Յոհան Կրոյֆը չի հավատում անգլիացիների հաղթանակին
09:55 08.06.2010
«Բարսելոնայի» պատվավոր նախագահ Յոհան Կրոյֆը վստահ չէ, որ Անգլիայի հավաքականին լուսավոր ապագա է սպասվում ՀԱՀ-ում կայանալիք աշխարհի առաջնությանը: Նա ֆավորիտների թվին է դասում Իսպանիայի և Բրազիլիայի հավաքականները, հաղորդում է Eurosport.ru-ն:
«Գերմանիայում կայացած աշխարհի առաջնությանում ոչ այնքան հաջող ելույթից հետո անգլիացիները ծարավ են իսկական դիտարժան ֆուտբոլի, բայց ես չեմ հավատում, որ Ֆաբիո Կապելոն և իր սաները նման տոն կնվիրեն հանրությանը: Անգլիացիներին միայն արդյունքն է հետաքրքրում, և դրանով նրանք նմանվել են իտալացիներին», - նշել է 63-ամյա հոլանդացին The Mirror-ի հետ հարցազրույցում:
Առաջիկա աշխարհի առաջնությանը «Ոսկե գնդակի» եռակի հաղթողը ֆավորիտ է համարում Իսպանիայի և Բրազիլիրայի հավաքականներին. «Եթե Վիսենտե դել Բոսկեի թիմը հավատարիմ մնա իր խաղաոճին, ապա մեծ հաջողության կհասնի: Ինչ վերաբերվում է Բրազիլիային, ապա պետք է ասեմ, որ այդ թիմը ունի շատ ամուր պաշտպանություն և լավ դարպասապահ: Բրազիլացիները գրեթե վերածվել են եվրոպական թիմի: Ես նույնիսկ կարծում եմ, որ այս առաջնությանն իրական բրազիլական ֆուտբոլ ցուցադրելու են ոչ թե նրանք, այլ իսպանացիները»:
http://www.armsport.am/am/news/4/1/8977/
Մեջբերել
Էջանիշներ