ՎիվաՍել - MTS

[Գրիգոր]

Մնացած պրովայդերներին էլ ա ետ հնարավորությունը տրվել, թող իրանք էլ անեն...

[Kuk]

Վիվասելով լինում ա՞ ինտեռնետով սմս ուղարկել:

[ArmSOAD]

Մի հարց տամ էլի: կասեք թե ինետ միացնելու համար ինչա պետք անել: Միայն սեթինգսը քաշելը հերիքա, թե պետքա գնալ ասել որ միացնեն: Կանխավ շնորհակալություն:

[Elmo]

Մնացած պրովայդերներին էլ ա ետ հնարավորությունը տրվել, թող իրանք էլ անեն...

Սուտա: Կամ Հանրայիննա գժվել հա՞:

Հանրային իրազեկում
01 Հուլիսի 2008

Հայաստանի Հանրապետության հանրային ծառայությունները կարգավորող հանձնաժողովը, հիմք ընդունելով «Էլեկտրոնային հաղորդակցության մասին» Հայաստանի Հանրապետության օրենքի 2-րդ, 22-րդ և 23-րդ հոդվածները, մտադիր է համապատասխան որոշմամբ «ԱրմենՏել» ՓԲԸ-ին ճանաչել Հայաստանի Հանրապետության հանրային ամրակցված հեռախոսային ցանցի շահագործման մեջ (ITU-T E.164 երաշխավորագրի համաձայն հաստատված Հայաստանի Հանրապետության համարագրման պլանի օգտագործմամբ) գերիշխող դիրք զբաղեցնող:
Այդ կապակցությամբ, համաձայն «Էլեկտրոնային հաղորդակցության մասին» Հայաստանի Հանրապետության օրենքի 23-րդ հոդվածով սահմանված ընթացակարգի, Հայաստանի Հանրապետության հանրային ծառայությունները կարգավորող հանձնաժողովը նշյալ հարցի վերաբերյալ հայցում է շահագրգիռ կազմակերպությունների մեկնաբանությունները մինչև 2008 թվականի սեպտեմբերի 2-ը:

ՀՀ հանրային ծառայությունները կարգավորող հանձնաժողով

01 հուլիսի 2008թ.
ք.Երևան

[Rammstein]

Մի հարց տամ էլի: կասեք թե ինետ միացնելու համար ինչա պետք անել: Միայն սեթինգսը քաշելը հերիքա, թե պետքա գնալ ասել որ միացնեն: Կանխավ շնորհակալություն:

Իսկ քոնը ի՞նչ քարտ ա, ալո, կլասիկ, թե կորպորատիվ։
Եթե ալո ա, դու էլ կարաս միացնես, եթե կլասիկ ա պիտի գգնաս սպասարկման կենտրոն, իսկ եթե կորպորատիվ ա, պիտի փաթեթիդ տիրոջը վերցնես, ու միասին գնաք ՎիվաՍել։

[laptop]

Մի հարց տամ էլի: կասեք թե ինետ միացնելու համար ինչա պետք անել: Միայն սեթինգսը քաշելը հերիքա, թե պետքա գնալ ասել որ միացնեն: Կանխավ շնորհակալություն:

Ալո բաժանորդների համար ծառայությունն ակտիվացված է ի սկզբանե:

Կլասիկ բաժանորդները GPRS ծառայությունն ակտիվացնելու համար պետք է այցելեն ՎիվաՍելի սպասարկման կենտրոններից որևէ մեկը:

Կորպորատիվ բաժանորդների մոտ այն ակտիվացնելու համար սպասարկման կենտրոն պիտի այցելի կամ կազմակերպության տնօրենը, կամ լիազորված անձը (ներկայացնելով լիազորագիր), կամ հենց ինքը` կորպորատիվ բաժանորդը` ներկայացնելով լիազորագիր կոնկրետ իր հեռախոսահամարի համար GPRS ակտիվացնելու վերաբերյալ:

[firewall]

Վիվասելլի ինտերնետը չի աշխատում հիմա, թե մենակ իմ մոտ ա այդ պռոբլեմը՞:

[ArmSOAD]

Բոլորին շնորհակալություն

[Artgeo]

Դեպի ԱՊՀ երկրներ կատարվող զանգերի ցածր սակագին «Իմ Աշխարհը» ծառայության միջոցով

«Իմ Աշխարհը» ծառայության շնորհիվ ԱՊՀ երկրներում գտնվող Ձեր մտերիմների հետ Դուք կարող եք խոսել ցածր սակագնով: Այժմ «Իմ Աշխարհը» ցուցակում կարելի է ներառել ցանկացած ԱՊՀ երկրի մեկ հեռախոսահամար: Դեպի «Իմ Աշխարհը» ցուցակում ներառված ԱՊՀ երկրի հեռախոսահամար կատարված զանգի սակագինն է 42 դրամ/րոպե (ներառյալ ԱԱՀ):

Ցուցակում ԱՊՀ երկրի հեռախոսահամար ավելացնելու կամ փոփոխելու համար անհրաժեշտ է հրահանգում հեռախոսահամարը մուտքագրել միջազգային ձևաչափով:

Օրինակ.

Հեռախոսահամարի ավելացում` *230*0074955555555#

Հեռախոսահամարի փոփոխում` *230*077297777*0074955555555#

ՎիվաՍել. ընդլայնիր քո աշխարհը:

Մանրամասն տեղեկությունների համար զանգահարեք 111:
30/07/2008



ՎիվաՍելի հատկացրած 25 միլիոն դրամի աջակցության շնորհիվ Չարենցավանում բացվեց 3 նոր սպորտային խաղադաշտ

1-ը օգոստոսի, 2008թ. Երևան, Հայաստան - ՎիվաՍելը, ՙՄՏՍ՚ ԲԲԸ-ի (NYSE: MBT) դուստր ձեռնարկությունը, հայտարարում է, որ այսօր, ընկերության 25 միլիոն դրամի աջակցության շնորհիվ Չարենցավանում բացվեց 3 նոր սպորտային խաղադաշտ` քաղաքի երիտասարդության շրջանում ակտիվ սպորտաձևերը խթանելու, և երեխաների մեջ փոքր տարիքից առողջ ապրելակերպի մշակույթը արմատավորելու նպատակով:

Համաձայն իր որդեգրած կորպորատիվ սոցիալական պատասխանատվության քաղաքականության սկզբունքներին` ՎիվաՍելը սոցիալական ներդրումներ է իրականացնում այնպիսի ոլորտներում, որոնք, երկարաժամկետ կտրվածքում, դրականորեն կանդրադառնան հասարակության կյանքի որակի վրա` նվազեցնելով առողջության հետ կապված ռիսկերը: Այդպիսի ոլորտներից են համարվում առողջ ապրելակերպի խրախուսումն ու համապատասխան պայմանների ապահովումը:

Խաղադաշտերի կառուցումն իրականացվեց համաֆինանսավորման սկզբունքով` ՎիվաՍել ընկերությունն ու Չարենցավանի քաղաքապետարանը համապատասխանաբար 25 միլիոն և 12 միլիոն դրամ հատկացրեցին քաղաքի 3 տարբեր թաղամասերում սպորտային խաղադաշտերի կառուցման նպատակով:

Դեռևս այս տարվա գարնանը ՎիվաՍելի Գլխավոր տնօրեն Ռալֆ Յիրիկյանը պատրաստակամություն էր հայտնել Չարենցավանն ընդգրկել ՎիվաՍելի կորպորատիվ սոցիալական պատասխանատվության շրջանակներում իրականացվող ծրագրերում, որից հետո, Չարենցավանի քաղաքապետ Հակոբ Շահգալդյանի նախաձեռնությամբ` քաղաքում ծավալվեց հանրային քննարկում, որի արդյունքում որոշվեց ՎիվաՍելի կողմից խոստացված ֆինանսական աջակցությունն ուղղել քաղաքի 3 տարբեր թաղամասերում սպորտային խաղադաշտերի կառուցմանը` նպատակ ունենալով քաղաքում խթանել սպորտային կյանքը և ստեղծել արդյունավետ ժամանցի վայրեր պատանիների համար: Հուլիսի 25-ի դրությամբ խաղադաշտերի կառուցման աշխատանքներն ամբողջությամբ ավարտված էին:

Խաղադաշտերի բացման հանդիսավոր արարողությանը մասնակցում էր ՎիվաՍելի Գլխավոր տնօրենը` կիսելու շնորհակալ ազգաբնակչության ուրախությունը: Շնորհավորելով չարենցավանցիներին` Ռալֆ Յիրիկյանը մասնավորապես նշեց. ՙՎիվաՍելի անունից ուզում եմ շնորհավորել Չարենցավանի բնակիչներին, և մասնավորապես, երիտասարդներին` այս գեղեցիկ սպորտային խաղադաշտերի կառուցման առթիվ: Հուսով եմ, որ երիտասարդներն իրենց ազատ ժամանակի մի զգալի մասը կհատկացնեն մարզումներին, կյուրացնեն նոր և հետաքրքիր մարզաձևեր, կկոփեն իրենց մարմինը և հեռու կմնան վնասակար սովորություններից: ՎիվաՍելն այսուհետ ևս շարունակելու է աջակցել Հայաստանի երիտասարդությանը՚:
01/08/2008

http://vivacell.am/

[Norton]

Ռոումինգ Վրաստանում. մուտքային զանգերի իջեցված սակագին

2008 թ. հուլիսի 24-ից մինչև սեպտեմբերի 30-ը Վրաստանում ռոումինգում գտնվելիս գործում է մուտքային զանգերի ցածր սակագին*: ՎիվաՍելի ինչպես կանխավճարային, այնպես էլ հետվճարային բաժանորդների համար այն կազմում է ընդամենը 63 դրամ/րոպե:

*Բացառությամբ այն դեպքի, երբ բաժանորդը գտնվում է ռոումինգում Aquafon Abkhazia ցանցում:

Պարզապես ակտիվացրեք Ալո ռոումինգ ծառայությունը նախքան Հայաստանից մեկնելը և Դուք հնարավորություն կունենաք մտերիմների հետ կապի մեջ մնալու առանց փոխելու հեռախոսահամարը, կատարելու և ստանալու զանգեր, ինչպես նաև ուղարկելու և ստանալու SMS հաղորդագրություններ` և այս ամենն աննախադեպ ցածր սակագներով:
Ծառայություններ/Ուղղություններ
Մուտքային 63
Ելքային

Տեղական ուղղություններ 150
Միջազգային ուղղություններ

Հայաստան 250
ԱՊՀ երկրներ 300
Այլ երկրներ 1000
Արբանյակային ցանցեր

Գլոբալսթար, Իրիդիում, Թուրայա 5000
Ինմարսաթ 6500
SMS
դրամ/SMS
Մուտքային 0
Ելքային 50
GPRS 40 դրամ / 10 ԿԲ

Բոլոր սակագները ներառում են ԱԱՀ:

Ալո ռոումինգ ծառայության ակտիվացումն անվճար է: Պարզապես անհրաժեշտ է ունենալ դրական հաշվեկշիռ:

Ալո ռոումինգն ակտիվացնելու համար հավաքեք *121*1# և սեղմեք զանգահարելու կոճակը, իսկ ապաակտիվացնելու համար հավաքեք *121*3#
Ծառայությունը կարելի է ակտիվացնել և ապաակտիվացնել նաև մենյուի միջոցով` հավաքելով *121#

Ալո ռոումինգ ծառայության կարգավիճակը ստուգելու համար հավաքեք *121*0# և սեղմեք զանգահարելու կոճակը:

Մանրամասն տեղեկությունների համար, զանգահարեք 111:

vivacell.am

[Norton]

ՎիվաՍելն աջակցեց Օձուն գյուղի արվեստի դպրոցի հիմնանորոգմանը` հատկացնելով 18.4 միլիոն դրամ

ՎիվաՍելի կողմից հատկացված 18.4 միլիոն դրամ նվիրատվության շնորհիվ ամբողջովին հիմնանորոգվել և կահավորվել է Օձունի մանկական արվեստի դպրոցը, ինչպես նաև ներդրվել է ջեռուցման և թաք ջրի մատակարարման ներքին համակարգ: Վերանորոգված դպրոցի բացման արարողությունն իրականացրեցին ՎիվաՍելի Գլխավոր տնօրեն Ռալֆ Յիրիկյանը և Լոռու փոխմարզպետ Արսեն Դարբինյանը:

ՎիվաՍելը շարունակում է իրականացնել կորպորատիվ սոցիալական պատասխանատվության իր որդեգրած լայնածավալ ծրագրերը` ուղղված Հայաստանի գյուղական համայնքների կենսապայմանների բարելավմանը: Այս անգամ ընկերության ծրագրերի թիրախ էր ընտրված Հայաստանի ամենախոշոր և մեծ գյուղերից մեկը` Օձունը, որը հայտնի է իր պատմա-մշակութային և հոգևոր հուշարձաններով, ինչպես նաև գյուղում ծնված անվանի մարդկանցով:

Հաշվի առնելով Օձունի բնակչության թվաքանակը, ինչպես նաև առաջնորդվելով այն համոզմունքով, որ Հայաստանի գյուղաբնակ երեխաները նույնպես պետք է հնարավորություն ստանան ձեռք բերել գեղագիտական կրթություն` ՎիվաՍելը միջոցներ հատկացրեց գյուղի մանկական արվեստի դպրոցի հիմնանորոգման նպատակով: Ամբողջովին փոխվեցին դպրոցի դռներն ու լուսամուտները, ինչպես նաև ներդրվեց ջեռուցման և տաք ջրի մատակարարման ներքին համակարգ:

Արվեստի դպրոցը հիմնադրվել է 1970 թ-ին: Դպրոցը հանդիսանում է Օձունի և շրջակա 8 գյուղերի միակ գործող մշակութային կրթօջախը: Դպրոցում գործում են դաշնամուրային, լարային, փողային, ժողովրդական գործիքների, նկարչական բաժիններ: Քանի որ երկար տարիներ գյուղական մանկական արվեստի դպրոցների համակարգը գտնվում է անբավարար վիճակում, ՎիվաՍելը գտնում է, որ համակարգի վերականգնումը առաջնահերթ խնդիրներից է:

Բացման արարողությունից հետո ՎիվաՍելի Գլխավոր տնօրեն Ռալֆ Յիրիկյանն ասաց. ՙՄենք` Հայաստանի որդիներն ու դուստրերը, այսօր մեծ հպարտություն ենք ապրում` գտնվելով Հայաստանի հնագույն բնակավայրերից մեկում: ՎիվաՍելի կողմից ստանձնած պարտավորությունը` հիմնանորոգել և կահավորել Օձունի մանկական արվեստի դպրոցը, պայմանավորված է նրանով, որ մենք պարտավոր ենք լինել մեր նախնիների արժանի ժառանգորդները: Օձունում պետք է գործի մանկական արվեստի ժամանակակից դպրոց` Օձունի երիտասարդ սերնդին հայկական մշակույթին հաղորդակից դարձնելու նպատակով: Իբրև կորպորատիվ քաղաքացի` ՎիվաՍելն իր եկամուտներից մաս է հանում Հայաստանի երիտասարդ սերնդի և մեր փառավոր մշակութային անցյալի միջև կամուրջներ ստեղծելու նպատակով՚:

ՎիվաՍելի աջակցությունը Օձուն գյուղին չի սահմանափակվում մանկական արվեստի դպրոցի հիմնանորոգմամբ և կահավորմամբ: Ընկերությունը Օձունի գյուղապետարանին նաև տրամադրեց 9 միլիոն դրամ արժողությամբ նոր աղբատար մեքենա:


WWW.VIVACELL.AM

[Artgeo]

Նոր ծառայություն «Տու-տու չկա»

Ցանկանու՞մ եք տարբերվել Ձեր ոճով մյուսներից և վայելել հետաքրքիր անձնավորության համբավ: Ուրեմն «Տու-տու չկա» ծառայությունը հենց Ձեզ համար է: Փոխարինեք զանգի միացման արդեն սովորական դարձած ազդանշանը հաճելի մեղեդիներով, ժամանակակից հիթերով կամ ծիծաղաշարժ կատակներով ու արտահայտություններով:

Տու-տու այլևս չկա… «Տու-տու չկա» ծառայությունն ակտիվացնելուն պես Ձեզ զանգահարող բոլոր բաժանորդները կլսեն հաճելի մեղեդի: Դուք նաև հնարավորություն կունենաք.

* Ձեռք բերելու Ձեր նախընտրած մեղեդիները, կատակներն ու արտահայտությունները
* Ընտրելու, թե Ձեզ զանգահարողներից ով ինչ մեղեդի է լսելու
* Ընտրելու, թե որ մեղեդին երբ է հնչելու
* Մեղեդի նվիրելու մտերիմին
* Պատվիրելու միևնույն մեղեդին ինչպես Ձեր, այնպես էլ Ձեր մտերիմի համար

Ծառայությունը կարող եք ակտիվացնել և կառավարել.

* Զանգահարելով 133 կարճ համարին
* Ուղարկելով SMS հրահանգներ 133 կարճ համարին
* «Տու-տու չկա» ծառայության կառավարման ինտերնետային կայքից

Ծառայության ակտիվացումն անվճար է: Մինչև 2008 թ. հոկտեմբերի 1-ը ծառայությունը տրամադրվում է առանց ամսական վճարի:

Ծառայությանն առավել մանրամասն կարող եք ծանոթանալ այստեղ:

«Տու-տու չկա»` ընդգծի´ր անհատականությունդ

Լրացուցիչ տեղեկությունների համար զանգահարեք 111:
14/08/2008

[Amaru]

մմմ... բլեք մետալ ունե՞ն

[Ռուֆուս]

մմմ... բլեք մետալ ունե՞ն

Լոլ, ոչ մի բան էլ չունեն

Միակ նորմալ երաժշտությունը որ ես գտա Աերոսմիթի Dream On-ն է խայտառակ վատ որակով: Ոչինչ մի ամիս ինձ յոլա կտանի, մինչև նորմալ երգեր ճարեն....

[Kuk]

Էս Վիվան քանի օրա ինձ համոզում ա, որ mms միացնեմ, ես էլ պրինցիպի եմ ընգել, չեմ միացնում: Ո՞նց անեմ, որ օրը չորս անգամ մեսիջ չգրի էդ թեմայով: