Ամանորյա Զվարճանքներ

[Janita Hero]

Շուտով Ամանոր է:
Առաջարկում եմ այստեղ գրել գաղափարներ /իդեաներ/, թե ինչպես և/կամ որտեղ կարելի է անցկացնել Ամանորը և Սուրբ Ծնունդը՝
1.ընտանիքում
2.ընկերների հետ
3.աշխատավայրում

Կամ առհասարակ ինչպե՞ս եք երբևէ անցկացրել, որ կարող եք պատմել ու դա օգտակար լինի ակումբցիներին:

Շնորհակալություն

[Chilly]

Միանշանակ այն կարծիքին եմ, որ պետք է տանն անցկացնել, հարազատների շրջապատում, իսկ այ 12.10-ից սկսած՝ արդեն քեֆ - ուրախություն ընկերների հետ, այցելում եք բոլորի տները, գիշերվա միլիոնին գժություններ եք անում փողոցում, հետո այցելում եք ընկերուհուն (եթե արդեն ձեր հետ չէ), նրանց տանը ձեզ լուրջ եք պահում (ինչքան հնարավոր է), ու ձեր հետ վերցնում եք միայն այն ընկերոջը, որն ամենից քիչ է խմած:
Առավոտյան ժամը 16.00-ին արթնանում եք ինչ-որ տեղ, ու մինչեւ կորոշեք ձեր գտնվելու վայրը, նորից քնում եք... էս էլ ձեզ Ամանոր

[Vive L'Armenie]

Իհակե այդ ժամին պարտադիր տանը՝ ընտանիքի հետ... Այնուհետև ժամը 1-ի կողմերը հարազատների տուն՝ շնորհավորելու (եթե հնարավոր է , որովհետև այստեղ սայլուտների տեղը մեքենաներն են պայթեցնում ), այնուհետև տանից մի կերպ փախչել դուրս գալ քաղաք զվարճանալու և վայելելու դրսային Ամանորը `դեպի սահադաշտ

[Fobus]

Մինչև ժամը 2-ը տնեցիների հետ, իսկ հետո ընկերների հետ գնում ենք քաղաքից դուրս ու այդ ժամանակ նոր սկսվում ա ամեն ինչ

[FactorX]

Վերջին երկու տարին - Զորամասում

[Janita Hero]

Վերջին երկու տարին - Զորամասում

Երբեք չեմ դիմավորել զորամասում, երևի անկրկնելի ա չէ՞ եղել

[Amaru]

Առաջ չէի սիրում էս տոնը… Ու թեկուզ իմ համար էլ երբեք առանձնակի ուրախ չի անցնի, բայց էս տարի սպասում եմ… Տոնածառ չեմ սիրում, տոնական շքեղ սեղանն էլ ինձ հազար տարի պետք չի… Ինձ իմ սիրելիների ներկայությունն ա պետք, ինչը լիովին ապահովելը անհար ա…
Ուզում եմ հենց էդ գիշերը ձյուն գա… ու մեկ էլ… ուզում եմ, որ մենակ լինեմ, որ հանգիստ լացեմ:

[Janita Hero]

Ինձ համար ամենատխուրն այն է, երբ որոշ մարդիկ ստիպված են լինում համ աշխատել, համ նոր տարի դիմավորել

Օրինակ մենք մի տարի (հայր,մայր, քույր, եղբայր) դիմավորեցինք 2-ով՝ ես և քույրս, քանի որ մերոնք՝ընտանիքի մյուս մասը աշխատում էր.

Փառք Աստծո, որ այս տարի տենց չի լինի, ասեմ ավելի , նույնիսկ ավելի լավ կլինի, քանի որ քույրս էլ , եղբայրս էլ ամուսնացել են, ու աըս տարին նրանք բոլորն էլ մեզհետ են դիմավորելու .
Պատկերացնու՞մ եք: Այժմ կլինենք 8 հոգով (քույրիկիս բալիկն էլ մեզ հետ)