Ի՞նչ եք կարդում հիմա...

[CactuSoul]

1. Ի՞նչ եք կարդում հիմա

Չակ Պալանիկ, «Մարտական ակումբ»

2. Ինչու՞ որոշեցիք կարդալ հենց դա

Ճաշակով ու կիրթ շատ մարդիկ ակումբում բազմիցս գովացել էին գիրքն էլ, դրա հիման վրա նկարահանված ֆիլմն էլ, ես էլ այն բացառիկներից եմ, ով հաջողացրել է այդ ֆիլմը տեսած չլինել ))
Ակումբի Վանաձորյան հանդիպումից առաջ էր, ճանապարհին երթուղայինում կարդում էի, ու գիրքը վերջացավ: Քանի որ դեռ ահագին ճանապարհ էլ կար անցնելու, սկսեցի Kindle-իս մեջ ուրիշ բան փնտրել կարդալու: Ի վերջո, շատ պատահական կերպով, ընտրությունս կանգ առավ «Մարտական ակումբի» վրա: Երևի այն պատճառով, որ սկիզբը գրավեց, այն էլ՝ ինձ հոգեհարազատ թեմա չլինելով…

3. Գիրքն ինչպե՞ս է սկսվում (առաջին նախադասությունը)

Tyler gets me a job as a waiter, after that Tyler's pushing a gun in my mouth and saying, the first step to eternal life is you have to die.

4. Ո՞ր էջն եք հասել

6-րդ գլուխ (24%)

5. Ձեր կարծիքը մինչև հիմա

Շատ հետաքրքիր է գրված, կլանում է, էնքան, որ մտածում ես՝ գրողը տանի, բա մարդ տղա չլինե՞ր՝ ինքն էլ էդ բաները ֆիզիկապես զգար… Որովհետև ոչ ֆիզիկապես զգում ես ամեն բջիջով:
Էն որ կարդում ես, հատկապես սկզբի մասերում, ու բան չես ջոկում, խառն ա ամեն ինչ, բայց, մեկ ա, ձգում ա, կլանում, ու եթե նույնիսկ չես հասկանում, ապա լրիվ զգում ես, թե ինչի մասին ա պատմում հերոսը…


Հ.Գ.
Մի շնչով կուլ տալու գիրք է: Պարզապես ես միայն երթուղայինների մեջ եմ հաջողացնում կարդալ, բախտի բերմամբ էլ հազվադեպ է նման առիթ լինում, դրա համար էլ դանդաղ եմ առաջ ընթանում…

[CactuSoul]

Շատ հետաքրքիր է գրված, կլանում է, էնքան, որ մտածում ես՝ գրողը տանի, բա մարդ տղա չլինե՞ր՝ ինքն էլ էդ բաները ֆիզիկապես զգար…

Ասեմ, որ սա վերաբերում էր այն մասերին, երբ նկարագրում էր, թե ինչ ես զգում, ինչքան կենդանի ես զգում էդ ծեծել-ծեծվելու պահերին: Թե չէ մի քիչ առաջ որ անցա, հասկացա, որ հնարավոր ա՝ սխալ հասկացված լինեմ:
Ու զուգահեռությունն ա դուրս գալիս, դա ա կլանում-տանում: Էն, որ միաժամանակ մի քանի բանի մասին ա խոսում, չես ջոկում, մեկ էլ սկսում ես ջոկել, մեկ էլ էլի չես ջոկում, մեկ էլ ավելի չես ջոկում, մեկ էլ ջոկում ես... ու տենց ))

[StrangeLittleGirl]

1. Ի՞նչ եք կարդում հիմա
Միլան Կունդերա - «Անտեղյակություն»


2. Ինչու՞ որոշեցիք կարդալ հենց դա
Գիտեի, որ արտագաղթողի մասին ա, վաղուց ուզում էի կարդալ: Էս ամիս էլ գուդրիդսում դա ընտրվեց, լավ առիթ էր:


3. Գիրքն ինչպե՞ս է սկսվում (առաջին նախադասությունը)
Թող Դատարկը գրի էլի, ինքն էլ ա էս կարդում


4. Ո՞ր էջն եք հասել
73%

5. Ձեր կարծիքը մինչև հիմա
Ընտիր ա: Ամեն տողը կարդալիս քիչ ա մնում լացեմ: Ու ընդհանրապես, խորհուրդ եմ տալիս բոլոր արտագաղթողներին ու հատկապես նրանց, ովքեր վերադառնալու միտք ունեն, կարդալ: Էնքան լավ ա սաղ զգացողությունները նկարագրել, որ էլ ասելու չի:

[enna]

1. Ի՞նչ եք կարդում հիմա
Կոբո Աբե << Ավազուտների կինը>>




2. Ինչու՞ որոշեցիք կարդալ հենց դա
Եսի՞մ


3. Գիրքն ինչպե՞ս է սկսվում (առաջին նախադասությունը)


Օգոստոսյան մի օր մարդն անհետացավ:


4. Ո՞ր էջն եք հասել
20
դանդաղ եմ առաջ գնում...

5. Ձեր կարծիքը մինչև հիմա
Վատիկը չի: Հենց էսպիսի գիրք էր պետք, որ չլարվես, հակառակ՝կարդաս քունդ տանի...

[Alphaone]

Հետաքրքիր է,

1. Ի՞նչ եք կարդում հիմա

2. Ինչու՞ որոշեցիք կարդալ հենց դա

3. Գիրքն ինչպե՞ս է սկսվում (առաջին նախադասությունը)

4. Ո՞ր էջն եք հասել

5. Ձեր կարծիքը մինչև հիմա

Բոլորին շնորհակալություն

1. Իրվինգ Սթուն «Նավաստին թամբի վրա»
2. Դպրոցական տարիքում կարդացել էի, ահավոր տպավորել էր, Ջեկ Լոնդոնի կյանքն է, հիմա սեփական կյանքը վերլուծելու համար կեսնագրականներ եմ վերցրել, կարդում, զգացողությունների մեջ զուգահեռներ տանում, ահավոր շատ բան թույլ ա տալիս հասկանալ ցանկացած հոգեբանական վերլությունից էլ ավել:
3. 1875 թվականի հունիսյան մի վաղ առավոտ Սան Ֆրանցիսկո քաղաքի բնակիչներն արթնանալով, «Քրոնիկլ» լրագրում կարդացին զարհուրելի մի պատմություն. մի կին ինքնասպանության փորձ է կատարել՝ կրակելով իր քունքին:
4. էջ 150
5. մի քիչ պաթոսն է շատ, մնացած ամեն ինչ ահավոր կլանող, հետաքրքիր է, Ջեկը մի կյանքում մի քանի կյանք հասցրել է ապրել, իմ իդեալն է ոչ էնքան գործերով, ինչքան իր «ես»-ով...

[StrangeLittleGirl]

1. Ի՞նչ եք կարդում հիմա

Ազիմով - I, Robot

2. Ինչու՞ որոշեցիք կարդալ հենց դա
Ընկերներիցս մեկը, որի ճաշակին ուժեղ վստահում եմ, խորհուրդ էր տվել, տենց Դատարկի հետ սկսեցինք

3. Գիրքն ինչպե՞ս է սկսվում (առաջին նախադասությունը)
Զահլա չկա քինդլս հետ թերթելու

4. Ո՞ր էջն եք հասել
8%

5. Ձեր կարծիքը մինչև հիմա
Հավես ա գնում: Ինչ-որ սայ-ֆայը սկսել ա դուրս գալ:

[enna]

1. Ի՞նչ եք կարդում հիմա
Августо Кури «Продавец грез»2. Ինչու՞ որոշեցիք կարդալ հենց դա
...
3. Գիրքն ինչպե՞ս է սկսվում (առաջին նախադասությունը)

В самый милый сердцу день недели, пятницу, в пять часов пополудни вечно торопящиеся люди перестали торопиться и, как это часто случается, образовали толпу у главного перекрестка большого города.
4. Ո՞ր էջն եք հասել
78
5. Ձեր կարծիքը մինչև հիմա
Գիրքը հատկապես էն մարդկանց օգտակար կլինի, ովքեր ինքնասպանությունը ելք են համարում: Սկիզբը լարված սկսեց, բայց ընթացքում թեթև տեսարաններով ցրեց էդ լարվածությունը:

[StrangeLittleGirl]

1. Ի՞նչ եք կարդում հիմա
Րաֆֆի - «Կայծեր»

2. Ինչու՞ որոշեցիք կարդալ հենց դա
Սկզբում նենց ֆլեշբեքներ էին լինում կրթության պահով, հետո հանկարծ Ասլանի ճառերը սկսեցին աչքիս առաջ գալ, ասեցի` պիտի փորփրեմ, աչքիս էնտեղ կարևոր ասելիք կա, որ տասնչորս տարեկանում շատ չեմ ջոկել:

3. Գիրքն ինչպե՞ս է սկսվում (առաջին նախադասությունը)
Իմ մանկությունից շատ փոքր բան կարող եմ գրել, որովհետև նա անցավ այնքան շուտ և այնքան դատարկ կերպով, որ շատը ես ինքս չեմ հիշում:

4. Ո՞ր էջն եք հասել

1%-ի վրա եմ դեռ, բայց դե մեծ գիրք ա, տոկոսները` տարողունակ

5. Ձեր կարծիքը մինչև հիմա

Տարօրինակ կերպով դուրս գալիս ա:

[Շինարար]

1. Ի՞նչ եք կարդում հիմա

Իլֆ և Պետրով - «Տասներկու աթոռ»

2. Ինչու՞ որոշեցիք կարդալ հենց դա

Չեմ կարդացել: Վաղուց էի ուզում:

3. Գիրքն ինչպե՞ս է սկսվում (առաջին նախադասությունը)

Գավառական N քաղաքում այնքան վարսավիրանոցներ և թաղման արարողությունների բյուրոներ կային, որ թվում էր, թե քաղաքի բնակիչները ծնվում են հենց միայն նրա համար, որ սափրվեն, խուզվեն, գլուխները թարմացնեն վեժետալով և անմիջապես մեռնեն։

4. Ո՞ր էջն եք հասել


19

5. Ձեր կարծիքը մինչև հիմա


Ինչպես և ակնկալվում էր. հրաշք ա:

[enna]

1. Ի՞նչ եք կարդում հիմա
Альбер Камю- Посторонний
2. Ինչու՞ որոշեցիք կարդալ հենց դա
Կարդացել էի գիրքը, բայց իմ կարծիքով ոչ այնքան ուշադիր: Որոշեցի վերընթերցել ամբողջ գաղափարը հասկանալու համար:
3. Գիրքն ինչպե՞ս է սկսվում (առաջին նախադասությունը)
Сегодня умерла мама. А может быть, вчера – не знаю. Я получил из богадельни телеграмму: «Мать скончалась. Похороны завтра. Искренне соболезнуем». Это ничего не говорит – может быть, вчера умерла.
4. Ո՞ր էջն եք հասել
40/69
5. Ձեր կարծիքը մինչև հիմա
Տեսնես էս մարդը էսքան իմիջայլոց կյանքի մեջ ի՞նչ նպատակ էր դրել, ինչի՞ն էր ձգտում, ի՞նչ էր ակնկալում կյանքից: Նույնիսկ, երբ բանտում էր չգիտես ինչերի մասին էր մտածում ՝ գլխավոր խնդիրները թողած. ճանճը թռավ,նստեց դեմքիս, քրտնեցի...
Սարսափելին այն է, որ ինքն իր քայլերի մեջ ոչ մի արտառոց բան չի տեսնում: Նրա համար ճիշտ էին սեփական քայլերը:
Պատմվածքի սյուժետը բավականին պարզ է, բայց իմաստի մասին մտածել է պետք:

[E-la Via]

1. Ի՞նչ եք կարդում հիմա
Վահե Քաչա՝ «Սեղմված Բռունքներ»:

2. Ինչու՞ որոշեցիք կարդալ հենց դա
Էս թեմայում հեղինակի մասին Վոլտերայի կարծիքը ուշադրությունս գրավեց, հետո փնտրեցի ու ակումբում Վահե Քաչային նվիրված թեմա գտա, լավ կարծիքներ կարդացի ու որոշեցի ես էլ ծանոթանամ:

3. Գիրքն ինչպե՞ս է սկսվում (առաջին նախադասությունը)
Ոչինչ չասող մի նախադասությամբ: Անցնեմ առաջ:

4. Ո՞ր էջն եք հասել;
156/194

5. Ձեր կարծիքը մինչև հիմա:
Առաջին յոթանասուն էջը կարդում էի ու մտածում, տեսնես ի՞նչ են գտել էս հեղինակի մեջ: Նախ թարգմանությունը դուրս չէր գալիս, հետո էլ շատ դանդաղ էր զարգանում, թեկուզև գլխավոր կերպարի հոգեվիճակի փոփոխությունները շատ լավ էր նկարագրված: Յոթանասուներորդ էջից հետո սկսեց ավելի հետաքրքիր զարգանալ: Իսկ հիմա անհամբեր հանգուցալուծմանն եմ սպասում, թեկուզև կանխատեսելի է թվում:

[Sagittarius]

The Caves of Steel-ն էի կարդում, էն էլ կիսատ թողեցի, որոշեցի Die Stahlhöhlen կարդամ

[StrangeLittleGirl]

1. Ի՞նչ եք կարդում հիմա
Իզաբել Ալենդե - «Հոգիների տունը»


2. Ինչու՞ որոշեցիք կարդալ հենց դա
Շա՜տ վաղուց, արդեն չեմ հիշում, կար իմ to-read ցուցակում, ընդ որում՝ չնայած առաջին տեղերում էր, երբեք չէի հասցնում կարդալ: Էս ամիս գուդրիդսում ընտրվեց ամսվա գիրք, տենց հիմա խմբակային կարդում ենք:

3. Գիրքն ինչպե՞ս է սկսվում (առաջին նախադասությունը)
քինդըլով եմ, չգիտեմ


4. Ո՞ր էջն եք հասել
68% (նենց 400-ից ավելի էջ ա)

5. Ձեր կարծիքը մինչև հիմա
Եսի՞մ: Մեկ դզում ա, մեկ չէ: Ընդհանուր առմամբ, ոնց որ լատինաամերիկյան սերիալ լինի, ու էդ պահերը բացում են, բայց համ էլ հավես մոգական ռեալիզմ ա: Մեկ էլ մտածում եմ՝ կարո՞ղ ա սերիալներն էլ են մոգական ռեալիզմ

[StrangeLittleGirl]

1. Ի՞նչ եք կարդում հիմա
Էռնեստ Հեմինգուեյ - Winner Take Nothing, պատմվածքների ժողովածու


2. Ինչու՞ որոշեցիք կարդալ հենց դա
Էս մրցույթի համար: Որ սաղ կարծեն՝ Հեմինգուեյին եմ նմանակելու

3. Գիրքն ինչպե՞ս է սկսվում (առաջին նախադասությունը)
It was now lunch time and they were all sitting under the double green fly of the dining tent pretending that nothing had happened.

4. Ո՞ր էջն եք հասել
50/170 (վերջապես մի անգամ իսկական գրքով եմ կարդում )

5. Ձեր կարծիքը մինչև հիմա
Հեմինգուեյը ո՞նց կարա վատը լինի: Բայց ինքը երթուղայինում ու գործի ժամանակ կարդալու գրող չի, հո զոռով չի: Իրան պետք ա կարդալ սրճարանում մի բաժակ սառը թեյի կամ փրփրոտ կապուչինոյի հետ:

[enna]

1. Ի՞նչ եք կարդում հիմա
Нил Гейман-Океан в конце дороги
2. Ինչու՞ որոշեցիք կարդալ հենց դա
Պատահական հանդիպեցի/ իմ կարծիքով պատահականություններ չեն լինում/
3. Գիրքն ինչպե՞ս է սկսվում (առաջին նախադասությունը)
Это был всего-навсего пруд с утками, позади фермы. Он был не очень большой.
Лэтти Хэмпсток говорила, это океан, но я знал, так не бывает. Она говорила, они приплыли сюда по океану со своей родины, из Древнего Края.
4. Ո՞ր էջն եք հասել
30/111
5. Ձեր կարծիքը մինչև հիմա
Պահեր կան ինձ թվում է խրվել եմ տողերի մեջ