Մեջբերում Doc-ի խոսքերից Նայել գրառումը
Վիրուսները դա կյանքի ոչ բջջային ձեւեր են: Կարող եք ում ուզւմ եք հարցնել, դա անվիճելի է:
Doc ջան
Զարմանալի է, որ գիտական աշխարհում գոյություն ունեցող բոլոր վիճելի հարցերը դուք ներկայացնում եք, որպես անվիճելի: Դարվինիստական ընդգծված ուղղություն ունեցող Վիկիպեդիայում անգամ հատուկ նշում կա այն մասին, որ որ ոչ բոլոր գիտնականներն են վիրուսներին համարում ոչ բջջային օրգանիզմներ:
Վիրուսները կազմված են նույն ամինաթթուներից և պրոտեիններից ու իրենց ներսում իրենց տեսակի մասին կոդավորված գեն են կրում: Այնպես որ առաջին կենդանի օրգանիզմի հարցում դրա բջջային կամ ոչ բջջային լինելը դարվինիստների դժվարությունները չի թեթևացնում: Բացի այդ նույնիսկ ամենապարզունակ վիրուսը չի կարող վերարտադրվել կենդանի բջջից դուրս, այնպես որ այն չի կարող հավակնել ամենաառաջին կենդանի օրգանիզմը լինելուց: Նման ենթադրություն նույնիսկ ամենավառ երևակայությամբ օժտված դարվինիստները իրենց թույլ չեն տալիս:
Մեջբերում Doc-ի խոսքերից Նայել գրառումը
ոնց եք պատկերացնում ինֆորմացիան առանց նյութի, ինֆորմացիա ինչի վերաբերյալ?
Կարող էի պատասխանել ինֆորմացիա ինֆորմացիայի մասին, սակայն հետագա` “ինֆորմացիա որտե՞ղ” անխուսափելի հարցից խուսափելու համար, ասեմ, որ այս հարցերի պատասխանները բնավ դարվինիստների սրտով չեն: Պնդելով թե տեղի է ունեցել աստիճանական, աննշան փոփոխությունով, պարզագույնից դեպի ավելի բարդ տեսակներին տանող ինչ-որ գործընթաց` նրանք իրենց իսկ գցում են ծուղակը, քանի որ այդ գործընացի հենց ամենասկզբում ամենապարզագույն միավորին գտնելու փոխարեն տեսնում են իր կազմությամբ ոչ միատարր, և արդեն իսկ ոչ պարզ, միավոր, որը կազմված է առնվազն նյութից և ինֆորմացիայից: Եվ հենց այստեղ էլ “պարզագույն”, “բարդ” և “անցում” բառերի բուն իմաստը հասկացող բանականությունը պետք է առնվազն ընդունի, որ էվոլյուցիոն տեսությունը լավագույն դեպքում ապացուցված չէ:
Մեջբերում Doc-ի խոսքերից Նայել գրառումը
Չեք կարծում որ անգամ մեկ հնարավորությունը լրիվ բավարար է որպեսզի ժամանակ առ ժամանակ տարբեր երեւույթներ տեղի ունենան առանց անբնական Հրաշք կոչված պոչ ավելացնելու:
Ոչ չեմ կարծում, եթե ինչ-որ երևույթ տեղի է ունեցել մեկ անգամ, ապա այն հրաշք է, իսկ եթե այն ժամանակ առ ժամանակ կրկնվեր, ապա դա արդեն օրինաչափություն կլիներ: Իսկ էվոլյուցիոն գործընթաց ապահովող մեկը մյուսից տարբեր մուտացիաներից յուրաքանչյուրի հետ երևան եկող շրջակա միջավայրի բարենապաստ փոփոխության դեպքը բացառիկ է և ըստ զարգացման պահանջի տարբերվել է էվոլյուցիոն գործընթաց ապահովող հաջորդ դեպքից:
Մեջբերում Doc-ի խոսքերից Նայել գրառումը
Ես դա հասկանում եմ որ դուք մարդու ուժերով ստեղծած կենսական առարկաներնել եք հավասարեցնում սուրբ կենդանի տեսակների հետ վորոնք ունեն Հրաշքային ծագում?
Եթե միմիայն մարդու ուժերով ստեղծվի որևէ նոր տեսակ, և նա չօգտվի Ուրիշի ուժերով ստեղծված նյութից, ապա ես ոչ միայն կդադարեմ ինչ-որ բան որևէ այլ բանին հավասարեցնելուց, այլ կհամարեմ, որ իմ ամբողջ կյանքը անիմաստ եմ ապրել ու կընկնեմ խորը դեպրեսիայի մեջ:
Մեջբերում Doc-ի խոսքերից Նայել գրառումը
Միքայեկշլ ջան դուք չեք պատկերացնում էվոլյուցիոն գործնթացը...
Doc ջան, իսկ դուք համոզված եք, որ ոչ թե ես չեմ պատկերացնում էվոլյուցիոն գործընթացը, այլ դուք եք այն չափազանց մակերեսորեն պատկերացնում և այդ պատճառով էլ չեք տեսնում դրա բոլոր դժվարությունները:
Եթե պատասխանեմ այս գրառման բոլոր հարցականներին, ապա հավանաբար ամբողջությամբ մեջբերումներ եմ անելու իմ նախորդ գրառումներից: Խնդրում եմ ներել այդ չանելուս համար