«Քաղաքականության» բաժնի փակվել/չփակվելու հարցը

[Ձայնալար]

Դեմ եմ փակելուն:
Ինչպես արդեն նշվեց, պետք է խստացնել վերահսկողությունը՝ առաջարկում եմ արգելել ոչ միայն վիրավորական, այլ նաև հուզական, չհիմնավորված, ոչ տրամաբանական դոգմատիկ բնույթի գրառումները, քանի որ դրանք չեն օգնում մեզ մոտենալ ճշմատրությանը, այլ ընդամենը գրառումների աղբակույտ են ստեղծում:

Բոլորին խորհուրդ եմ տալիս անմիջապես չսեղմել «պատասխանել» կոճակը, եթե դուք նյարդայնացած եք:

[Vive L'Armenie]

Միանշանակ դեմ եմ, քանի որ փակելուց հետո ակումբցիները միևնույն է չեն հանգստանա , բոլոր բաժինները կվերածվեն քաղաքական խոսակցությունների անկյուն

[Artgeo]

իսկ եթե չնայած դիմացինիդ գռեհիկության շարունակում ես անծայրածիր գրառումներ անել

Մենք քիչ ենք, սակայն... Չէ, էս ուրիշ տեղից էր։ Հա, մենք քիչ ենք ու կորցնելու մարդ չունենք։ Որքան էլ իմ դիմացինը ծայրահեղական լինի ու որքան էլ վիրավորական խոսքեր գրի իմ հասցեին, միևնույն է նա հայ է ու իմ եղբայրն ու բարեկամն է։ Մենք կորցնելու մարդ չունենք, չունենք թշնամիներ ազգի ներսում։ Անձնական նեղացվածությունը չպիտի լինի հիմք գլոբալ մասշտաբներում նեղացած լինելու։ Որքան էլ ներսում իրար ուտենք, միևնույն է նույն դիրքորոշումը ունենք Եղեռնի, Արցախի հարցերում։ Միայն լուծման ուղիներն են տարբերվում։ Սա է, ուրիշ ոչինչ։

[Armeno]

Իսկ ես առաջարկում եմ փակել բոլոր թեմաները, որոնք վերաբերվում են ընտրություններին, և ավելի ուժեղացնել հսկողությունը

[Chuk]

Հաշվի առնելով քվեարկության արդյունքները գոնե առայժ բաժինը չի փակվի:
Ի դեպ զարմանալի էր մի քանի բողոքավորների դիրքորոշումը, բայց հասկանալի:
Թեմայի բոլոր գրառումներից կպատասխանեմ միայն այս մեկին.

Chuk, կարող եք բաժնի կանոնները, հենց միայն Քաղաքականության ավելի խստացնել, ավելացնել մոդերների քանակը, մտցնել նոր կանոններ...այսինքն, եթե տեսնում եք խնդիր կամ ճգնաժամ, փորձեք այն լուծել։ Փակելը ամենաարմատական, և կացնային որոշումն է, որը այսպես թե այնպես կա։ Գուցե արժե մտածել, ինչպես ճգնաժամը կառավարելի դարձնե՞լ...սա էլ կարող է Ակումբի առաջին լուրջ փորձությունը լինել...հետո հպարտանալու առիթ կունենանք

Ներկա պահին անձամբ ես հնարավորություն չունեմ կառավարել այդ բաժինը: Միաժամանակ դա չի կարող անել ArtGeo-ն, քանի-որ նրա ցանկացած գործողություն իր քաղաքական հայացքները չկիսողների կողմից դիտվում է որպես կարծիքը դիմացինի վզին լծակները կիրառելով փաթաթում, ինչը, մեղմ ասած, ամենևին չի համապատասխանում իրականությանը: Բաժինը կառավարելի չի դարձնի Ուլուանան, քանի-որ այն իրեն բնավ չի հետաքրքրում, կառավարելի չի դարձնի Network.am-ը, քանի-որ այդքան ժամանակ չունի այն կառավարելի դարձնելու: Նույն կերպ բաժինը կառավարելի չեն կարող դարձնել Philosopher-ն ու Մելիքը՝ նույնպես ժամանակի սղության պատճառով:

Հետևաբար այս դժվար գործը հիմնականում կմնա նոր մոդերատորի (մոդերատորների) ուսին:

Այստեղ ինձ ամենից շատ հուզող հարցը բողոքավորների կրքերի հանդարտեցումն է: Բերեմ փոքրիկ վիճակագրական տվյալ: Բաժնին հետևողներից, գրառումները ջնջող, խմբագրողներից են եղել.
Մելիք (Լևոն Տեր-Պետրոսյանի հակառակորդ)
Philosopher (Լևոն Տեր-Պետրոսյանի հակառակորդ)
Network.am (Լևոն Տեր-Պետրոսյանի հակառակորդ)
Artgeo (Lևոն Տեր-Պետրոսյանի համակիր)
Chuk (Լևոն Տեր-Պետրոսյանի համակիր)

Ու անկախ նրանից, թե այս անդամներից ո՞վ է ջնջել կամ խմբագրել Լևոն Տեր-Պետրոսանի հակառակորդների գրած հակականոնադրական գրառումը, որոշակի խմբի կողմից դա անմիջապես պիտակավորվել է որպես «Լևոնական» բռնապետություն ու այդ զրույցներն անգամ դուրս են եկել «Դար» ակումբի շրջանակներից, հանգրվանել այլ ֆորումներում, այլուր: Ես չեմ ընդունում այս տարանջատման ձևը, չեմ ընդունում այս ագրեսիան, զայրանում եմ այդ ակումբցիների վարքի վրա: Որպես օրինակ կարող եմ ասել, որ հաճախ իմ «քաղաքական հակառակորդների» կոպիտ խախտումներով գրառումներն անտեսել եմ, չեմ կատարել զգուշացումներ, չեմ ձեռնարկել քայլեր՝ լրացուցիչ լարվածություն չմցնելու համար: Փորձը ցույց է տալիս, որ սխալ եմ արել:

Ես նոր մոդերատոր(ներ)ից պահանջելու եմ գործել անաչառ, հաշվի չառնելով քաղաքական հայացքները, հետևելով կանոնադրությանը: Դրանից հետո ցանկացած բողոքավոր, անկախ իր քաղաքական հայացքներից, «Քաղաքականություն» բաժնից արգելափակվելու է: Այդ բաժնից արգելափակվելու են նաև բոլոր նրանք, ովքեր կկատարեն վիրավորական գրառումներ, կզբաղվեն քարոզչությամբ, կամ կկատարեն այլ կանոնադրական խախտումներ:

Ես ինքս կհրաժարվեմ բաժնի քննարկումներին մասնակցելուց, որպեսզի որևէ մեկն այդ բաժնում ադմինիստրատորի ներկայությունից կաշկանդված չզգա, ինչպես պնդում են ոմանք, բայց շարունակելու եմ ժամանակիս ներածին չափով հետևել բաժնին, կատարել բոլոր անհրաժեշտ գործողությունները, եթե նույնիսկ տեսնեմ, որ ոմանք կրկին «վայնասուն» են բարձրացնելու ու կանոնադրական զգուշացումը փորձեն բերել քաղաքական հայացնքների տարբերության դաշտ:

Իսկ այսօր կբացվի քվեարկություն ու ակումբի անդամներին իրենք, իրենց առաջարկած թեկնածուներից կընտրեն մոդերատոր կամ մոդերատորներ, որոնց անշահախնդիր աշխատանքի տված արդյունքից էլ կախված կլինի քաղաքականություն բաժնի բաց լինել/չլինելու հարցը:

[Artgeo]

Artgeo (Lևոն Տեր-Պետրոսյանի համակիր)

Ես Լևոն Տեր-Պետրոսյանի համակիր չեմ

[Vishapakah]

Մելիք (Լևոն Տեր-Պետրոսյանի հակառակորդ)
Philosopher (Լևոն Տեր-Պետրոսյանի հակառակորդ)
Network.am (Լևոն Տեր-Պետրոսյանի հակառակորդ)
Artgeo (Lևոն Տեր-Պետրոսյանի համակիր)
Chuk (Լևոն Տեր-Պետրոսյանի համակիր)

Ճիշտն ասած չգիտեի, որ Փիլիսոպան մեր կողմից է.

[Սերխիո]

կամ Քաղաքականության բաժինը փակեք, կամ էլ 1-2 մոդերատոր էլ ավելացրեք , P.S.-ը որքան նկատել եմ ուշ-ուշ ամտնում ,մենակ Բագրատն էլ չի հասցնի :

[Մարկիզ]

կամ Քաղաքականության բաժինը փակեք, կամ էլ 1-2 մոդերատոր էլ ավելացրեք , P.S.-ը որքան նկատել եմ ուշ-ուշ ամտնում ,մենակ Բագրատն էլ չի հասցնի :

Ընկեր, այնուամենայնիվ համաձայնվիր ,որ թեման միայն մի նպատակ ունի...

[Ahik]

Chuk ջան եթե հնարավոր է չփակել, ապա մի փակիր

[Սաքուլ]

Փակել!

[Մարկիզ]

Խնդրում եմ մի փակեք:Ուղղակի եթե հնարավոր է մի թույլատրեք,որ ակնհայտ սադրանք կամ սեւ pr պարունակող արտահատություններով թեմաներ ու գրառումներ կատարվեն:Վերջիվերջո նրանց ցանկությունը բոլորիս պարզ է ,որ բանավիճելը չէ...

[Kuk]

Սերխիոն ճիշտա ասում. կարելի ա մոդերատոր ավելացնել, եթե իհարկե հնարավոր ա, բայց փակել պետք չի

[Սաքուլ]

Խնդրում եմ մի փակեք:Ուղղակի եթե հնարավոր է մի թույլատրեք,որ ակնհայտ սադրանք կամ սեւ pr պարունակող արտահատություններով թեմաներ ու գրառումներ կատարվեն:Վերջիվերջո նրանց ցանկությունը բոլորիս պարզ է ,որ բանավիճելը չէ...

Դա հնարավոր չի: Քաղաքականությունը ներառում է սադրանք, սև փիար ու այլ ուրիշ բաներ...

[Սերխիո]

Ընկեր, այնուամենայնիվ համաձայնվիր ,որ թեման միայն մի նպատակ ունի...

եթե նկատի ունես,որ էս `«Քաղաքականության» բաժնի փակվել/չփակվելու հարցը , թեման մի նպատակ ունի ,ես էլ առաջարկում եմ այլընտրանքը :