ճիշտ եմ անունը տարադարձում)՝ շատ ավելի ազատ ու շփվող։ Նենց տպավորություն է, որ Մորթենին շատ ավելի լավ ճանաչեցի քան Բյուրին։ Բայց հավես էր Բյուրի օնլայն ու օֆֆլայն անձերը իրար կցելը։ Չգիտեմ ինչու, բայց կարծում էի թե այդ երկուսը պիտի որ ահագին տարբեր լինեն միմյանցից․․․ հանդիպումը միտքս փոխեց՝ ահագին նման են իրար։

CactuSoul․ շատ կարճ ժամանակով իրար տեսանք, որի կարծես ամբողջ ընթացքում շոկի մեջ էր ինքը։ Այդ պատճառով հանդիպման ժամանակ իրենից բան չհասկացա․․․ բայց ինքը կարծես ահագին բան լսեց իմ մասին՝ Բյուրի ու Մորթենի հետ զրույցից։ Իր հետ-հանդիպման ակումբային վարքից երևի շատ ավելի շատ ճանաչեցի իրեն․․․․ օրինակ, որ գրեթե չունի հարգանք այլ մարդու բաց ինտերնետում իր մասին տվյալներ չտարածելու ցանկության/իրավունքի նկատմամբ, ինչպես նաև, որ իր հավաքած կցկտուր տվյալների վրա կառուցած ենթադրությունները ներկայացնում է որպես փաստ։ Սրանք հաշվի առնելով, ինչ-որ չափով զղջում եմ, որ հետը հանդիպեցի։

[CactuSoul]

....գրեթե չունի հարգանք այլ մարդու բաց ինտերնետում իր մասին տվյալներ չտարածելու ցանկության/իրավունքի նկատմամբ, ինչպես նաև, որ իր հավաքած կցկտուր տվյալների վրա կառուցած ենթադրությունները ներկայացնում է որպես փաստ։

Ծլնգ ջան, իսկ ես որտեղի՞ց պիտի իմանայի, որ ցանկություն չունես։ Իրականում ես կարգին գաղտնապահ եմ, երբեմն նույնիսկ չափազանց ու անտեղի։ Ու հիմա ոնց որ գլխիս սառը ջուր շուռ տաս։ Կներես, ամեն դեպքում։

Ու ընդհանրապես, ադմիններին խնդրում եմ ջնջել վերջին գրառումներս էս թեմայում։

[Ծլնգ]

Ծլնգ ջան, իսկ ես որտեղի՞ց պիտի իմանայի, որ ցանկություն չունես։

Հենց այսեղ էլ ընկած է հարգանքի պակասը․․․ ոչ թե իմ ցանկություն չունենալն է պետք իմանալ, այլ պետք է իմանալ ցանկություն ունենալս մինչև իրական կյանքում իմացածդ տվյալների օնլայն հրապարակումը։

Իրականում ես կարգին գաղտնապահ եմ, երբեմն նույնիսկ չափազանց ու անտեղի։ Ու հիմա ոնց որ գլխիս սառը ջուր շուռ տաս։ Կներես, ամեն դեպքում։

Ներելու բան չկա․․․ առցանց գաղտնապահ մարդու համար իրական կյանքում առցանց ծանոթների հետ հանդիպելը միշտ էլ հղի է այսպիսի բացահայտումների վտանգով։ Ակումբցիների հետ հանդիպելս հաշվարկված ռիսկ էր․․․ քո դեպքում այդ հաշվարկը այնքան էլ չգործեց․․․ բայց այդպիսին է կյանքը (այս վերջինն էլ ֆրանսիական լեզվամտածողությանս արդյունք կարող ես համարել)։

Ու ընդհանրապես, ադմիններին խնդրում եմ ջնջել վերջին գրառումներս էս թեմայում։

Իսկ սա միմիայն ավելի է թեժացնում այդ տվյալների հրապարակման ազդեցությունը։ Ծրագրավորող լինելով, պիտի որ լավ տեղյակ լինես, որ առցանց հրապարակված ոչ մի նիշ չի «ջնջվում», իսկ ջնջման խնդրանքը միմիայն ուշադրություն է հրավիրում ջնջվելիքի վրա։

Անձնապես քո դեմ ոչինչ չունեմ, CactuSoul ջան, ու անձնական մակարդակի վրա ուրախ էի քեզ իրականում հանդիպել։ Դրան ակումբային հետևածը մի քիչ սրտովս չի, բայց, նորից, սա ավելի շատ իմ մեղքն է, ոչ թե քո։ Սառը ջուրն էլ գլխիցդ թափ տուր․․․ եթե իհարկե դա չի օգնում այս տապը ավելի տանելի դարձնել

[Աթեիստ]

Ծլնգ ջան, իսկ ես որտեղի՞ց պիտի իմանայի, որ ցանկություն չունես։ Իրականում ես կարգին գաղտնապահ եմ, երբեմն նույնիսկ չափազանց ու անտեղի։ Ու հիմա ոնց որ գլխիս սառը ջուր շուռ տաս։ Կներես, ամեն դեպքում։

Ու ընդհանրապես, ադմիններին խնդրում եմ ջնջել վերջին գրառումներս էս թեմայում։

Էս սառը ջրի պահը +1։
Էդ մասի պատճառով գրածը չեմ շնորհակալել, որտև հեչ քո մասին չէր։

[LisBeth]

Ծլնգ ջան, իսկ ես որտեղի՞ց պիտի իմանայի, որ ցանկություն չունես։ Իրականում ես կարգին գաղտնապահ եմ, երբեմն նույնիսկ չափազանց ու անտեղի։ Ու հիմա ոնց որ գլխիս սառը ջուր շուռ տաս։ Կներես, ամեն դեպքում։

Ու ընդհանրապես, ադմիններին խնդրում եմ ջնջել վերջին գրառումներս էս թեմայում։

Դու չես պատկերացնի ախր, ամբողջ աշխարհը շունչը պահած սպասում էր այդ տեղեկություններին, չափազանց կարևոր ու անփոխարինելի։ Հլը մի բան էլ ադմիններին ուղղված խնդրանքով ավելի շատ ուշադրություն ես հրավիրում։ Մարդկանց հիստերիայի ես հասցնում, լավ չի էլի։

Ու ընդհանրապես ամոթ քեզ, որ մտքեր ու ցանկություններ չես կարդում, էս կյանքում չափազանց շատ են մարդիկ, ում հետ շփվելու համար դրանք անհրաժեշտ հատկություններ են։ Հիասթափեցնում ես էլի մարդկանց, որ երեկ մեկ էսօր երկու հարգանք են պահանջում, ընդ որում էդ հարգանքը մի հատ ուրույն հարգանք ա, որից մենակ բարձր գիտակցությամբ մարդիկ են գլուխ հանում։

[LisBeth]

Յոհան - դու մի հատ ուրիշ աշխարհ ես, քո վարակիչ էներգիայով, քո ժեստերով ու խոսքերով, որ մինչև ուղն ու ծուծը ներծծված են էմոցիաներով։ Ես, որ երգել չեմ սիրում, քանզի իմ ձայնը առաջին անգամ լսողները սարսափում են, քո հետ ընկած երգում էի, ընդ որում բավականին խմած էլ չէի ։ Տարօրինակ, տարօրինակ մարդ արարած․․․ լավն ես շատ։ էստեղ էլ մի հատ գրեմ, քո հետ անցկացրած ժամանակս արձակուրդիս լավագույն ժամանակն էր։ Արծիվ մնա։ Ի դեպ Տարկովսկու էն երեք ժամանոց կինոյի անունը հիշացրա, նայեմ։

[LisBeth]

Կակտուս - ասում են կան բաներ, որոնց մարդը կարա հավերժ նայի, ասենք կրակը, ջրուը։ Ինձ համար դրանք քո աչքերն են։ Որ սենց նայում ու զգում ես մտքերի հոսքը, ու իրանք միշտ փայլում են։ Կուզեյի ավելի շատ ժամանակ ունենալ, քեզ հետ անձնապես շփվելու։ Հաջորդ գալուցս, քեզ տեսնելը ցուցակումս հաստատ կլինի, որ Երևանի սաղ թթի ծառերը բարձրանանք ու ամեն մի շատրվանի մեջ ոտքերներս թրջենք։ Ու էս երգը քեզ նվեր, որ սրա տակ պարենք․

[Յոհաննես]

Ես մենակ աձին-աձինի վախտ եմ խոսում Էդ ինչքան վատ վիճակում եմ եղել,որ անգամ ուրախությունս կարողացել եմ թաքցնել
Հ.Գ. Հարգելի ակումբցիներ եթե դոոք ինձ ցանկանում եք տեսնել ուրախ,զվարթ,զավզակ,համարձակ և թրաշված,այդ դեպքում կա մի քանի տարբերակ
1.Մենակ ենք հանդիպում
2.Շատվորով ենք հավաքվում,բայց մինչև հանդիպման գալս մի շիշ վոդկա եմ խմում:
3.Համբերեք,ժամանակի հետ կբացվեմ հետո կփոշմանեք,բայց արդեն ուշ կլինի քանի կարող ենք ինձ սենց վայելեք

Ասում էի չէ՞ :Դ

[Alphaone]

Մարկուս-ի հետ դու համ փոքրանում, լրիվ պուճուր էրեխա ես դառնում, համ էլ իմաստուն պառավի նման էնքան խորն ես նայում աշխարհին, որ թվում ա հեսա-հեսա կոդը կկոտրես ու կսկսես մատրիցայից դուրս տեսնել: Ինքն անհավանական սիրուն ա՝ կարճ մազերով, նիհար, բարձրահասակ, ասես ինչ-որ կինոյի պերսոնաժ լիներ, ոչ թե իրական աշխարհի սովորական մարդ, ում կարելի ա փողոցում ուղղակի հանդիպել: Ու հա, ես ոնց ժամանակին Մարիին ու Ռուբիին էի մտածում, որ եթե ինձ մանկության ընկերներ հորինեի՝ էդպիսին կլինեին, էդպես էլ Մարն ա հորինած աշխարհիս պերսոնաժներից: Ու ինչ հրաշալի զգացողություն ա, երբ երևակայական ընկերները մարմնավորվում են:

Մուշու արև, ծիծաղ, պոզիտիվ, անսպառ էներգիա... աշխարհում շա՜տ հազվադեպ մարդիկ են ինձ էդքան դրական էներգիա հաղորդել: Մուշուի հետ պա դուշամ խորը խոսակցություններ վարել չստացվեց՝ երկուսս էլ ուժասպառ էինք, բայց լիքը զվարճացանք ու ծիծաղեցինք: Լարոին չստացվեց համոզել՝ որ ծխած չենք, Յոհանը համոզվեց, որ աննորմալ ենք, դեռ մի ժամ էլ առանց ոչ մեկի իրար հետ էինք ծիծաղում՝ անմխիթար գորշը վկա: Մուշուն նաև աննկարագրելի սիրուն ա, ինչ-որ եթերային փափկություն կա իր կերպարում: Փոքր ժամանակ խելագարվում էի քաղցր բամբակի համար ու Մուշուի կերպարն էդ ասոցիացիան էր առաջացնում՝ համով, փափուկ, եթերային պերսոնաժ էր ))

Սկեպտիկ ուրեմն Սկեպտը համարյա չէր խոսում, դեմքը միմիկա չէր արտահայտում, ինքը ոնց որ ինչ-որ առանց հույզերի մոլորակից եկած լիներ: Էն տպավորությունն էր, որ մի քանի տիեզերք ճանաչելուց հետո էս աշխարհի բանական արարածներն իր համար ձանձրալի էին, կողքից ուղղակի անփույթ հետևում էր, հազվադեպ մի երկու բան ասում, իր մասին որ հարցեր էիր տալիս, կարճ-կոնկրետ հաշվետվության նման պատասխանում ու էլի լռում... մի խոսքով մի այլ կարգի հետաքրքրասիրություն ա առաջացնում մարդու մոտ՝ հա ապարդույուն փորձում ես իրեն բացահայտել: Ես դեռ էլի փորձելու եմ