Ի՞նչ եք կարդում հիմա...

[enna]

1. Ի՞նչ եք կարդում հիմա
<<Գիշատիչների խնջույքը>> Վահե Քաչա
2. Ինչու՞ որոշեցիք կարդալ հենց դա
Գրադարանավարուհին խորհուրդ տվեց
3. Գիրքն ինչպե՞ս է սկսվում
Գրքի առաջին մի քանի էջը չկա,սկսում է 7-րդ էջից:
...վիրահատել,ձեռքերը կրծիքն խաչած,պառկած է:Նա սպասում է:Մենք սպասում ենք վերքի վերջնական սպիացմանը:Գանգի վնասվածք էր:Վիրահատումն օգնեց..
4. Ո՞ր էջն եք հասել
58/358
5. Ձեր կարծիքը մինչև հիմա
Հետաքրքիրա միայն առաջին պատմվածքի ավարտին նկատեցի,որ գրքում 4 պատմվածք կա:Առաջին պատմվածքը սիրեցի,հեշտ ընթերցեցի:Էսպիսի գրելաոճը ինձ դուր է գալիս:Պատահականությունն է,թե ճակատագիր ,չգիտեմ,բայց համոզված եմ,որ այս պատմվածքը ես պիտի կարդայի հիմա:

[Ruby Rue]

1. Ի՞նչ եք կարդում հիմա
Հրանտ Մաթևոսյան - «Աշնան Արև»

2. Ինչու՞ որոշեցիք կարդալ հենց դա
Ակումբը խորհուրդ տվեց: Շատ թեմաներում եմ հանդիպել, թե ինչպես են ակումբցիները հիացմունքով խոսում Մաթևոսյանի մասին, ես էլ որոշել էի՝ հենց ժամանակ ունենամ, սխալս ուղղեմ: Համ էլ վաղուց հայերեն գիրք չէի կարդացել, մտածեցի՝ գնալուցս առաջ մի լավ հայ գրողի կարդամ, նոր գնամ:

3. Գիրքն ինչպե՞ս է սկսվում
Մոսկվայից, Ծմակուտի վրայով, Երևան են հասնում մի 100 րոպեում, իսկ Ծմակուտից Երևան հասնելու համար պետք է գնալ մի ցերեկ ու մի գիշեր:

4. Ո՞ր էջն եք հասել
10/95

5. Ձեր կարծիքը մինչև հիմա
Շատ համով ու կենդանի լեզվով է գրված: Կարդացածդ նախադասությունները աչքիդ առաջ են գալիս, լավ պատկերացնում ու զգում ես:
Փաստորեն հասարակ գյուղական կյանքն ու գյուղացի կնոջը նկարագրող գիրքն էլ էսքան լավը կարող է լինել: Եթե ժամանակ ունենամ, գրքի մյուս պատմվածքներն էլ անպայման կկարդամ:

[enna]

1. Ի՞նչ եք կարդում հիմա
Միխաիլ Բուլգակով - <<Վարպետը և Մարգարիտան>>


2. Ինչու՞ որոշեցիք կարդալ հենց դա
Ցուցակիս մեջ կար


3. Գիրքն ինչպե՞ս է սկսվում
Մի անգամ,գարնանը,անասելի շոգ մայրամուտին,Մոսկվայում,Պատրիարքական լճի մոտ երկու քաղաքացի հայտնվեցին:
4. Ո՞ր էջն եք հասել
15/443


5. Ձեր կարծիքը մինչև հիմա
Անծանոթը ասաց աթեիստ դառնալուն խանգարող մի նախադասություն. -...բայց ահա թե ի՛նչն է ինձ անհանգստացնում՝եթե աստված չկա,ապա հարց է առաջանում.իսկ ո՞վ է կառավարում մարդկային կյանքը և ընդհանրապես ամբողջ կարգուկանոնը երկրիս երեսին:
«Աղյուսը հենց այնպես և երբեք ոչ մեկի գլխին չի ընկնի»:
Լավա ասում:Շատ լավա ասում:Հենց տեղից սկսեց ինձ հետաքրքրել:

[Նիկեա]

1. Ի՞նչ եք կարդում հիմա
Ն.Նոսով ,,Անգետիկի ու նրա ընկերների արկածները,,:
2. Ինչու՞ որոշեցիք կարդալ հենց դա
Հոպարիս պստոին քնացնելու համար հարմար գիրք է:
3. Գիրքն ինչպե՞ս է սկսվում
Չեմ հիշում,բայց մանչուկների մասին էր:
4. Ո՞ր էջն եք հասել
Տասնութերորդ:
5. Ձեր կարծիքը մինչև հիմա
Ես ուրախ կլինեի եթե Անգետիկի հետ ապրեի:

[Լեդի Վարդ]

1. Ի՞նչ եք կարդում հիմա
Ակսել Բակունց «Միրհավ»,«Ալպիական մանուշակ»,«Ծիրանի փողը»
2. Ինչու՞ որոշեցիք կարդալ հենց դա
Դպրոցում էին հանձնարարել
3. Գիրքն ինչպե՞ս է սկսվում
«Միրհավ»-Աշուն էր պայծառ աշուն
«Ալպիական մանուշակ»-Կաքավաբերդի գլխին տարին բոլոր…
«Ծիրանի փողը»-Ես թեթում եմ…
4. Ո՞ր էջն եք հասել
չգիտեմ
5. Ձեր կարծիքը մինչև հիմա
Լավն էին մանավանդ «Ալպիական մանուշակ»-ը պատմվածքը

[StrangeLittleGirl]

1. Ի՞նչ եք կարդում հիմա
Ուրսուլա ԼըԳին - «Մթության ձախ ձեռքը»

2. Ինչու՞ որոշեցիք կարդալ հենց դա
Մի փորձից գուշակեք: Ճիշտ ա, Կուրսերան

3. Գիրքն ինչպե՞ս է սկսվում
I'll make my report as if I told a story, for I was taught as a child on my homeworld that Truth is a matter of the imagination.

4. Ո՞ր էջն եք հասել
74

5. Ձեր կարծիքը մինչև հիմա
Սկզբում շատ անկապ էր: Հիմա մի քիչ ոչինչ, բայց մեկ ա, Բրեդբերիից հետո չի կարդացվում: Ոնց որ հեղինակը չափից շատ մեջտեղից ճղված լինի օրիգինալ բան գրելու համար:

[Վոլտերա]

1. Ի՞նչ եք կարդում հիմա- Վիլյամ Ֆոլքներ-պատմվածքներ

2. Ինչու՞ որոշեցիք կարդալ հենց դա - քլնգողների ինադու

3. Գիրքն ինչպե՞ս է սկսվում (առաջին նախադասությունը)- Խանութում, որտեղ նստած էր հաշտարար դատարանը, պանրի հոտ էր տարածվել (Հրկիզում)

4. Ո՞ր էջն եք հասել-50/200

5. Ձեր կարծիքը մինչև հիմա- Էն ով էր ասում Ֆոլքները թափելու բան ա Հենց մեկը ես: Որովհետև իր <<արջը>> կարդալ չի լինում ծանրության պատճառով: Այ պատմվածքներն ուրիշ են: Հիշում եմ, ոնց էի Խեչոյան կարդալիս ամեն մի բառի վրա փշաքաղվում: Տենց ա: Գրողներ կան ներծծվում են մաշկիդ մեջ ու ամբողջ կյանքում էդտեղից դուրս չեն գալիս: Իհարկե Ֆոլքները ներծծվելուց հեռու ա, բայց լավ ծակել գիտի: Ես էլ թարսի պես սիրում եմ ծակողներին Սենց կարդում եմ, զգում եմ ոնց ա ազդում վրաս էդ անտեր բառերի կույտը: Հետո սկսում ա ստամոքսդ ցավալ, հետո գլուխդ, հետո էդ ամեն ինչը ներսա մտնում ու սկսում տակից քանդել: Եթե Մարկես կարդալուց հետո երկար ժամանակ մրջյուններն ու ոսկորները քեզ հանգիստ չեն տալիս, Ֆոլքները բկիդ ա կանգնում ու ոչ մի կերպ կուլ չի գնում: Ու մեկ էլ ինքը չի համոզում: Ուղղակի քեզ մտցնում ա իրա ցեխն ու.. չէ չի հանում: Մենակ մտցնում ա: Ստիպված ես դու ինքդ մի կերպ դուրս գալ: Հետո վերջում ցեխի հետքերը մնում են: Վատն էն ա որ սկսում ես կախում ունենալ էդ մտցնելու գործընթացից ու ծակոցներից հաճույք ստանալ:
Լավն ա Ֆոլքները: Տանջել գիտի Ցեխը մտցնելու իրա ոճն ունի, իրա ձևը: Բայց էլի եմ ասում, ներծծվելուց հեռու ա

[Ռուֆուս]

1. Ի՞նչ եք կարդում հիմա

Douglas Adams - A Hitchhiker's Guide To The Galaxy

2. Ինչու՞ որոշեցիք կարդալ հենց դա

Ֆիլմը տեսել էի ու շատ էի սիրել, գիրքն էլ մի 4 տարի սպասում էր կոմպիս մեջ, թե երբ էի սկսելու իրեն կարդալ ու ամեն անգամ հետաձգում էի: Էն էլ լավ ա, մի երկու հոգի մի քանի օր առաջ ինձ հրապարակային ամոթանք տվեցին, ու սկսեցի կարդալ:

3. Գիրքն ինչպե՞ս է սկսվում (առաջին նախադասությունը)

The house stood on a slight rise just on the edge of the village.

4. Ո՞ր էջն եք հասել

40%

5. Ձեր կարծիքը մինչև հիմա

Ափսոսում եմ, որ ավելի շուտ չեմ կարդացել, սենց հավեսով վաղուց ոչ մի բան չէի կարդացել: Դե գիրքն էլ հրաշք ա, անգլիական համով հումորը վերջն ա

[Հայկօ]

2. Ինչու՞ որոշեցիք կարդալ հենց դա

Ֆիլմը տեսել էի ու շատ էի սիրել, գիրքն էլ մի 4 տարի սպասում էր կոմպիս մեջ, թե երբ էի սկսելու իրեն կարդալ ու ամեն անգամ հետաձգում էի: Էն էլ լավ ա, մի երկու հոգի մի քանի օր առաջ ինձ հրապարակային ամոթանք տվեցին, ու սկսեցի կարդալ:

Քանի չես կարդացել-պրծել, մի հատ հրապարակային ամոթանք էլ ես հասցնեմ տալ :

[StrangeLittleGirl]

1. Ի՞նչ եք կարդում հիմա
Քորի Դոկտորով - «Փոքր եղբայր»

2. Ինչու՞ որոշեցիք կարդալ հենց դա
Էս էլ ու պըրծ Կուրսերայի դասընթացի վերջին գիրքն ա:

3. Գիրքն ինչպե՞ս է սկսվում
I'm a senior at Cesar Chavez high in San Francisco's sunny Mission district, and that makes me one of the most surveilled people in the world.

4. Ո՞ր էջն եք հասել
34% (կարծեմ մի 400 էջանի գիրք ա, հաշվեք մոտավորապես)

5. Ձեր կարծիքը մինչև հիմա

Շա՜տ լավն ա, շա՜տ: Դոկտորովը Ամերիկային լրիվ կոխում ա ցեխը, չի հանում: Իբր սայ-ֆայ ա, բայց ախր ամեն ինչ էնքա՜ն ճիշտ ա, էնքա՜ն հավանական, որ ոնց որ մեկի ինքնակենսագրությունը կարդաս:

[enna]

1. Ի՞նչ եք կարդում հիմա
Ռեյ Բրեդբերի-«451 աստիճան ըստ Ֆարենհայթի»
2. Ինչու՞ որոշեցիք կարդալ հենց դա
Վերջապես գտա
3. Գիրքն ինչպե՞ս է սկսվում
Մի ուրիշ առանձնահատուկ հաճույք էր տեսնելթե ինչպես է կրակը լափում իրերըինչպես են դրանք սևանում ու ձևափոխվում:
4. Ո՞ր էջն եք հասել
18/231
5. Ձեր կարծիքը մինչև հիմա
...Բայց որքան հազվադեպ է պատահում,երբ ուրիշ մարդու դեմքին կարող ես տեսնել քո զգացմունքների,քո նվիրական,թրթռուն մտքերի արտացոլանքը:
Կայֆնա

[Paris1]

Ես հիմա կարդում եմ Գևորգ Մարզպետունին...Կարդում եմ,որովհետև քննության ժամանակ պետք է...Սկսվում է Գառնո ամրոցի նկարագրությամբ.....հասել եմ 300 էջին.....Շատ հետաքրքիր է մի շնչով կարդացվում է

[Վոլտերա]

1. Ի՞նչ եք կարդում հիմա- Լաո Ցզի- ԴԱՈ ԴԷ ՑԶԻՆ
2. Ինչու՞ որոշեցիք կարդալ հենց դա - Բուկինիստում տեսա, չդիմացա
3. Գիրքն ինչպե՞ս է սկսվում- ԴԱՈՆ, որ կարող է բառերով արտահայտվել, մշտական ԴԱՈ չէ: Անունը, որ կարող է անվանվել, մշտական անուն չէ: Անանունը սկիզբն է երկնքի ու երկրի, անուն կրողը մայրն է բոլոր իրերի: Կրքերից ազատը տեսնում է հրաշալի գաղտնիքը (ԴԱՈՆ), իսկ նա, ով կրքեր ունի, տեսնում է նրան վերջին ձևի մեջ: Նրանք երկուսն էլ նույն ծագումն ունեն, բայց տարբեր անուններով: Նրանք միասին կոչվում են խորագույն: Անցումը մի խորագույնից դեպի մյուսը՝ դարպասն է բոլոր հրաշալիքների:ԴԱՈՆ հավերժ է ու անանուն, թեև նա չնչին է, սակայն ոչ ոք չի կարող նրան ենթարկել իրեն:
4. Ո՞ր էջն եք հասել- վերջացրել եմ
5. Ձեր կարծիքը մինչև հիմա- Հավեսն ա: Սիրում եմ էս կարգի գործեր, կրոնամիստիցիզմը խառնած փիլիսոփայությանը: Էստեղից էլ եմ ահագին պեղումներ արել:
Էն օրն էլ քիչ էր մնում ԴԱՈՅԻ անունով երդվեի
Ձեռքից գնում եմ...

[Yevuk]

1. Ի՞նչ եք կարդում հիմա:

Սոմերսետ Մոեմ - "Թատրոն"


2. Ինչու՞ որոշեցիք կարդալ հենց դա:

Մի երկու ամիս առաջ դիտել էի "Unpainted veil" ֆիլմը, որը գրված էր Մոեմի համանուն ստեղծագործության հիման վրա: Քանի որ ֆիլմը շատ դուրս եկավ, որոշեցի կարդալ վեպը: Հետո կարդացի ևս մի գործ, որից նույնպես տպավորված էի ու հիմա էլ հասա Մոեմի ամենահայտնի ստեղծագործությանը:


3. Գիրքն ինչպե՞ս է սկսվում:

Дверь отворилась, Майкл Госселин поднял глаза. В комнату вошла Джулия.
- Это ты? Я тебя не задержу. Всего одну минутку. Только покончу с письмами.
- Я не спешу. Просто зашла посмотреть, какие билеты послали Деннорантам. Что тут делает этот молодой человек?


4. Ո՞ր էջն եք հասել:

20/227


5. Ձեր կարծիքը մինչև հիմա:

Ինչ մեղքս թաքցնեմ. հիմնականում նկարագրություններ պարունակող ստեղծագործություններ չեմ սիրում: Մոեմը ինձ ոնց որ փոխում է...

[E-la Via]

1. Ի՞նչ եք կարդում հիմա:

Джон Фаулз - "Волхв "

2. Ինչու՞ որոշեցիք կարդալ հենց դա:

ժամանակին ակումբի Leo Negri-n գրել էր գրքի մասին, բացել նայել էի, հետաքրքրել էր, բեռնել էի ու թողել մի օր կարդացվող գրքերի ցուցակում: Էս վերջերս էլ անընդհատ մտքովս անցնում էր: Հասկացա, որ "Մոգի" համար, էդ օրն եկել է:


3. Գիրքն ինչպե՞ս է սկսվում:

Я родился в 1927 году — единственный сын небогатых англичан, которым до самой смерти не удавалось вырваться за пределы тени уродливой карлицы, королевы Виктории, причудливо простершейся в грядущее. Закончил школу, два года болтался в армии, поступил в Оксфорд; тут-то я и начал понимать, что совсем не тот, каким мне хотелось бы быть.


4. Ո՞ր էջն եք հասել:

21/353


5. Ձեր կարծիքը մինչև հիմա:
Թվում էր ծանր է կարդացվելու, բայց լավ էլ հավեսով առաջ եմ գնում: Դեռ այսքանը: