Ի՞նչ եք կարդում հիմա...

[Progart]

1. Ի՞նչ եք կարդում հիմա

Խաչիկ Դաշտենց֊«Ռանչպարների կանչը»

2. Ինչու՞ որոշեցիք կարդալ հենց դա

Ամառվա ընթացքում նպատակ ունեմ հայ գրականության գեղարվեստական և պատմական առավել հայտնի ստեղծագործությունները/ուսումնասիրությունները կարդալու։

3. Գիրքն ինչպե՞ս է սկսվում (առաջին նախադասությունը)

«Մուշ քաղաքի ս. Մարինե թաղում հայոց լեզվի դաս էր»։

4. Ո՞ր էջն եք հասել

Էջը չեմ կարող ասել, բայց «ՄԵՀՄԵԴ ԷՖԵՆԴԻՆ» գլուխը։

5. Ձեր կարծիքը մինչև հիմա

Ինձ համար հետաքրքիր է։

[Rhayader]

1. Ի՞նչ եք կարդում հիմա

Քրիստոֆեր Հիտչենս, «Mortality»

2. Ինչու՞ որոշեցիք կարդալ հենց դա

Ես սիրում եմ մահվան ու մահանալու մասին գրքեր: Ու Հիտչենսին:

3. Գիրքն ինչպե՞ս է սկսվում (առաջին նախադասությունը)

Կյանքումս մի անգամ չի, որ ես արթնացել եմ մեռնելու զգացողությամբ:

4. Ո՞ր էջն եք հասել

4

5. Ձեր կարծիքը մինչև հիմա

Հիտչենսը հիանալի լրագրող է: Զուգահեռներ եմ տանում նույնպես լավ, բայց հակապատկեր գրքի՝ Ժան Դոմինիկ Բոբիի «Le Scaphandre et le Papillon»-ի հետ:

[StrangeLittleGirl]

1. Ի՞նչ եք կարդում հիմա
Ֆրանկ ՄաքՔուրթ - «Անջելայի մոխիրը»

2. Ինչու՞ որոշեցիք կարդալ հենց դա
Գուդրիդսի մեր խմբում էս ամսվա մոդերատորը ես եմ, առաջարկել էի իմիգրանտների թեմաներով գիրք ընտրել: Էս գիրքն ընտրվեց, համ էլ վաղուց էի ուզում կարդալ: Ինչ-որ մեկը խորհուրդ էր տվել, էդպես գրանցել, թողել էի գուդրիդսում:

3. Գիրքն ինչպե՞ս է սկսվում (առաջին նախադասությունը)
Հայրս ու մայրս պիտի մնային Նյու Յորքում, որտեղ հանդիպել են և ամուսնացել, և որտեղ ես ծնվել եմ:

4. Ո՞ր էջն եք հասել
Քինդլով եմ: 13%

5. Ձեր կարծիքը մինչև հիմա
Էս գիրքն ամեն տեսակի հնարավորություն ունի իմ ամենասիրած գրքերից մեկը դառնալու։ Մի այլ կարգի վարպետությամբ գրված գիրք ա։ Էստեղ ամեն կերպարն իր ձայնն ու լեզուն ունի, ու կարդալիս ոնց որ լսես էդ բոլոր առոգանությունները։ Ու էնպիսի մի վարպետությամբ ա գրված, որ ամենաողբերգական հատվածների վրա ծիծաղում ես ու ամաչում ինքդ քեզ վրա ծիծաղելու համար։ Մի խոսքով, հրաշալի գիրք ա։

Ի դեպ, քանի որ էդքան դուրս էկավ, որոշեցի մի քիչ փորփրել գրքի մասին ու հայտնաբերեցի, որ Պուլիցեր ստացած գիրք ա։

[Moonwalker]

Ֆրանկ ՄաքՔուրթ - «Անջելայի մոխիրը»

Փաստորեն գտե՞լ էիր:

1. Ի՞նչ եք կարդում հիմա
Ռոբերտ Փեն Ուորեն - Թագավորի ողջ թիկնազորը
[Robert Penn Warren - All the King's Men]

2. Ինչու՞ որոշեցիք կարդալ հենց դա
Մեծ ցուցակի գրքերից ա: Զաիլյանի ֆիլմը տենց էլ չէի նայել, որովհետև ուզում էի կարդալ անպայման: Չգիտեմ, քաղաքական վեպերը քաշում են վերջերս: Գումարած՝ գործի տեղի գրադարանում կասկածելի պատճառներով առաջին հրատարակության բնօրինակը կար:

3. Գիրքն ինչպե՞ս է սկսվում (առաջին նախադասությունը)
Այնտեղ հասնելու համար դուք անցնում եք 58-րդ մայրուղով, որ դուրս է գալիս քաղաքից դեպի հյուսիս-արևելք. մայրուղին այդ լավն է և նոր:
[To get there you follow Highway 58, going northeast out of the city, and it is a good highway and new.]

4. Ո՞ր էջն եք հասել
82/464

5. Ձեր կարծիքը մինչև հիմա
Ամերիկյան քաղաքականության համապատկերը անթերի ա ներկայացրած. ճիշտ ոնց սպասում էի: Մի քիչ դժվար ա առաջ գնում, որովհետև ինֆորմացիան շատ ա: Բայց գուցե ինձանից էլ լինի. շատ ցրված եմ կարդում:
Տեղ-տեղ շատ սիրուն ա գրած, փափուկ անգլերեն ա: Զգացվում ա, որ հեղինակը նաև պոետիկ ձիրք ունի (կարծեմ՝ միակն ա, որ Պուլիցեր ա ստացել և՛ արձակի, և՛ չափածոյի համար):

[Ծլնգ]

1. Ի՞նչ եք կարդում հիմա
Անիտա Դիամանտ - «Բոստոնցի աղջիկը» (The boston girl)

2. Ինչու՞ որոշեցիք կարդալ հենց դա
Մի երկու տարի ա ցանկումս էր, բայց հետաձգվում էր։ Վերջը հերթը հասավ․․․

3. Գիրքն ինչպե՞ս է սկսվում (առաջին նախադասությունը)
Ավա, անուշս, որ խնդրում ես պատմեմ նրա մասին, թե ինչպես եմ դարձել այն կինը, ով կամ այսօր, ի՞նչ ես սպասում որ պիտի ասեմ։

4. Ո՞ր էջն եք հասել
Վերջացրել եմ․․․ մեկուկես շնչով։

5. Ձեր կարծիքը մինչև հիմա
Լավն էր։ Ոճապես ահագին նման է Նենսի Գրիգորյանի «Զաբել»-ին։ Հավես, ինչ-որ տեղ սպասելիորեն մակերեսային տոնով պատմում է կոնսերվատիվ իմիգրանտների ընտանիքում մեծացող աղջնակի մասին, ով հետզետե բացահայտում է իր մեջի կնոջը։ Համաձայն եմ, որ տեղերով անատամ է, բայց դա էլ է սազում հարցազրուցային կառուցվածքին։ Մի ցնցող դրվագ կար, որ ահագին տպավորիչ էր, ու լավ բնութագրում է ամբողջ գիրքը (մի փոքրիկ սփոյլեր ա)․

 •

• 

 Սեղմել՝ ցույց տալու համար

Պատմողի մայրը մի քանի ամիս առաջ մահացել էր, ու հայրն էլ, լինելով ավանդապաշտ հրեա, հայտարարում է, որ մի տարի պիտի սուգ պահեն։ Իսկ պատմողը նշանված էր, հարսանիքի օրն էլ՝ նշանակված, երբ մայրը մահացավ։ Ու մի օր լրիվ հուսահատ հարցնում է հորը, թե երբ կարող է ամուսնանալ, հայրն էլ պատասխանում է՝ երբ ուզես։ Աղջիկն էլ շշմած վրան է հասնում, թե բա ասում էիր մի տարի պիտի սպասեմ, ինչին ստանում է այս պատասխանը․ «Did I say anything about weddings? According to Talmւud, if a funeral procession and a wedding procession cross paths, the wedding party goes first. Life is more important than death.»

Ուզում եմ հեղինակի այլ գործերն էլ կարդալ․․․

[GriFFin]

1. Ի՞նչ եք կարդում հիմա

Paul Magrs - To the Devil- a Diva!

2. Ինչու՞ որոշեցիք կարդալ հենց դա

Ես արդեն կես տարի ա` ամիսը մեկ կամ 2 ամիսը մեկ անգամ, գնում եմ Բուկինիստ գրախանութ ու զեղչով լիքը անգլերեն գրքեր եմ գնում։ Հատը 500 դրամ։ Հերթով կարդում եմ, հիմա հասել ա էս մեկի հերթը։

3. Գիրքն ինչպե՞ս է սկսվում (առաջին նախադասությունը)

Թեյը այն բանն էր, որը մեզ հանգստացնում է։
Tea was the thing that calmed us down.

4. Ո՞ր էջն եք հասել

56րդ էջ

5. Ձեր կարծիքը մինչև հիմա

Դեռ կարծիք չունեմ, որտև կարծես թե ամեն ինչ նոր է սկսվում։ Հետաքրքիրը առջևում է։

[StrangeLittleGirl]

1. Ի՞նչ եք կարդում հիմա

Paul Magrs - To the Devil- a Diva!

2. Ինչու՞ որոշեցիք կարդալ հենց դա

Ես արդեն կես տարի ա` ամիսը մեկ կամ 2 ամիսը մեկ անգամ, գնում եմ Բուկինիստ գրախանութ ու զեղչով լիքը անգլերեն գրքեր եմ գնում։ Հատը 500 դրամ։ Հերթով կարդում եմ, հիմա հասել ա էս մեկի հերթը։

3. Գիրքն ինչպե՞ս է սկսվում (առաջին նախադասությունը)

Թեյը այն բանն էր, որը մեզ հանգստացնում է։
Tea was the thing that calmed us down.

4. Ո՞ր էջն եք հասել

56րդ էջ

5. Ձեր կարծիքը մինչև հիմա

Դեռ կարծիք չունեմ, որտև կարծես թե ամեն ինչ նոր է սկսվում։ Հետաքրքիրը առջևում է։

Որ վերջացնես, մի հատ էլ կարծիք գրի էլի։ Ընդհանուր լա՞վն են էդ գրքերը։ Ես երկու անգամ եմ բուկինիստից զեղչով անգլերեն գիրք առել, մի անգամը գեշ քաշվել եմ. շատ ապուշ գիրք էր։

[StrangeLittleGirl]

1. Ի՞նչ եք կարդում հիմա
Քոնի Փալմեն - «Դու ասացիր»

2. Ինչու՞ որոշեցիք կարդալ հենց դա
Ընդհանրապես, Քոնի Փալմեն վաղուց էի ուզում կարդալ, բայց ուզում էի հոլանդերենս մի քիչ լավացնել, նոր: Էդպես մնում էր: Վերջերս գրադարանում տեսա էս գիրքը, էլ չսպասեցի հոլանդերենիս լավանալուն, վերցրի, որ կարդամ:

3. Գիրքն ինչպե՞ս է սկսվում (առաջին նախադասությունը)
Մարդկանց մեծ մասի համար մենք միայն գրքում գոյություն ունենք. իմ հարսնացուն ու ես:

4. Ո՞ր էջն եք հասել
46

5. Ձեր կարծիքը մինչև հիմա
Չեմ փոշմանել հեչ: Գիրքը Սիլվիա Փլաթի մասին ա ամուսնու՝ Թեդ Հյուզի տեսանկյունից, ու Փլաթի ինքնասպանությունը լրիվ ուրիշ լույսի տակ ա ներկայացնում: Ահագին հետաքրքիր ա:

[StrangeLittleGirl]

Էս թեմայում որ ես չգրեմ, ոչ ոք չի գրի
1. Ի՞նչ եք կարդում հիմա
Հելլե Հելլե - «Տուն և տուն» (իրականում չգիտեմ վերնագիրը ոնց թարգմանեմ, օրիգինալը Hus og hjem ա, որն անգլերեն կլինի House and Home, հայերեն երկուսն էլ տուն են թարգմանվում):

2. Ինչու՞ որոշեցիք կարդալ հենց դա
Մի գեղեցիկ օր ֆռֆռում էի Սկանդինավիայի ամենամեծ գրադարանում, մտածեցի՝ մինչև գիրք չվերցնեմ էնտեղից, չեմ հանգստանա։ Էդպես աջ ու ձախ գնացի, ու քանի որ հեղինակից նախկինում էլի էի գործեր կարդացել, որոշեցի սա վերցնել։

3. Գիրքն ինչպե՞ս է սկսվում (առաջին նախադասությունը)
Արդեն հինգ օր է, ինչ այստեղ եմ, և սա իմ հինգերորդ նամակն է Անդերսին։

4. Ո՞ր էջն եք հասել
98/220

5. Ձեր կարծիքը մինչև հիմա
Անտանելի լավն ա։ Հելլե Հելլեն հրաշալի գրող ա, ու շատ ափսոս ա, որ իրա գործերը Դանիայի տարածքից քիչ են դուրս գալիս։ Շշմելու բան ա, թե ոնց ա կարողանում մինիմալ բառերով էդքան էմոցիա փոխանցի։

[StrangeLittleGirl]

1. Ի՞նչ եք կարդում հիմա
Փիթեր Հյոգ- «Լռություն»

2. Ինչու՞ որոշեցիք կարդալ հենց դա
Իրինա Խակամադայի մաստեր կլաս-ն էի լսում ու էդտեղ մեջբերեց, հետաքրքրեց,վերցրեցի:
3. Գիրքն ինչպե՞ս է սկսվում (առաջին նախադասությունը)
Каждому человеку Всевышняя определила свою тональность — и Каспер умел ее слышать. (Չթարգմանեմ )

4. Ո՞ր էջն եք հասել
8

5. Ձեր կարծիքը մինչև հիմա
Հետաքրքիր է ու հեշտ է կարդացվում:

Ո՞նցն էր։ Հեղինակն իմ՝ էս տարվա կարդացվելիքների ցանկում ա, բայց չեմ կողմնորոշվում որ գիրքն ընտրեմ։ Ուրիշ գիրք կարդացե՞լ ես իրանից։

[LisBeth]

Կարդում եմ Նիլ Գեյմանի գրեյվյարդ բուքը։

Որոշեցի կարդալ․․․ Գեյմանին էն Կտուլհուի մասին փախած պատմվածքից գիտեի։ Դրանից հետո մի հատ հավաքածու ու մի հատ էլ աստվածները ստացա նվեր, հավաքածուի պատմվածքը լավն էր, իսկ աստվածները մինչ այժմ կեսերում լռված եմ, ու պատճառը հաստատ ինքը չի, այլ թարգմանությունը։ Մեղմ ասած ապուշ թարգմանություն ա։ Ու սենց իմ համար օտարալեզու գրականության բաժնում թափառում էի, ասի լավ․․ տեսնենք ինչ ա բստրում էս հենդսըմ մենը։

սկսվում ա դանակի նկարագրությամբ։

Էջը չեմ հիշում, բայց Միսս Լուպեսկուն պլաստիկ տարաներով ուտելիք էր բերել Ոչմեկին։

Միսս Լուպեսկու ասեցի, հիշեցի մի հատ իմ սիրած ակումբցիներից մեկի ստորագրությունը Գիտեի որ ծանոթ ա հնչում։ Կարծիքս, դե լեզուն պարզ ա, հեշտ ա կարդացվում, դաժը իմ նման անգրագետի համար։ Չէի սպասում, բայց որ ձեռս եմ վերցնում, դժվար եմ կտրվում հետո․․ լավն ա, լավը։

[StrangeLittleGirl]

1. Ի՞նչ եք կարդում հիմա
Սյուզան Բրյոգեր ֊ «Ջադե կատուն»

2. Ինչու՞ որոշեցիք կարդալ հենց դա
Գիրքը պաշտպանությանս առթիվ մեր ամբիոնի պրոֆեսորներից մեկն էր նվիրել։ Հետո էլ ընտրվեց Օրհուսի մեր նորաբաց ընթերցանության ակումբի հունիսի գիրք, տենց սկսեցի կարդալ։

3. Գիրքն ինչպե՞ս է սկսվում (առաջին նախադասությունը)
Թոբիասն աշխարհի մարդ էր, Օտտոն` տան։։

4. Ո՞ր էջն եք հասել
88/580

5. Ձեր կարծիքը մինչև հիմա
Ընդհանրապես, ընտանեկան սագա կարդալը բավական վտանգավոր բան ա. կարա շատ լավը լինի ու կարա ահավոր վատը լինի։ Էս մեկը լավերից։ Ահավոր համով֊հոտով ու հումորով ա գրված։ Կարդալու ընթացքում ձենով ծիծաղում եմ։

[Հենո]

1. Ի՞նչ եք կարդում հիմա
Владимир Пятибрат - Глубинная Книга

2. Ինչու՞ որոշեցիք կարդալ հենց դա
Rutor-ից Westworld-ը քաշելու ժամանակ մի մեկնաբանություն կարդացի էս գրքի վերաբերյալ ու զգացի, որ ուզում եմ կարդամ:

3. Գիրքն ինչպե՞ս է սկսվում (առաջին նախադասությունը)
Что такое Истина?

4. Ո՞ր էջն եք հասել
Էլեկտրոնային տարբերակով եմ կարդում ու նոր եմ սկսել:

5. Ձեր կարծիքը մինչև հիմա
Դեռ չունեմ:

[Mephistopheles]

Los Angeles building code
California building code
Ակումբ
ֆեյսբուք

[StrangeLittleGirl]

1. Ի՞նչ եք կարդում հիմա
Դորթե Նորս - «Միննան փորձի տարածք է փնտրում»

2. Ինչու՞ որոշեցիք կարդալ հենց դա
Անցյալ շաբաթ Դուբլինում մի գրախանութ մտանք (իսկ Դուբլինի գրախանութները մի այլ կարգի հրաշք են, ոչ մի ուրիշ քաղաք չունի էդպիսի գրախանութներ)։ Մի ամբողջ պատ նվիրված էր ֆուտբոլի աշխարհի առաջնությանը։ Մասնակից երկրներից յուրաքանչյուրից առաջարկված էր գրականության մի նմուշ։ Դանիայից հենց վերոնշյալ գիրքն էր։ Ահագին զարմացանք, որովհետև հեղինակի անունը ո՛չ լսել էինք, ո՛չ էլ առավելևս կարդացել։

Էսօր էլ Կոպենհագենի իմ սիրելի գրախանութում էինք։ Մեկ էլ տեսնենք՝ նույն գիրքը։ Աշխատողից հարցուփորձեցինք։ Պարզվեց՝ Դորթե Նորսն ավելի շատ միջազգայնորեն ա հայտնի, քան Դանիայում։ Էդպես, գիրքն առա, որ ընկերուհուս նվիրեմ։ Բայց քանի որ սովորաբար էսպես ա լինում էն գրքերի հետ, որոնք նվեր եմ առնում, բայց դեռ կարդացած չեմ լինում, արագի մեջ նախապես կարդում եմ։ Ու չդիմացա, սկսեցի կարդալ։

3. Գիրքն ինչպե՞ս է սկսվում (առաջին նախադասությունը)
Միննան Ֆեյսբուքում է։

4. Ո՞ր էջն եք հասել
25/90 (ահավոր արագ ա կարդացվում)

5. Ձեր կարծիքը մինչև հիմա
Շշմելու բան ա։ Ասենք ես մինիմալիզմի սիրահար եմ, բայց է՞ս կարգի մինիմալիզմ։ Ինձ անտանելի դուր ա գալիս։ Երևի էս գիշեր կարդամ, վերջացնեմ։