Ֆրանսիայի հավաքականի ավագ Պատրիս Էվրայի կարծիքով` ուրուգվայցիների հետ զրոյական ոչ ոքին ստիպում է ֆրանսիացիներին հաղթել Մեքսիկայի հավաքականին թիմային մրացաշարի հաջորդ հանդիպման ժամանակ, հայտնում է АР-ը:



Էվրայի կարծիքով` մեքսիկացիների հետ մրցավեճը, ովքեր ևս ոչ ոքիով են ավարտել իրենց մեկնարկային խաղը (1:1), առանցքային նշանակություն է ստացել: Եթե ֆրանսիացիներին հաջողվի հաղթել այս հինգշաբթի, ապա նրանք մի մեծ բեռ կգցեն իրենց ուսերից:

«Մենք չենք ուզում վերջին թիմային հանդիպումն անցկացնել լարված վիճակում`գիտակցելով, որ պետք է անպայման հաղթենք», - նշել է Էվրան:

Մեքսիկայի հետ խաղից հետո (հունիսի 17) ֆրանսիացիմերը կմրցեն ՀԱՀ-ն հավաքականի հետ (հունիսի 22):

Աղբյուրը

---------- Ավելացվել է՝ 15:13 ---------- Սկզբնական գրառումը՝ 15:11 ----------



Նիգերիայի հավաքականի գլխավոր մարզիչ Լարս Լագերբակը 2010թ. Մունդիալի շրջանակներում կայանալիք Արգենտինայի հետ հանդիպումից առաջ հայտարարել է, որ իրեն ընդհանրապես չի հետաքրքրում «ալբիսելեստեի» գլխավոր մարզիչ Դիեգո Մարադոնայի կարծիքը Նիգերիայի հավաքականի մասին, տեղեկացնում է իսպանական Marca պարբերականը:

Նշենք, որ դոն Դիեգոն նիգերիական թիմին անվանել էր շատ կոպիտ և խնդրել էր հարգել արդար խաղը:

«Ինձ ընդհանրապես չի հետաքրքրում Մարադոնայի կարծիքը մեր թիմի և, ընդհանուր առմամբ, այս դիմակայության մասին»,- շվեդ մասնագետի խոսքրեը մեջբերում է championat.ru-ն:

Աղբյուրը

---------- Ավելացվել է՝ 15:14 ---------- Սկզբնական գրառումը՝ 15:13 ----------

Գելզենկիրխենի «Շալկեի» գլխավոր մարզիչ Ֆելիքս Մագատը հայտարարել է, որ չի հետևելու ՀԱՀ-ում անցկացվող աշխարհի առաջնության բոլոր հանդիպումներին:

Ըստ մարզչի, դա այն իրադարձությունը չէ, որը կարող է լիովին գրավել նրա ուշադրությունը:

«Աշխարհի առաջնությունն ինձ այնքան չի հետաքրքրում, որպեսզի ես ամբողջ օրն անցկացնեմ հեռուստացույցի առջև` հետևելով իրադարձությունների զարգացմանը:



Ես ցանկանում եմ աշխատել, մարզել և զարգացնել ֆուտբոլիստներին, այլ ոչ թե ժամանակ անցկացնել հեռուստացույցի առաջ: Այսինքն, ես ցանկանում եմ ապրել ֆուտբոլով»,- Մագատի խոսքերը մեջբերում է sport1.de-ն:

Ֆելիքս Մագատը նաև նշել է, որ Գերմանիայի ազգային ընտրանու գլխավոր մարզչի պաշտոնն այն նպատակը չէ, որին նա ձգտում է:

Աղբյուրը