Ֆուտբոլի աշխարհի առաջնություն 2010

**Ապե Ջան** · 14.06.2010, 00:46

Գերմանիա - Ավստրալիա 4:0
Գոլերը՝ Պոդոլսի 8, Կլոզե 27, Մյուլլեր 70, Կակաու 90

**Life** · 14.06.2010, 00:50

Գերմանիա - Ավստրալիա խաղը հլը որ ամենալավն ու ամենադիտարժանն էր

**Ապե Ջան** · 14.06.2010, 00:53

Life-ի խոսքերից

Գերմանիա - Ավստրալիա խաղը հլը որ ամենալավն ու ամենադիտարժանն էր

Հա իրոք որ
չեմ նայել, բայց գոլերը նոր Youtube-ով նայեցի, դիտարժան հանդիպում:
Էս տարի Գերմանացիք էլ են լուրջ մրցակաից լինելու Ագենտինային կամ Իսպանիայիս

**Ապե Ջան** · 14.06.2010, 08:36

Յոթ խաղում անըդնմեջ Մունդիալին ներկայացված հավաքականները չէին կարողանում նույնիսկ միահամուռ ուժերով մեկ մրցավեճում երկու գոլից ավել խփել: Անկեղծ ասած, նախադրյալներ չկային, որ կհաջողվի նաև Գերմանիա - Ավստրալիա մրցավեճում: Ենթադրվում էր, որ ֆավորիտը կվատնի այնքան ուժ, որքան բավարար է «կենգուրուների» երկրի ներկայացուցչին հաղթելու համար, իսկ դիտարժանությունն ու Գերմանիայի ֆուտբոլի հավաքականը մինչև հիմա շատերի համար դիտարկվում են` որպես հականիշներ:

Սակայն այստեղ են ասում` «սառույցը կոտրվեց»:

Գերմանիան ֆավորիտների ցանկում երրորդը մտավ մրցապայքարի մեջ, և, անկասկած, գերազանցեց իր խաղով նախորդ երկու «հավակնորդներին»: Ի դեպ, բոլոր առումներով: Դե թող հիմա ասեն այն բոլոր չարակամները, որ Գերմանիան նման է մեքենայի, իսկ ֆուտբոլիստները` «ռոբոտների», որոնք դաշտում կատարում են միայն «վերևից» տված հրահանգները և նույնիսկ հաղթնակից հաճույք չեն ստանում:

Մեզեւտ Օզիլի ֆուտբոլային ինտելեկտը, Սամի Խեդիրայի տեխնիկան, Բաստիան Շվայնշտայգերի նրբագեղությունն ու Մյուլերի աշխատասիրությունը. ահա Բունդեսմանշաֆտի առաջին մրցավեճում ցուցադրած փայլուն խաղի գրավականը:

Իհարկե, Յոահիմ Լյովի թիմին շատ գովաբանելը դեռ վաղ է, քանզի մրցակիցն «ընդամենը» Ավստրալիան էր, սակայն գերմանացիների կազմը պետք է որ ուրախացնի ֆուտբոլ խաղի բոլոր սիրահարներին: Այսօր նույնիսկ երևանյան բուքմեյքերական ընկերություններում հավաքված երկրպագուներն էին ցնծում: Այսօր ուրախանում էր ֆուտբոլային ողջ աշխարհը (իհարկե, գեղեցիկը գնահատող): Առաջին անգամ այս առաջնությունում գեղեցիկ ֆուտբոլը հաղթեց պրագմատիկ ու ռազմավարական խաղին:

Ավստրալիայի որակների մասին խոսելը շատ դժվար է: Կարելի է միանշանակ պնդել, որ կարգապահությունն այս թիմում կաղում է: Այլ կերպ չի կարելի բացատրել թիմի առաջատար Թիմ Կեյհիլի անհասկանալի պասիվ խաղն առաջին կեսում ու անհսականալի կոպտությունը` երկրորդում: Պաշտպանությունում խնդիրներ ևս կան, ինչը չորս անգամ ապացուցեցին գերմանացիները: Ամեն դեպքում, որակել էլ նրանց` որպես խմբի միանշանակ ետնապահներ, կլինի նույնպես շատ սուբյեկտիվ: Գանան ու Սերբիան դեմ հանդիման մրցավեճում նույնպես չտպավորեցին, իսկ ո՞վ ասեց, որ կտպավորեն ավստրալիացիների դեմ:

Գերմանիա - Ավստրալիա` 2:0

Գոլերը` 1:0 - Պոդոլսկի (8), 2:0 - Կլոզե (27), 3:0 - Մյուլեր (67), 4:0 - Կակաու (70)

Մրցավար` Մարկո Ռոդրիգես (Մեքսիկա)

Գերմանիա` Նոյեր, Լամ, Մերտեզակեր, Ֆրիդրիխ, Բադշտուբեր, Խեդիրա, Շվայնշտայգեր, Մյուլեր, Պոդոլսկի (Մարին, 68), Օզիլ (Գոմես, 73), Կլոզե, (Կակաու, 68):

Ավստրալիա` Շվարցեր, Ուիլկշիր, Նիլ, Մուր, Չիպերֆիլդ, Վալերի, Գրելա (Հոլման, 46), Էմերտոն (Ժեդինակ, 73), Կուլինա, Գարսիա (Ռուկավիցա, 64), Կեյհիլ:

Հեռացում` Կեյհիլ (56)

Աղբյուրը

**Արծիվ** · 14.06.2010, 08:37

Գերմանիան լավ խաղաց իսկ Ավստրալիան խաղում էր չամից դուրս թույլ ֆուտբոլ: Գանան կմորթի Ավստրալիային իսկ դրանից հետո Սերբիայի հետ նրանց խաղը արդեն կարևորություն չի ունենա: Ցավում եմ բայց Ավստրալիան շուտ կլքի Աֆրիկան:

**Ապե Ջան** · 14.06.2010, 08:42

Ֆուտբոլի աշխարհի 19-րդ առաջնության մասնակից 32 հավաքականներում հայտավորված 736 ֆուտբոլիստներից ամենաբարձրահասակը Սերբիայի ընտրանու հարձակվող Նիկոլա Ժիգիչն է (202 սմ): Նա 2006թ. աշխարհի առաջնությունում էլ չեխ Յան Կոլերի և ավստրալացի Ժելկո Կալաչի հետ ամենաբարձրահասակն էր: 2 մետրից բարձր հասակ ունի նաև անգլիացի հարձակվող Պիտեր Կրաուչը (201 սմ): Ամենացածրահասակ ֆուտբոլիստն անգլիացի Արոն Լենոնն է (165 սմ):

Դարպասապահներից ամենաբարձրահասակը հույն Կոնստանտինոս Խալկիասն է (198 սմ), ամենացածրահասակը'գանացի Սթիվեն Ախորլուն և հոնդուրասցի Նոել Վալյադարեսը (179 սմ): Ինչպես և նախորդ առաջնությունում, այս անգամ էլ միջին հասակով ամենաբարձրահասակը Սերբիայի հավաքականն է (185,96 սմ), որին ընդամենը 0,7 սմ-ով են զիջում հույները: Ամենացածրահասակը Չիլիի հավաքականն է (176,48 սմ):

Առաջնության ամենաերիտասարդ ֆուտբոլիստը դանիացի հարձակվող Քրիստիան Էրիկսոնն է (14.02.1992), որը մրցաշարի բացման օրը 18 տարեկան 3 ամսական 28 օրական էր: Ամենատարեցն Անգլիայի հավաքականի դարպասապահ Դևիդ Ջեյմսն է (01.08.1970)' 39 տարեկան 10 ամսական 10 օրական: Հոլանդիայի հավաքականի դարպասապահ Սանդեր Բոշկերը 39 տարեկան 7 ամսական 22 օրական է:

Միջին տարիքով ամենատարեցն Անգլիայի (28,65), Բրազիլիայի (28,61) և Ավստրալիայի (28,44) հավաքականներն են: Ամենաերիտասարդ հավաքականներն են Գանան (24,13), Հարավային Կորեան (24,70) և Գերմանիան (24,96):

Բոլորից շատ ֆուտբոլիստներ (14) Հարավաֆրիկյան Հանրապետություն է գործուղել իսպանական "Բարսելոնը": Նրանցից 8-ը հանդես են գալիս Իսպանիայի հավաքականում, 2-ը կրում են Ֆրանսիայի ընտրանու մարզաշապիկը, մեկական ներկայացուցիչ էլ "Բարսելոնն" ունի Արգենտինայի, Բրազիլիայի, Կոտ դ'Իվուարի և Մեքսիկայի հավաքականներում: "Լիվերպուլից" և "Չելսիից" առաջնությունում հայտավորված են 12-ական ֆուտբոլիստներ, "Բավարիայից"' 11, "Արսենալը", "Պանատինաիկոսը", Մադրիդի "Ռեալն" ու "Ինտերը" ներկայացված են 10-ական ֆուտբոլիստով:
32 հավաքականներում հայտավորված 736 ֆուտբոլիստներից 119 հանդես են գալիս Անգլիայի առաջնությունում, 84-ը' Գերմանիայում, 80-ը' Իտալիայում, 60-ը' Իսպանիայում, 45-ը' Ֆրանսիայում:

Անգլիայի, Գերմանիայի և Իտալիայի հավաքականներում ընդգրկված են բացառապես այդ երկրների ակումբներում հանդես եկող ֆուտբոլիստները: Իսպանիայի և Հարավային Կորեայի հավաքականներում միայն 3-ական ֆուտբոլիստներ են այլ երկրներում հանդես գալիս: Իսկ ահա Նիգերիայի հավաքականի բոլոր 23 ֆուտբոլիստներն էլ խաղում են արտերկրի ակումբներում: Ավստրալիայի, Կամերունի և Կոտ դ'Իվուարի ընտրանիներում տեղացի մեկական ֆուտբոլիստ է ընդգրկված:

Հավաքականում խփած գոլերի քանակով լավագույն ցուցանիշն ունի հոնդուրասցի Կառլոս Պավոնը (57 գոլ): 51-ական գնդակ են խփել ֆրանսիացի Թյերի Անրին և դանիացի Յոն Դալ Թոմասոնը: Հետաքրքիր է, որ աշխարհի չեմպիոն Իտալիայի հավաքականում հայտավորված ֆուտբոլիստները միասին միայն 7 գոլ են ավել խփել Պավոնից:

Միջին արդյունավետությամբ լավագույնը բրազիլացի Լուիս Ֆաբիանոն է'0,69 գոլ (25 գոլ 36 խաղում): Նրան հաջորդում են հարավկորեացի Չոն Տե Սեն' 0,66 (14:21), կոտդ,իվուարցի Դիդյե Դրոգբան'0,65 (44:67) և իսպանացի Դավիթ Վիլյան'0,64 (37:57):

Բոլորից շատ' 133 գնդակ է գրանցված Գերմանիայի հավաքականի ֆուտբոլիստների հաշվին: 4 գոլ պակաս են խփել անգլիացիները: 3-րդ ցուցանիշն ունեն ԱՄՆ-ի ֆուտբոլիստները' 128 գոլ: Բոլորից քիչ (43) գոլ են խփել Սլովենիայի հավաքականի խաղացողները:

Առաջնության մասնակիցներից ազգային հավաքականում բոլորից շատ խաղ է անցկացրել կամերունցի Ռիգոբեր Սոնգը (137): 133 խաղի է մասնակցել իտալացի Ֆաբիո Կանավարոն, 130' հյուսիսկորեացի Լի Վուն Ջեն: 100-ից ավելի խաղեր են անցկացրել նաև ամերիկացի Լենդոն Դոնովանը '124, ֆրանսիացի Թյերի Անրին' 121, մեքսիկացի Կուատեմոկ Բլանկոն' 119, ճապոնացի Եսիկացու Կավագուտին' 116, մեքսիկացի Հերարդո Տորրադոն' 115, կամերունցի Ժերեմի Նժիտապը' 114 և հյուսիսկորեացի Լի Յուն Պեն' 112:

Հ.Գ էլի Ռեալը զիճումա Բարսային

**Rammstein** · 14.06.2010, 13:19

Վաղուց Գերմանիային սենց գեղեցիկ խաղալիս չէի տեսել, ապրեն, անմոռանալի գրոհներ էին զարգացնում: Ճիշտ ա` Ավստրալիան շատ թույլ էր խաղում, + դրան 10 հոգով մնալը, բայց ուզում եմ հավատալ, որ Գերմանիայի խաղի դիտարժանությունը կպահպանվի նաեւ դժվար մրցակիցների հետ խաղալիս:

**Ապե Ջան** · 14.06.2010, 14:25

Adidas ընկերության ներկայացուցիչ Տոմաս Շայկվանը հայտարարել է, որ 2010թ. աշխարհի առաջնության մասնակիցները կշարունակեն խաղալ Jabulani գնդակով, նույնիսկ չնայած արդեն մի քանի անգամ կոպիտ սխալներ գործած դարպասապահների քննադատությանը:

«Մենք գոհ ենք այդ գնդակից, և չեմ կարծում, որ նրա պատճառով Ռոբերտ Գրինը գոլ բաց թողեց ԱՄՆ-ի հետ մրցավեճում: Ընդհակառակը, եթե նայենք, ապա այս պահի դրությամբ որոշ դարպասապահներ առաջնության գլխավոր աստղերն են: Նիգերիայի, ԱՄՆ-ի ու ՀԱՀ-ի դարպասապահները դարձան հանդիպումների գլխավոր հերոսներ` հասցնելով անել մի քանի գերազանց «սեյվեր»: Այնպես որ Jabulani գնդակը թույլ է տալիս դարպասապահներին ցուցադրել իրենց վարպետությունը:

Առայժմ ընդամենը մի քանի խաղ է կայացել, և մենք չենք դժգոհում նոր գնդակից: Խաղացողները նույնպես հարմարվում են նրան: Ինչ վերաբերում է քննադատներին, ապա մեր ընկերությունը գնդակներ է արտադրում 1963 թվականից: Jabulani-ն լավագույնն է, ինչ մենք երբևիցե ստեղծել ենք»,- Շայկվանի խոսքերը մեջբերում է Football 365-ը:

Աղբյուրը