Ի՞նչ եք կարդում հիմա...

[unknown]

1. Ի՞նչ եք կարդում հիմա
Наринэ Абгарян. Люди, которые всегда со мной

2. Ինչու՞ որոշեցիք կարդալ հենց դա
Լսել էի, որ հետաքրքիր գիրք է:

3. Գիրքն ինչպե՞ս է սկսվում (առաջին նախադասությունը)
Армянское нагорье насквозь пропитано кровью и слезами.

4. Ո՞ր էջն եք հասել
37/65

5. Ձեր կարծիքը մինչև հիմա
Տպավորված եմ, մանավանդ նկարագրություններից, մեկ անգամ աչքերս լցվել է ընթերցելու ընթացքում...արժի կարդալ չնայած չեմ վերջացրել, բայց կկարդամ հետաքրքիրա

[StrangeLittleGirl]

1. Ի՞նչ եք կարդում հիմա
Հելլե Հելլե - «Նրանք»

2. Ինչու՞ որոշեցիք կարդալ հենց դա
Հելլե Հելլեն իմ սիրած գրողներից ա։ Իսկ իրա «Նրանք» գիրքն էս տարի ա լույս տեսել։ Ռիվյուները սպանիչ լավն են, գիրքն ամենուր ա, թեման էլ հետաքրքիր (անբուժելի հիվանդ մոր և աղջկա հարաբերությունների մասին ա), գիրքն էլ ձեռք էի բերել անցյալ ամիս, իսկ փառատոնի ժամանակ Հելլե Հելլեն ստորագրել էր։ Մի խոսքով, էս գիրքը կարդալը ժամանակի հարց էր։ Ու էդպես որոշեցի շուտ կարդալ, վերջացնել։

3. Գիրքն ինչպե՞ս է սկսվում (առաջին նախադասությունը)
Ավելի ուշ գնում է նա դաշտերով, հետը՝ մի գլուխ ծաղկակաղամբ։

4. Ո՞ր էջն եք հասել
82/157

5. Ձեր կարծիքը մինչև հիմա
Էս գրքում Հելլե Հելլեն լրիվ գերազանցում ա ինքն իրեն։ Իզուր չի, որ էսքան շուխուռ հանած գիրք ա․ իրոք մի այլ կարգի լավն ա, մի այլ կարգի հուզում ա։ Ամեն մի բառը հատուկ ընտրված ա, ոչ մի ավելորդ բառ չկա։ Ու շատ սիրուն ա։ Չեմ չափազանցնի, եթե ասեմ, որ ժամանակակից գրականության լավագույն նմուշներից ա։ Հույս ունեմ՝ մի օր կթարգմանվի անգլերեն, որ ավելի լայն շրջանակների հասանելի լինի։

[StrangeLittleGirl]

Եթե ես ու Սամը չլինենք, էս բաժնում գրառում անող չի լինի

1. Ի՞նչ եք կարդում հիմա
Սալլի Ռունի - «Զրույց ընկերների հետ»

2. Ինչու՞ որոշեցիք կարդալ հենց դա
Էս գիրքն ինձ ուղղակի հետապնդում էր։ Նախ, Սալլի Ռունին էս տարի Լուիզիանայի փառատոնին ա գալու։ Հետո, որ գրախանութը մտնում էի, գիրքը դեմս էր դուրս գալիս։ Վերջը որոշեցի կարդալ ու մեկընդմիշտ սիստեմիցս հանել։ Ռիվյուներն էլ ահագին լավն էին։ Էդ էլ լրացուցիչ գայթակղություն էր։

3. Գիրքն ինչպե՞ս է սկսվում (առաջին նախադասությունը)
Բոբբին ու ես Մելիսային առաջին անգամ հանդիպեցինք քաղաքում պոեզիայի երեկոյի ժամանակ, որտեղ մենք միասին ելույթ էինք ունենում։

4. Ո՞ր էջն եք հասել
29/320

5. Ձեր կարծիքը մինչև հիմա
Ահագին թեթև գրված, հումորով ու հավես գիրք ա։ Նոր անգլերեն սովորողներին խորհուրդ եմ տալիս կարդալ։

[StrangeLittleGirl]

1. Ի՞նչ եք կարդում հիմա
Դելֆին դը Վիգան ֊ «Ոչինչ չի հակադրվում գիշերվան»

2. Ինչու՞ որոշեցիք կարդալ հենց դա
Վաղուց էր՝ ֆրանսիական գրականություն չէի կարդացել։ Հունիսին Փարիզում եղած ժամանակ գրախանութներից մեկում աչքովս ընկավ։ Հեղինակի մասին էլ գիտեի, որովհետև էս տարի Լուիզիանայի գրական փառատոնին էր գալու։ Տենց, որոշեցի առնել, ու հիմա կարդում եմ։

3. Գիրքն ինչպե՞ս է սկսվում (առաջին նախադասությունը)
Մայրս կապույտ էր, մոխրին խառնված կապույտ, ձեռքերը զարմանալիորեն ավելի մուգ, քան դեմքը։

4. Ո՞ր էջն եք հասել
96/400

5. Ձեր կարծիքը մինչև հիմա
Ահագին չոր գրված գիրք ա։ Ոնց որ ժուռնալիստ գրած լինի, բայց զարմանալի ա, թե ոնց ա ինքը որպես հեղինակ փորձում էմոցիոնալ հեռավորություն պահել տեքստից, ու դրանով տեքստն ավելի ազդեցիկ ա դառնում։ Իհարկե էս ֆրանսիական գրականության նոր թրենդը՝ ինքնագեղարվեստական գրականությունը, ահագին հետաքրքիր ա, բայց հետաքրքիր ա, որ էս ժանրում ինչ կարդացել եմ, բոլորն ինչ֊որ ընդհանուր գիծ ունեն, ու դա մենակ ինքնագեղարվեստականությունը չի, նաև գրելաոճն ա։ Երևի պետք ա որոշակի չորություն ունենալ սեփական պատմությունից հեռավորություն պահելու համար։

[StrangeLittleGirl]

1. Ի՞նչ եք կարդում հիմա
Սալլի Ռունի ֊ «Նորմալ մարդիկ»

2. Ինչու՞ որոշեցիք կարդալ հենց դա
«Զրույց ընկերների հետ» գիրքը կարդալու ընթացքում հայտնաբերեցի, որ հեղինակի նոր գիրքը ճամփին ա։ Նախապատվիրեցի ու սկսեցի սպասել։ Թողարկման օրվանից՝ օգոստոսի 30֊ից հետո տեղ հասավ։ Անհամբեր սպասում էի, թե երբ պիտի սկսեմ, բայց արանքում երկու գիրք կար։ Քանի որ նախորդ գիրքը մեղմ ասած ահավոր դուրս էկլ էր, համբերությունս էլ չէր հերիքում։ Ընթացքում էլ Մորթենն էլ կարդաց, սկսեց ջիջիլ գցել։ Ու էդպես, մի կերպ երեք շաբաթ ձգեցի, մինչև մյուս երկու գրքերը վերջացրեցի ու էս մեկը սկսեցի։
3. Գիրքն ինչպե՞ս է սկսվում (առաջին նախադասությունը)
Մարիանը բացում է դուռը, երբ Քոնելը դռան զանգը տալիս է։

4. Ո՞ր էջն եք հասել
106/260

5. Ձեր կարծիքը մինչև հիմա
Չգիտեմ էլ ինչ ասեմ։ Առաջին երեսուն էջը հիասթափեցնող էր, ու անընդհատ մտածում էի՝ ափսոս, Ռունիի երկրորդ գիրքն արդեն էն չի։ Բայց հետո մեկ էլ էն աստիճանի կպավ, որ էլ պոկ չի գալիս։ Էն կարգի, որ ասենք ուզում եմ կիսատ թողնել զուտ որովհետև էլ չեմ դիմանում էն հուզական ազդեցությանը, որ էս գիրքն ունի ինձ վրա։ Խելագարվելու գիրք ա։ Ոնց որ մեր սերնդի բոլոր տեսակի խնդիրները հավաքած, մի տեղում լցրած լինի։ Դրան էլ ավելացրած Դուբլին ու Թրինիթի ու դրանց հետ առաջացող բոլոր ասոցիացիաները։ Չգիտեմ՝էլ ոնց պիտի լինի գիրքը, որ ինձ վրա կարողանա սենց ազդել։

[Katka]

1. Ի՞նչ եք կարդում հիմա
Кевин Келли Неизбежно

2. Ինչու՞ որոշեցիք կարդալ հենց դա
վերջերս ավելի ու ավելի շատ են ձգում արհեստական ինտելեկտի ու մոտ ապագայի վերաբերյալ գրքերը, ֆուտուրոլոգների կանխատեսումները

3. Գիրքն ինչպե՞ս է սկսվում (առաջին նախադասությունը)
չեմ հիշում...

4. Ո՞ր էջն եք հասել
68
5. Ձեր կարծիքը մինչև հիմա
Տպավորված եմ. ու մտածում ես ինչքան բան ա փոխվելու, պատկերացնում, որ winter is coming)))

[Ծլնգ]

1. Ի՞նչ եք կարդում հիմա
Քաթրին Լալլի ֊ «Ձվի կճեպներ»

2. Ինչու՞ որոշեցիք կարդալ հենց դա
Հանկարծակի իմացա, որ հեղինակը Թրինիթիում հավաքարար էր աշխատում, երբ իմացել էր, որ իր անդրանիկ գրքի համար Թրինիթիից Ռունիի մրցանակի է արժանացել։ Մտածեցի՝ պետք է կարդալ։

3. Գիրքն ինչպե՞ս է սկսվում (առաջին նախադասությունը)
Երբ վերադառնում եմ տատիկիս քրոջ տուն իր աճյունամոխրով, օդն անվստահ է թվում, կարծես չգիտի, թե հետս ինչպես վարվի։

4. Ո՞ր էջն եք հասել
124/263

5. Ձեր կարծիքը մինչև հիմա
Բարդ ա․․․ մի գրքում զետեղված ա հեքիաթ, գավառագիտություն, անձնական ողբերգություն, հոգեբանական թրիլլեր, սարսռացնող ռեալիզմ, անծայր հույս ու անտակ հուսահատություն․․․ գիտեմ, անհնարին ա, բայց կա՛։ Որ չիմանայի հեղինակի առաջին գիրքն ա, երբեք չէի հավատա․ մոգական վարպետությամբ գրված գործ է․․․ զարմանալի չի, որ իռլանական գրական իրականության մեջ հենց սա է արժանացել Ռունիի մրցանակի։ Երկու ավելի կոնկրետ տպավորությամբ ամփոփեմ կարծիքս․․․

Չեմ սիրում քաղաքի մասին գրքեր (քաղաքային գավառագիտությո՞ւն), նույնիսկ սիրվածս հեղինակների կողմից գրվածները դժվար եմ կարդում, քանի որ այդ քաղաքին տեր կանգնող գրողի հույզերն ու սերը դժվար եմ կիսում։ Այս գործից հետո երբեք չեղածս Դուբլինը երազածս այցելությունների շարքում իր հաստատուն տեղն ունի․ շուտով․․․

Չեմ վերջացնելու գիրքը․ վախենում եմ ավարտվի։ Ուզում եմ գրկեմ և՛ գիրքը, և՛ Քաթրինին, և՛ Վիվիանին, և՛ (քիթս փակած) Փենելոփին․․․ և՛ մյուս Վիվիանին, և՛ Դուբլինը, և՛ աթոռները՝ հատ-հատ․․․ ու վախում եմ, որ գիրքը ավարտվի։ Կողքի եմ դնում, որ որոշ ժամանակ անց վերադառնամ ու սկզբից սկսեմ և նորից չավարտեմ, հետո նորից ու նորից՝ մինչև հեղինակի երկրորդ գիրքը լույս չտեսնի։ Իսկ մինչ այդ, ցանկումս հաջորդն ավելի «նորմալ մարդկանց» մասին գործն է։

[LisBeth]

1. Le Guin - The Dispossessed

2. Ուզում էի գրպանային գիրք պատվիրեմ, նայեցի իմ ուզածը չկար, սա պատվիրեցի, քանզի հեղինակի Վինթերզ քինգը կարդացել էի ու սահմռկեցուցիչ տրամի տակ էի մնացել։

3․ There was a wall...

4. 21 ու միանգամից կարծքիս էլ էս պունկտի տակ ․․․նոր եմ սկսել, բայց զգում եմ որ սա էն գրքերից ա, որոնց մեջ խրվելու համար առանձնակի ջանք թափել պետք չի։ Շատ ջերմ զգացմունքներ չի առաջացնում, ուղղակի հետաքրքիր ա։ Էն ինչ պետք ա։ Հնարավոր ա շարունակեմ դեգերել իրա ստեղծած տիեզերքով, ցիկլում ևս մի քանիսը կա, սա ըստ տարեթվերի՝ երկրորդն ա։
Կանանց դերի մասին երկու մոլորակի միջև եղած կոնտրաստի վրա ահագին սրամիտ դիալոգներ ու խորքային մտքեր կար կառուցած։ Ըմ, դեռ այսքանը։

[StrangeLittleGirl]

1. Ի՞նչ եք կարդում հիմա
Խոսե Էդուարդո Ագուալուսա ֊ «Մոռացության ընդհանուր տեսություն»

2. Ինչու՞ որոշեցիք կարդալ հենց դա
Ամիսներ առաջ երբ գրական փառատոն էի գնացել, էնպես ստացվեց, որ իվենթներից մեկի գրողներից մեկը չէր գալու։ Դրա փոխարեն ինձ անվճար տոմս առաջարկեցին մեկ այլ իվենթի համար, որտեղ Խոսե Էդուարդո Ագուալուսան էր լինելու։ Չնայած որ հեղինակը փառատոնի կարևորագույն դեմքերից էր, մատների արանքով էի նայել ու ի սկզբանե չէի ծրագրել գնալ իրա իվենթին։ Բայց դե հանուն անվճար տոմսի գնացի։ Ու չփոշմանեցի։ Զրույցն ահագին հետաքրքիր անցավ։ էն կարգի, որ ուզեցի գիրքն առնել (իսկ էսպիսի բաներ գրական փառատոններում հազվադեպ ա լինում. սովորաբար գնում են էն գրողների իվենթներին, որոնցով առնվազն հետաքրքրված եմ)։ Հետն էլ գրքի թարգմանիչը կողքս նստած էր, ինքն էլ ասեց, որ լավ գիրք ա։ Նենց պատկառելի մարդ էր էրևում, որ չէի կարա չհավատայի։ Ու տենց գիրքը առա, ավելացրի էս տարի կարդացվելիք գրքերի ցանկին։

3. Գիրքն ինչպե՞ս է սկսվում (առաջին նախադասությունը)

Լյուդովիկան չէր սիրում երկնքին նայել։

4. Ո՞ր էջն եք հասել

80/278

5. Ձեր կարծիքը մինչև հիմա

Գիրքը Անգոլայի հեղափոխության մասին ա, ու էդ հեղափոխության ժամանակ տան շուրջը պատ կառուցած ու քսանութ տարի պատերի ներսում մնացած մի կնոջ պատմություն ա։ Ահագին հուզիչ ու միաժամանակ ցավեցնող, տեղ֊տեղ նաև ծիծաղելի պատմություն ա։ Ահավոր լավ գիրք ա։

[StrangeLittleGirl]

1. Ի՞նչ եք կարդում հիմա
Ռոբերտո Բոլանյո ֊ «2666»

2. Ինչու՞ որոշեցիք կարդալ հենց դա
Անցյալ տարի Ծննդյան տոներին նվեր էի ստացել ինչ֊որ տեղ նաև որպես ներվայնացնող նվեր, որովհետև հսկայական գիրք ա, ու հաստատ իմ կամքով դժվար վերցնեի էս գիրքը, որ կարդայի, իսկ նվերը պարտավորեցնող ա։ Դե հետո էլ ինչքան իրան հարգող արվեստագետ կա, անընդհատ Բոլանյոյի անունն ա տալիս որպես իրանց կարդացած լավագույն գրողի։ Կարդամ, հասկանամ՝ ինչու՞ են իրանով տենց հիացած։ Կարող ա ես էլ հիանամ, մարդ ես։

3. Գիրքն ինչպե՞ս է սկսվում (առաջին նախադասությունը)

Առաջին անգամ, երբ Ժան֊Կլոդ Պելետիեն Բեննո ֆոն Արշիմոլդի կարդաց, 1980թ. Ծննդյան տոներն էին, Փարիզում, երբ տասնինը տարեկան էր ու գերմանական գրականություն էր սովորում։
4. Ո՞ր էջն եք հասել

14/898

5. Ձեր կարծիքը մինչև հիմա

Ուրեմն իրիկվա յան ճամփեքին գիրքը բացում ես, որ ուղեղդ մի քիչ հանգստանա, ու կարդում ես պրոֆեսորների, կոնֆերանսների ու գիտական հոդվածների մասին։ Ընտիր ա, չէ՞։ Պրծում չկա։ Գիրքը գրված ա նենց տոնով ու ոճով, որ ոնց որ թերթ կարդաս, ոնց որ լուրերի հաղորդում լինի։ Հետն էլ ահագին դանդաղ ա կարդացվում, ու փոքր ֆոնտը հեչ չի լավացնում վիճակը։ Իհարկե ընկել եմ, պիտի քաշեմ։ Բայց ասեցի՝ մի քիչ ստեղ նվնվամ, գնամ, շարունակեմ։

[unknown]

1. Ի՞նչ եք կարդում հիմա
Анна Гавальда. Луис Мариано, или Глоток свободы

2. Ինչու՞ որոշեցիք կարդալ հենց դա
Համացանցում պատահական տեսա:

3. Գիրքն ինչպե՞ս է սկսվում (առաջին նախադասությունը)
Я еще и в машину-то сесть не успела, только нагнулась и открыла дверцу, как моя дорогая невестка накинулась на меня:
— Ну сколько можно тебя дожидаться!.. Ты что, не слышала, мы уже десять минут тут тебе гудим!

4. Ո՞ր էջն եք հասել
2/52

5. Ձեր կարծիքը մինչև հիմա
Սկիզբը խոստումնալիցա...

[StrangeLittleGirl]

1. Ի՞նչ եք կարդում հիմա
Анна Гавальда. Луис Мариано, или Глоток свободы

2. Ինչու՞ որոշեցիք կարդալ հենց դա
Համացանցում պատահական տեսա:

3. Գիրքն ինչպե՞ս է սկսվում (առաջին նախադասությունը)
Я еще и в машину-то сесть не успела, только нагнулась и открыла дверцу, как моя дорогая невестка накинулась на меня:
— Ну сколько можно тебя дожидаться!.. Ты что, не слышала, мы уже десять минут тут тебе гудим!

4. Ո՞ր էջն եք հասել
2/52

5. Ձեր կարծիքը մինչև հիմա
Սկիզբը խոստումնալիցա...

Լավն ա Գավալդան, բայց էս գիրքը չեմ կարդացել։ Լավ հիշեցում էր իրա գոյության մասին, գնամ, տեսնեմ վերջին տարիներին ինչ ա գրել։
Ի դեպ, ակումբում թեմա կա իրա մասին։

[romanista]

Դոստոևսկու Ապուշը: Ռուսական գրականություն շատ քիչ եմ կարդացել, նախապատվությունը տալով բրիտանականին ավելի շատ: Հիմա որոշել եմ լրացնել բացը, սկսելով դասական վեպերից)

[StrangeLittleGirl]

1. Ի՞նչ եք կարդում հիմա
Դորթե Նորս ֊ «Հայելի, ուս, ազդանշան»

2. Ինչու՞ որոշեցիք կարդալ հենց դա
Մեր ընթերցանության ակումբի հերթական գիրքն ա։ Դե Նորսից էլ երկու ուրիշ գիրք կարդացել էի, նենց որ դեմ չէի բուքերյան մրցանակի շորթլիսթում հայտնված գործն էլ կարդալ։

3. Գիրքն ինչպե՞ս է սկսվում (առաջին նախադասությունը)

Սոնյան նստած է մեքենայում, ու մոտը բառարան կա։
4. Ո՞ր էջն եք հասել

48/198

5. Ձեր կարծիքը մինչև հիմա

Գիրքը քառասունն անց կնոջ՝ մեքենա վարել սովորելու (կամ դրա անկարողության) մասին ա։ Տիպիկ նորսական՝ հումորը տեղը, ձենով խնդալով կարդում եմ, բայց առայժմ մի տեսակ չի կպնում, չնայած Նորսին լավ իմանալով՝ սյուժեն իրա թույլ կողմն ա, երևի դրանից չի կպնում։

[Յոհաննես]

1. Ի՞նչ եք կարդում հիմա
Դենիել Քիզ-«Ծաղիկներ Էլջերնոնի համար»
2. Ինչու՞ որոշեցիք կարդալ հենց դա
եսիմ,Կարդալու միտք չունեի,երբ գիրքը ձեռքս վերցրի
3. Գիրքն ինչպե՞ս է սկսվում
Չեմ հիշում
4. Ո՞ր էջն եք հասել
կեսերն եմ
5. Ձեր կարծիքը մինչև հիմա
Նայածս ֆիլմերից ու կարդացածս գրքերից ոչ մեկը էսքան ծանր չեմ տարել(երևի),գլխավոր կերպարի հետ շնչում-արտաշնչում եմ