1. Ի՞նչ եք կարդում հիմա
Генри Лайон Олди - Герой должен быть один
2. Ինչու՞ որոշեցիք կարդալ հենց դա
Ուրեմն մի անգամ՝ ուշ գիշերով (կամ վաղ առավոտով), զրուցարանում Շատ Տարօրինակ Խոսակցություն էր ծագել իմ ու Rhayader-ի մեջ: Պարբերաբար փայլատակում էին այնպիսի անուններ, ինչպիսիք են՝ Սլեյպնիր, Մյոլնիր, Գանդիվա, Վաջրա, Գունգնիր, Աջագավա, Ֆենրիր, Անանսի (ինքը դեմք ա), ինչպես նաև զանազան այլ զարմանալի ու անհասկանալի բաներ : Մի խոսքով՝ չեմ հիշում, թե ինչ էինք խոսում, ինչից սկսվեց, ինչքան էի խմած և այլն, բայց հաստատ հիշում եմ, որ վերջում եկանք այն տրամաբանական եզրակացության, որ շատ վատ կլիներ, եթե Օդինը Սլեյպնիրի վրա ութատրոփ սլանար ու Մյոլնիրով կործանիչ հարված հասցներ ցանկացածիս : Հետո սահուն անցում կատարվեց դեպի հունական լպրծուն դիցաբանությունը, Հերակլես-Մերակլես, Էդիպ ձաձա, ու Rhayader-ը ինձ խորհուրդ տվեց կարդալ վերոհիշյալ գիրքը. «քեզ դուր կգա»: Ու քանի որ իմ ու մեր պոզով-պոչով բարեկամի գրական ճաշակները տագնապալիորեն մոտ են իրար, ես իսկույն բուքմարկ արեցի հղումը, աչքի լույսի նման պահեցի-պահպանեցի, և անգամ որոշեցի կարդալ (տարիներ անց) :
3. Գիրքն ինչպե՞ս է սկսվում (առաջին նախադասությունը)
Եվ ահա հնչեց Օձի ձայնը.
- Մահկանացուն բռնած պահում է երկինքն ու աստվածներին: Այսժամ՝ ու՞մ են պետք տիտանները:
Եվ լսեց նա.
- Մեր կարիքը չկա: Այլևս երբեք չեն ապստամբի տիտանները: Վե՛րջ նրանց աշխարհին: Լոկ մեկ ուսի վրա է պահում նա երկնակամարը:
- Ուրեմն միայն աստվածնե՞րն են կարևոր: Միայն քրոնիդնե՞րը:
- Աստվածների կարիքը նույնպես չկա: Նա աստվածներին էլ է հաղթում: Հեշտությամբ պահում է նա երկնակամարը, քանզի նա Ուժն է:
Եվ մռայլ ու խռպոտ շշնջաց Օձը.
- Այո, հիմա ես ճանաչեցի Հերակլեսին...
Ի դեպ՝ սա գրքի սկիզբը չէ, իսկ գիրքը սկսվում է «Խավար» միբառանի նախադասությամբ :
4. Ո՞ր էջին եք հասել
Առաջին :
5. Ձեր կարծիքը մինչև հիմա
Առաջին էջին եմ հասել : Խոստումնալից է :
Էջանիշներ