1. Ինֆորմացիան նյութ չէ, ինչպես նաեւ մարդու միտքը եւ բանականությունը, սակայն նրանք ունեն նյութական ծագում, նյութական հիմք , այսինքն գլխուղեղի կեղեվի լրիվ նյութական հիմքեր ունեցող աշխատանք, գեն - ինֆորմացիա եւ այլն: Այսինքն նյութը հնարավորություն ունի կազմակերպվել այնպես, վոր բերել է մտքի, գործողության, այսինքն կյանքի առաջացմանը:
2. Միանշանակ ճիշտ եք որ նյութից բացի կան էներգիայի գոյության այլ ձեւեր, սակայն համամիտ չեմ թե գիտական աշխարհը խուսափում է նրանց ուսումնասիրությունից, հակառակը, շատ մեծ հաջողություններ կան այդ վոլորտում : Վաղուց ընդունված է բոլորի կողմից, որ կա էլեկտրականություն, մագնիսական դաշտ, գրավիտացիա, էներգետիկ դաշտեր, ռադիոալիքներ, լույսը ունի ալիքի եւ նյութի հատկություններ եւ այլն եւ այլն: Չեմ կասկածում որ դեռ շատ չհայտնագործած ուրիշ ոչ նյութական երեւույթներ կան, որոնք կբացահայտեն գիտնականները:
3. Ճիշտ հասկացեք, գիտնականը երբեք չի վախենում թե իր հայտնագործությունը կխաթարի ինչ որ նախկինում հայտնագործած դարվինիզմը օրինակ, հակառակը միշտ փորցում է պարզել իրականությունը բոլոր հնարավոր մեթոդներով, ներառյալ ոչ նյութական երեւույթների ուսումնասիրությունները:
4. hard driver-ի օրինակով ես չեմ կարողանում ձեզ իմ տեսակետը փոխանցել, սակայն դա շատ պատկերավոր է կողքից դիտելու պարագայում: Կյանքի առաջացման վերաբերյալ հաստատ վոչ ոք չի կարող դեռ պնդումներ անել այդ թվում եւ կրոնական վարկածի կողմնակիցները, քանի որ դեռ ոչինչ ապացուցված չէ: Կան մի քանի վարկածներ, համոզված եմ որ ծանոթ եք նրանց: Մնացած տեսակետները, որոնք ես բերում էի գենետիկայից, էվոլյուցիայից, դրանք գիտականորեն եւ գիտական էքսպերիմենտներով ապացուցված փաստեր են եւ վիճելը համարում եմ ավելնորդ:
5. Էվոլյուցիան կումուլատիվ պրոցես է, նշանակում է որ միանգամից մեկ բջջից (կան նաեւ կյանքի ոչբջջային ձեւեր) չի առաջացել ամբողջ կենդանական աշխարհի բազմազանությունը, այն տեղի է ունեցել քայլ առ քայլ, եւ այդ մուտացիաների հետեւանքով ՆՈՐ առաջացած գենետիկական ինֆորմացիան կուտակվում է այսինքն կումուլյացվում է գեների մեջ: Եթե դա հրաշք եք համարում, ապա ես չեմ կարող վիճել: Մեկը դա հրաշք է համարում, մյուսը բնություն: Իհարկե բնությունը եւ կյանքը դա հրաշք է այդ իմաստով, շատ զարմանալի եւ հետաքրքիր երեւույթ է եւ հիմա մարդիք փորցում են գտնել հարցերին պատասխաններ եւ պատկերացրեք գտնում են:
6. Դուք ճիշտ եք նոր տեսակների գոյացումը հստակ չի երեւում: Դա այն պատճառով է լինում քանի որ շատ ճամանակ է պահանջում, սակայն ուսումնասիրելով եղած տեսակների միջեւ կապը կարելի գալ եզրակացության նրանց առաջացման մեխանիզմների վերաբերյալ: Նաեւ ասեմ որ ամեն տարի հայտնաբերում են նախկինում անհայտ տասից ավելին տեսակներ, սակայն ես համամիտ եմ որ դա նոր տեսակի գոյացման պրոցեսը դիտելու փաստ չէ: Բայց դուք իզուր եք մանրէների վրա կատարված էքսպերիմենտների արդյունքները անտեսում: Դա ապացուցում է որ հնարավոր է նոր տեսակի առաջացումը թեկուզ մարդու միջամտությամբ: Եթե մարդը կարող է նոր տեսակ ստանալ ուրեմն դա հնարավոր է:
Էջանիշներ