Կրթություն արտասահմանում, ինչի՞ց սկսել...

[StrangeLittleGirl]

Պարտադիր չի լավ բան լինի: Ես հենց վատ կողմերն եմ ուզում իմանամ Ինչքանո՞վ արժի հույս կապել իրա հետ.

Չարժի: Ես դիմել եմ, լավ էր՝ զուգահեռ ուրիշ ծրագրերի էլ էի դիմել: Ճիշտ ա՝ իմ հարցը մի քիչ այլ էր, որովհետև անգլալեզու ծրագրի էի դիմել, իսկ իմ փաստաթղթերն ամեն կերպ ասում էին, որ ես ոչ միայն գերմաներեն չգիտեմ, այլև չեմ էլ ուզում իմանալ, ու դա միակ պատճառն էր, որ մերժեցին (որովհետև պատճառների հսկայական ցուցակ են ուղարկում, թե ում են առավելություն տալիս, մնացած բոլոր հարցերում ես ունեի էդ առավելությունները): Բայց կողքից շատ եմ լսել, որ Երևանից ինչ ասես չեն անում իրենց ծանոթներին անցկացնելու համար: Ամեն դեպքում, ապացույց չունեմ, որևէ բան չեմ կարող ասել:

[Stranger_Friend]

Չարժի: Ես դիմել եմ, լավ էր՝ զուգահեռ ուրիշ ծրագրերի էլ էի դիմել: Ճիշտ ա՝ իմ հարցը մի քիչ այլ էր, որովհետև անգլալեզու ծրագրի էի դիմել, իսկ իմ փաստաթղթերն ամեն կերպ ասում էին, որ ես ոչ միայն գերմաներեն չգիտեմ, այլև չեմ էլ ուզում իմանալ, ու դա միակ պատճառն էր, որ մերժեցին (որովհետև պատճառների հսկայական ցուցակ են ուղարկում, թե ում են առավելություն տալիս, մնացած բոլոր հարցերում ես ունեի էդ առավելությունները): Բայց կողքից շատ եմ լսել, որ Երևանից ինչ ասես չեն անում իրենց ծանոթներին անցկացնելու համար: Ամեն դեպքում, ապացույց չունեմ, որևէ բան չեմ կարող ասել:

Չորս կողմից ասում են, որ գերմաներեն իմացողի համար շատ դռներ են բացվում: Դե ես որ օտար լեզու չգիտեմ, պիտի ընտրություն կատարեմ անգլերենի ու գերմաներենի միջև, մեկը սովորեմ արտասահմանում հավանական կրթություն ստանալու համար: Խորհուրդ են տալիս գերմաներենը, ասում են շատ ավելի հեշտ կլինի ու ԴԱԱԴ-ն էլ գերմաներեն տիրապետողի համար շատ բան է անում: Ուրիշ ծրագրեր գիտե՞ք գերմաներենի հետ կապված, ես բժշկական գծով եմ ուզում: Անգլերեն հիմա շատ տիրապետող կա, ես էլ եմ կածում գերմաներենով ավելի հեշտ կլինի, չգիտեմ.

[ivy]

Քանի որ արդեն վեց տարուց ավել է, ինչ Գերմանիայում եմ, հաստատ կարող եմ ասել, որ լավ կլինի՝ գերմաներենով անցնես ուսումդ:
Ես ինքս անգլերենով եմ սովորել էստեղ, բայց իմն էնպես էր, որ չէի կարծում՝ կմնամ Գերմանիայում, մտածում էի՝ անգլիալեզու երկիր կգնամ ուսումիցս հետո: Բայց քանի որ մնացի էստեղ, հասկանում եմ, թե ինչքան հեշտ կլիներ ամեն ինչ, եթե գերմաներենի իմացությամբ եկած լինեի, ու ուսումս էլ էդ լեզվով լիներ:

Եթե մտածում ես գաս սովորես ու գնաս էստեղից, ապա անգլերենը երևի ավելի լավ տարբերակ է, որովհետև անհամեմատ հեշտ լեզու է՝ համեմատած ծանր գերմաներենի հետ: Բայց եթե մտածում ես ուսումիցդ հետո մնալ ու աշխատել էստեղ, ապա քեզ ավելի հեշտ կլինի, եթե ուսումդ գերմաներենով անցած լինես: Գերմաներենի իմացությունը շատ-շատ կարևոր է, եթե մնալու ես էս երկրում:

Հիմա Դաադ-ի կապակությամբ: Ես ինքս Դաադ-ով չեմ գնացել: Ինքնուրույն գտել եմ համալսարանը, ուղարկել փաստաթղթերս, ընդունվել ու գնացել սովորելու (ինքնաֆինանսավորմամբ), ոչ մի կրթաթոշակի չեմ դիմել: Բայց ինչ խոսք, կրթաթոշակով գնալն ավելի լավ է, որովհետև ոչ մի ֆինասնական խնդիրների չես հանդիպի, քեզ համար հանգիստ կսովորես, փողդ էլ կստանաս: Ուղղակի կրթաթոշակ ստանալը հեշտ չի. պիտի լավագույնների մեջ լինես կամ առնվազն քեզ էդպիսին ներկայացնել կարողանաս:
Երևանում կա Դաադ-ի գրասենյակ, կարող ես գնալ մի օր, հարցուփորձ անել, հասցեն՝ Սարմենի 82, հեռ.՝ 010 58 25 15:

Կրթաթոշակի համար պիտի երկու գործղություն կատարես՝ նախ համալսարան գտնես ու դիմես էնտեղ, ապա առանձին դիմես նաև Դաադ-ին: Այսինքն՝ փաստաթղթեի երկու փաթեթ պիտի սարքես՝ մեկը համալսարան ընդունվելու համար, մյուսը՝ կրթաթոշակ ստանալու համար:

Եթե մի քիչ անգլերեն կամ գերմաներեն գիտես, կարող ես նայել Դաադ-ի կայքը. վերևում կարող ես ընտրել, թե որ լեզվով ես ուզում կարդալ: Էնտեղ շատ օգտակար ինֆորմացիա կա. կարող ես գտնել քո ուզած ֆակուլտետները՝ ըստ քո մասնագիտության և նայես, թե ինչ պայմաններ ունեն ընդունվելու համար, ինչ լեզու են պահանջում և այլն:

Եթե մենակ հայերեն գիտես, ապա նայիր Դաադ-ի հայաստանյան գրասենյակի պաշտոնական կայքը, էնտեղ լիքը ինֆորմացիա կա քեզ հետաքրքրող կրթաթոշակների մասին: Թեև ամեն դեպքում, խորհուրդ կտամ, մի հատ գնալ իրենց գրասենյակը ու խոսել հետները կոնկրետ քո դեպքի մասին:
Եթե էլի հարցեր ունենաս Գերմանիայում բուհ գտնելու, ընդունվելու, սովորելու կամ ընդհանրապես՝ էստեղ ապրելու մասին, կարող ես իմեյլիս գրել՝ iparika(շնիկ)gmail(կետ)com

[syunie]

Ժողովուրդ ջան, ես DAAD-ով եմ եկել Գերմանիա, եթե հարցեր ունենաք դիմեք:

[Stranger_Friend]

Ժողովուրդ ջան, ես DAAD-ով եմ եկել Գերմանիա, եթե հարցեր ունենաք դիմեք:

Ես դիմել եմ, ուղղակի նամակով: Եթե դժվար չէ, այդպես զրուցենք. հա՞

[syunie]

Ես դիմել եմ, ուղղակի նամակով: Եթե դժվար չէ, այդպես զրուցենք. հա՞

Էսօր կարդացել եմ նամակդ, դեռ էդ նամակագրությունից գլուխ չեմ հանում, բայց ամենաուշը մինչև վաղը կպատասխանեմ:

Եթե դեմ չես, կարող եմ հարցերիդ ստեղ պատասխանել, ինձ թվում ա շատերին օգտակար կլինի:

Հ.Գ. Այվի ջան, շնորհակալ եմ

[syunie]

1.Դուք գերմաներենո՞վ եք գնացել, եթե այո, ի՞նչ մակարդակի վրա պիտի լինի լեզուն ու ձեր կարծիքով քանի՞ տարում է հնարավոր վարժ տիրապետել:

Ես գերմաներենով եմ գնացել, ու իմ կրթաթոշակը DAAD-ն ու OSI-ն (Open Society Institute) համատեղ էին ֆինանսավորում: Էդ ծրագիրը DAAD-ն երկու տարին մեկ ա առաջարկում ու հատուկ հումանիտար մասնագիտությունների համար ա: Էդ ծրագիրը մի շարք առանձնահատկություններ ունի. նախ ամեն տարի մագիստրատուրայի համար DAAD-ն մոտ 4 կրթաթոշակ ա հատկացնում Հայաստանին, ու ընդհանուր կարծիք կա, որ եթե տեխնիկական մասնագիտություն ունես, շանսերդ ավելի մեծ են, իսկ էս ծրագիրը մոտ 12 կրթաթոշակ ա տրամադրում ու հատոուկ հումանիտար մասնագիտություններին (տնտեսագիտություն, պատմություն, քաղաքագիտություն, միջազգային հարաբերություններ և այլն): Էս ծրագրի դեպքում համալսարանի ընտրության հարցում մի քիչ սահմանափակված ես, որովհետև քեզ համալսարանների ցանկ են տալիս ու դրանց մեջից պետք է ընտրություն կատարես: Կրթաթոշակի դիմելու նախնական պայման էր տվյալ ֆակուլտետից գրավոր համաձայնություն ստանալը, որ քո տվայլները համապատասխանում են իրենց պահանջներին: Ու ավելին ասեմ, իմ տարում էդ 12 հոգուց մեծամասնությունը անգլերենով էր եկել:

Լեզվի հարցում չեմ կարող ասել, թե ինչքան ժամանակում ա հնարավոր վարժ տիրապետել, որովհետև էդ յուրաքանչյուրի մոտ տարբեր ա: Բայց Այվին ճիշտ ա նշել, որ եթե Գերմանիայում հետագայում աշխատելու նպատակ ունես, գերմաներենի իմացությունը ցանկալի ա կամ էլ ժամանակի ընթացքում պետք է աշխատես սովորել, հակառակ դեպքում կդժվարանաս ինտեգրվել ստեղի հասարակությանը ու քեզ լավ չես զգա: Անգլերենով եկած երեխեքը էդ դժվարությունը շատ ավելի ուժեղ են զգում, քան մենք: Իսկ քանի որ իրենց խմբի բոլոր ուսանողներն իրար հետ անգլերեն են շփվում, գերմաներեն սովորելը մղվում ա երկրորդ պլան: Ու լեզուն սովորելու համար լրացուցիչ կուրսերին են գնում կամ ինքնակրթությամբ են զբաղվում: Ի դեպ, DAAD-ն իրա անգլիախոս կրթաթոշակակիրների գերմաներեին կուրսերը ստեղ վճարում ա: Բայց դիմելուց իհարկե լավ տպավորություն ա թողնում, երբ գոնե մի քիչ գերմաներեն գիտես:

Ի՞նչ մրցույթ է անցկացվել կրթաթոշակի համար՝ գերմաներենի ստուգո՞ւմ, թե՞ այլ:

Գերմաներենով եկողները սկզբում իրենց թղթերն են հանձնում, ու եթե գերմաներենի նորմալ ատեստատ չունես, ապա սկզբի համար օնլայն թեսթ ես հանձնում, որը էդքան էլ դժվար չի, որ գոնե քո լեզվի գիտելիքների մասին պատկերացում ունենան, իսկ հետո եթե թոշակը ստանում ես, ուսումից առաջ, եթե անհրաժեշտություն կա, քեզ ուղարկում են լեզվի կուրսերի, որը ավարտելուց հետո պետք է թոյֆլի կարգի քննություն հանձնես (կոչվում ա DSH), ու որոշակի մակարդակի դեպքում համալսարանում ստանում իրավունք ես ստանում: Իսկ նրանք, ովքեր Գյոթեի ինստիտուտի դիպլոմ ունեն կամ Հայաստանում գերմաներենի ֆակուլտետում են սովորել, ոչ մի լեզվի քննություն չեն հանձնում: Արդեն երկու տարի ա Երևանում Գյոթեի ինստիտուտ բացվել ա, ու հնարավոր ա տեղում կուրսերի հաճախել ու քննություն հանձնել: Հայաստանում միակն ա, որի սերտիֆիկատը գերմանական համալսարանները ընդունում են:

Իսկ անգլերենով դիմողները ամենաուշը մինչև հարցազրույցի օրը պետք է թոյֆլի սերտիֆիկատ ներկայացնեն:
Իսկ մրցույթը հետևյալ կերպ ա ընթանում. թղթերի հանձնում, ու եթե հետո քեզ հրավիրում են հարցազրույցի, որը իհարկե գերմաներենով կամ անգլերենով ա, հարցազրույց ու վերջ

Ի դեպ, DAAD-ն տարբեր մասնագիտությունների համար լիքը ուրիշ ծրագրեր ա ունենում, պարզապես պետք է հետևես իրենց կայքի նորություններին կամ էլ իրենց գրասենյակ խորհրդատվության գնաս:

Էսօր էսքանը, եթե էլի հարցեր ունես, գրի: