Ի՞նչ եք կարդում հիմա...

[Նարե91]

Ի՞նչ եք կարդում հիմա
Ալբերտ Նալչաջյան- «Մահվան հոգեբանություն կամ ինչպես է հոգին հեռանում մարմնից»

Ինչու՞ որոշեցիք կարդալ հենց դա
Երբ մեր գրապահարանն էի դասավորում պատահաբար գտա այս գիրքը և քանի որ շատ հետաքրքրեց, որոշեցի կարդալ

Գիրքն ինչպե՞ս է սկսվում (առաջին նախադասությունը)
Կյանքի ընթացքում յուրաքանչյուր անհատ փոխհարաբերությունների մեջ է մտնում բազմաթիվ այլ անձնավորությունների հետ:


Ո՞ր էջին եք հասել
90/122

Ձեր կարծիքը մինչև հիմա
Մինչև հիմա հաճույքով կարդում եմ... Գրքում ներկայացվում է, թե ինչպես է մեռնում մարդը, որոնք են սոցիալական, հոգեբանական և կենսաբանական մահվան պատճառները, կարելի է արդյո՞ք կանխագուշակել սեփական մահը, ինչ են պատմում հոգեդարձ ապրած մարդիկ, ինչ է էվթանազիան, և այս ու այլ տիպի բաներ:

[Arpine]

Ի՞նչ եք կարդում հիմա
Ալբեր Քամյու---«Ժանտախտ»

Ինչու՞ որոշեցիք կարդալ հենց դա
Քամյուին շատ եմ սիրում որպես փիլիսոփա. դե գրադարանում էլ միայն «Ժանտախտ»-ն էր

Գիրքն ինչպե՞ս է սկսվում (առաջին նախադասությունը)
Այն հետաքրքրական դեպքերը, որոնք այս ժամանակագրության նյութն են կազմել, տեղի են ունեցել 194... թվականին՝ Օրանում:

Ո՞ր էջին եք հասել
70/192

Ձեր կարծիքը մինչև հիմա

Կարծում եմ բավականին հաջողված է ,պարզապես մի քիչ ծանր է կարդացվում. ամենուր առնետային և ժանտախտային տրամադրություն է, բայց դեռ նոր եմ սկսել:

[StrangeLittleGirl]

Ի՞նչ եք կարդում հիմա
Ian McEwan - Solar

Ինչու՞ որոշեցիք կարդալ հենց դա
Շատ ժամանակներ առաջ մի բլոգեր, որն ինձ նման սիրում էր քսանմեկերորդ դարի անգլոամերիկյան գրականություն փորփրել, խորհուրդ տվեց այս գրողին էլ անդրադառնալ, բայց դե բնականաբար գրքերն էստեղից չէի ճարում, արտերկիր մեկնելիս էլ լիքը ուրիշ գրքեր էի առնում: Վերջը էս անգամ, երբ մոտս մի քիչ չեխական կրոն էր մնացել, էլ չգիտեի որտեղ ծախսեի, մեկ էլ տեսնեմ՝ օդանավակայանի խանութում ինքը կա:

Գիրքն ինչպե՞ս է սկսվում (առաջին նախադասությունը)
He belonged to that class of men - vaguely unprepossessing, often bald, short, fat, clever - who were unaccountably attractive to certain beautiful women.

Ո՞ր էջին եք հասել
23/390

Ձեր կարծիքը մինչև հիմա
Դեռ շուտ ա որևէ բան ասելու համար, բայց դե հավես ա գնում: Իմ սիրած տիպի անգլիական գրականությունն ա:

[Շինարար]

Ի՞նչ եք կարդում հիմա
Նարինե Կռոյան «Ճարճատուկի ծաղիկը» ժողովածուն

Ինչու՞ որոշեցիք կարդալ հենց դա
Էն օրից, ինչ կարդացել եմ իր ստեղծագործություններից, իմ սիրած ժամանակակից հայ գրողն է: Ափսոս, որ գիրքը միայն Վանաձորում է վաճառվում, բայց ինետում կան իր գրածներից, կարող եք փնտրել և գտնել...

Գիրքն ինչպե՞ս է սկսվում (առաջին նախադասությունը)
Ճարճատուկի ծաղիկը օտար է իր ցողունի վրա:
Ասեմ, որ էս նախադասությունը ու ընդհանրապես առաջին պարբերությունը ինձ վանել էր, բայց դրանից հետո եթե շարունակում ես կարդալ, էլ չես կարողանում ընդհատել:


Ո՞ր էջին եք հասել
42
Հիմա կարդում եմ, հատուկ եկա կիսվեմ ձեզ հետ ու շարունակեմ, գիշերը պտի ժողովածուն ավարտեմ, 277 էջ է:

Ձեր կարծիքը մինչև հիմա
Դե պարզ է էլի, եթե էլի գնում եմ կարդալու, ու եթե չհամբերեցի՝ կարդամ, ավարտեմ, նոր ձեզ հետ կիսվեմ

[lampone]

Ի՞նչ եք կարդում հիմա
Չարլի Չապլին ''Իմ կենսագրությունը''
Ինչու՞ որոշեցիք կարդալ հենց դա
Մի անգամ գրողներից մեկն ինձ ասաց, որ երկար տարիներ են անցել, բայց նա նոր է կարողացել գտնել` ինչումն է կայանում Չապլինի հանճարեղությունը: Այդ օրվանից անընդհատ փորձում էի Չապլինի մասին տեղեկություններ գտնել ու գտա այս գիրքը
Գիրքն ինչպե՞ս է սկսվում (առաջին նախադասությունը)
Ցավոք գիրքն ինձ մոտ չի. անմիջապես ավարտելուց հետո տվել եմ բարեկամիս
Ո՞ր էջին եք հասել
572/572 + Չարլզի նամակը իր աղջկան
Ձեր կարծիքը մինչև հիմա
Ինձ դուր է եկել, ուրախ եմ որ կարողացա կարդալ: Հետաքրքիր են Չարլիի հանդիպումները հայտնի մարդկանց` Չերչիլի, Պիկասոյի, Էյնշտեյնի ու այլոց հետ:
Այս գիրքը կարդալով կարողանում ես ավելի լավ հասկանալ շատերի կողմից սիրված դերասանի` Չարլի Չապլինի արվեստը:

[Նաիրուհի]

Նարինե Կռոյան եմ կարդում։ Շինարարի մեղքով։ Ընկած համացանցն եմ քչփորում ու արդեն մի քանի հետաքրքիր բան կարդացի։

Բավական հավանեցի, բայց ոչ բոլոր կարդացածներս։

[Milli]

Ի՞նչ եք կարդում հիմա

Слава Сэ
Сантехник, его кот, жена и другие подробности...

Ինչու՞ որոշեցիք կարդալ հենց դա

Միխայիլ Զադոռնովը խորհուրդ տվեց

Գիրքն ինչպե՞ս է սկսվում (առաջին նախադասությունը)

Дворник Виталик по прозвищу Сиреневый Туман всегда ходит с лопатой. Без лопаты он боится упасть и так остаться навек, горизонтальным. Трезвым он не работает, потому что есть некая фальшь в трезвых дворниках зимой. Но метёт как Аполлон.

Ո՞ր էջին եք հասել

51, բան չմնաց...

Ձեր կարծիքը մինչև հիմա

Հումորը տեղն է

[StrangeLittleGirl]

Ի՞նչ եք կարդում հիմա
Ֆուադ Լարուի - "De quel amour blessé"

Ինչու՞ որոշեցիք կարդալ հենց դա
Եթե հանկարծ որևէ մեկը որոշի պարզել, թե էս թեմայում որն էր որևէ գիրք կարդալու ամենահետաքրքիր ու յուրահատուկ պատճառը, երևի իմը կհաղթի: Բայց չեմ ասի Ի դեպ, երեկ նույն հեղինակից մի աուդիո պատմվածք լսեցի, ահագին լավն էր:

Գիրքն ինչպե՞ս է սկսվում (առաջին նախադասությունը)
Շարոն փողոցը. չեմ կարող այն նկարագրել, քանի որ այն անընդհատ փոխվում է, և ես նույնպես:

Ո՞ր էջին եք հասել
50/148

Ձեր կարծիքը մինչև հիմա
Հեղինակը բավական լուրջ թեմա է բարձրացրել ու ահագին լավ նկարագրում է: Ընդհանուր առմամբ մի քիչ օտար է ինձ համար, քանի որ արաբ հեղինակի ստեղծագործություն առաջին անգամ եմ կարդում, բայց մյուս կողմից էլ լիքը հարազատություն կա մեջը:

[Ռուֆուս]

Ի՞նչ եք կարդում հիմա
Օսկար Ուայլդ - Դորիան Գրեյի դիմանկարը

Ինչու՞ որոշեցիք կարդալ հենց դա
Պատկերացրեք 12 տարի շարունակ ուզեցել եմ կարդալ էս գիրքը, բայց չի ստացվել: Սկզբում գիրքը չէի ճարում, հետո ճարեցի ռուսերեն, հետո անգլերենը ճարեցի, պարզվեց կրճատված տարբերակն էր, հետո էլեկտրոնայինը ճարեցի չուզեցի համակարգչով կարդալ, հետո վերջապես ebook-ը ճարեցի, մոտ 6 ամիս հավես չունեի կարդալու... Օսկար Ուայլդից The Importance Of Being Earnest-ն եմ կարդացել, որը իմ կարդացած լավագույն պիեսներից մեկն ա, որոշ հատվածներ նույնիսկ անգիր գիտեմ (վիվա Բրյուսո՜վ): Մի խոսքով Դորիան Գրեյի մասին ամեն ինչ գիտեի, գիտեմ ինչի մասին ա, գիտեմ ինչ ա կատարվում, գիտեմ գիրքը ոնց ա վերջանում, նույնիսկ դրա շատ անհաջող ֆիլմն եմ տեսել, մնացել էր մենակ գիրքը կարդալ...

Գիրքն ինչպե՞ս է սկսվում (առաջին նախադասությունը)
The studio was filled with the rich odour of roses, and when the light summer wind stirred amidst the trees of the garden, there came through the open door the heavy scent of the lilac, or the more delicate perfume of the pink-flowering thorn.

Ո՞ր էջին եք հասել
Կես եմ ընկել:

Ձեր կարծիքը մինչև հիմա
Ամենասկզբում ահավոր վատ: 3 գլուխ մենակ կարդում ես, թե ոնց են երկու հասուն տղամարդ կոմպլիմենտներ անում մի հատ ջահել տղու Ոնց որ Ռայադերը ասեց, Դորիան Գրեյին նկարագրող յուրաքանչյուր տողում զգացվում է Ուայլդի էրեկցիան Իսկ հիմա կարծիքս լրիվ փոխվել է դեպի լավը, գիրքը շատ հետաքրքիր ա դարձել: Իսկ Ուայլդի լեզուն բնագրով շատ սիրուն ա...

[Ruzanka]

Ի՞նչ եք կարդում հիմա
Маргарет Митчелл-Унесенные ветром

Ինչու՞ որոշեցիք կարդալ հենց դա
Շատ կարծիքներ էի լսել այդ գրքի մասին, որոշեցի կարդալ:
Գիրքն ինչպե՞ս է սկսվում (առաջին նախադասությունը)
Առաջին գիրքը սկսվում է գլխավոր հերոսուհու` Սկարլետ օ Խարայի նկարագրությամբ:

Ո՞ր էջին եք հասել
Սկսել եմ 2-րդ գիրքը

Ձեր կարծիքը մինչև հիմա
Ուղղակի հիանալի գիրք:

[Էլիզե]

Ասել Օսկար Ուալդի` "Գրքեր կան, որ պետք է ընթերցվեն, գրքեր կան, որ պետք է վերընթերցվեն, գրքեր կան, որ ընդհանրապես չպետք է ընթերցվեն" /"There are books to read, books to re-read and books not to read at all"/ Ինձ համար Ուալդի գրքերը միշտ վերընթերցվող գրականությանն են պատկանում:

Մի քանի օր առաջ գրախանութներից մեկում գտա Օսկար Ուալդի ստեղծագործությունների երկու հատոր: Ո~նց ուրախացա, անգամ չնկատեցի, որ գրախանութում աշխատող աղջիկը եղունգները խարտելով ասաց.
-Էդ գիրքը, էդ, որ անգլերեն ա վրեն գրած, հատը 800 դրամ ա, ազիզ...


Լավ, ինչևէ Ազգի դեգրագացիան թողնենք մի կողմ

Ի՞նչ եք կարդում հիմա -
Հիմա վերընթերցում եմ "Դորիան Գրեյի դիմանկարը'':

Ինչու՞ որոշեցիք կարդալ հենց դա -
Շատ եմ սիրում Օսկար Ուալդի հզոր բառապաշարն ու հոյակապ սուր միտքը:

Գիրքն ինչպե՞ս է սկսվում -
The studio was filled with the rich odour of roses, and when the light summer wind stirred amidst the trees of the garden, there came through the open door the heavy scent of the lilac, or the more delicate perfume of the pink-flowering thorn. /Ռուֆուսի մոտից քոփի արեցի/

Ո՞ր էջին եք հասել-
95րդ էջին եմ հասել:

Ձեր կարծիքը մինչև հիմա -
Մեղմ ասած` լավն է:

[Ameli]

1. Կարդում եմ՝ Ог Мандино "Величайший торговец в мире"

2. Որովհետև շատ հետաքրքիր և պոզիտիվ գիրք է

3. "Хафид на мгновение задержался перед бронзовым зеркалом и бросил взгляд на знакомый образ, отразившийся в отполированном до блеска металле."

4. 105/187

5. Հոյակապ գիրք է

[Dayana]

Էս մի ամիս ա էս թեման կարդում եմ, գետինն եմ մտնում:


Ի՞նչ եք կարդում հիմա -
Ֆրանց Կաֆկա - Դատավարություն

Ինչու՞ որոշեցիք կարդալ հենց դա -
Թարգմանված արտասահմանյան գրականության մի շարք ունենք տանը, որը չէի կարդացել: Սկսել էի կարդալ ու հերթը հասավ էս «հատորին»:

Գիրքն ինչպե՞ս է սկսվում -
Մեկը պետք է զրպարտած լիներ Յոզեֆ Կ-ին, քանի որ նա առանց որևէ վատ բան արած լինելու, ձերբակալվեց մի առավոտ:

Ո՞ր էջին եք հասել-
142/170

Ձեր կարծիքը մինչև հիմա -
Դպրոցական տարիներին առանց հասկանալու կարդացել էի Կաֆկայի Դղյակն ու չգիտես ինչու հիշում էի, որ լավն ա: Մտածեցի, Դատավարությունն էլ լավը կլինի: Մի ամիս ա կյանքս կերավ Այլանդակ ծանր ստեղծագործություն ա, մի տեսակ առաջ չի գնում: Նույնիսկ վերջից հետ գալը չի օգնում (ես սիրում եմ գրքի վերջին տողերը կարդալ, հետո պարբերությաւնը, հետո էջն ու էդպես զուգահեռ նաև վերջից առաջ գալ: ) Սկիզբը ահագին գրավիչ էր, բայց մոտ երկու-երեք շաբաթ ա երեք էջ եմ առաջ տարել: Որ պայուսակս չեմ բացում ու էդ գիրքը տեսնում, շունչս կտրվում ա: Սենց մեկ էլ Նավապետ Հրանտի խոխեքի դարդից էի տառապում ՝ հեռավոր 1997-ին:

[Նարե91]

Ի՞նչ եք կարդում հիմա
Раймонд Моуди- <<Жизнь после жизни>>

Ինչու՞ որոշեցիք կարդալ հենց դա
Ճիշտն ասած, էն Նալչաջյանի <<Մահվան հոգեբանությունը> որ կարդացել էի, շատ էի մեջբերումների հանդիպել էս գրքից, ու էդպես հետաքրքրություն առաջացավ:

Գիրքն ինչպե՞ս է սկսվում
Человек умирает, и в тот момент, когда его физические страдания достигают предела, он слышит, как врач признает его мертвым.

Ո՞ր էջին եք հասել
48/48

Ձեր կարծիքը մինչև հիմա
Առանձնապես շատ մեծ ակնկալիքներ չունեի էս գրքից, պարզապես հետաքրքիր էր կարդալ կլնիկական մահ տարած մարդկանց պատմածները:

[CactuSoul]

1. Ի՞նչ եք կարդում հիմա

Վազգեն Շուշանեան, «Բանաստեղծն ու կինը»

2. Ինչու՞ որոշեցիք կարդալ հենց դա

Լսել էի, որ Շուշանյանը լավ գրող է, մասնավորապես գովում էին «Ճերմակ Վարսենիկ» վեպը: Գրախանութ հերթական այցիս ժամանակ աչքովս ընկավ այս գիրքը, որ 3 վիպակ է ներառում, որոշեցի գնել: Երկար ժամանակ սեղանիս դրված էր մի քանի այլ «բախտակիցների» հետ, մինչև վերջերս վերջապես որոշեցի կարդալ:

3. Գիրքն ինչպե՞ս է սկսվում (առաջին նախադասությունը)

«Չեմ գիտեր թէ սէրը ի՞նչպես բնակութիւն կը հաստատէ ուրիշ մարդոց սրտերուն մէջ, ո՞ւրկե կու գայ: Կու գայ հա՞նդարտօրեն ու հանդիսաւորապէս, քայլ առ քայլ ու հետզհետէ ողողելով շրջակայքը իր անուշ լոյսովը թէ յեղակարծ երանութեան մը պէս, որ գիշերներով քեզ զարթուն պահելէ վերջ, ցրտին գիշերամուտի մը դուռդ կը զարնէ:»

4. Ո՞ր էջն եք հասել

85/116 (Գիրքն ամբողջությամբ 219 էջ ունի)

5. Ձեր կարծիքը մինչև հիմա

Շատ դանդաղ եմ առաջ գնում… Բայց ոչ թե որովհետև դժվար է կարդացվում: Ուղղակի ահավոր, անտանելի լավ է գրված: Ամեն անգամ գիրքը ձեռքս եմ վերցնում, որ շարունակեմ կարդալ, բայց մինչ կգտնեմ այն տեղը, ուր հասել եմ, «ճանապարհին» աչքս ընկնում է մի ուրիշ հատվածի վրա ու… Ինձ թվում է՝ նույնիսկ 1000-րդ անգամ կարդալիս միևնույն է չի ձանձրացնի ու նույն զգացողությունները կապրես: Ամեն մի բառն այնպես է ընտրված, որ հստակ զգում ես այն, ինչ հեղինակն էր ուզում արտահայտել:
Ու կարդալով մտքումս կարծես ընտիր նկարահանած ֆիլմ դիտեմ:
Հրաշք է:
Չնայած էրոտիկ գրականություն առանձնապես չեմ կարդացել, բայց վստահ եմ, որ այս մեկը լավագույն նմուշներից է: Ամեն մեկը չի կարող այդ թեմային մոտենալ՝ բացառելով գռեհկության նշույլն անգամ: Էնքա՜ն սիրուն ա…