Սրամտքեր

[Ռեդ]

Կյանքն ուղղակի հիասքանչ է, եթե չհիշես անցյալն ու չմտածես ապագայի մասին:
-
Օպտիմիստը կասի, որ շիշը կիսով չափ լի է, պեսիմիստը կասի, որ շիշը կիսով չափ դատարկ է, իսկ ռեալիստը կվազի խանութ հաջորդի ետևից:
-
Երբ զրուցում են երկու տղամարդ, նրանք խոսում են ամեն մեկն իր մասին, իսկ երբ զրուցում են երկու կին, նրանք խոսում են երրորդի մասին:
-
Եթե դուք մոլորվել եք տայգայում, ապա բղավեք՝ ինչքան ուժ ունեք: Դա անելով դուք չեք թողնի, որ կարմիր գրքում գրանցված ուսուրիական վագրը մեռնի:
-
Խելոք կինը երբեք չի կրկնում ուրիշի հիմարությունները` խելոք կինն ընդունակ է մտածել սեփականները:

[Ռեդ]

Շատ արագ ինտերնետն այն է, երբ ֆայլն ավելի հեշտ է նորից քաշել, քան թե այն գտնել կոշտ սկավառակի վրա:

[Ուլուանա]

Ոչինչ այնքան չի օգնում գիտակցելու, թե որքան անիմաստ հիմարություն կա ուղեղում, որքան խաչբառ լրացնելը։

[Սամսար]

«Ադոբ»-ը «Ֆոթոշոփ»-ում հատուկ հայերի համար նոր օպցիա ա դրել՝ «էպիլեյշն»։

[terev]

Ասա ով՞ է թեմայի հեղինակը, ասեմ ինչպիսի թեմա է:

[Ուլուանա]

Ասա ով՞ է թեմայի հեղինակը, ասեմ ինչպիսի թեմա է:

Իսկ ես էսպես կասեի. ասա՝ ինչ է թեմայի վերնագիրը, և ես կասեմ, թե ով է այն բացել ։

[Ռեդ]

Ասա՝ ինչ քեռի ես դու, ասեմ՝ քրոջդ երեխեքն ինչ շակալադ պիտի ուտեն:

[Ռուֆուս]

Ասա՝ ինչ քեռի ես դու, ասեմ՝ քրոջդ երեխեքն ինչ շակալադ պիտի ուտեն:

Հակառակն ավելի լավն ա

Ասա եղբորդ երեխեքն ինչ շոկոլադ են ուտում, կասեմ, ինչ հոպար ես դու

[Ռեդ]

Ասա՝ ինչ մեքենա է վարում դասախոսդ, կասեմ, թե որերորդ լիկվիդ կհասցնի քեզ:

[CactuSoul]

Երբ օրենք ենք խախտում, մեզ տույժի են ենթարկում, երբ ճիշտ ենք վարվում, մեզնից հարկ են գանձում:

[CactuSoul]

Իսկական ընկերներին գնել հնարավոր չէ, բայց հնարավոր է ծախել:

***
Դեղերն իսկապես օգնում են ապրել, հատկապես դրանց վաճառքով զբաղվողներին:

***
Եթե տղամարդը անշունչ առարկայի մեջ տեսնում է մերկ կին, ուրեմն նկարիչ է: Եթե տղամարդը մերկ կնոջ մեջ տեսնում է անշունչ առարկա, ուրեմն նրա ամուսինն է:

***
Անհանգստությունը երևակայության սխալ կիրառումն է:

***
Երկրի ձգողականության ուժը ամենահստակը զգացվում է առավոտյան, երբ պառկած ես անկողնուդ:

***
Հարգելի՛ հյուրեր, ի՜նչ ափսոս, որ վերջապես գնում եք…

***
…Առավոտյան կարճ վերարտադրեցի երեկվա սեղանի պարունակությունը…

***
Խուճապը սկսվում է առաջին մարդուց, ով ասում է՝ «Հանգի՜ստ»:

[CactuSoul]

Միայնակությունն այն է, երբ ուրախանում ես եկած սպամից:

***
Խելացի կնոջը հաճոյախոսությունները ծառայում են տղամարդուն գնահատելու համար, հիմարին՝ ինքնագնահատականի:

***
Նա, ով ջրից միշտ չոր է դուրս գալիս, երբեք մաքուր չի լինում:

***
Նախագահների ու նախարարների ստերը բացահայտելն անհարմար է: Ավելի նպատակահարմար է դրանք պետական գաղտնիք դարձնել:

***
Մեղք է տրվել ձանձրույթին, երբ կան ուրիշ մեղքեր:

***
Մտածեք: Դա կզբաղեցնի ձեզ, քանի դեռ համակարգիչն անջատված է:

***
Ինչ հիմարություն էլ որ գա մարդու մտքին, կգտնվի նրա գոնե մեկ համախոհ:

***
Ընկերները մարդիկ են, ովքեր քեզ լավ են ճանաչում, բայց, միևնույն է, սիրում են:

***
Ոմանք ուրախություն են բերում՝ ուր էլ որ գնան, իսկ ոմանք՝ որտեղից էլ որ գնան:

***
Եթե մետրոյի կողքով անցնելիս քեզ գարեջրի դատարկ շիշ են մեկնում, ժամանակն է մտածել նոր կոստյում ունենալու մասին:

***
Որոշ մարդիկ մյուսներից զգալիորեն ուշ են առաջացել կապիկներից:

***
Մարդը թեյնիկից տարբերվում է նրանով, որ կարող է եռալ հենց միայն այն մտքից, որ իրեն ուզում են տաքացնել:

***
Ուսանողական իմաստություն. գիտության ծարավը հագեցնելու լավագույն միջոցը գարեջուրն է:

[CactuSoul]

Ցանկացած ժամանակաշրջանի մարդու հետաքրքիր է՝ «իսկ մեր փողով ինչքա՞ն կլիներ Հուդայի ստացածը»…

[CactuSoul]

Մարդը կենդանուց տարբերվում է ոչ միայն խելքով, այլև խելահեղությամբ:

***
Ինչքան շատ գիտելիք ես ստանում, այնքան քիչ ժամանակ է մնում դրանք կիրառելու համար:

***
Սովորելը, ինչպես բուժվելը, երբեք ուշ չէ: Միայն թե երբեմն անօգուտ է: (մի դասախոսի մտորումներից)

***
Ոչինչ այնպես չի գցում ձեր մեքենայի գինը, ինչքան այն վաճառելու փորձը:

***
Այն, ինչ դատավորի համար կաշառք է, փաստաբանի համար հոնորար է:

***
Օղին միայն սկզբում է թանկ, հետո արդեն գինը կարևոր չի:

***
Ամերիկացիները աշխատում են, եթե վճարվում են լավ: Հայերն աշխատում են, եթե վճարվում են՝ լավ է:

***
Փորձառությունն այն է, ինչ մարդուն թույլ է տալիս սխալ գործելիս ասել՝ «ես այդպես էլ գիտեի»:

[Askalaf]

Մի վիճիր նրա հետ ով քո համեմատ կես լիտրի տարբերություն ունի։

***

Եթե վախենում ես չաղանալուց, ուրեմն ուտելուց առաջ 100գրամ օղի խմիր։ Այն կսպանի քո վախը։

***

Ինչքան մեծ է կնոջ կուրծքը, այնքան դժվար է մտապահել նրա դեմքը։

***

Կյանքը նման է 100 մետրանոց վազքին, ինչքան շատ շտապես, այնքան շուտ կհասնես վերջնակետին։

***

Շիկահերները շների հակառակ տեսակն են։ Շները ամեն ինչ հասկանում են, բայց խոսել չեն կարողանում...