Ծխող աղջիկներ կամ կանայք

[Adam]

Հարցս մեծամասամբ վերաբերվում է տղաներին: Ինչպե՞ս կվերաբերվեիք, երբ իմանաիք, որ ձեր ընկերուհին կամ կինը, որին սիրում եք, ծխում է և չի պատրաստվում հրաժարվել:
Գրառումները կարող են անել նաև աղջիկները, որոնք կարող են իրենց կարծիքն արտահայտել տվյալ թեմայի շուրջ: Առհասարակ, ինչպե՞ս եք վերաբերվում երբ կինը կամ աղջիկը ծխում է:

[Ձայնալար]

Հարցս մեծամասամբ վերաբերվում է տղաներին: Ինչպե՞ս կվերաբերվեիք, երբ իմանաիք, որ ձեր ընկերուհին կամ կինը, որին սիրում եք, ծխում է և չի պատրաստվում հրաժարվել:
Գրառումները կարող են անել նաև աղջիկները, որոնք կարող են իրենց կարծիքն արտահայտել տվյալ թեմայի շուրջ: Առհասարակ, ինչպե՞ս եք վերաբերվում երբ կինը կամ աղջիկը ծխում է:

Բացասաբար

[Լէգնա]

Ծխախոտը լինի կնո՞ջ , թե՞ տղամարդու շրթունքներին, ինձ ուղարկում են նողկանքի աշխարհ,այնպես որ , այստեղ սեռերի խնդիր չկա:

[VisTolog]

Դեմ եմ:
Դա ոչ միայն վնասում է իրենց առողջությանը, այլև երեխային, որին պատրաստվում են ոևենենալ:
Ինչքան էլ որ դա /ծխելը/ անհրաժեշտ /կախվածություն/ լինի, կինը չպետք է ծխի, հանուն իր երեխայի առողջության:



Ես չեմ ծխելու:
Մենակ ծխախոտի հոտը վրես շատա ազդում, զզզզզվում եմ:

[REAL_ist]

ընդհանրապես դեմ եմ ծխելուն
բայց հարցին պատասխանելով կասեմ աղջկիների համար՝ անթույլատրելի, հիմք է հանդիսանում նաև աղջկա մասին կարծիք կազմելուն
իսկ կանանց դեպքում ծխելը կարծիքի վրա ոչ մի կերպ չի ազդի
ես դեպքում կին ասածիս տարիքային ցենզը 30 անցն է

[Script]

Ընդհանրապես դեմ եմ ցանկացած տիպի կախվածության ու էդտեղ սեռը կաո չունի, կախվածությունը դա թուլությունա, լինի դա ծխածոտ, թմրադեղ կամ խաղամոլություն: Իսկ կոնկրետ կանակց ու աղջիկների ստաբիլ ծխելուն դեմ եմ քանի որ դա ինչպես արդեն նշվեց վատա ազդում երեխաների ճիշտ զարգացման վրա: Անձամբ ես փորձել եմ սիգարետ ու չեմ գտել դրա մեջ ոչ մի հաճելի բան, ընդամենը զզվելի ծուխ ու մուխ էր, որից ես խեղդվում էի ու աչքերս էլ ցավեցին, մի խոսքով զզվելի բանա աղջիկներ ջան եթե չեք փորձել խորհուրդ չեմ տալիս

[քաղաքացի]

Իմ համար մեկ է, թե աղջիկը ծխում է կամ չի ծխում: Ի վերջո, ծխախոտի վրա երբեք չի գրվել, որ ծխելը աղջիկներին չի թույլատրվում: Ծխախոտ վաճառողը աղջիկներին չի կորող չվաճառել այն, նույնիսկ եթե նա դեմ է ծխախոտին:

Աղջիկները, ինչպես և տղաները, նույնքան վնասվում են ծխելուց, սակայն ինչո՞ւ պետք է տարբերություն դրվի 2-ի միջև: Քանի որ Հայաստանում տղաները սովոր չեն ծխող աղջիկ տեսնել և անմիջապես մտածում են, որ այդ ծխող աղջիկը «փչացածի մեկն է», դրա համար էլ ասում են, որ աղջիկը պետք չէ ծխի:

Ծխելը մարդու մոտ սկսում է փոքր ժամանակվանից, երբ «արգելված պտուղը միշտ էլ քաղցր է լինում» սկսում են փորձել և հետո սովորություն են ձեռք բերում այն անել ավելի հաճախ: Դա հատկապես լինում չարաճիճի երեխաների մոտ: Աղջիկներն էլ են չարաճիճի լինում, բայց քանի որ կին արմատը համեմատաբար ավելի քիչ է ծխում քան տղան, ապա հենց այդ պատճառով էլ հետաքրքրություն չի առաջանում ծխախոտ փորձելը:
Ընդհանուր առմամբ, եթե ընտանիքում ծխող չկա (հազվադեպ պատահող բան), ապա շատ հավանական է, որ այդ ընտանիքի երեխաներն էլ հետաքրքրված չլինեն ծխախոտով: Այսինքն երեխան կարող է ծխախոտի մասին իմանա միայն դրսում ուրիշ ծխողների տեսնելով:
Ցավոք սրտի հայերը շատ են ծխում ու դա փոխանցվում է սերնդից սերունդ:

Վերադառնամ աղջիկներին: Մարդ կա, որ իր սեփական երեխուն չի կարողանում արգելի ծխելը, ո՞ւր մնաց իր կնոջը կամ ընկերուհուն, որ հասակակից են, համոզի, որ չի կարելի ծխել: Ավելի է դժվարանում այն համոզել, երբ դու ինքդ ես ծխող: Երեխային կարող ես հասկացնել, ջղայնանալով իր վրա, որ ծխել չի կարելի: Ընդհանրապես երեխաները չեն կարող հակաճառել ծնողներին: Բայց եթե ընկերուհուդ ես ասում, որ չծխի, այն ժամանակ եթե դու ծխող ես, ապա նա չի թողնի ծխելը, որովհետև ոչ մի պատճառաբանություն չունես և շատ հանգիստ կարող է ինքը քեզ նույն բանն ասել:
Այլ հարց է, երբ ընկեր ընկերուհին ծխող են և իրար հետ «գռազ» են գալիս, որ չծխեն: Դա զուտ սիրո խաղեր են և ոչ ոք պարտվելու ցանկություն չունի: Այդ խաղը գալիս է մի աստիճանի, որ այլևս չեն դիմանում և 2-ով կորոշում են այլևս այդ խաղը չխաղան:

Աղջկան չեմ ծեծի, չեմ ջղայնանա, չեմ կոպտի, որ ինքը ծխում է: Իմ համար լրիվ մեկ է: Ոչ մի կերպ չեմ հասկանում, թե ինչո՞ւ աղջիկը իրավունք չունի ծխելու:
Բայց եթե առաջ է գալիս առողջության հարցը, ապա այդ դեպքում երկուսն էլ թե՛ տղան, թե՛ աղջիկը պետք է թողնեն ծխելը:

[Tig]

Ես ընդհանրապես դեմ եմ ծխել երևույթին, առավել ևս կանանց ու աղջիկների: մի ընկեր ունեմ նա է լավ ասում. «Համբուրվել ծխող կնոջ հետ, նշանակում է համբուրվել մոխրամանի հետ»
Չեմ ասում թե չեմ ծխել, մի 4-5 տարի ծխել եմ, բայց ես 4 տարի է թարգել եմ ու շատ ուրախ եմ դրա համար

[Աթեիստ]

Ըստ իս.
Տղամարդը ծխել սկսում է շրջապատի պարտադրանքի պատճառով:
Դպրոցական տարիքում ամեն տղա չի կարող դիմակայել դասարանցիների ակամա ճնշմանը:
Կինը ծխել սկսում է ուղեղի բացակայությամբ պատճառով: Առանց մեկնաբանությունների:

[dvgray]

Ում բերանում էլ ուզում է լինի ծխոխոտը, ծխախոտը չարիք է իսկ ծխելը՝ կատարյալ ապուշություն:

Հ.Գ. Ծխողի, այսինքն իմ, ինքնախոստովանանքից :

[Kita]

Ես ընդհանրապես դեմ եմ ծխել երևույթին, առավել ևս կանանց ու աղջիկների: մի ընկեր ունեմ նա է լավ ասում. «Համբուրվել ծխող կնոջ հետ, նշանակում է համբուրվել մոխրամանի հետ»

Արի մի լավ բան էլ ես ասեմ
Համբուրվել ծխող տղայի հետ. նշանակում է համբուրվել մոխրամանի հետ:

Ասածս ինչ է, երևի թե ծխող տղա համբուրվողները շատ ավելի շատ են, էլ չասեմ, որ ծխող աղջիկները ավելի շատ են մտածում իրենց բերանից ծխի հոտ չգալու մասին, տղաների մոտ դա գրեթե բացակայում է:
Այնպես որ մի բան ասելուց առաջ բոլոր հնարավոր տարբերակները իմի բերեք, և մեկ-մեկ էլ աղջիկներին բանի տեղ դրեք և հաշվի առեք, որ նրանք ավելի շատ են այդպիսի իրավիճակներում գտնվում:

Ասեմ, որ Քաղաքացու հետ համաձայն եմ, առավել ևս առողջության պահով:

[Lapterik]

Չեմ սիրում ծխախոտի ու ոչ միայն դրա ծուխը, հեչ չեմ սիրում որ մարդիկ ծխում են, լինի աղջիկ, թե տղա: Տղայի վրայից որ ծխի հոտ եմ առնում, կողքից կարողա փախնեմ: Չնայած ծխող աղջիկ ծանոթներ չունեմ, բայց ստեղ ճիշտ նշվեց իրանք կամ նենց ծխախոտ են ծխում, որ հոտ չի գալիս, կամ էլ իրանց հետևում են: Ամեն դեպքում առաջին հերթին առողջությանը էնքան վնասա, երանի թե իրականում պատկերացնեինք, թե ինչ թանկա առողջությունը, ավելի թանկա պահպանելը, նենց որ մի ծխեք էրեխեք ջան: Համ էլ ավելի հաճելի ա օծանելիքի նուրբ հոտ գա, քան ծխի ::

[Ուլուանա]

Ասեմ, որ Քաղաքացու հետ համաձայն եմ, առավել ևս առողջության պահով:

Իսկ ես համաձայն չեմ հենց առողջության առումով։ Նախ, որքան գիտեմ, ծխելը կանանց օրգանիզմի վրա ընդհանուր առմամբ ավելի վատ է անդրադառնում, քան տղամարդկանց, բացի դրանից, ինչպես արդեն նշվեց, տղամարդը չի հղիանում ու ծննդաբերում, այդ պարտականությունն ու առաքելությունը կնոջն է պատկանում, իսկ հղիության շրջանում ծխելը կարող է ճակատագրական հետևանքներ ունենալ ապագա երեխայի ձևավորման ու զարգացման գործում։ Սա, կարծում եմ, նորություն չէ ու ապացուցման կարիք չունի։

Եվ հետո զուտ գեղագիտական տեսակետից կնոջ ծխելն ավելի տգեղ կարելի է համարել, քանի որ կինն ի սկզբանե զուգորդվում է գեղեցկության, նրբության հետ, ինչը պիտի որ ներառի նաև նրանից արձակվող հոտի գեղեցկությունը։ Եթե գեղեցիկ կնոջից ծխախոտի զզվելի հոտ է գալիս, համաձայնեք, որ դա գոնե որոշ չափով նվազեցնում է նրա գեղեցկությունը, եթե գեղեցկություն հասկացությանն ավելի լայն տեսանկյունից նայենք, այսինքն՝ չսահմանափակվենք զուտ տեսողականով։ Ի՞նչ խոսք, շատ տհաճ է նաև, երբ այդ հոտը գալիս է տղամարդուց, անձամբ ինձ համար անչափ զզվելի է, երբ որևէ մարդու վրայից ծխախոտի ու ծխի հոտ է փչում։ Բայց համարում եմ, որ եթե տղամարդու դեպքում դա տհաճ է, ապա կնոջ դեպքում կրկնակի տհաճ է։ Սա իմ ընկալումն է, կարող եք և չհամաձայնել։

Իսկ մնացած առումներով տղամարդու և կնոջ ծխելու մեջ տարբերություն չեմ տեսնում։ Համենայնդեպս, իրավունքների առումով։ Մեկ էլ նյարդայնանում եմ, երբ ասում են. «Հայ կնոջը վայել չէ և այլն»։ Ինձ համար նման հարցերում ազգությունն ընդհանրապես կապ չունի. երբ խոսքը որևէ բացասական երևույթի մասին է, ապա դեմ եմ ու բացասաբար եմ վերաբերվում ցանկացած դեպքում ու անկախ ազգային պատկանելությունից։ Այսինքն՝ համարում եմ, որ ծխելը ընդհանրապես վայել չէ մարդ արարածին, իսկ եթե այս ասածիցս ոմանք կարող է կառչեն ու հարցնեն՝ իսկ կենդանիներին վայե՞լ է, ապա միանգամից ավելի ընդհանրացրած ասեմ, որ, ըստ իս, ծխելն ընդհանրապես վայել չէ որևէ շնչավոր արարածի, որոշ դեպքերում՝ նաև անշունչ։

Կանանց դեպքում մի սուբյեկտիվ մոտեցում էլ ունեմ. երբ իմանում եմ, որ այսինչ կինը կամ աղջիկը ծխում է, տվյալ անձնավորությունը՝ անկախ իր բարոյական ու ընդհանրապես մարդկային արժանիքներից, ակամա որոշ չափով աչքիցս ընկնում է, շատ քիչ, բայց հաստատ ինչ–որ բան փոխվում է։ Կրկնում եմ՝ սա իմ զուտ սուբյեկտիվ վերաբերմունքն է ծխող կանանց նկատմամբ, այն որևէ տրամաբանական ու օբյեկտիվ բացատրություն չունի։ Ես անընդհատ փորձում եմ այդ զգացողությունից ազատվել, առաջընթաց կա, բայց դեռ չեմ ազատվել։

[Goga]

Ուլուանայի գրածին ամբողջովին համամիտ եմ Դեռ փոքր հասակից, երբ ինչ որ կին էի տեսնում ծխելուց, ակամա ինձ համար նա դառնում էր որևէ հեքիաթի չար պառավը

Կանանց դեպքում մի սուբյեկտիվ մոտեցում էլ ունեմ. երբ իմանում եմ, որ այսինչ կինը կամ աղջիկը ծխում է, տվյալ անձնավորությունը՝ անկախ իր բարոյական ու ընդհանրապես մարդկային արժանիքներից, ակամա որոշ չափով աչքիցս ընկնում է:

Ինքս էլ ունեմ այդպիսի մոտեցում, միայն մի տարբերությամբ, իմ աչքից ընկնում է ոչ թե որոշ չափով, այլ լիովին

[Ֆելո]

ինչ կապ ունի մարդու լավ կամ վատ ըլնելը իրա ծխել կամ չծխելու հետ՞՞՞. մարդը մարդ ըլնի, ինչքան ուզումա թող ծխի. էդ մեկ... երկրորդը. չեմ ուզենա որ ապագա կինս ծխի, բայց եթե իմանամ ծխումա հաստատ իրանից չեմ հրաժարվի. ուզումա ծխի, թող ծխի ԲԱՅՑ մի քանի պայմաններով. հղի ժամանակ անգամ թող չմտածի ծխելու մասին, ու ընդհանրապես մարդկանց մոտ թող չծխի. բայց ոչ թե նրա համար, որ դիմացինը կարողա վատ բան մտածի, այլ ուղղակի դիմացինին կարողա տհաճա ծուխը(ես ինքս էլ փորձում եմ մարդկանց մոտ չխել)...