«Հրապարակ». Սովետական Միության նման մի բանի տենչով
10:33 • 21.05.10
Երեկ ՀՀ նախկին արտգործնախարար Ալեքսանդր Արզումանյանին խնդրել էինք պատասխանել, թե անկախության առաջին տարիներին ռուսական քաղաքական շրջանակների կողմից եղե՞լ են ռուսական դպրոցները չփակելու ուղղությամբ ճնշումներ։ Նա նշեց, որ Ռուսաստանում միշտ էլ եղել են, կան և կլինեն մեծապետական կամ Խորհրդային Միության նոստալգիայով տառապող քաղաքական ուժեր, որոնք տենչում են նախկին հետխորհրդային տարածքը տեսնել նախկին Սովետական Միության նման մի բանի տեսքով, և այդ ճանապարհին ռուսաց լեզվի ամրագրումն է որպես երկրորդ պետական լեզվի գործածության դաշտ։ «Այս գործողությունները դրան են ուղղված»,–ասաց նա։ Ինչ վերաբերում է ճնշումներին, ապա ուղիղ չեն եղել, բայց անուղղակի եղել են։ «Բայց քաջ գիտակցում կար, որ անկախ պետականություն կերտելու առաջին քայլերից մեկը ազգային հանրակրթական դպրոց ձևավորելն էր»,– ասաց նա։
Մեջբերել
Էջանիշներ